Վրաստանի վարչապետ Իրակլի Կոբախիձեն մեկնել է Չինաստան

Վրաստանի վարչապետ Իրակլի Կոբախիձեն աշխատանքային այցով մեկնել է Չինաստանի Ժողովրդական Հանրապետություն: Նրան Շանհայի Հոնգցյաո միջազգային օդանավակայանում դիմավորել է Շանհայի փոխքաղաքապետ Սիե Տոնգը։ Այս մասին հաղորդում է Վրաստանի հանրային հեռարձակող ընկերությունը։

Չինաստանի պետական ​​խորհրդի վարչապետ Լի Ցյանի հրավերով Վրաստանի վարչապետը կմասնակցի Չինաստանի միջազգային ներմուծման ցուցահանդեսի բացման արարողությանը, որին Վրաստանն այս տարի մասնակցում է որպես պատվավոր հյուր։

Ինչպես հայտնում է աղբյուրը, Շանհայ այցի շրջանակներում Իրակլի Կոբախիձեն հանդիպում կանցկացնի Չինաստանի պետական ​​խորհրդի վարչապետի հետ։

Կոբախիձեին ուղեկցում են մի քանի նախարարներ և այլ պաշտոնյաներ։