Իրանը հերքել է Ռուսաստանին զենք մատակարարելու հերթական մեղադրանքները

Իրանի ԱԳՆ-ի պաշտոնական ներկայացուցիչ Նասեր Քանաանին հոկտեմբերի 17-ին հերքել Է վերստին ամերիկյան ԶԼՄ-ներում հայտնված տեղեկատվությունը ռուսական կողմին իրանական սպառազինության մատակարարումների մասին՝ Ուկրաինայի մարտական գործողություններում դրա օգտագործման համար, տեղեկացնում Է «Արմենպրես»-ը:

Հոկտեմբերի 17-ին Իրանի կողմից Ռուսաստանին սեփական արտադրության բալիստիկ հրթիռների իբր պլանավորվող մատակարարման մասին հաղորդել Է Washington Post թերթը: ԱՄՆ-ի հետախուզության պնդմամբ, որին վկայակոչում են լրագրողները, խոսքը փոքր հեռահարության Fatah-110 և Zolfgar հրթիռների խմբաքանակի մասին Է, որոնք կարող են թիրախը խոցել 300 և 700 կիլոմետր տարածության վրա: Հրատարակությունը պնդում Է, որ Իրանը նաև պատրաստում Է «լրացուցիչ» անօդաչու թռչող սարքերի մատակարարումներ Ռուսաստանին:

«Ցավոք, հրապարակվում են նորություններ, որոնք հետապնդում են քաղաքական նպատակներ և, հիմնականում, դրանք սնուցվում են տեղեկատվության արևմտյան աղբյուրների կողմից»,- Eqtesad News գործակալությունը մեջբերում Է Քանաանիի խոսքերը: Նա ասել Է, որ իրանական կողմը քանիցս նշել Է, որ հակամարտության որևԷ կողմին զենք չի արտահանել և չի արտահանելու:

«Ճիշտ այնպես, ինչպես Իրանը դեմ Է եղել պատերազմին Սիրիայում, Իրաքում և Աֆղանաստանում: Իրանի արտաքին քաղաքականությունը հիմնված Է պատերազմին հակազդելու վրա: Այսպիսով, Իրանը դեմ Է հանդես գալիս պատերազմին Ուկրաինայում: Դրա համար նա ներդնում Է ջանքեր՝ հենվելով իր հնարավորությունների վրա, որպեսզի վերջ դնի ռազմական գործողություններին»,-հավելել Է իրանցի դիվանագետը, հաղորդել Է ՌԻԱ Նովոստին: