Լրահոս

ՀՀ քննչական կոմիտեի Տավուշի մարզային քննչական վարչությունում քննվող քրեական գործով իրականացված քննչական և դատավարական այլ գործողությունների արդյունքում պարզվել են Տավուշի մարզի առաջին ատյանի ընդհանուր իրավասության դատարանի նկատմամբ անհարգալից վերաբերմունք ցուցաբերելու և իշխանության ներկայացուցչի նկատմամբ բռնություն գործադրելու դեպքի հանգամանքները: Քննությամբ ձեռք բերված փաստական տվյալների համաձայն՝ 2022թ. մարտի 4-ին՝ դատական նիստի ավարտից հետո, երբ դատավորը հրապարակել է խափանման միջոցն անձնական երաշխավորություններով փոխելու միջնորդությունը չբավարարելու մասին որոշումը, ամբաստանյալը հայհոյանքներ է հնչեցրել դատավորի հասցեին: Այնուհետև, երբ վերջինս դուրս է եկել, նույն դահլիճից լսվել են հայհոյանքներ, որոնք հնչեցրել են մի խումբ քաղաքացիներ, ինչից հետո վերջիններս փորձել են հարձակվել դատավորի վրա, որը կանխվել է դատական կարգադրիչների կողմից: Բացի այդ, երբ քաղաքացիները նիստերի դահլիճից դուրս են հրավիրվել, դատական նիստին մասնակցած նույն անձինք փորձել են ուժ գործադրելու միջոցով դատավորի հետևից բարձրանալ 2-րդ հարկ, որի ընթացքում նաև հայհոյանքներ են հնչեցրել: Ձեռք բերված բավարար ապացույցների համակցությամբ՝ ամբաստանյալին մեղադրանք է առաջադրվել՝ ՀՀ քրեական օրենսգրքի 343-րդ հոդվածի 3-րդ մասով, վերոնշյալ քաղաքացիներից երկուսին՝ ՀՀ քրեական օրենսգրքի 316-րդ հոդվածի 1-ին մասով և 343-րդ հոդվածի 3-րդ մասով, մեկին՝ ՀՀ քրեական օրենսգրքի 316-րդ հոդվածի 1-ին մասով: Քաղաքացիներից երկուսի նկատմամբ որպես խափանման միջոց կալանավորումն ընտրելու միջնորդությունը դատարանի կողմից բավարարվել է: Նախաքննությունը շարունակվում է:

ԱԺ արտաքին հարաբերությունների հանձնաժողովի նախագահ, «Քաղաքացիական պայմանագիր» խմբակցության պատգամավոր Էդուարդ Աղաջանյանն այս պահին քիչ հավանական է համարում Թուրքիայի կողմից Գյումրու 102-րդ ռազմաբազայի համար վտանգներ սպասելը։ Լրագրողն այսօր Աղաջանյանից հետաքրքրվեց՝ որպես ՆԱՏՕ-ի անդամ՝ Թուրքիայից սպառնալիք կամ վտանգ կարելի՞ է սպասել Հայաստանի համար Գյումրու ռազմաբազայի առումով. վերջինս նշեց, որ հարցը տալիս է ռուս-ուկրաինական պատերազմի համատեքսոտւմ։ «Տեսական վտանգներ միշտ կան, ես ռուս-ուկրաինական հարաբերություններում այս պահի ճգնաժամի հետ չէի կապի այդ վտանգները, համենայնդեպ, այս պահին։ Կարծում եմ՝ նման սցենար հնարավոր է, այս պահին, քիչ հավանական», - ասաց Աղաջանյանը։ Նա տեղեկացրեց, որ կապի մեջ է Ուկրաինայում Հայաստանի դեսպանի հետ, դեսպանությունն ակտիվորեն աշխատում է հայ համայնքի ներկայացուցիչների հետ, որ վերջիններիս անվտանգությունն ապահովվի։ «Այս պահին մեր դեսպանությունը տեղափոխվել է Լվով, քանի որ Կիևն այս պահին ռազմական գործողությունների կետերից մեկն է, որևէ ներկայացուցիչ հայ համայնքից, ով պատրատ է լքել տարածքը, բոլոր հնարավորությունները ստեղծված են արևմտյան կողմից վերադառնալ Հայաստան. մեր դեսպանությունն ամեն ինչ անում է, որ գործընթացը առավել հեշտ տեղի ունենա», - նշեց ՔՊ-ական պատգամավորը։

Netflix-ը, TikTok-ը և American Express-ը դադարեցնում են ծառայությունները Ռուսաստանում՝ Ուկրաինայի վրա հարձակման պատճառով։ TikTok-ն արգելափակել է նոր վիդեո հրապարակումները և ուղիղ հեռարձակումը՝ պարզաբանելով, թե այդպիսով ապահովում է իր աշխատակիցների և օգտատերերի անվտանգությունը և հետևում է Ռուսաստանում «կեղծ լուրերի» մասին նոր կանոնակարգերին։ Ռուսաստանի նախագահ Վլադիմիր Պուտինը մարտի 5-ին ստորագրել է օրենքը, համաձայն որի մինչև 15 տարվա ազատազրկում է սպառնում նրանց, ովքեր ​չեն պահպանի Կրեմլի գիծն ուկրաինական պատերազմի վերաբերյալ: American Express-ը, հետևելով Visa-ի, Mastercard-ի և PayPal-ի որոշումներին, նույնպես դադարեցնում է իր գործունեությունը Ռուսաստանում և Բելառուսում:

րևանի Դավթաշեն և Մալաթիա Սեբաստիա վարչական շրջաններում նոր ղեկավարներ են նշանակվել։ Այս մասին Երևանի քաղաքապետարանի գործակարգավարական խորհրդակցության ժամանակ հայտնեց քաղաքապետ Հրաչյա Սարգսյանը։ Դավթաշեն վարչական շրջանի ղեկավար է նշանակվել Ռոման Համբարձումյանը, իսկ Մալաթիա-Սեբաստիայում` Սաշա Կատվալյանը։ Երևանի քաղաքապետարանի աշխատակազմի գործերի կառավարման և սպասարկման վարչության պետ էլ նշանակվել է Հովհաննես Հովհաննիսյանը։ Հիշեցնենք, որ Մալաթիա-Սեբաստիա վարչական շրջանի ղեկավարը Դավիթ Կարապետյանն էր, որի լիազորությունները դադարեցվել են ընթացիկ տարվա հունվարից։ Ռոման Համբարձումյանն էլ եղել է «Կիլիկիա» ավտոկայանի տնօրենը։

Մարտի 7-ին հանրապետությունում արձանագրվել է կորոնավիրուսային հիվանդության 60 նոր դեպք: Կատարվել է 2598 թեստավորում, առողջացել՝ 377 քաղաքացի, կորոնավիրուսի հետևանքով մահացել է 12 քաղաքացի։ Այսպիսով, հաստատվել է կորոնավիրուսային հիվանդության ընդհանուր 421 401 դեպք, որոնցից 406 570-ը՝ առողջացած: Փաստացի բուժում է ստանում 4653 պացիենտ: Ընդհանուր առմամբ, կորոնավիրուսի հետևանքով մահվան 8548 դեպք է արձանագրվել: Այլ հիվանդության պատճառով մահվան դեպքերի ընդհանուր թիվը 1630 է. նախորդն օրն արձանագրվել է 2 մահ, երբ պացիենտն ունեցել է կորոնավարակ, սակայն մահը վրա է հասել այլ պատճառով։ Մեկ օրում մահացել է 14 կորոնավարակակիր։ Ընդհանուր կատարվել է 2 918 947 թեստավորում։

Հատկապես վտանգավոր ահաբեկիչներին չեզոքացնելու հատուկ գործողություններում կարծրացած «Ահմատ» ստորաբաժանման մարտիկները մեկնում են Ուկրաինա։ Այս մասին հայտնում է Չեչնիայի ղեկավար Ռամզան Կադիրովը իր տելեգրամ-ալիքում։ Մարտիկների թվում են Կադիրովների ընտանիքից ավելի քան 60 հոգի։

ԱՄՆ-ից Մոսկվա է մեկնել ՄԱԿ-ին առընթեր 12 ռուս դիվանագետ, որոնց ԱՄՆ-ը պերսոնա նոն գրատա է հայտարարել։ Այս մասին տեղեկացրել է ՏԱՍՍ-ը՝ հղում կատարելով ՄԱԿ-ում ՌԴ ներկայացուցչությանը։ Ամերիկյան իշխանությունները Ռուսաստանի դիվանագիտական ներկայացուցչության 12 աշխատակցի կարգադրել են մինչեւ մարտի 7-ը հեռանալ երկրից։ Ավելի վաղ բրիտանական Reuters գործակալությունը, հղում կատարելով Պետդեպարտամենտին, գրել էր, որ ԱՄՆ-ը հավանություն է տվել հատուկ ինքնաթիռի ժամանմանը, որը պետք է տաներ ՄԱԿ-ին առընթեր 12 ռուս դիվանագետներին, որոնք պերսոնա նոն գրատա են հայտարարվել Ուկրաինայում ՌԴ Զինված ուժերի շարունակվող հատուկ ռազմական գործողության համատեքստում։ Դիվանագետների վտարման մասին հայտնի էր դարձել մարտի 1-ին։ Միացյալ Նահանգները նման միջոցի է դիմել Ուկրաինայում ռուսական Զինված ուժերի շարունակվող հատուկ ռազմական գործողության ֆոնին։ ՄԱԿ-ում Ռուսաստանի մշտական ներկայացուցիչ Վասիլի Նեբենզյայի խոսքով՝ այդ որոշումը վկայում է այն մասին, որ Վաշինգտոնը չի հարգում կազմակերպության կանոնադրությամբ սահմանված պարտավորությունները։

ԱՀ Մարտունու շրջանի Նորշեն համայնքում մարտի 4-ին ադրբեջանցիները կրակոցներ էին արձակել գյուղի ուղղությամբ, բարձրախոսով հորդորել էին բնակիչներին՝ լքել տարածքը։ NEWS.am-ի հետ զրույցում այսօր՝ մարտի 7-ին, Նորշեն համայնքի ղեկավար Գեւորգ Հարությունյանն ասաց, որ կրակոցներ հաճախ են հնչում, սակայն բարձրախոսով հորդորներն առաջին անգամ մարտի 4-ին են եղել։ «Եկել էին, մի քանի անգամ օդ կրակել, բարձրախոսը էին դրել են ու ասում՝ լքեք տարածքը, մի աշխատեք։ Հակառակորդի գործողությունները մոտ երկու ժամ տեւել են։ Ռուս խաղաղապահներին ենք տեղեկացրել, որից հետո դադարեցրել են իրենց գործողությունները։ Գյուղացիների մոտ խուճապ չկա, ամեն դեպքում վախ կա, պարզապես արդեն սովորել են»,- ասաց նա։ Համայնքի ղեկավարը նշեց, որ մանկապարտեզն ու դպրոցն այս պահին էլ գործում են. «Դպրոցը հակառակորդի դիրքի ուղղությամբ է, մեկ կիլոմետր է հեռավորությունը»։ Հիշեցնենք, որ կրակոցներ են հնչե նաեւ Խրամորթ գյուղի ուղղությամբ, կրակոցները լռեցրել են հայ դիրքապահները: Մեզ հետ զրույցում Խրամորթի գյուղապետ Զորիկ Աբրահամյանն ասաց, որ այսօր իրավիճակը հանգիստ է։

2022 թվականի հունիսի 1-ից 3-ը Երևանում տեղի կունենա ՄԱԿ զբոսաշրջության համաշխարհային կազմակերպության (ՄԱԿ ԶՀԿ) եվրոպայի տարածաշրջանային հանձնաժողովի 67-րդ նիստը։ Անցյալ տարի Աթենքում կայացած ՄԱԿ ԶՀԿ Եվրոպայի տարածաշրջանային հանձնաժողովի 66-րդ նիստի ընթացքում որոշում է կայացվել 67-րդ նիստը Հայաստանում անցկացնել։ Այն հնարավորություն կընձեռի Եվրոպայի տարածաշրջանի շուրջ 40 անդամ պետությունների զբոսաշրջության լիազոր մարմինների ներկայացուցիչներից անմիջապես տեղեկանալ իրենց երկրներում զբոսաշրջության ոլորտում տիրող իրավիճակի, նախաձեռնվող քայլերի վերաբերյալ։ Նիստի` Հայաստանում կազմակերպումը էապես կնպաստի ՄԱԿ ԶՀԿ հետ համագործակցության ընդլայնմանը, առաջիկա տարիներին կազմակերպության գործունեությանն ակտիվ մասնակցությանը ու նոր հնարավորությունների ստեղծմանը, ինչն էլ կնպաստի Եվրոպայի տարածաշրջանում Հայաստանի դիրքի բարելավմանը, ճանաչելիության բարձրացմանն ու ՄԱԿ ԶՀԿ այլ անդամ պետությունների հետ համագործակցության ամրապնդմանը։

Մոսկվան հիասթափված է Ուկրաինային զենք մատակարարելու Գերմանիայի որոշումից։ ՌԻԱ Նովոստիի հետ զրույցում ասել է ՌԴ ԱԳՆ Եվրոպական երրորդ դեպարտամենտի տնօրեն Օլեգ Տյապկինը։ Ավելի վաղ Գերմանիայի պաշտպանության նախարարությունը հայտարարել էր, որ զենքի հերթական խմբաքանակները պատրաստ են Ուկրաինա մատակարարելուն: «Խորապես հիասթափված ենք, որ Գերմանիայի կառավարությունը, խախտելով սեփական ազգային օրենսդրությունը և ԵՄ մակարդակով իրավաբանական սահմանափակումները, հեռացել է այդ հարցում իր կողմից նախկինում անցկացվող հավասարակշռված դիրքորոշումից, որը պայմանավորված էր նաև նախկին ԽՍՀՄ ժողովուրդների նկատմամբ Գերմանիայի պատմական պատասխանատվության նկատառումներով»,-ասել է ռուս դիվանագետը: Նրա խոսքով՝ ՌԴ-ում լուրջ մտահոգություն է առաջացնում նաև այն հանգամանքը, որ Ուկրաինա մատակարարվող զենքն այսօրվա իրավիճակում կարող է հեշտությամբ հայտնվել ահաբեկիչների և ավազակների ձեռքերում։

Երեւանում, մարտի 6-ին, խոշոր ավտովթար է տեղի ունեցել. ժամը 23։30-ի սահմաններում Կոմիտասի պողոտայի թիվ 49/6 հասցեի դիմաց բախվել են Երևանի բնակիչներ՝ 25-ամյա Էմիլ Թովմասյանի վարած Porsche Cayenne Տ մակնիշի և 60-ամյա Աշոտ Սաֆարյանի վարած Mitsubishi Lancer մակնիշի ավտոմեքենաները։ Shamshyan.com-ի հաղորդմամբ, վթարի հետևանքով Porsche-ի վարորդ Է. Թովմասյանը բուժօգնություն ստանալու նպատակով տեղափոխվել է «Նաիրի» բժշկական կենտրոն, իսկ Ա. Սաֆարյանը՝ թիվ 1 համալսարանական հիվանդանոց։ Բախումից հետո Porsche-ը դուրս է եկել երթևեկելի գոտուց և տապալել վճարային համակարգի տերմինալը և հայտնվել հետիոտնի համար նախատեսված մայթին։ Վիրավորներին առաջինը օգնության են հասել քաղաքացիները, և օպերատիվ են գործել բժիշկների հերթապահ խումբը, ովքեր վիրավորներին, մինչև հիվանդանոց տեղափոխելը, տեղում առաջին բուժօգնությունն են ցուցաբերել։ Հետաքննիչի հանձարարականով ավտոմեքենաները տեղափոխվել են պարեկային ծառայության Երևանի գնդի պահպանվող հատուկ տարածք։

Իսրայելի ՌՕՈւ-ն հարձակում է գործել Դամասկոսի արվարձաններից մեկի վրա, ինչի հետևանքով երկու խաղաղ բնակիչ է մահացել։ Տեղեկությունը հայտնում է սիրիական SANA գործակալությունը։ Գործակալության աղբյուրն ասել է, որ Իսրայելի ինքնաթիռները Դամասկոսի մերձակայքի մի քանի կետերի վրա հարձակումն իրագործել է տեղական ժամանակով 05:00-ին Լիբանանի օդային տարածքից: «ՀՕՊ-ին հաջողվել է խոցել հրթիռների մեծ մասը, հարձակման հետևանքով մարդիկ են մահացել, պատճառվել է նյութական վնաս», - ասված է հաղորդագրության մեջ:

Երևանյան բանկերում այսօր 1 ռուբլին գնվում է նվազագույնը 2.74 դրամով, առավելագույնը՝ 4 դրամով, միջինը՝ 3.49 դրամով, վաճառվում՝ նվազագույնը 5 դրամով, առավելագույնը՝ 6 դրամով, միջինը՝ 5.54 դրամով։ Այս մասին տեղեկանում ենք rate.am կայքից։ Իսկ 1 դոլարի գնվում է նվազագույնը՝ 500 դրամ է, առավելագույնը՝ 507 դրամով, միջինը՝ 504.65 դրամով, վաճառվում՝ նվազագույնը 517 դրամով, առավելագույնը՝ 525, միջինը՝ 520.82։ Նշենք, որ Դոնեցկի և Լուգանսկի ինքնահռչակ հանրապետությունները ճանաչելու մասին Ռուսաստանի նախագահ Վլադիմիր Պուտինի հայտարարություններից շատ չանցած ռուսական ազգային արտարժույթն սկսեց արժեզրկվել։ Bloomberg բորսայական տերմինալի տվյալների համաձայն, այս պահին ռուբլին աշխարհի ամենաանկայուն արտարժույթն է: Ռուսաստանյան վերլուծաբանները հաստատում են, որ ռուբլու վրա ազդող բացասական գլխավոր գործոնն աշխարհաքաղաքական զարգացումներն են։

Գերմանիայի արտաքին գործերի նախարար Աննալենա Բերբոկը հայտարարել է, որ ՆԱՏՕ-ն չի փակի Ուկրաինայի երկինքը, քանի որ դա կնշանակի ռազմական հակամարտության մեջ մտնել Ռուսաստանի հետ։ Այս մասին քաղաքական գործիչը հայտարարել է գերմանական ARD հեռուստաալիքի եթերում, մեջբերում է Ukrinform-ը։ «Սա նշանակում է, որ ՆԱՏՕ-ի ինքնաթիռները կրակելու են ռուսական ինքնաթիռների վրա, դա կնշանակի ՆԱՏՕ-ի անմիջական մասնակցություն հակամարտությանը: Մենք պարտավոր ենք պաշտպանել մեր սեփական բնակչությանը», - ասել է Բերբոկը: Նա նշել է, որ դաշինքը պատասխանատու է միլիոնավոր եվրոպացիների կյանքի համար և չի կարող ռիսկի դիմել, որ Ուկրաինայում պատերազմը տարածվի այլ երկրներում և վերածվի երրորդ համաշխարհային պատերազմի։

Հայաստանում մարտի 6-ի դրությամբ, ընդհանուր առմամբ, պատվաստվել է 2 059 831 քաղաքացի, հայտնում են ՀՀ առողջապահության նախարարությունից: Առաջին դեղաչափով իրականացվել է 1 095 082, երկրորդ դեղաչափով՝ 936 227 պատվաստում: Խթանիչ պատվաստումների թիվը 26 327 է:

«Կարեն Դեմիրճյանի անվան Երևանի մետրոպոլիտեն» ՓԲԸ տնօրենի ժ/պ Գևորգ Ավետիսյանը շնորհավորական ուղերձ է հղել մետրոպոլիտենի շահագործման 41- ամյակի առթիվ։ «Սրտանց շնորհավորում եմ Կարեն Դեմիրճյանի անվան Երևանի մետրոպոլիտենի 41-րդ տարեդարձի առթիվ։ Այսօր պատեհ առիթ է ևս մեկ անգամ արժևորելու Երևանի մետրոպոլիտենի դերն ու առաքելությունը։ Տոնական այս օրը հետադարձ հայացք նետելով Երևանի մետրոպոլիտենի անցած 41 տարիներին և երախտագիտությամբ հիշելով կառուցողներին և շենացնողներին՝ շնորհակալության առանձնահատուկ խոսքերը պիտի ուղղենք նաև բոլոր այն մարդկանց, ովքեր այսօր իրենց տքնաջան աշխատանքով ամեն ինչ անում են մետրոպոլիտենի զարգացման ու կայացման հարցում։ Շնորհակալություն այն ժամանակի համար, որ անշահախնդրորեն նվիրում եք Ձեր աշխատանքին, քանզի դուք եք Մետրոպոլիտենի հաջողությունները կերտողները և ծառացած դժվարությունները հաղթահարողները։ Մետրոպոլիտենի աշխատակազմի և անձամբ իմ անունից շնորհավորում եմ բոլորիս այս հիշարժան օրվա կապակցությամբ և ցանկանում՝ որպեսզի բարությունն, ազնվությունն ու լավատեսությունը լինեն մեր մշտական ուղեկիցը», - նշված է ուղերձում։

Ռուսաստանի Զինված ուժերն Ուկրաինայում ընթացող հատուկ ռազմական գործողության ժամանակավոր դադար են հայտարարել, որպեսզի բացվեն մարդասիրական միջանցքներ, և դուրս գան խաղաղ բնակիչները։ «Հաշվի առնելով Ֆրանսիայի նախագահ Էմանուել Մակրոնի խնդրանքը ՌԴ նախագահ Վլադիմիր Պուտինին՝ ռուսական ԶՈՒ-ն երկուշաբթի՝ ժամը 10.00-ից, հայտարարում է հրադադար մարդասիրական միջանցքներ բացելու համար։ Դրանք կգործեն Կիևում, Մարիուպոլում, Խարկովում և Սումում», - ասված է հաղորդագրության մեջ։ Ռուսական կողմը նաև խոստացել է անօդաչուների միջոցով հսկել պայմանավորվածության կատարումը՝ հաշվի առնելով նախկին նման փորձերի ձախողումը։

Վերջին օրերին Հայաստանում նկատվող ռուսների եռուզեռը կարևոր է ոչ միայն բիզնեսի տեսանկյունից, այլ զուտ մարդկային, Facebook-ի իր էջում գրել է ԱԺ «Պատիվ ունեմ» խմբակցության պատգամավոր Տիգրան Աբրահամյանը: «Չպետք է մոռանալ, որ ՌԴ-ում տարբեր հաշվարկներով 2.5-3 մլն հայ է ապրում, Հայաստանում և Արցախում անվտանգության ապահովման գործառույթ են իրականացնում ռուս զինծառայողները և անկախ քաղաքական դիրքորոշումից, ՀՀ եկող ռուսների նկատմամբ պետք է հատուկ վերաբերմունք դրսևորվի։ Կրկնում եմ՝ սա ոչ միայն բարոյական հարց է, այլ սրանից է կախված, թե այլ իրավիճակներում ՀՀ-ում կամ ՌԴ-ում ապրող հայերի նկատմամբ ինչպիսի վերաբերմունք և քաղաքականություն կորդեգրվի։ Անկախ Ուկրաինայի տարբեր քաղաքական դեմքերի, խմբերի՝ տարբեր փուլերում արտահայտած ոչ հայանպաստ դիրքորոշման, մարդկային առումով ցավալի տեսնել Ուկրաինայի ժողովրդի վիճակը, որովհետև նախ այնտեղ ևս հարյուրամյակներով հայեր են ապրում, երկրորդ, պատերազմն առաջին հերթին մարդկային ողբերգություն է։ Չեմ կարծում, թե ՌԴ օպերացիան երկար կշարունակվի, սակայն նույնիսկ ռազմական գործողությունների ավարտը դեռ չի նշանակի, որ Ուկրաինայում կարող է կայունություն կամ անվտանգություն հաստատվել», - գրել է պատգամավորը:

Արտակարգ իրավիճակների նախարարությունը տեղեկացնում է, որ ՀՀ տարածքում կան փակ ավտոճանապարհներ։ Փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և Քարի լիճ տանող ավտոճանապարհները։ Վարդենյաց լեռնանցքը փակ է կցորդիչով բեռնատարների համար: Լարսի մասին Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար: Վարորդներին խորհուրդ է տրվում երթևեկել բացառապես ձմեռային անվադողերով։

«Բարսելոնան» պարտության մատնեց «Էլչեին»՝ բարձրանալով երրորդ տեղ