Լրահոս

Fastex Հայաստանի Պրեմիեր լիգայի 15-րդ տուրում Երևանի «Արարատը» ընդունել էր «Նոային»։ Հանդիպումն ավարտվեց տանտերերի հաղթանակով՝ 2։1 հաշվով, տեղեկացնում է Armsport.am-ը։ Խաղի հաշիվը 20-րդ րոպեին բացեց Ռուդիկ Մկրտչյանը։ 63-րդ րոպեին Էդգար Մալաքյանը հստակ իրացրեց 11 մետրանոց հարվածն ու կրկնապատկեց իր թիմի առավելությունը։ 3 րոպե անց հյուրերից գոլի հեղինակ դարձավ Լևոն Վարդանյանը։ «Արարատն» այս հաղթանակից հետո 17 միավորով բարձրացավ 6-րդ հորիզոնական։ «Նոան» 5 միավորով եզրափակում է մրցաշարային աղյուսակը։

Երեկ՝ նոյեմբերի 4-ին, մահվան ելքով վրաերթ է տեղի ունեցել Երևանում։ Ժամը 01։20-ի սահմաններում Երևանի բնակիչ 30-ամյա Վրեժ Սանթրոսյանը իր վարած Ford մակնիշի ավտոմեքենայով Սեբաստիա փողոցի 18 հասցեի դիմաց վրաերթի է ենթարկել անձը չպարզված 65-70 տարեկան կին հետիոտնի։ © shamshyan.com https://shamshyan.com/hy/article/2022/11/05/1225924/

Սպորտային կոշիկներ ընտրելիս պետք է հաշվի առնել մի քանի կարևոր կետեր, որոնց պահպանման շնորհիվ մարզումները կանցնեն հարթ ու չեն հոգնեցնի մարմինը։ Պետք է հիշել, որ այն մոդելը, որն առաջին հերթին կպահպանի ոտքերի ու ողնաշարի առողջությունը, երկրորդ՝ գրավիչ տեսք կունենա, ամենևին էլ մատչելի չի լինի։ Սպորտային կոշիկները հստակորեն նախատեսված են սպորտային գործունեության որոշակի տեսակի համար՝ վազքի, ֆիթնեսի, ֆուտբոլի, քայլելու: Պետք է խստորեն ընտրել իր նպատակին համապատասխան կոշիկ, քանի որ, տարբեր են ներբանները և աերոբիկայի սպորտային կոշիկները հարմար չեն լինի վազքի համար։ Կարևոր է, որ ցանկացած մարզաձևի համար նախատեսված սպորտային կոշիկները լինեն հնարավորինս թեթև և առանց անհարմարություն պատճառող կապիչների: Սա հատկապես կարևոր է այն մարզաձևերի համար, որտեղ պետք է ակտիվորեն շարժվել: Նման կոշիկներն ապահով կերպով ամրացնում են ոտքը, ինչը բացառում է կոպիտ վնասվածքը։ Կոշիկի ներբանը պետք է պատրաստված լինի խոնավություն կլանող նյութից և լինի շարժական։ Պետք է հիշել, որ բարձրորակ ներբաններն ունենում են կամարային հենարան: Վազելու և ցատկելու համար նախատեսված կոշիկներն էլ իրենց հերթին, հոդերի և ողնաշարի ծանրաբեռնվածությունը նվազեցնելու համար մատի և կրունկի տակ պարտադիր պետք է ունենան ամորտիզատորներ և ռեֆլեկտիվ տարրեր։ Ամառային զբոսանքների համար ներբանը պետք է պատրաստված լինի ծակոտկեն նյութից, իսկ ձմռան համար՝ ցածր ջերմաստիճանում չպնդացող կազմից: Մասնագետները խորհուրդ են տալիս ուշադրություն դարձնել նաև սպորտային կոշիկների արտաքին ներբաններին. Մարզասրահի համար կարելի է գնել հարթ, բայց գանգուր ներբանով կոշիկ՝ մակերեսային ռելիեֆով: Դրա իմաստը կայանում է նրանում, որ այն ավելի քիչ է սահում, քան պարզապես հարթ ներբանը: Ժամանակակից կաշվից կոշիկ ընտրելիս անհրաժեշտ է ստուգել՝ արդյոք նման կոշիկների մեջ առկա՞ են պերֆորացիաներ կամ ցանցային ներդիրներ՝ ոտքերի քրտնարտադրությունից խուսափելու համար։ Ներբանը պետք է լավ թեքվի, ունենա մի փոքր բարձրացված թաթ, իսկ հետևի մասը լինի մի փոքր թեքված: Սպորտային կոշիկների մեջ միջնաշերտը պատրաստված է էթիլ վինիլացետատից, որի շնորհիվ կոշիկի ներբանի դեֆորմացիան կանխվում է հաճախակի օգտագործման դեպքում։ Խոշոր և ծանր քաշ ունեցող մարդկանց խորհուրդ է տրվում գնել ավելի կոշտ սպորտային կոշիկներ, իսկ թեթև քաշայիններին՝ հակառակը։ Սպորտային կոշիկներ գնելիս պետք է ուշադրություն դարձնել նաև գուլպաներին, հագնել հենց այն գուլպաները, որոնցով նախատեսվում են մարզումները: Սպորտային գուլպաները սովորաբար ավելի հաստ են, քան սովորական գուլպաները: Եթե ​​նույնիսկ ամենաչնչին կասկած կա կոշիկների հարմարության վերաբերյալ, ապա ավելի լավ է հրաժարվել դրանցից, որպեսզի հետագայում վազքը կամ մարզվելը ոտքերի համար տանջանքի չվերածվի։

Հացահատիկային մշակաբույսերի օգուտներն ու վնասները ամենահաճախ քննարկվող հարցերից են նրանց մոտ, ովքեր առողջ ապրելակերպ են վարում և փորձում վերահսկել սննդի որակը։ Մի կողմից, հացահատիկները և ալյուրի մթերքները ամենաբարձր կալորիականությամբ մթերքներից են, ինչը հաճախ անցանկալի է օրգանիզմի համար, իսկ մյուս կողմից, պետք չէ անտեսել հացահատիկի մեջ վիտամինների, միկրոտարրերի և մանրաթելերի բարձր պարունակությունը։ Ինչ վերաբերում է սննդին, ապա հացահատիկ ասելով ընդունված է նկատի ունենալ չմշակված պտուղները՝ կազմված սերմերից, բողբոջներից և էնդոսպերմից։ Հացահատիկների ընտանիքը ներառում է տարեկանի, վարսակի, եգիպտացորենի, բամբուկի և շաքարեղեգի հումք: Արդեն մշակված հացահատիկների կեղևը հանվում է, հումքը ենթարկվում մանրացման և փշրման: Օրինակ՝ ցորենը վերամշակումից հետո կարող է վերածվել ցորենի ձավարեղենի, ցորենի փաթիլների, բլղուրի, ձավարի և այլ քիչ հայտնի հացահատիկների, որոնցից յուրաքանչյուրն ունի իր սննդային և էներգետիկ արժեքը: Հացահատիկային արտադրանքի հիմնական արժեքը ածխաջրերի բարձր պարունակությունն է: Այս նյութերը, որոնք էներգիայի հիմնական աղբյուրն են, անփոխարինելի են մարդու օրգանիզմի համար։ Ածխաջրերը անհրաժեշտ են նուկլեինաթթուների, բարձր ճարպաթթուների, ամինաթթուների սինթեզի համար։ Բացի այդ, բնական հացահատիկները պարունակում են սպիտակուցներ՝ շինանյութ մկանների համար, բուսական ճարպեր՝ պատշաճ նյութափոխանակության մասնակիցներ, մանրաթելը՝ աղիների մաքրում իրականացնելու համար, որը կարող է կլանել թունավոր միացություններ, գազեր և այլ անցանկալի թափոններ: Հացահատիկային արտադրանքի բաղադրությունը ներառում է նաև հանքանյութեր, որոնքանփոխարինելի են օրգանիզմի համար: Հացահատիկի վիտամինների պարունակությունը նույնպես այս մթերքը կարևոր է դարձնում առողջության համար: Այսպիսով, B վիտամիններն օգնում են պահպանել նյարդային համակարգի պատշաճ գործունեությունը, իսկ PP-ն օգնում է նորմալացնել մարսողական օրգանների աշխատանքը: Բայց հարկ է հիշել, որ յուրաքանչյուր հացահատիկ ունի իր վիտամինային և հանքային բաղադրությունը, որն էլ որոշում է դրա արժեքը: Հացահատիկային ապրանքների համեմատաբար բարձր կալորիականությունը հիմնական պատճառն է, որ այդ ապրանքները ներառված են սև ցուցակում նրանց կողմից, ովքեր հետևում են իրենց սննդակարգին: Բայց կան նաև շատ այլ հանգամանքներ, որոնք պահանջում են սահմանափակել հացահատիկի սպառումը. Մարսողական տրակտի հիվանդություններ. Գաստրիտ, պանկրեատիտ, խոլեցիստիտ, բորբոքային պրոցեսներ աղիքներում։ նման պայմանները պահանջում են հացահատիկի մանրակրկիտ ընտրություն: Այսպիսով, սննդակարգում կորեկի կամ թեփի մեծ քանակությունը կարող է առաջացնել հիվանդության սրացում, քանի որ այդ ապրանքները պարունակում են մեծ քանակությամբ մանրաթել: Եթե ​​նույնիսկ հացահատիկները ներառված չեն սիրելի մթերքների ցանկում, ապա պետք չէ հրաժարվել հացահատիկից։ Բողբոջած ձավարեղենը կարող եք օգտագործել սմուզիների մեջ՝ 2-3 ճաշի գդալ ծիլը չի ​​փոխի ելակի կամ կաթնային կոկտեյլի համը, այլ շատ ավելի առողջարար կդարձնի այն։ Սննդաբանները խորհուրդ են տալիս հացահատիկների հետ օգտագործել մաքուր ջուր, բուսական թեյեր կամ հարստացված ըմպելիքներ, որոնք հացահատիկային արտադրանքի հետ կստեղծեն հագեցվածության երկարատև զգացում և կկանխեն չպլանավորված սնունդ ընդունելու վատ սովորությունը։

Իլոն Մասկի ընկերությունը սկսել է Hyperloop արագընթաց տրանսպորտային համակարգի փորձարկումները։ Նախագիծը իրենից ներկայացնում է աէրոդինամիկ թունել , որի ներսում շարժվում է մարդատար գնացք, հաղորդում է «Իզվեստիա» հեռուստաալիքը։ Պարկուճը կարող է տեղավորել 28 ուղևոր, տրանսպորտային միջոցը կարող է ունենալ առավելագույնը մինչև 1220 կմ/ժ արագություն։ Համակարգը փորձարկվում է Tesla մեքենայի միջոցով: Նախագծի համաձայն՝ գնացքը կարող է Լոս Անջելեսից Սան Ֆրանցիսկո ճանապարհն անցնել 30 րոպեում։ Իլոն Մասկը Hyperloop ստարտափի գաղափարը ներկայացրել է 2012 թվականին:

ՀՀ ոստիկանության Պարեկային ծառայության Երևանի գնդի 1-րդ գումարտակի 2-րդ վաշտում նյութեր են նախապատրաստվում նոյեմբերի 2-ին Երևանում տեղի ունեցեած ավտովթարի փաստով։ © shamshyan.com https://shamshyan.com/hy/article/2022/11/05/1225922/

4,9 մագնիտուդ ուժգնությամբ երկրաշարժ է տեղի ունեցել Թուրքիայի արևմտյան Իզմիր նահանգում: Երկու մարդ մահացել է, 7 մարդ տեղափոխվել է հիվանդանոց, նրանցից մեկի վիճակը ծանր է: Երկրաշարժին հաջորդել է 80 հետցնցում մինչև 2,7 մագնիտուդ ուժգնությամբ։

Ուզբեկստանի Սենատի կայքը կոտրել է Marsh Golden հաքերային խումբը, որում ընդգրկված են 14-ամյա 6 դեռահասներ, հայտնում է Podrobno.uz-ը։ Նրանց խոսքերով՝ իրենք հարձակում են իրականացրել հանրապետության օրենսդիր մարմնի կայքի վրա ոչ վատ նպատակներով։ Խմբի ղեկավարը բացատրել է, որ ռեսուրսը կոտրվել է, որպեսզի ցուցադրվի դրա խոցելիությունը։ Դեռահասը վստահեցրել է, որ ինքն ու իր թիմը պատրաստ են օգնություն ցուցաբերել Ուզբեկստանին կիբերանվտանգության ապահովման հարցում, եթե իշխանություններն իրենց նման հնարավորություն տան։ Հրատարակության տվյալներով՝ անչափահաս հաքերները 2018 թվականից կոտրել են տարբեր կայքեր։ Երեք տարի առաջ նրանք հարձակվել էին Kundalik.com կրթական հարթակի վրա, իրենց գնահատականները բարելավելու համար:

ՆԱՏՕ-ն չի ծրագրում փոխել իր միջուկային դիրքերը; Ինչպես հաղորդում է «Արմենպրես»-ը՝ վկայակոչելով «ՌԻԱ Նովոստի»-ին, այս մասին հայտարարել է դաշինքի գլխավոր քարտուղար Յենս Ստոլտենբերգը։ Ավելի վաղ ՌԴ նախագահ Վլադիմիր Պուտինը հայտարարել էր, որ Ռուսաստանը երբեք ոչինչ չի ասել միջուկային զենքի կիրառման մասին, իսկ Ռուսաստանի կողմից միջուկային զենք օգտագործելու հնարավորության մասին թեզը պարտադրելը օգտագործվում է Ռուսաստանի բարեկամ երկրների վրա բացասաբար ազդելու համար։ «ՆԱՏՕ-ն մտադիր չէ փոխել իր միջուկային դիրքերն ու տեղակայումները», - ասել է Ստոլտենբերգը՝ պատասխանելով հարցին, թե տեխնիկապես հնարավոր կլինի տեղակայել կազմակերպության միջուկային հնարավորությունները Շվեդիայում և Ֆինլանդիայում, եթե այդ երկրները միանան դաշինքին։

Ֆրանսիայի հրապարակը՝ քայլերթից հետո․ ֆոտոռեպորտաժ

SHAMSHYAN.com-ի տեղեկություններով՝ Հայաստանի քննչական կոմիտեի Երևան քաղաքի քննչական վարչության Արաբկիրի քննչական բաժնում նախաձեռնվել է քրեական վարույթ ՀՀ ՔրՕրի 187 հոդվածի 1-ին մասի հատկանիշներով։ © shamshyan.com https://shamshyan.com/hy/article/2022/11/05/1225918/

Ֆրանսիայի հրապարակում ընթացող հանրահավաքի ավարտին ներկայացվեց հայտարարություն՝ ուղղված Հայաստանի և Արցախի ժողովրդին ու միջազգային հանրությանը։ «Մենք ողջունում ենք արցախահայ քույրերի և եղբայրների պայքարը շարունակելու հավաքական կամքը։ Արցախը չի կարող լինել Ադրբեջանի կազմում։ Այս գաղափարն է ՀՀ անկախության հռչակագրի հիմքում, և մենք այն պաշտպանելու ենք ամեն գնով։ Հայաստանի օրվա իշխանությունների վարած քաղաքականությունը վտանգում է Հայաստանի ինքնիշխանությունը, տարածքային ամբողջականությունը, ՀՀ անկախության հռչակագրում ամրագրված դրույթների կյանքի կոչումը, սպառնում է հայկական Արցախի գոյությանը, արցահայերի անօտարելի իրավունքների իրացմանը, մեր երկիրը ներքաշում է աշխարհաքաղաքական արկածախնդրության, փչացնում մեր հարաբերությունները դաշնակից ու բարեկամ երկրների հետ, բերում է նոր պատերազմ, կորուստներ և կապիտուլյացիա։ Հայաստանը չպետք է հայտնվի Ռուսաստան-Արևմուտք բախման կիզակետում։ Արտաքին կողմնորոշումների քաղաքականությունը ղարաբաղյան հակամարտության կարգավորման հիմքում դնելը խիստ վտանգավոր է և անընդունելի։ Մենք կողմ ենք հայ-թուրքական, հայ-ադրբեջանական հարաբերությունների կարգավորմանը, բայց՝ առանց նախապայմանների, ուժի կիրառման կամ դրա սպառնալիքի։ «Զանգեզուրի միջանցքի» թուրք-ադրբեջանական պահանջը չունի որևէ իրավական հիմք, Ադրբեջանը պետք է կատարի իր պարտավորությունները, վերադարձնի հայ ռազմագերիներին, պահվող այլ անձանց, դուրս բերի իր զորքերը ՀՀ ինքնիշխան տարածքից։ Թուրքիան չպետք է Հայաստանի Հանրապետության հետ խոսի վերջնագրերի լեզվով։ Մեր առաջնային խնդիրները պետք է լինեն հանրային համերաշխության ապահովումը, բանակի վերականգնումը, Հայաստանի և Արցախի անվտանգության ապահովումը, Հայաստան-Արցախ-Սփյուռք եռամիասնությունը։ Համաձայն ՀՀ Գերագույն խորհրդի 1992 թ․ հուլիսի 8-ի որոշման, ՀՀ համար անընդունելի է միջազգային կամ ներպետական ցանկացած փաստաթուղթ, որտեղ ԼՂՀ-ն նշված կլինի Ադրբեջանի կազմում։ Մենք արձանագրում ենք՝ ներկայումս հայ ժողովրդի թիկունքում բանակցվում են մեզ համար սկզբունքային և ճակատագրական նշանակություն ունեցող հարցեր։ Հայաստանի օրվա իշխանությունն, ամբողջությամբ դրժելով իր իսկ նախընտրական խոստումներն ու կառավարության ծրագիրը, այդ բանակցություններում գնում է Հայաստանի ինքնիշխանությունը, Արցախի գոյությունը հարցականի տակ դնող պայմանավորվածությունների։ Այդ բանակցությունները հակասում են միջազգային իրավունքի սկզբունքներին, քանի որ ընթանում են Ադրբեջանի կողմից ուժի կիրառման և դրա սպառնալիքի պայմաններում։ Մենք հայտարարույմ ենք, որ ՀՀ սահմանադրության, ներպետական օրինական ընթացակարգերի և միջազգային իրավունքի նորմերի խախտումով՝ ՀՀ օրվա իշխանությունների գրավոր, թե բանավոր հայտարարությունները, խոստումները, համաձայնությունները չունեն որևէ իրավական ուժ և անխուսափելի իշխանափոխությունից հետո դիտվելու են առ ոչինչ։ Մեր համոզմամբ՝ Հայաստանը միջազգային հարաբերություններում պետք է հանդես գա նոր բանակցողով։ Կոչ ենք անում Հայաստանի Հանրապետության և Արցախի Հանրապետության քաղաքացիներին, հայ ժողովրդին՝ չտրվել հիասթափության ու հոռետեսության, պատրաստ լինել պայքարելու հանուն Հայաստանի, հանուն Արցախի, հանուն մեր երկրի անվտանգ և բարեկեցիկ ապագայի»։

Միասնության երթը Երևանում շարունակվում է (Լուսանկարներ)

Այսօր Արցախի Խրամորթ գյուղի տարածքում գյուղատնտեսական աշխատանքներ իրականացնող քաղաքացիական անձանց ուղղությամբ արձակված թիրախային կրակոցներն Ադրբեջանի կողմից Արցախի ժողովրդի դեմ իրականացվող էթնիկ ատելության և ցեղասպանական քաղաքականության հերթական ապացույցն են։ Մարդու իրավունքների պաշտպանի աշխատակազմ ստացված տեղեկությունների համաձայն՝ դեպքն արձանագրվել է նոյեմբերի 5-ին՝ ժամը 12:30 սահմաններում, Արցախի Հանրապետության Ասկերանի շրջանի Խրամորթ համայնքի վարչական տարածքում գտնվող դաշտում։ Արձակված կրակահերթերի հետևանքով վնասվել է Ստեփանակերտի բնակիչ Կ. Մարտիրոսյանին պատկանող «Բելառուս» մակնիշի տրակտորը, քաղաքացիական անձանց շրջանում տուժածներ չկան։ Կրակահերթերի հետևանքով ամբողջությամբ դադարեցվել են գյուղատնտեսական աշխատանքները։ Խաղաղության մասին խոսող և Արցախի ժողովրդի իրավունքների և անվտանգության կեղծ խոստումներ տվող ադրբեջանական իշխանությունները և զինված ուժերը շարունակում են վարել Արցախի ժողովրդի ամենատարրական իրավունքների լայնածաված խախտումների հանգեցնող, ֆիզիական և հոգեբանական անվտանգությունը խաթարող հանցավոր քաղաքականություն։ Բազմիցս ընդգծել ենք, որ խաղաղ բնակավայրերի հարևանությամբ գտնվող ռազմական հենակետերն ուղիղ սպառնալիք են խաղաղ բնակչության կյանքի և տարրական այլ իրավունքների համար, որի սպառնալից հետևանքներին հրադադարի հաստատումից հետո ականատես ենք եղել բազմիցս։ Ադրբեջանական էթնիկ զտման և ցեղասպանական քաղաքականությունը չի փոխվել և չի փոխվելու։ Այն, ինչ արվում կեղծ խաղաղասիրության քողի ներքո, միտված է մոլորցնելու միջազգային հանրությանը և թմրեցնելու մեր հասարակության զգոնությունը։ Комментарии: 1 David Gabrielian Ամեն բան ճիշտ է շարադրված, միայն թե տեղեկատվությունը ցանկալի է տարբեր լեզուներով հրապարակել... Ответить6 мин. Нажмите ENTER, чтобы отправить комментарий.

Եվրոպական EuroMillions վիճակախաղի՝ 160 մլն եվրո արժողությամբ մրցանակը բաժին է հասել Ֆրանսիայի բնակչին։ Ինչպես հաղորդում է «Արմենպրես»-ը, այս մասին հայտնել է Le Parisien-ը։ Սա այս վիճակախաղի պատմության ընթացքում արդեն յոթերորդ ամենախոշոր շահումն է Ֆրանսիայում։ Հաջողակի ինքնությունը չի բացահայտվում, հայտնի է միայն, որ հաղթող տոմսը գնվել է Պա-դե-Կալե դեպարտամենտում։ Դեռևս հայտնի չէ, թե արդյոք հաղթողը հավակնել է մրցանակի իրավունքին, նա դրա համար ունի 60 օր։ Նշված ժամկետից հետո, չպահանջելու դեպքում, 10 միլիոն եվրոյից ավելի շահումները վերադարձվում են վիճակախաղի շրջանառությանը։ Ավելի փոքր գումարները, ըստ 2019 թվականի օրենքի, պետք է տրվեն պետությանը։ 2020 թվականին Ֆրանսիայի գանձարանն, այսպիսով` համալրվել է 70 միլիոն եվրոյով, իսկ 2021 թվականին՝ 150 միլիոն եվրոյով։

Ռուսաստանի Դաշնության փոխարտգործնախարար Սերգեյ Վերշինինը Թեհրանում հանդիպել է Իրանի արտգործնախարար Հուսեյն Ամիր Ամդոլահյանի հետ։ Ինչպես հաղորդում է «Արմենպրես»-ը, այս մասին հայտնում է Իրանում ՌԴ դեսպանությունը։ Հանդիպմանը քննարկված հարցերի մասին մանրամասներ չեն հաղորդվում։ Հայտնի է միայն, որ Թեհրանում հանդիպումը տեղի է ունեցել ՄԱԿ-ի կանոնադրության պաշտպանության բարեկամների խմբի ազգային համակարգողների առաջին հանդիպման շրջանակում։

Նոյեմբերի 5-ին համապետական ծառատունկի շրջանակներում ՇՄՆ «Զանգեզուր» կենսոլորտային համալիր» ՊՈԱԿ-ի՝ սահմանապահ Ներքին Հանդ համայնքում գտնվող «Սոսու պուրակ» արգելավայրում տնկվեցին արևելյան սոսիներ։ Ծառատնկման համար օգտագործվել են «Սոսու պուրակ» արգելավայրում գործող տնկարանում աճեցվող ծառերը։