Հայտնի է՝ ինչու է Հնդկաստանը Google-ին տուգանել է 113 միլիոն դոլարով

Հնդկաստանի հակամենաշնորհային կարգավորիչը տուգանել է Google Alphabet Inc.-ին 9,4 միլիարդ ռուփիի (113 միլիոն դոլար) չափով՝ Android-ի բջջային հավելվածների խանութում իր գերիշխող դիրքի «չարաշահման» համար։ Սա արդեն երկրորդ նման տուգանքն է մի քանի օրվա ընթացքում։

Հնդկաստանի մրցակցության հանձնաժողովը Google-ին հրահանգել է «դադարեցնել և հրաժարվել» հակամրցակցային գործելակերպից այն բանից հետո, երբ պարզել է, որ ընկերությունը «գերակայում է» սմարթֆոնների և հավելվածների խանութների համար հասանելի արտոնագրված օպերացիոն համակարգերի հնդկական շուկայում, «News.am»-ի փոխանցմամբ՝ գրում է Bloomberg-ը։

Կարգավորիչը նաև խնդրել է Google-ին չսահմանափակել հավելվածների մշակողներին երրորդ կողմի վճարումների կամ վճարումների մշակման ծառայություններից օգտվելը:

Google-ին կարգադրվել է հետևել ոչ խտրական քաղաքականության այլ հավելվածների համար, որոնք թույլ են տալիս վճարումներ կատարել կառավարության կողմից աջակցվող համակարգի միջոցով, որը հայտնի է որպես Unified Payments Interface կամ UPI։