Դուք կարողացաք աշխարհին լսելի դարձնել մեր ժողովրդի ամենակարևոր ուղերձը՝ մենք տեր ենք մեր Հայրենիքին. Սաղաթելյան

Հայի ոգին հնարավոր չէ կոտրել։ Մեր ժողովրդին անընդհատ փորձում են համոզել, իբր ամեն ինչ արդեն վերջացած է՝ Արցախը չկա, Հայաստանը լինելու է թուրքական միջանցք, իսկ մենք մշտապես մնալու ենք պարտված և ստորացված վիճակում, գրում է «Հայաստան» խմբակցության անդամ Իշխան Սաղաթելյանը։

«Բայց ջահերով երթի դուրս եկած մեր ազգը երեկ միանգամայն այլ ուղերձ հղեց աշխարհին՝ գրողի ծոցն ուղարկելով մեր ժողովրդի ու պետության դեմ դուրս եկած բոլոր ուժերին։

Շնորհակալ եմ մեր երիտասարդներին, մեր մտավորականությանը, Սփյուռքում, Հայաստանի ու Արցախի տարբեր անկյուններում ջահերով երթի դուրս եկած յուրաքանչյուր հայի։

Դուք կարողացաք աշխարհին լսելի դարձնել մեր ժողովրդի ամենակարևոր ուղերձը՝ մենք տեր ենք մեր Հայրենիքին»։