«Մոսկվա այցից առաջ ռուս բժիշկներ այցելել են Հայաստան՝ Նիկոլ Փաշինյանին»

Ռուսաստանի նախագահի խոսնակ Դմիտրի Պեսկովը հաստատել է, որ Մոսկվա այցից առաջ ռուս բժիշկներ են այցելել Հայաստան՝ Նիկոլ Փաշինյանին:

Պեսկովի խոսքով, բժիշկների մի խումբ էլ Բաքու՝ Ալիևին է այցելել: «Կոմերսանտ»-ի հետ զրույցում Պուտինի խոսնակը չի մանրամասնել, թե ինչ նպատակով էին բժիշկներն այցելել Երևան ու Բաքու, բայց հոդվածի հեղինակը եզրակացնում է, որ ռուս մասնագետները հազիվ թե վստահեին հայ և ադրբեջանցի բժիշկներին և անձամբ են կորոնավիրուսի ու հակամարմինների անալիզներ վերցրել Փաշինյանից ու Ալիևից:

Հիշեցնենք, որ Նիկոլ Փաշինյանի խոսնակը «Հայլուր»-ի հետ զրույցում կտրականապես հերքել էր այդ լուրը: «Ոչ մի օտարազգի բժիշկ վարչապետին չի հետազոտել»,- այցից երկու օր առաջ ասել էր Մանե Գևորգյանը: