Լրահոս

Շվեյցարիան Ուկրաինայի հետ պայմանավորվել է, որ Բեռնը կներկայացնի Կիևի շահերը Ռուսաստանում: «Արմենպրես»-ի հաղորդմամբ, ինչպես հայտնում է «ՌԻԱ Նովոստի»-ն, այս մասին հայտարարել է Շվեյցարիայի արտգործնախարարությունը: «Ուկրաինան ցանկություն է հայտնել, որ Շվեյցարիան ներկայացնի իր շահերը Ռուսաստանում: Համապատասխան բանակցություններն ավարտվել են: Որպեսզի այս համաձայնագիրն ուժի մեջ մտնի, Ռուսաստանը պետք է իր համաձայնությունը հայտնի», - ասվում է հայտարարության մեջ: Նախարարությունը նաև նշել է, որ Ուկրաինայում հակամարտության հենց սկզբից երկիրը պատրաստ է կողմերին տրամադրել բանակցային հարթակ, ինչպես նաև բովանդակային և փորձագիտական աջակցություն՝ հնարավոր բանակցությունների ընթացքում։

Թուրքիայի արտաքին գործերի նախարար Մևլութ Չավուշօղլուն հեռախոսազրույց է ունեցել Իրանի ԱԳՆ-ի ղեկավար Ամիր Աբդոլլահիանի հետ: Ermenihaber.am-ի փոխանցմամբ՝ ըստ թուրքական մամուլի՝ կողմերը քննարկել են թուրք-իրանական հարաբերությունները, Մերձավոր Արևելքում տեղի ունեցած վերջին զարգացումները և Իրանի միջուկային համաձայնագրի վերաբերյալ բանակցությունները: Այլ մանրամասներ չեն հաղորդվում:

Հայ մարզիկները ՀՀ ՊՆ հավաքականի կազմում մասնակցել են Սանկտ Պետերբուրգում անցկացվող Բանակայինների համաշխարհային խաղերին և նվաճել 5 մեդալ: Հաղթողներ են դարձել Գոռ Բեգլարյանը (թեթև ատլետիկա, հեռացատկ), Ռազմիկ Մկրտչյանը (թեթև ատլետիկա, 200 մ վազք), Երվանդ Մկրտչյանը (թեթև ատլետիկա, 1500 մ վազք) և Արթուր Բարսեղյանը (լող, բաթերֆլայ): 800մ վազք մրցաձևում Երվանդ Մկրտչյանը նաև արծաթե մեդալ է նվաճել, իսկ Ռազմիկ Մկրտչյանը 100մ վազք մրցաձևում դարձել է բրոնզե մեդալակիր: ​ «Shantnews.am»-ի փոխանցմամբ՝ հայ մարզիկները ՀՀ ՊՆ հավաքականի կազմում մասնակցել են Սանկտ Պետերբուրգում անցկացվող Բանակայինների համաշխարհային խաղերին և նվաճել 5 մեդալ: Հաղթողներ են դարձել Գոռ Բեգլարյանը (թեթև ատլետիկա, հեռացատկ), Ռազմիկ Մկրտչյանը (թեթև ատլետիկա, 200 մ վազք), Երվանդ Մկրտչյանը (թեթև ատլետիկա, 1500 մ վազք) և Արթուր Բարսեղյանը (լող, բաթերֆլայ): 800մ վազք մրցաձևում Երվանդ Մկրտչյանը նաև արծաթե մեդալ է նվաճել, իսկ Ռազմիկ Մկրտչյանը 100մ վազք մրցաձևում դարձել է բրոնզե մեդալակիր:      ​

Իրանի տարածքով դեպի Նախիջևան նոր ճանապարհ կառուցելու մասին Ադրբեջանի արտգործնախարարի հայտարարությունը չի նշանակում, թե Բաքուն հրաժարվում է Սյունիքով, այսպես կոչված, Զանգեզուրի միջանցք բացելու գաղափարից: Այդ ճանապարհը առաջին հերթին պետք է Թուրքիային՝ Մեծ Թուրանի նախագիծն իրականություն դարձնելու համար: Իսկ Ադրբեջանը Իրանի տարածքով դեպի Նախիջևան ճանապարհ ունեցել է դեռ 90-ականներին:

Կլիմայի փոփոխության հիմնախնդիրը դասվում է աշխարհի ամենակարևոր խնդիրների շարքում, որը սպառնալիք է ստեղծում երկրագնդի, մարդկության և կենսաբազմազանության համար տնտեսական, հասարակական, բնապահպանական կյանքի տարբեր ասպեկտների վրա ունեցած բացասական հետևանքների պատճառով։ Ինչպես «Արմենպրես»-ին հայտնում են ՀՀ-ում ԱՄԷ դեսպանությունից, մտահոգիչ հետևանքներն ի հայտ են գալիս ջերմաստիճանի տատանումների՝ բարձրացումների և իջեցումների ժամանակ, քանի որ ավելանում են հրդեհները, ջրհեղեղներն ու երաշտի դեպքերը։ Արաբական Միացյալ Էմիրությունները մեծ ուշադրություն է դարձրել այս խնդրին, ինչն արտացոլվել է երկրի ներքին քաղաքականության մեջ տնտեսության դիվերսիֆիկացման քաղաքականություն որդեգրելու, կանաչ տնտեսության վրա կենտրոնանալու, ինչպես նաև էներգիայի աղբյուրների դիվերսիֆիկացման ՝ հատկապես վերականգնվող էներգիայի զարգացման միջոցով։ Մայրաքաղաք Աբու Դաբիում է գտնվում Վերականգնվող էներգիայի միջազգային գործակալության (IRENA) կենտրոնակայանը: Կլիմայի տարածաշրջանային շաբաթ 2022-ի պաշտոնական բացման ժամանակ, որն առաջին անգամ է տեղի ունեցել Մերձավոր Արևելքում և Հյուսիսային Աֆրիկայում, ԱՄԷ արդյունաբերության և առաջատար տեխնոլոգիայի նախարար Սուլթան Ալ-Ջաբերը հաստատել է, որ համաշխարհային անվտանգության մասին խոսելիս Էմիրությունները կլիմայի փոփոխությունը համարում է իր առաջնահերթություններից մեկը, ուստի որդեգրել է գործընկերության վրա հիմնված մեթոդաբանություն և կենտրոնացել կլիմայի փոփոխության հետևանքների նկատմամբ ավելի խոցելի երկրներում նախագծերի ֆինանսավորման վրա։ Այս համատեքստում ԱՄԷ-ն 2017-2022 թթ. ընթացքում շուրջ 163 միլիոն դոլարի չափով օգնություն է տրամադրել կլիմայի փոփոխության՝ ջրհեղեղների, երաշտների հետևանքով տուժած ավելի քան 40 երկրների։ Երաշտից տուժած Աֆրիկա մայրացամաքին տրամադրվել է օգնության ամենամեծ բաժինը, որը կազմել է շուրջ 85 միլիոն դոլար։ Բացի այդ, վերականգնվող էներգիայի ոլորտում նախագծերի աջակցության նպատակով ԱՄԷ արտաքին գործերի և միջազգային համագործակցության նախարարության, Աբու Դաբիի զարգացման հիմնադրամի, ինչպես նաև՝ «Աբու Դաբիի ապագայի էներգետիկայի ընկերության» (Մասդար) միջև ստեղծվել է 100 միլիոն դոլարի չափով ռազմավարական գործակցություն, որը հատկացվել է խաղաղօվկիանոսյան և կարիբյան տարածաշրջային երկրներին, որոնք տուժել են կլիմայի փոփոխության հետևանքներից։ ԱՄԷ-ն արդյունավետ մասնակցություն է ցուցաբերում շրջակա միջավայրի, կլիմայի, քաղաքականությունների, որոշումների վերաբերյալ համաշխարհային երկխոսության համաժողովների ընթացքում։ Այդ թվում կարել է նշել կանոնավոր կերպով կազմակերպվող «Աբու Դաբիի կայունության շաբաթը», որին մասնակցում են միջազգային հաստատություններ թե մասնավոր ոլորտից, թե քաղաքացիական ու ակադեմիական շրջանակներից, ինչպես նաև «Զայեդի կայունության մրցանակը», որի նպատակն է խրախուսել ընկերություններին, կազմակերպություններին ու դպրոցներին։ ԱՄԷ-ն 2023 թ․-ին «Էքսպո Դուբայ քաղաքում» կհյուրընկալի Կլիմայի փոփոխության վերաբերյալ ՄԱԿ-ի շրջանակային համաձայնագրի 28-րդ նստաշրջանի (COP28) մասնակից երկրների կոնֆերանսը։

Ի՞նչ են դրա դիմաց Ադրբեջանից ստացել Արցախի իշխանությունները․ Ղազինյան

ՀՀ քննչական կոմիտեի զինվորական քննչական գլխավոր վարչության վեցերորդ կայազորային քննչական բաժնում իրականացվում են անհրաժեշտ միջոցառումներ՝ զինծառայող Էրիկ Արմենի Ղարսայանի մահվան բոլոր հանգամանքները պարզելու ուղղությամբ: Զինծառայողի կողմից, նախնական տվյալներով, իրեն հրազենային վնասվածք հասցնելու վերաբերյալ հաղորդումը ստացվել է 2022թ. օգոստոսի 9-ին: Ստացված տեղեկությունների համաձայն, ՀՀ ՊՆ N զորամասի պարտադիր ժամկետային զինծառայող, շարքային Էրիկ Արմենի Ղարսայանը կյանքի հետ անհամատեղելի հրազենային մարմնական վնասվածքը ստացել է կրակային դիրքում՝ իրեն ամրակցված «АКМ» տեսակի ինքնաձիգից իր կրծքավանդակի շրջանում արձակած կրակոցի արդյունքում: Նույն օրը զինծառայողը տեղափոխվել է բժշկական կենտրոն, որտեղ արձանագրվել է վերջինիս կենսաբանական մահը: Հաշվի առնելով, որ առկա է քրեական վարույթ նախաձեռնելու օրինական առիթ և հիմք՝ ՀՀ քրեական օրենսգրքի 522-րդ հոդվածի 1-ին մասով, ՀՀ քննչական կոմիտեի զինվորական քննչական գլխավոր վարչության վեցերորդ կայազորային քննչական բաժնում, նախաձեռնվել է քրեական վարույթ: Քննչական խումբը մեկնել է դեպքի վայր, կատարվում են անհետաձգելի և անհրաժեշտ քննչական և վարութային այլ գործողություններ:

ԱՄՆ-ը Ուկրաինային պաշտպանության համար ռազմական սարքավորում կտրամադրի «որքան որ պահանջվի»: Այդ մասին, ինչպես տեղեկացնում Է «Արմենպրես»-ը, ԱՄՆ-ի պաշտպանության նախարար Լլոյդ Օսթինը հայտարարել Է Լատվիա այցի ընթացքում: «ԱՄՆ-ը զգալի օգնություն Է ցուցաբերել Ուկրաինայի անվտանգությանը: Բայց մենք գրեթե 50 երկրների շարքում ենք, որոնք միասին աշխատում են այն բանի վրա, որպեսզի ռեսուրսներ գտնեն, շարունակեն աջակցություն ցուցաբերել: Մենք տրամադրված ենք օգնել Ուկրաինային, նրան սարքավորում եւ տեխնիկա տրամադրել… տարածքը պաշտպանելու համար… Մենք դա անելու ենք որքան որ պահանջվի»,-ասել Է Օսթինը: Հեռարձակումն իրականացրել Է Պենտագոնի կայքը: ՌԴ ԱԳ նախարար Սերգեյ Լավրովը ԱՄՆ-ի պետքարտուղար Էնթոնի Բլինքենի հետ ունեցած հեռախոսազրույցի ընթացքում ավելի վաղ հայտարարել Է, որ Արեւմուտքի կողմից Ուկրաինային զենքի մատակարարումները միայն ձգձգում են հակամարտությունը՝ երկարացնելով կիեւյան ռեժիմի հոգեվարքը եւ բազմապատկելով զոհերը: ՌԴ-ն ավելի վաղ բոլոր երկրներին, ներառյալ ԱՄՆ-ին, նոտա Է հղել Ուկրաինային սպառազինություններ մատակարարելու պատճառով: Լավրովը նշել Է, որ բոլոր բեռները, որոնք սպառազինություն են պարունակում Ուկրաինայի համար, Ռուսաստանի համար օրինական նպատակ կդառնան: ՌԴ արտաքին քաղաքական գերատեսչությունում հայտարարել են, որ ՆԱՏՕ-ի երկրները «կրակի հետ են խաղում»՝ զենք մատակարարելով Ուկրաինային: ՌԴ նախագահի մամուլի քարտուղար Դմիտրի Պեսկովը նշել Է, որ Արեւմուտքի կողմից Ուկրաինային զենքի մատակարարումը չի նպաստում ռուս-ուկրաինական բանակցությունների հաջողությանը եւ ունենալու Է բացասական հետեւանք, հաղորդել Է ՌԻԱ Նովոստին:

Ողնաշարի հոդերի քրոնիկական բորբոքային հիվանդությունը սովորույթի ուժով կոչվում է Բեխտերևի հիվանդություն՝ մեծ գիտանկանի անվամբ, որ առաջինն է նկարագրել ողնաշարում տեղի ունեցող փոփոխությունները։ Քրոնիկական բորբոքման հետևանքով փոփոխություններ են տեղի ունենում ողնաշարում, ողնաշարին հարակից ջլերում, որոշ դեպքերում հնարավոր են նաև արտաողնաշարային դրսևորումներ՝ աչքերը, մաշկը, աղեստամոքսային համակարգը ևս կարող են փոփոխություններ կրել։ Հիվանդությունը, որպես կանոն, սկսվում է մինչև 40 տարեկանը, դրսևորվում է առավոտյան կարկամվածությամբ, շարժունակության նվազմամբ, վերակագնման համար կարող է պահանջվել կես օր, մի քանի ժամ։ Որպես կանոն օրվա երկրորդ հատվածում ցավերը, կարմակվածությունը վերանում են։ Ցավ զգացվում է ողնաշարում, հիմնականում գոտկային հատվածում, ավելի խոր փուլում ցավ արտահայտվում է նաև պարանոցում, կրծքավանդակում, հնարավոր է նաև հոգնածության, ջերմության որոշակի բարձրացում, բորբոքային նշաններ՝ արյան շիճուկում։ Հիվանդության առաջացման պատճառներն անհայտ են, ժառանգական նախատրամադրվածությունը (աուտոսոմ-դոմինանտային տիպով) համարվում է նպաստող գործոն։ Ախտորոշումն արվում է անամնեզի, լաբորատոր, գործիքային (մագնիսա-ռեզոնանսային տոմոգրաֆիան (ՄՌՏ)) համադրությամբ։ Հիվանդության հնարավոր բարդությունները. հնարավոր են արտաողնաշարային դրսևորումներ՝ աչքի առաջային խոռոչի բորբոքում, հազվադեպ՝ աորտայի աղեղի բորբոքում, երիկամների ախտահարում, աղեստամոքսային համակարգում բորբոքային փոփոխություներ, հանրավոր է նաև մաշկային փսորիազ։ Հիվանդությունն ամբողջությամբ բուժել հնարավոր չէ, բայց ժամանակակից դեղամիջոցները հնարավորություն են ստեղծում բնականոն կյանքով, առանց ցավի ապրելու։ Հիվանդության՝ վաղ փուլում հայտնաբերելը կանխում է ողնաշարի անդառնալի փոփոխությունների զարգացումը։

Քրոնիկ հոգնածության սինդրոմը դրսևորվում է ֆիզիկական, մտավոր աշխատունակության անկմամբ, չի հաղթահարվում անգամ հանգստի դեպքում, տևական բնույթ ունի, շարունակվում է վերջին կես տարվա ընթացքում։ Թիրախային խմբում առավելապես 25-ից 45 տարեկան կանայք են։ Քրոնիկ հոգնածության պատճառներից համարվում են վիրուսային կամ բակտերիալ ինֆեկցիաները, կարող է լինել նաև օրգանիզմի արձագանքը՝ սուր կամ քրոնիկ սթրեսին, բարդ ծննդաբերությանը։ Քրոնիկ հոգնածության հիմնական պատճառ համարվում է հյուծված իմունային համակարգը։ Նպաստող գործոններ են՝ Էկոլոգիական ոչ բարենպաստ միջավայր Մշտական սթրեսային ազդեցություններ՝ աշխատավայրում կամ ընտանիքում Ոչ բավարար ֆիզիկական ակտիվություն Առանց հանգստի, ծանրաբեռնված աշխատանք Ոչ առողջարար սննդային սովորությունները Ախտանշանները՝ Հոգնածության, ուժասպառության զգացում ֆիզիկական, մտավոր աշխատանքի անկարողություն Գլխացավեր՝ առանց պատճառի Սուբֆեբրիլ ջերմություն, սարսուռ, քրտնոտություն Լիմֆատիկ հանգույցների մեծացում Հիշողության, ուշադրության, կենտրոնացման վատթարացում Դեպրեսիա, տրամադրության անկայունություն, նյարդայնություն, ապատիա Քնի խանգարում. ցերեկային ժամերին քնքոտություն, մակերեսային քուն՝ գիշերային ժամերին Մկանային և հոդային ցավեր, չտեղայնացվող ցավեր ողնաշարում Կոկորդի ցավ Քրոնիկի հոգնածություն ախտորոշման համար հիմնական նախապայման են՝ տևողությունը, երբ վերոնշյալ ախտանշանները կենսունակ են կես տարի և ավելի, նաև եթե վերոնշյալ ախտանշանները չեն հիմնավորվում այս կամ այն հիվանդությամբ։ Քրոնիկ հոգնածությանը բնորոշ է նաև վերոնշյալ ախտանշանների պրոգրեսիան։ Հիվանդությունները բացառելու համար քրոնիկական հոգնածությամբ գանգատվողներին զննում են թերապևտը, իմունոլոգը, էնդոկրինոոգը, ռևմատոլոգը, նյարդաբանը, ըստ անհրաժեշտության այլ մասնագետներ ևս։ Քրոնիկական հոգնածության բուժումը ենթադրում է հիվանդի կյանքի որակի բարելավում՝ կենսակերպի փոփոխությամբ։ Օգտակար են՝ Կարգավորված աշխատանքը և հանգիստը ֆիզիկական բավարար ակտիվությունը Վիտամինաթերապիան Սիմպտոմատիկ դեղամիջոցների օգտագործումը՝ միայն բժշկի ցուցմամբ Առողջարար սննդակարգը Մերսումը Լողը

Արցախի միանգամից երեք բնակավայր Ադրբեջանին հանձնելու որոշում ընդունած Հայաստանի ու Արցախի իշխանությունները դեռ չեն արձագանքել ընդդիմության այն պնդմանը, որ նոյեմբերի 9-ի եռակողմ հայտարարության մեջ չկա որևէ կետ, որը նախատեսում է ճանապարհաշինության նպատակով բնակավայրերի հանձնում կամ որ Լաչինի միջանցքին այլընտրանք կառուցվող նոր ճանապարհը պետք է շրջանցի Բերձոր, Աղավնո և Սուս համայնքները: «Հայաստան» դաշինքը վստահ է, որ կրկին գործ ունենք ժողովրդի թիկունքում ձեռք բերված համաձայնությունների, «բանավոր փոխըմբռնման» ու բանավոր պայմանավորվածությունների հետ:

Ժառանգական, քրոնիկ, ծանր ընթացքով հիվանդություն է։ Հիմնականում ախտահարվում են շնչառական, աղեստամոքսային համակարգերը։ Մուկովիսցիդոզի նշանները որպես կանոն արտահայտվում են կյանքի առաջին տարում։ Նորածնային տարիքում հիվանդությունը կարող է արտահայտվել առաջնային կղանքի ուշ դուրսբերմամբ, նորածնային հատուկ բնույթի դեղնուկներով, քաշի վատ ավելացմամբ, ստամոսք-աղիքային համակարգի խանգարումներով, շնչառական հիվանդություններով՝ թաց հազ, աղմկոտ շնչառություն, մեծ տարիքում՝ կրկնվող թոքաբորբեր, ասթմային համախտանիշ, լյարդի ախտահարում։ Ախտորոշման ոսկե ստանդարտ է համարվում քրտինքի թեստը՝ գենետիկ հետազոտության համադրմամբ, արվում են նաև կողմնակի հետազոտություններ։ Հիվանդությունը կարող է դրսևորվել ենթաստամոքսային գեղձի ախտահարումով և առանց դրա։ Լյարդի ախտահարման դեպքում հիվանդությունն առավել ծանր ընթացք ունի։ Հնարավոր է նաև ոսկրերի ախտահարում, մեծ տարիքում՝ ոսկրերի ցածր խտություն, վիտամինների քիչ ներծծման համախտանիշ, հարքթային խոռոչների ախտահարում ևս հնարավոր է։ Բարդացումներ՝ շնչական անբավարարություն, արյունահոսություն՝ հատկապես լյարդի ախտահարման դեպքում, սնուցման խանգարումներ։ ժամանակին ախտորոշումը զգալիորեն նվազեցնում է բարդացումների հավանականությունը։ Հիվանդությունը ենթադրում ամենօրյա բուժում՝ նշանակվում են ֆերմենտներ, սննդային, վիտամինայի թերապիա, ինգալացիաների կատարում։ Գենը շտկող դեղամիջոցների ստեղծումը, նորագույն պրեպարատները հույս են տալիս ակնկալելու, որ հիվանդության վերջնական բուժում հնարավոր է։

ՀՅԴ Արցախի Կենտրոնական կոմիտեի հայտարարությունը

Հունիսի 3–ի գործով կալանավորված ևս մեկ անձ ազատ է արձակվել։ Փաստաբան Նարեկ Ալոյանն իր ֆեյսբուքյան էջում գրել է, որ հունիսի 3-ի «Զանգվածային անկարգությունների» քրեական գործով կալանավորված Գրիգոր Կարապետյանն «Արմավիր» քրեակատարողական հիմնարկից ազատ արձակվեց։ Հիշեցնենք, որ հունիսի 3-ին խաղաղ ակցիա իրականացնող քաղաքացիների նկատմամբ ՀՀ Ոստիկանության կողմից ապօրինի բիրտ ուժի կիրառման պատճառով տեղի ունեցած բախումներից հետո Կարապետյանին մեղադրանք էր առաջադրվել իբր մուրճով ոստիկաններին հարվածելու համար, որն իրականում ձեռնափայտ էր: Հավելենք, որ Գրիգոր Կարապետյանը ՀՅԴ Թալինի «Արամ» կոմիտեի անդամ է, Արցախյան բոլոր պատերազմների մասնակից:

Ատամներին լրացուցիչ փայլ տալու համար ժամանակակից էսթետիկ ատամնաբուժությունն առաջարկում է ատամնային զարդեր՝ Skyce-եր, որոնք տեսակով յուրահատուկ, ատամների համար անվնաս զարդարանքի միջոցներ են և ունեն մեծ պահանջարկ: Թեմայի շուրջ Aysor.am-ը զրուցել է ատամնաբույժ Լիլիթ Մեխակյանի հետ. «Կազմված լինելով կայուն և իներտ նյութից՝ ատամնազարդի փայլուն հատկությունները պահպանվում են երկար ժամանակ և չեն թուլանում: Skyce-ի այն կողմը, որը շփվում է ատամների հետ, մշակվում է հատուկ և հստակ ձևով, որպեսզի ճանապարհ հարթվի ամուր և դիմացկուն ամրացում ստեղծելու համար՝ կանխելով դրա խարսխից հանկարծակի անջատումը և հնարավոր կուլ տալը»,- ասաց ատամնաբույժը: Զարդը կարող է ամրացվել ցանկացած ատամի ցանկացած հատվածում՝ ըստ պացիենտի ցանկության, նաև ատամի անհարթ մակերեսին՝ այսպիսով ոչ միայն գեղեցկացնելով ատամը, այլև ծածկելով հնարավոր թերությունները։ «Skyce-ի տեղադրման գործընթացը ցավազուրկ է, տեղադրվում է առանց ատամի հյուսվածքը հղկելու և տևում է 30 րոպեից ոչ ավելի: Զերծ է սուր եզրերից, չի վնասում բերանի ներքին լորձաթաղանթը, շուրթերը և զուրկ է կողմնակի էֆեկտներից: Ապագայում այն հեռացնել նույնպես հնարավոր է՝ առանց ցավի և ատամի ամբողջականությունը վնասելու: Skyce-ի պահպանումը շատ պարզ է և ոչ ժամանակատար: Ատամները կանոնավոր կերպով խոզանակելու դժվարություններ նույնպես չի առաջացնում»,- մանրամասնեց Լիլիթ Մեխակյանը: Հավելենք նաև, որ ատամնազարդի տեղադրումը մատչելի է, չունի տարիքային սահմանափակում, կարող է պարբերաբար վերատեղադրվել, կամ փոխարինվել նորով։

Փաստինֆո-ն գրում է Արցախի ղեկավարության հանցավոր պայմանավորվածության և նոյեմբերի 9-ի եռակողմ համաձայնագրի դրույթները խախտելու հետևանք է Բերձորի և Աղավնոյի հանձնումը: Հայաստանի իշխանությունն էլ այս պահին ձեռքերը լվացել է Արցախից, որպեսզի ցույց տան հանրությանը, թե իրենք կապ չունեն այս ամենի հետ, բայց ինչպե՞ս կարող է Հայաստանը, որն Արցախի անվտանգության երաշխավորն է, մի կողմ կանգնի այս իրավիճակում, սա կոչվում է սաբոտաժ։ Հանցավոր անգործության հետևանքով մենք հերթական պարտությունն ունեցանք: «Փաստինֆո»-ի հետ զրույցում նման տեսակետ է հայտնել «Հայաստան» խմբակցության պատգամավոր Վահե Հակոբյանը: Պատգամավորն արձանագրում է՝ նոյեմբերի 9-ի եռակողմ հայտարարության մեջ խոսք չկա Բերձորի և Աղավնոյի հանձման մասին, այնտեղ միայն Բերձորը շրջանցող նոր ճանապարհի մասին է նշվում. «Բայց, որ Աղավնոն և մյուս երկու բնակավայրերը պետք է հանձնվեն խոսք չկա դրա մասին, որտե՞ղ է գրված նման բան»,-ասաց նա: Հարցին՝ այս պահին կա՞ ինչ-որ տարբերակ Բերձորի և Աղավնոյի հանձնումը կանխելու համար, Վահե Հակոբյանը պատասխանեց՝ պետք է Արցախում դիմադրության շարժում սկսվի, որպեսզի միջազգային հանրության ուշադրությունը հրավիրեն խնդրի վրա. «Արցախոմ պետք է առաջինը սկսեն պայքարը, հետո մյուս ուժերը սատարեն: Արցախը պետք է դիմադրի և փորձի միջազգային հանրության ուշադրությունը վերջապես սևեռել մեր հարցի վրա: Կոսովոյում էլ է նույն խնդիրը, բայց Կոսովոյի անկախությունը մի շարք երկրներ ճանաչել են, բա Արցախն ինչու՞ չեն ճանաչում, դնենք մի կողմ, որ Հայաստանը չի ճանաչում, վատն է ՝չի ճանաչում, բա դուք ինչո՞ւ չեք ճանաչում։ Այստեղ մենք վերադառնում ենք մեր հին թեմային՝ նավթ, գերպետությունների հետաքրքրություն, գեոպոլիտիկ իրավիճակ, սա է ողջ խնդիրը»,-ասաց Հակոբյանը: Այս օրերին հաճախ են ընդդիմության հասցեին մեղադրանքներ հնչում, որ որևէ քայլ չի ձեռնարկում՝ նոր տարածքների հանձնումը կանխելու համար, ընդհակառակը, այս իրավիճակում «ժամանակավոր դադար» է հայտարարել ընդդիմությունը: Արձագանքելով այս մեղադրանքներին՝ Վահե Հակոբյանն ասաց՝ ընդդիմության դադարը վերաբերվում է միայն հանրահավաքների անցկացմանը, բայց դաշինքը և ֆրակցիան իր ակտիվ գործունեությունը չի դադարեցնում, իսկ վաղը իրենց հերթական գործողության մասին կտեղեկացնեն։ «Ես չեմ հասկանում մեզ մեղադրողներին, մենք արեցինք այն, ինչ կարողացանք անել և շարունակելու ենք։ Հիմա ժամանակն է, որ դադար վերցնենք, շունչ քաշենք, բնակիչների մի մասը երկրում չէ, եղանակը շոգ է, առհասարակ, բոլոր տեղերում օգոստոսին քաղաքական իրադարձությունները դադարում են: Մենք մեռանք ասելով, որ եթե այս կառավարությունը մնա, զիջումներն ու պարտությունները շարունակվելու ենք, տեսա՞ք, էլի ենք ասում, որ եթե իրենք մնան, շարունակելու ենք պարտվել՝ մինչև մեր պետականության կորուստը։ Մենք էլ ի՞նչ կարող էինք անել։ Ընդդիմադիրներից շուրջ 150 հոգի քրեական մեղադրանքներով են անցնում, նրանց շինծու մեղադրանքներով պահում են փակի տակ՝ կալանավայրերում, մենք էլ ինչ անենք: Իսկ, ով մեզ մեղարդրում է՝ հրապարակն էլ է ազատ, կառավարության դիմացն էլ է ազատ, տեղն էլ գիտեն, թող գնան և իշխանափոխություն անեն, եթե մեզանից լավ կարող են անել, մենք այսպես ենք ճիշտ գտնում»,-եզրափակեց Վահե Հակոբյանը:

Ծաղկակաղամբը հարուստ է հակաբորբոքային, հակաքաղցկեղածին հատկություններ ունեցող տարրերով, բարելավում է գլխուղեղի աշխատանքը, նվազեցնում է սիրտ-անսթային համակարգի հիվանդությունների առաջացման հավանականությունը։ Ցածր կալորիականության շնորհիվ ծաղկակաղամբը դիետիկ սննդակարգի կարևորագույն բաղադրիչներից է։ Բանջարեղենը հարուստ է նաև հակաօքսիդանտներով, ծաղկակաղմաբի 100 գրամը բավարարում է վիտամին C-ի օրվա պահանջը։ Հայտնի է, որ բորբոքային գործընթացը մեծացնում է սիրտ-անոթային համակարգի հիվանդությունների, կաթվածի, դիաբետի, Ալցհեյմերի, Պարկինսոնի հիվանդության առաջացման հավանականությունը, ծաղկակաղամբի հակաբորբոքային հատկությունը պայմանավորված է K, C վիտամինների, հակաօքսիդանտների, օմեգա-3-ի պարունակությամբ, որ նպաստում են անոթների առողջությանը, կարգավորում են զարկերակային ճնշումը, նվազեցնում են արյան մեջ խոլեստերինի մակարդակը։ Վիտամին K-ի պարունակության շնորհիվ ծաղկակաղամբը նպաստում է ոսկրային համակարգի ամրացմանը, կանխում է օստեոպորոզի առաջացումը, մասնակցում է նաև արյան մակարդման գործընթացին, հարստացնում է օրգանիզմը կալցիումով։ Թաղանթանյութի պարունակության շնորհիվ ծաղկակաղամբը նպաստում է մարսողության բարելավմանը, կանխում է փորկապության առաջացումը, նպաստում է օրգանիզմից թույների, ավելորդ հեղուկի դուրսբերմանը։ Մեծ քանակության հում ծաղկակաղամբի օգտագործումը կարող է նպաստել հիպոթիրեոզի (վահանաձև գեղձի հիվանդություն) զարգացման (յոդի դեֆիցիտի դեպքում)։ Մեծ քանակության ծաղկակաղմաբ ցուցված չէ օգտագործել նաև պոդագրայի(հոդատապ), քարային հիվանդությունների դեպքում։

Արտաշատի համայնքային ոստիկանները տեղեկություններ էին ստացել, որ Աբովյան գյուղի Խանջյան փողոցի խանութներից մեկում վիճաբանություն է եղել, ինչից հետո հնչել են կրակոցներ։ Հետագա միջոցառումներով պարզվել է, որ օգոստոսի 5-ին Աբովյան գյուղի մի բնակիչ վիճաբանել է 70-ամյա համագյուղացու հետ։ Վիճաբանությունից հետո 70-ամյա տղամարդը գնացել է վիճաբանության մյուս մասնակցի տան մոտ և հրացանից կրակոցներ արձակել։ Փաստի առթիվ Արարատի մարզային քննչական վարչությունում նախաձեռնվել է քրեական վարույթ։ Օգոստոսի 8-ին Արտաշատի ոստիկանները ձերբակալել են 70-ամյա տղամարդուն և ներկայացրել քննչական ստորաբաժանում։ Հրացանը ևս հայտնաբերվել է։ Դեպքի հանգամանքները նախաքննությամբ պարզվում են։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Միացյալ Նահանգների նախագահը ստորագրել է Ֆինլանդիայի ու Շվեդիայի՝ ՆԱՏՕ-ին անդամակցելու փաստաթղթերը՝ ավելի մոտեցնելով այդ երկու երկրներին Հյուսիսատլանտյան Դաշինքին: Բայդենը Ռուսաստանին է մեղադրել սկանդինավյան երկրների որոշման համար ու նշել, թե Մոսկվան կործանել է Եվրոպայի անվտանգային համակարգը: