Անարդարության զգացում չունեմ․ Հրաչյա Սարգսյանը՝ Տիգրան Ավինյանի մասին

Երևանի քաղաքապետ Հրաչյա Սարգսյանը լրագրողների հետ ճեպազրույցում ասել է․

«Իմ պաշտոնավարմանը դեռ 1.5 տարի կա, դրանից հետո պարոն Ավինյանի թեկնածությունն է առաջադրվելու որպես քաղաքապետի թեկնածու»։

Լրագրողի հարցին, թե անարդար չի համարում իր թիմի կողմից քաղաքապետի պաշտոնում իր փոխարեն Տիգրան Ավինյանի թեկնածության առաջադրումը, քաղաքապետը մշել է, որ անարդարության զգացում, որպես այդպիսին, չունի։

«Ես անհամաձայնություն չեմ հայտնել այդ հարցի վերաբերյալ, 5 տարի է՝ ես պաշտոնավարում եմ որպես քաղաքապետի առաջին տեղակալ, այդ հինգ տարին, կարծում եմ, բավարար էր, միգուցե այլ աշխատանքի անցնեմ»,- եզրապակել է Սարգսյանը։