Լրահոս

Թուրքմենստանի արտաքին գործերի նախարարության կողմից հրապարակված փաստաթղթի համաձայն՝ կողմերն ընդգծել են էներգետիկայի ոլորտում համագործակցության զարգացման կարևորությունը և նշել այս ոլորտում փոխգործակցության հատուկ նշանակությունը։

Քիչ առաջ արտակարգ դեպք է տեղի ունեցել Երեւանում։

Հունահռոմեական ոճի ըմբիշ Գասպար Տերտերյանը (72 կգ) ոսկե մեդալ է նվաճել Բուլղարիայում ընթացող աշխարհի մինչև 20 տարեկանների առաջնությունում: Այս մասին տեղեկացնում են ՀՀ կրթության, գիտության, մշակույթի և սպորտի նախարարությունից՝ նշելով, որ հայ ըմբիշը եզրափակչում առավելության է հասել Ուզբեկստանի ներկայացուցիչ, Ասիայի չեմպիոն Ահմադ Կոդիրովի նկատմամբ:

Օգոստոսի 22-ին, ավտովթար է տեղի ունեցել Արարատի մարզում: Ժամը 17:10-ի սահմաններում «Opel» մակնիշի ավտոմեքենան Երևան-Երասխ ավտոճանապարհի Արտաշատ քաղաքի մուտքի մոտ՝ կամրջի հարևանությամբ, դուրս է եկել երթևեկելի գոտուց, բախվել հողաթմբերին և քարերին ու հայտնվել ձորակում:  Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով վարորդը, ում առաջինը օգնության են հասել քաղաքացիները և ըստ քաղաքացիների հայտնածի՝ օպերատիվորեն ժամանած ՀՀ ներքին գործերի նախարարության փրկարար ծառայության Արտաշատի հրշեջ-փրկարարական ջոկատի փրկարարները, տեղափոխվել է «Արտաշատ» բժշկական կենտրոն, որտեղ անհրաժեշտ բուժօգնություն ստանալուց հետո տեղափոխվել է  Երևանի ՀՀ Պաշտպանության նախարարության «Մուրացան» զինվորական հոսպիտալ:    Վթարի փաստով քննչական վարչությունում նախաձեռնվել է քրեական վարույթ, որտեղ էլ պարզվում է վարորդի ինքնությունը:  Գ. Շամշյանի տեղեկություններով՝ վարորդը ծառայում է ՀՀ ՊՆ N զորամասում, նա սպա է:

ՀՀ պաշտպանության նախարար Սուրեն Պապիկյանն օգոստոսի 23-ին այցելել է հանրապետության հարավարևելյան սահմանագոտու պաշտպանությունն իրականացնող N զորամիավորման պահպանության տեղամասեր։ Ինչպես տեղեկանում է ՀՀ պաշտպանության նախարարությունից, նախարարը հետևել է ընթացող շինարարական լայնածավալ աշխատանքներին, ծանոթացել ծառայության կրման պայմաններին։ Շրջայցի ավարտին նախարար Պապիկյանը տվել է համապատասխան հանձնարարականներ ու ցուցումներ՝ աշխատանքները սահմանված ժամկետում և շինարարական նորմերի պահպանմամբ ավարտին հասցնելու վերաբերյալ։

Նիկոլ Փաշինյանի գլխավորությամբ ՔՊ-ականները քննարկել են արտահերթ խորհդարանական ընտրությունների հարցը, սակայն որոշել են գնալ հերթական ընտրությունների: Հաջորդ ամառ կշիկանան ընտրական կրքերը, բայց Փաշինյանն արդեն բացել է քարոզչական իր դրոշակը՝ Վաշինգտոնից է վերադարձել «խաղաղություն» անունով թղթով ու հայտարարել՝ 2026-ին ժողովուրդը պետք է ընտրի խաղաղության ու ոչ խաղաղության մեջ: Պոպուլիստական ու կեղծ են անվանում այս երկընտրանքը նրա քաղաքական ընդդիմախոսները, հորդորում մարդկանց ստի ոստայնը չընկնել ու ռեալ նայել քաղաքական դաշտին:

Կողմերը մտքեր են փոխանակել օգոստոսի 22-ին Աստրախանում Ռուսաստանի Դաշնության և Ադրբեջանի միջև տնտեսական համագործակցության միջկառավարական հանձնաժողովի վերջին նիստի վերաբերյալ և բարձր գնահատել դրա արդյունքները: Զրույցի ընթացքում մտքեր փոխանակվեցին նաև փոխադարձ հետաքրքրություն ներկայացնող այլ հարցերի շուրջ:

Անկախության հռչակագիրը մեր պետության ծննդյան վկայականն է, որի հանդեպ ոտնձգությունը հարձակում է պետականության հիմքերի վրա։ Անկախության հռչակագրի ընդունման 35-րդ տարեդարձին մարդիկ սարսափած արձանագրում են, որ ստիպված են սա բացատրել ոչ թե աշխարհին, այլ Հայաստանի իշխանությանը։

Ֆինլանդիայի նախագահ Ալեքսանդր Ստուբը հայտարարել է, որ երկրի կառավարության կողմից համապատասխան առաջարկի դեպքում, Հելսինկին կճանաչի Պաղեստինի Պետությունը։ 

Օգոստոսի 22-ին, ավտովթար է տեղի ունեցել Վայոց ձորի մարզում։ Ժամը 15։30-ի սահմաններում Երևան-Մեղրի ավտոճանապարհի 120 կմ հատվածում բախվել են «Mercedes» և «ՎԱԶ 2101» մակնիշի ավտոմեքենաները, ինչի հետևանքով 2 ավտոմեքենաներն էլ հայտնվել են երթևեկելի գոտուց դուրս։ Ինչպես հայտնում է ֆոտոլրագրող Գագիկ Շամշյանը, վթարի հետևանքով 2 հոգի մարմնական վնասվածքներով տեղափոխվել են «Եղեգնաձոր» բժշկական կենտրոն։ Վթարի փաստով քննչական վարչությունում նախաձեռնվել է քրեական վարույթ, որտեղ էլ պարզվում են վարորդների և վիրավորների ինքնությունը։

Հայլուր 20:30 Իրանի հուժկու զենքը. խաղի կանոն է փոխվում տարածաշրջանում

Մեր տեղեկություններով Վերին Լարսի անցակետից գյուղմթերքով, սալորով, դեղձով, խաղողով բեռնված հարյուրավոր մեքենաներ ետ են վերադառնում: Այս մասին ֆեյսբուքյան իր էջում գրել է ԱԺ «Հայաստան» խմբակցության պատգամավոր Գառնիկ Դանիելյանը։

Ուկրաինայի դրոշներով հակառուսական ակցիա են այսօր իրականացրել եվրոպամետ ուժերը Գյումրիի 102-րդ ռուսական ռազմաբազայի մոտ, ճիշտ է՝ նախատեսված ժամին ակցիան չի կայացել, որովհետև հակաակցիա անելու համար Գյումրի են շտապել նաև «Մայր Հայաստան» շարժման անդամները: Նրանք կարծում են՝ ռուսական ռազմաբազայի հեռացում են պահանջում նրանք, ովքեր ուզում են Հայաստան մտցնել թուրքական զորքը:

ՀՀ ԱԳՆ կենտրոնական ապարատի և դիվանագիտական ծառայության մարմինների ղեկավարների տարեկան աշխատաժողովին ընդառաջ առաջին կանգառը Վեդիի ջրամբարն էր՝ ծանոթանալու ՀՀ համար ռազմավարական ծրագրերից մեկի իրականացման ընթացքին։

«Ֆրանսիական կողմի նախաձեռնությամբ հեռախոսազրույց է տեղի ունեցել Ղազախստանի նախագահ Կասիմ-Ժոմարտ Տոկաևի և Ֆրանսիայի նախագահ Էմանուել Մակրոնի միջև։ Պետությունների ղեկավարները մտքեր են փոխանակել միջազգային օրակարգի հարցերի շուրջ՝ ՄԱԿ-ի 80-ամյակի նախօրեին»,-ասված է հաղորդագրության մեջ։

Այսօր անկախության հռչակագրի 35-ամյակն է, իսկ Հայաստանի գործող վարչապետը, որ միայն 2-րդ խմբագրման ժամանակ է հաջողում ճիշտ գրել հռչակագրի ընդունման տարեթիվը, փորձագետների համոզմամբ, կեղծագրում է պատմությունը, արժեզրկում պետականության հիմքերը: Օրվա ուղերձում Նիկոլ Փաշինյանը Հայաստանի հիմնադիր փաստաթուղթը Մոսկվայի հաշվարկած ծրագրի արդյունք է անվանել: Նրա քաղաքական ընդդիմախոսներն ապշած են՝ պրոադրբեջանական թեզերում Փաշինյանը գերազանցում է ինքն իրեն:

Հայաստանի վարչապետ Նիկոլ Փաշինյանն այցելել է «Մերիդիան» էքսպո կենտրոն, որտեղ նախատեսվում է անցկացնել Հայաստանում 2026 թվականին կայանալիք Կենսաբազմազանության մասին կոնվենցիայի կողմերի 17-րդ համաժողովը (COP17): ՀՀ վարչապետի աշխատակազմից հայտնում են, որ Նիկոլ Փաշինյանը շրջայցի ընթացքում ծանոթացել է կենտրոնի պայմաններին և տեխնիկական հնարավորություններին: Վարչապետին ներկայացվել են ենթակառուցվածքների և ծառայությունների մատչելիությունն ու համապատասխանությունն ապահովելուն ուղղված աշխատանքները, կենտրոնի շենքային, նախագծային և ինժեներատեխնիկական հնարավորությունները, ինչպես նաև համաժողովի անցկացման համար անհրաժեշտ ենթակառուցվածքների ձևավորման վերաբերյալ մասնագիտական առաջարկները։ Քննարկվել են COP17-ի արդյունավետ կազմակերպման և միջգերատեսչական համագործակցության ապահովման վերաբերյալ տարբեր առաջարկություններ: Նիկոլ Փաշինյանն ընդգծել է COP17-ը բարձր մակարդակով կազմակերպելու և անցկացնելու կարևորությունը՝ շեշտելով, որ այն ևս մեկ լավ հնարավորություն է միջազգային հանրությանը ներկայացնելու Հայաստանը՝ իր տնտեսական ու մշակութային հնարավորություններով: Նա պատասխանատուներին տվել է կոնկրետ հանձնարարականներ, որոնց կատարման ընթացքի վերաբերյալ պարբերաբար կանցկացվեն խորհրդակցություններ:

«Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանը ֆեյսբուքյան իր էջում գրում է․ «Մեր տարածաշրջանի համար օդի ջերմաստիճանը օգոստոսի 25-ից սեպտեմբերի 1-ը կանխատեսվում է նորմայից բարձր 1-3 աստիճան, իսկ սեպտեմբերի 1-ից սեպտեմբերի 8-ը նորմայից բարձր՝ 3-6 աստիճան: Կանխատեսումները՝ ըստ Եղանակի միջնաժամկետ կանխատեսումների Եվրոպական կենտրոնի (ECMWF)»։

– Ի վերջո, ինչու՞ մինչև 2020 թվականի սեպտեմբերը Հայաստանի Հանրապետությունը, մեր Կառավարությունը, ես՝ ինքս, չգնացինք զիջումների, ինչը 44-օրյա պատերազմից խուսափելու միակ տեսական հնարավորությունն էր։ Դրա առանցքային պատճառն այն էր, որ այդ զիջումների արդյունքում մեր ունեցած բոլոր սպառնալիքները և կախվածությունները մեծանալու էին, մեծանալու էին անհամաչափորեն՝ հանգեցնելով Հայաստանի անկախության և պետականության կորստի։

Հայլուր 18։30 Սև թուղթ կամ պարտվածի ուղերձ. ու՞մ համար է Փաշինյանի գրառումը