Մակրոնը չի համաձայնել ռուսական գազի դիմաց վճարել ռուբլով

Ֆրանսիայի նախագահ Էմանուել Մակրոնը կարծում է, որ ռուսական գազի դիմաց ռուբլով վճարելու պահանջը չի համապատասխանում պայմանագրերին։

«Ռուսական գազը պետք է վճարվի պայմանագրերում համաձայնեցված արժույթով», - ԵՄ գագաթնաժողովից հետո ասել է Մակրոնը։

Ֆրանսիայի ղեկավարը հավելել է, որ «խոսքը եվրոյի մասին է»։

Մակրոնը նշել է, որ Եվրամիության առաջնահերթություններից է գազի գնի իջեցումը.

«Իրոք իրենց պաշտպանելու համար եվրոպական երկրները պետք է հասնեն գազի գնի իջեցման և Ռուսաստանից բացի նոր մատակարարներ գտնեն»։