«Անվտանգությունն ապահովելու գործում Ռուսաստանը միշտ է աջակցել հայ ժողովրդին». Պուտինը՝ ՀԱՊԿ նիստում

Դիվանագիտական հեռակա խայթոցներից հետո տեսակապով այսօր իրար տեսել են Փաշինյանն ու Պուտինը: Պաշտոնական Երևանն այսօր կայացած ՀԱՊԿ խորհրդի առցանց նիստի մասին դեռ չի տարածել ոչ հաղորդագրություն, ոչ տեսանյութ: Կրեմլի տարածած տեսանյութում Ռուսաստանի նախագահի խոսքը կա: Պուտինը պնդել է, որ միշտ է աջակցել Հայաստանին անվտանգության ապահովման գործում: Նրա խոսքով՝ Բաքվի և Երևանի կողմից պայմանավորվածությունների հետևողական իրականացման շնորհիվ հնարավոր է հասնել կայուն խաղաղության։