Լրահոս

Իշխանության բռնաճնշումները փաստում են մոտալուտ իշխանազրկման վախն ու սարսափը. ՀՅԴ ՀԳՄ-ի հայտարարությունը

Մի բան պատմեմ մեր հայրենի իրավապահների մասին մեռեք... Դե գիտեք, որ Իգորը կալանավորված է գիտակցությունը կորցրած մեր ոստիկան Արսենի ցուցմունքի հիման վրա, ով ոչ ավել ոչ պակաս պնդել է, որ բռունցքով 5 (այո այո հինգ) հարված է ստացել Իգորից։ Սրանք երկու օր ա նայում են Արսենին, հետո Իգորի նկարները, հետո էլի Արսենին ու հասկանում են, որ Իգորը եթե մեկ հատ բռունցքով հարվածեր մեր ոստիկանից 臀部 տառը կմնար ու վախենալով սպասվելիք քննչական փորձարարությունից, քննչական ու ոստիկանական բաժիններում սկսում են մեր Արսենի ցուցմունքների խմբագրումը` թե բա 5 չէր 2֊3 էր, գիտակցությունս տեղն էր, տենց ուժեղ չցավաց ու նման ցնդաբանություններ... Պարոնայք մի հատ թափ տվեք ձեզ ու խելքի աշեցեք, բոլոր տեսանյութերը կան, ու Արսենին կաբինետից կաբինետ քարշ տալու փոխարեն (սաղիդ հատ հատ գիտեմ ոնց եք վախեցնում) թողեք թող ճշմարտությունը պատմի...

«Դիմադրություն» շարժման հանրահավաքը Ֆրանսիայի հրապարակում․ ՈՒՂԻՂ

Մայիսի 20-ին ոստիկանություն զանգած քաղաքացին հայտնել է, որ Մաշտոցի պողոտայի բանկերից մեկի սպասասրահում բազմոցին դրված իր պայուսակից գողացել են 170 000 դրամ: Ոստիկանության Կենտրոնական բաժնի քրեական հետախույզների ձեռնարկած օպերատիվ-հետախուզական միոջացռումների շնորհիվ պարզվել է գողությունը կատարողի ինքնությունը: 60-ամյա կինը բերման է ենթարկվել ոստիկանության Կենտրոնական բաժին և տվել խոստովանական բացատրություն: Գողոնը վերցվել է: Նախապատրաստվում են նյութեր:

Ուկրաինայի նախագահ Վլադիմիր Զելենսկու կինը՝ Ելենա Զելենսկայան հայտարարել է, որ իր ամուսինն անձամբ չի գրում իր ելույթների տեքստերը։ «Ես նրա ելույթները նախապես տեսնելու հնարավորություն չունեմ։ Կարծում եմ՝ Վլադիմիրն ինքն էլ միշտ չէ, որ նախապես տեսնում է դրանք։ Նա միշտ իր ելույթները գրողներին ասում է՝ ինչի մասին է ցանկանում խոսել, իր թեզերը, մտքերն է հայտնում, որոնք պետք է ձևակերպվեն թղթի վրա»,- ասել է Ելենա Զելենսկայան՝ «Украина 24»-ին տված հարցազրույցում։

Այսօր զանգ եմ ստացել ոստիկանությունից, նյութեր են նախապատրաստվում հայտնի միջադեպի գործով։ Հարցը՝ ունեմ բողոք, թե՝ ոչ։ Այն, որ իշխանության ամենամեծ փայատեր օլիգարխ Խաչատուր Սուքիասյանին պատկանող կայքի լրագրողի արարքում հանցակազմ կա, դա երեւում է անգամ աղջկա պատրաստած տեսանյութից, ուր ինքնախոստովանական ցուցմունք է տվել։ Բայց ես ներում եմ Նանեին։ Ես ներում եմ Նանեին, չնայած նրան, որ աղջկան օգտագործողներն անհիմն ու շինծու գործերով հետապնդում ու կալանավորում են պայքարի իմ ընկերներին։ Ես ներում եմ Նանեին, չնայած նրան, որ այս իշխանությունները միջոց չեն խնայում իմ եւ մեր պայքարի ընկերների դեմ ամենակեղտոտ քարոզչությունն անելու, գաղտնալսելու, հետեւելու, ֆեյքային գրոհներ կազմակերպելու հարցում։ Ես ներում եմ Նանեին, չնայած նրան, որ իշխանությունն ամեն օր տասնյակ սադրիչներ է գործողում ընդդիմության հանրահավաքներին, այդ կեղտոտ խաղի մեջ ներգրավում նույնիսկ ծերերի, որ հետո գործեր հարուցի եւ ազատությունից զրկի սադրանքներին տրված իմ հայրենակիցներին։ Ես ներում եմ Նանեին, որովհետեւ մենք մերժում ենք սեւն ու սպիտակը, մենք միասնակամություն եւ համերաշխություն ենք ուզում բերել մեր պառակտված երկրին։ Ես ներում եմ Նանեին, որովհետեւ մեր պայքարը նաեւ Նանեի եւ նրա նման մոլորված մեր մյուս քույրերի եւ եղբայրների համար է։

2018 թվականից իշխանությունը հպարտանում է «բարեփոխված» ոստիկանություն ունենալով, սակայն վերջին օրերը ցույց տվեցին, որ ոչինչ էլ իրականում չի փոխվել և ավելին՝ իշխանությունը չի էլ ցանկանում, որ որևէ բան փոխվի։ Իշխանության ներկայացուցիչները չեն թաքցնում իրենց աջակցությունը ոստիկանական ագրեսիվ վարքագծի նկատմամբ և տարբեր ամբիոններից շնորհակալություն են հայտնում վերջիններիս, մինչեւ անգամ անօրինական հայտարարություններ են հնչեցնում հավաքի մասնակիցներին զորակոչի տանելու, երբեմն էլ նշում, որ ոստիկանությունը «անհամաչափ» ուժ է կիրառում հակառակ իմաստով, այսինքն՝ շատ մեղմ է։ Իսկ ոստիկանության կողմից ՀՀ քաղաքացիների հիմնարար իրավունքների խախտումները ամեն օր սաստկանում են։ Մեդիա կենտրոնում ՀՀ ՄԻՊ Քրիստիննե Գրիգորյանի, Հելսինկյան քաղաքացիական ասամբլեայի Վանաձորի գրասենյակի նախագահ Արթուր Սաքունցի և Հելսինկյան ասոցիացիայից Արա Ղարագյոզյանի հետ քննարկում ենք «բարեփոխված» ոստիկանության գործողությունները։ Հատկանշական է, որ արդեն որերորդ անգամ իշխանության ներկայացուցիչները հրաժարվում են մասնակցել որևէ քննարկման, բանավեճի և առերեսվել իրականությանը։

Ադրբեջանական համայնքի նախկին ղեկավարը խախտել է ՌԴ օրենսդրությունը․ նրան արտաքսել են

Մայիսի 16-ին հիվանդանոցից հաղորդում էր ստացվել, որ «գոտկային շրջանի ծակած-կտրած վերք» ախտորոշմամբ բուժօգնության է տեղափոխվել 36-ամյա երիտասարդ: Ըստ բժշկի տեղեկանքի՝ նա ի վիճակի չէր բացատրություն տալու: Նշանակվել էր դատաբժշկական փորձաքննություն: Ոստիկանության Մալաթիայի բաժնի ՔՀԲ ծառայողների ձեռնարկած օպերատիվ-հետախուզական միջոցառումների շնորհիվ պարզվել է, որ ժամը 17.10-ին Տիչինայի փողոցում տեղի ունեցած վիճաբանության ժամանակ երիտասարդին դանակահարել էր Շահումյան գյուղի 42-ամյա բնակիչը: Բացատրական աշխատանքի շնորհիվ մայիսի 20-ին նա ներկայացել է ոստիկանության Մալաթիայի բաժին և տվել խոստովանական բացատրություն: Նախապատրաստվում են նյութեր:

Արամ Գրիգորյանի նկատմամբ ընտրեցին չհեռանալու մասին խփանման միջոց: Այնքան անհեթեթ գործ է կարվել, որ նույնիսկ կեղծիքով չկարողացան ձերբակալել: Շնորհակալություն փաստաբան Երվանդ Վարոսյանին:

ԱԱԾ նախկին տնօրեն, «Հայրենիք» կուսակցության նախագահ, ԱԺ «Պատիվ ունեմ» խմբակցության ղեկավար Արթուր Վանեցյանը հրավիրում է հանրահավաքի: «Հարգելի՛ հայրենակիցներ, սիրելի՛ բարեկամներ, այսօր՝ ժամը 18:00-ին, բոլորիդ սպասում ենք Ֆրանսիայի հրապարակում: Յուրաքանչյուրիդ մասնակցությունը շատ կարևոր է», - ֆեյսբուքյան իր էջում գրել է Վանեցյանը: Ամբողջական հոդվածը կարող եք կարդալ այս հասցեով՝ : https://hraparak.am/post/8451baf32e95f444dbe15e0bfe2f263e © 2008 - 2021 «Հրապարակ օրաթերթ»

Ադրբեջանում Մեծ Բրիտանիայի դեսպան Ջեյմս Շարպը հայտարարել է, որ պաշտոնական Լոնդոնն Արցախում կգերադասեր տեսնել բազմազգ խաղաղապահ ուժեր, այլ ոչ բացառապես ռուսական անձնակազմ։ Այդ մասին Շարպը հայտարարել է BBC-ի ադրբեջանական ծառայությանը տված հարցազրույցում։ Նա նշել է, որ Մեծ Բրիտանիան կնախընտրեր, որ հրադադարի բանակցությունները վարեր ԵԱՀԿ Մինսկի խումբը, իսկ խաղաղապահ անձնակազմը լիներ միջազգային։ «Պետք է ուսումնասիրել ՌԴ խաղաղապահ ուժերի մանդատը, ավարտել այդ մանդատը... Ինչը կարող է լինել այլընտրանք, ինչը կարող է դրան փոխարինել»,- նշել է Բաքվում բրիտանական դեսպանը: Նա, միաժամանակ, դրական է գնահատել Բաքվի, Երևանի և Մոսկվայի եռակողմ բանակցությունների օրակարգը, որով նախատեսվում է տարածաշրջանում տրանսպորտային հաղորդակցությունների ապաշրջափակում և տնտեսական գործակցություն։ Շարպի գնահատմամբ՝ դեռևս չլուծված է մնում Արցախի կարգավիճակի հարցը։ «Վերջիվերջո, վերջնական կարգավորման հարցը, խաղաղության պայմանագիրը, պետք է լուծվի, և Մինսկի խմբի համանախագահները դրանում պետք է դեր ունենան»,- ասել է Շարպը։ Նա հայկական կողմին կոչ է արել Արդբեջանին տալ ականապատ դաշտերի քարտեզը, իսկ Ադրբեջանին կոչ արել վերադարձնել հայ ռազմագերիներին։

ԱՄՆ նախագահ Ջո Բայդենը ստորագրել է օրենք Ուկրաինային 40 մլրդ ԱՄՆ դոլարի հավելյալ օգնություն տրամադրելու վերաբերյալ: Ինչպես հաղորդում է «Արմենպրես»-ը, այս մասին տեղեկատվությունը հրապարակվել է Սպիտակ տան կայքում: ԱՄՆ Կոնգրեսի Ներկայացուցիչների պալատն Ուկրաինային օգնելու համար լրացուցիչ միջոցներ հատկացնելու նախաձեռնությանը հավանություն էր տվել նախորդ շաբաթ, իսկ Սենատը՝ մայիսի 19-ին։

ՌԴ ԱԳՆ-ն հրապարակել է ԱՄՆ 963 քաղաքացիների ցուցակը, որոնց մուտքը երկիր ընդմիշտ արգելված է։ Անձնական պատժամիջոցների տակ են հայտնվել ԱՄՆ նախագահ Ջո Բայդենը և նրա որդին՝ Հանթերը, ԿՀՎ տնօրեն Ուիլյամ Բերնսը, երկրի նախկին և ներկա քաղաքական գործիչներ, գործարարներ և այլ քաղաքացիներ։

Մայիսի 20-ին` ժամը 12.35-ին, հիվանդանոցից հաղորդում է ստացվել, որ վերամբարձ կռունկի վթարի հետևանքով բուժօգնության են տեղափոխվել երկու քաղաքացի: Ոստիկանությունից հայտնում են, որ հիվանդանոց մեկնած օպերատիվ-քննչական խումբը պարզել է, որ Արագածոտնի մարզի Կոշ համայնքի վարչական տարածքի քարհանքում «ԶԻԼ» մեքենայի վերամբարձ հատվածը ծանրություն բարձրացնելիս շրջվելով հարվածել է Սերոբ Սահակյանին: 72-ամյա Սերոբ Սահակյանը և 55-ամյա մեքենավարը մարմնական վնասվածքներով տեղափոխվել են հիվանդանոց, որտեղ Սերոբ Սահակյանը մահացել է: Հանգամանքները պարզվում են: Կատարվում է նախաքննություն:

Ներածական ակնարկ մայիսի 11-ին Հոռոմում իշխանական սադրանքների մասին Առաջին նկարում դզող/փչող գևորն է, Դավթյան Արթուրի հորեղբոր որդին, երկրորդ նկարում, շլորի ախպեր լավրենտն է գլխավոր դատախազի մտերիմ բարեկամը, երրորդ նկարում դհոլճի դատախազի հորեղբոր թոռն է: Էս ամենին ավելացնում ենք նազելի բաղդասարյանի եղբորը` արմանչիկին, էմմա պալյանի ԱԺ-ում կատարած ինքնախոստովանական ցուցմունքը և վերջին հիմարի համար էլ պարզ կդառնա, թե ովքեր և ինչու սադրեցին ընդդիմության երթը Շիրակի մարզում: Սա հանցագործություն էր, պետական մակարդակով իրականացված հերթական հանցագործություններից մեկը, որը հղացել և իրականացրել են գլխավոր դատախազը և Շիրակի մարզպետը: Հանցագործ օպերացիայի անունն էր <<գերիների հարազատներ>>, կուռատրներն էին նախկին ՀՅԴ ական դավթյան սաքոն` արթուրի հերը, և նազոյի արմանչիկը: Առաջիկա օրերին կպատմեմ, թե ինչու սաքոն սարքեց իր նախկին կուսակցականների գլխին, որն էր օպերատիայի նպատակը, ինչու հենց ՀՅԴ երիտասարդներին սադրեցին և փակեցին, ով էր օպերացիայի հեղինակը, ովքեր էին իրականացնողները և անիմաստ ծեծ ուտողները, բայց մինչ այդ, ուղղակի, առաջարկում եմ Հհ Գլխավոր Դատախազություն երիտասարդներին ազատ արձակեք‼: Պարոն Դավթյան, դուք վատ իրավաբան չեք, ինձ թվում է հասկանում եք, որ ապօրինի շահադիտական նպատակներով սահմանափակել եք ՀՀ քաղաքացիների ազատ տեղաշարժման իրավունքը, երիտասարդներին սադրել և զրկել եք ազատությունից, իզուր վիճակը մի բարդացրեք, մի օր ինքներդ կկանգնեք արդարադատության առաջ, լրացուցիչ մեղքեր մի շալակեք, սա ընդունեք, որպես բարի խորհուրդ, բայց երկար բարի չեմ կարող մնալ, դա լավ գիտեք...

Երևանի քաղաքապետարանից տեղեկացնում են, որ Ծիծեռնակաբերդի խճուղու մի հատվածի փլուզման հետևանքով, մինչև ճանապարհի վերագործարկումը, մայրաքաղաքի հասարակական տրանսպորտի 6 երթուղիներում կատարվել են ուղեգծի ժամանակավոր փոփոխություններ։ Ըստ այդմ՝ Ավտոբուսային համար 33, 63, 26 և 27 երթուղիների ուղեգծի տվյալ հատվածը նախկինում․ Լենինգրադյան փ․, Ծիծեռնակաբերդի խճուղի, Աթենքի փ․, «Հաղթանակի» կամուրջ։ Ժամանակավոր փոփոխություն․ Լենինգրադյան, Մոնթե Մելքոնյան փողոցներ, Իսակովի պողոտա, «Հաղթանակի» կամուրջ, այնուհետ՝ հին ուղեգծով։ Միկրոավտոբուսային 26 երթուղին՝ նախկինում․ Լենինգրադյան փ․, Ծիծեռնակաբերդի խճուղի, Աթենքի փ․, «Հաղթանակի» կամուրջ։ Ժամանակավոր փոփոխություն․ Լենինգրադյան, Մոնթե Մելքոնյան փողոցներ, Իսակովի պողոտա, «Հաղթանակի» կամուրջ, այնուհետ՝ հին ուղեգծով։ Միկրոավտոբուսային հ․ 70 երթուղին՝ նախկինում․ Լենինգրադյան փ․, Ծիծեռնակաբերդի խճուղի, Աթենքի փ․, «Հաղթանակի» կամուրջ։ Ժամանակավոր փոփոխություն․ Լենինգրադյան փ․, Հալաբյան փ․, Հրազդանի կիրճ, Աթենքի փ․, Ծիծեռնակաբերդի խճուղի, «Դալմա Գարդեն Մոլ», շրջադարձով՝ Ծիծեռնակաբերդի խճուղի, Աթենքի փ․, «Հաղթանակի» կամուրջ, այնուհետ՝ հին ուղեգծով։ Հետադարձը՝ «Հաղթանակի» կամուրջ, Աթենքի փ․, Ծիծեռնակաբերդի խճուղի, «Դալմա Գարդեն Մոլ», շրջադարձով՝ Աթենքի փ․, Իսակովի պողոտա, Մոնթե Մելքոնյան, Լենինգրադյան փողոցներ, այնուհետ՝ հին ուղեգծով։ Պատճառված ժամանակավոր անհարմարությունների համար հայցում ենք ձեր ներողամտությունը։

Ամպրոպներ, հորդառատ անձրևներ, քամու փոթորկային պոռթկումներ, տորնադո. «Էմմելինդե» ցիկլոնը, որը մայիսի 20-ին անցել է Գերմանիայի արևմուտքով, հանգեցրել է ավերածությունների և զոհերի։ «News.am»-ի փոխանցմամբ՝ dpa գործակալությունը հայտնում է՝ աղետից ամենաշատը տուժել է Գերմանիայի ամենախիտ բնակեցված դաշնային հողը՝ Հյուսիսային Ռեյն-Վեստֆալիան։ Ոստիկանության տվյալներով՝ միայն Պադերբորնում, որին հարվածել է տորնադոն, բուժօգնության է դիմել 43 մարդ։ Նրանցից մի քանիսը ծանր վիճակում են։ Քաղաքային իշխանությունների ներկայացուցիչները հայտնել են, որ կոմունալ ծառայությունները մեծ աշխատանք ունեն անելու փլատակները մաքրելու համար։ Պադերբորն արդյունաբերական տարածքին հասցված վնասի գնահատումը շարունակվում է: Հաղորդվում է նաև մոտակա Լիպշտադտ քաղաքում ծանր հետևանքների մասին: Այնտեղ փոթորիկը տապալել է եկեղեցու սրածայր գագաթը, և ավելի քան 100 մարդ արգելափակվել է տեղական բաց լողավազանում այն բանից հետո, երբ ընկած ծառերը փակել են ելքը: Ռեյնլանդ-Պֆալց և Սաար դաշնային հողերում լուրջ ավերածություններ չեն գրանցվել՝ չնայած ուժեղ ամպրոպին։ Ոստիկաններն ու փրկարարները հայտնել են միայն մի քանի տապալված ծառերի, կարկուտից վնասված մեքենաների և նկուղների հեղեղումների մասին։ Ոստիկանությունը հայտնել է նաև մեկ զոհի մասին։ 38-ամյա տղամարդն, ըստ ամենայնի, հոսանքահարվել է հեղեղված նկուղ մտնելիս, որից հետո ընկել է ու գլխին հարված ստացել։ Կենտրոնական Ֆրանկոնիայում (Բավարիայի դաշնային հող) տուժել է 14 մարդ, այդ թվում՝ մի քանի երեխա։ Ոստիկանության ներկայացուցիչն ասել է, որ մի քանի հանգստացողներ փոթորկի պատճառով պատսպարվել են մոտավորապես 85 քառակուսի մետր մակերեսով խրճիթում, որն այնուհետև կողքի է շրջվել: Սաքսոնիա դաշնային հողում Rammstein խումբը կես ժամով ընդհատել է համերգը Լայպցիգում ամպրոպի պատճառով։ Շոուի 45-րդ րոպեին հանդիսատեսին խնդրել են հեռանալ ասպարեզից և թաքնվել: Սակայն 15 րոպե անց երկրպագուներին թույլ են տվել վերադառնալ, հայտնում է Deutsche Welle-ն։

Արամ Գրիգորյանի բնակարանը` դատարանի ակնհայտ անհիմն որոշման հիման խուզարկելուց հետո, բնականաբար ոչինչ չհայտնաբերելուց հետո, բերման են ենթարկել ոստիկանության Արաբկիրի բաժին։ Նույն վարույթի շրջանակներում, ապրիլի 26-ին Արամ Գրիգորյանին ծանուցագրով արդեն հրավիրել էին ոստիկանություն, ուր նա ներկայացել էր։ Այսօր ևս, տեղեկանալով, որ քննիչն ու ոստիկանները ցանկանում են խուզարկել իր բնակարանը, անմիջապես ներկայացել է բնակության վայր։ Այսքանից մարդուն կարելի է բերման ենթարկել բացառապես ժողովրդավարության բաստիոնում, Մարիոթ հյուրանոցում այդ ժողովրդավարության քելեխի հաջորղ իսկ օրը։