Լրահոս

Լաչինի միջանցքի շահագործման ռեժիմը պետք է համապատասխանի Ռուսաստանի Դաշնության, Հայաստանի և Ադրբեջանի ղեկավարների 2020 թ. նոյեմբերի 9-ի եռակողմ հայտարարությանը, այն չի նախատեսում անցակետերի ստեղծում։ Նման հայտարարություն է արել ՌԴ արտգործնախարար Սերգեյ Լավրովը Ադրբեջանի արտգործնախարար Ջեյհուն Բայրամովի հետ բանակցություններից հետո կայացած մամուլի ասուլիսում։ Այս մասին հաղորդում է «Արմենպրես»-ը՝ վկայակոչելով ТАСС գործակալությանը:

Երևան ժամանելուց հետո, կարճ ժամանակ անց, դեսպան Քվինն այցելեց «Գաֆէսճեան արվեստի կենտրոն»՝ ծանոթանալու հայկական և ժամանակակից արվեստի լավագույն նմուշներին, հայտնում են ՀՀ-ում ԱՄՆ դեսպանության ֆեյսբուքյան էջում։

Հայլուր 15։30 Ռուսաստանը «խիստ չի պնդելու». Լավրով-Բայրամով ասուլիս՝ Բաքվում

ԱԽ քարտուղար Արմեն Գրիգորյանն ընդունել է Լյուքսեմբուրգի Պատգամավորների պալատի բյուրոյի փոխնախագահ, խորհրդարանի փոխխոսնակ Ջունա Բերնարդի գլխավորած պատվիրակությանը:

Ռուսաստանի նախագահի մամուլի քարտուղար Դմիտրի Պեսկովը հայտարարել է, որ ՆԱՏՕ-ի երկրները, հաշվի առնելով Ուկրաինայում գտնվող իրենց զենքերը, իրենց հետախուզության աշխատանքը, հաշվի առնելով սպառազինությունների շարունակական մատակարարումները, դե ֆակտո Ռուսաստանի դեմ կռվում են միասնական դաշինքով։

Ռուսական խաղաղապահ զորախմբի հրամանատարության մասնակցությամբ Արցախի եւ Ադրբեջանի ներկայացուցիչների՝ փետրվարի 24–ին կայացած հանդիպումից 5 օր անց պաշտոնապես չի տեղեկացվում, թե ովքեր են այդ հանդիպմանը մասնակցել՝ որպես Արցախի ներկայացուցիչներ։

Եվրամիությունը մեկ տարով երկարաձգել է Բելառուսի դեմ պատժամիջոցները: Արգելված են ուղևորությունները Բելառուսից Եվրամիության երկրներ մինչև 2024թ. փետրվարի 28-ը: Սառեցված են ֆիզիկական և իրավաբանական անձանց ցուցակներում ներառվածների ակտիվները։ Այդ ցուցակում է 195 մարդ, այդ թվում Բելառուսի նախագահը: Բելառուսի դեմ շարունակում են գործել նաև տնտեսական պատժամիջոցներ: Ճապոնիան էլ սաստկացրել է Ռուսաստանի դեմ պատժամիջոցները: Ճապոնիայում կսառեցվեն 48 մարդու, 94 կազմակերպությունների ակտիվները:

Մարտի 1-ից սկսվում են Երևանի համայնքային ծրագրերով նախատեսված մայրաքաղաքի Թամանյան փողոցի և Թամանյան-Իսահակյան փողոցների խաչմերուկների երթևեկելի մասի ծածկի վերատեղադրման, բարեկարգման աշխատանքները:

ԱՄՆ-ի պետքարտուղար Էնթոնի Բլինքենն անցած գիշեր իր առաջին պաշտոնական այցով ժամանել է Աստանա, որտեղ հանդիպում կունենա Կենտրոնական Ասիայի երկրների արտաքին քաղաքական գերատեսչությունների ղեկավարների հետ:

Արցախի շուրջ տեղի ունեցող քաղաքական գործընթացների համատեքստում վերջին զարգացումները, մասնավորապես Ռուբեն Վարդանյանի պաշտոնանկությունը, հակառակ ներկայացված բացատրություն-հիմնավորումների, բազմաթիվ հարցերի ու մտահոգությունների տեղիք է տալիս։ Հանրային տրամադրությունների անտեսմամբ և առանց դերակատար քաղաքական ուժերի կոնսենսուսի նման որոշման կայացումը, անկախ դրդապատճառներից, ինքնին անընդունելի է։

Օրացուցային տարվա ընթացքում Ռուսաստանում օտարերկրացիների կարճաժամկետ այցի մեկ ժամկետը կարող է սահմանափակվել 90 օրով:

Բելառուսի նախագահ Ալեքսանդր Լուկաշենկոն ներկա պահը ամենաբարենպաստն է համարում ռուս-ուկրաինական հակամարտությունը դադարեցնելու համար։ «Այժմ մի եզակի իրավիճակ է, երբ հնարավոր է վերջ դնել այս հակամարտությանը: Նման պահ կարող է այլևս չլինել»,- ասել է Լուկաշենկոն չինական լրատվամիջոցին տված հարցազրույցում։

Երևանի ընդհանուր իրավասության դատարանը բավարարել է ՊԲ նախկին հրամանատար Միքայել Արզումանյանի կալանքը 2 ամսով երկարաձգելու՝ Քննչական կոմիտեի ներկայացրած միջնորդությունը։ Այս մասին հայտնում են Քննչական կոմիտեից։

Սումգայիթի ոճրագործությունը համակարգված, ուղղորդված ու կազմակերպված հանցագործություն էր միտված կոնկրետ էթնիկ խմբի՝ հայերի ոչնչացմանը, գրում է Արցախի մարդու իրավունքների պաշտպան Գեղամ Ստեփանյանը։

Էրդողանը ներողություն է խնդրել թուրքերից Ադյամանում փրկարարական գործողությունները ուշ սկսելու համար: Ադյամանում ճեպազրույցի ժամանակ Թուրքիայի նախագահը արդարացել է, թե վատ եղանակի պատճառով երկրաշարժի առաջին օրերին փրկարարները արդյունավետ չեն աշխատել: Էրդողանը հայտարարել է, որ մարտին 4 հարկանի 30 հազար բնակարան են կառուցելու: Սեյսմիկ անկայուն շրջաններում արգելվելու է բազմահարկ շենքերի կառուցումը: Այսօր նորից ցնցվել է Թուրքիայի երկրակեղևը՝ 4,1 մագնիտուդ ուգնությամբ, էպիկենտրոնը Մալաթիա նահանգում է եղել:

Կարծես թե դատավոր Զարուհի Նախշքարյանի լիազորությունների դադարեցման (անհեթեթության) կապակցությամբ միայն դատավոր Դավիթ Հարությունյանը խոսեց (բրավո): Ըստ ամենայնի` դատական իշխանությունն ամբողջովին ենթարկեցվել է գործադիրին: Բոլոր չենթարկվողներին կա՛մ ենթարկեցրեցին, կա՛մ էլ` պաշտոնանկ արեցին: Այս մասին ֆեյսբուքյան իր էջում գրել է փաստաբան Վարազդատ Հարությունյանը։

ՔՊ-ականներն առաջին ընթերցմամբ հավանության են արժանացրել այն օրինագիծն, ըստ որի՝ հաշմանդամություն ստացած զինծառայողների փոխհատուցման համակարգում փոփոխություն կարվի: 2-րդից 3-րդ խումբ տեղափոխված զինհաշմանդամները 200 հազար դրամի փոխարեն կստանան 150 հազար դրամ։ Գործադիրն ասում է՝ այս գումարները սահմանել է հաշվի առնելով այն հանգամանքը, որ այդ անձինք ստանալու են նաև հաշմանդամության զինվորական կենսաթոշակը և համապատասխան պարգևավճար:

Խնդիրը այն է, որ ՀՀ-ի գործող վարչապետի ձեռամբ երկիրը դարձել է գործիք ռեգիոնի պետությունների դեմ և այս համատեքստում այն, ինչ ուրվագծվում է հեռանկարում, տեղիք է տալիս վատագույն կանխատեսումների համար, քանի որ ՀՀ-ն, ինչպես քաղաքականապես՝ ազդեցության զոնաների, այնպես էլ՝ միգուցե տարածքային առումով, կաբաժանվի հարևան երկրների միջև, որ պայմանավորվելու է նրանց ազգային անվտանգության շահերով::

Միջոցառումների ընթացքում վարչության աշխատակիցները գնահատելով իրավիճակը՝ մտացածին և ճշմարտանման տեղեկությունների օգտագործման միջոցով հանկարծակի եղանակով մուտք են գործել տարածք, որի արդյունքում շինության նկուղային հարկում հայտնաբերվել է ալկոհոլային խմիչքների քողարկված արտադրամաս, որտեղ այդ պահին աշխատել է 6 աշխատակից։

ԱԱԾ փոխտնօրեն Անդրանիկ Սիմոնյանն այսօր խորհրդարանում կոչ է արել ԱԺ մարդու իրավունքների պաշտպանության հանձնաժողովի նախագահին գերիների հարցով չչարչարվել: Ըստ Սիմոնյանի՝ ինքը՝ ԱԱԾ տնօրեն Արմեն Աբազյանը, չնայած իր գերծանրաբեռնվածությանը, ամենօրյա ռեժիմով ընդունում է անհետ կորածների, գերիների հարազատներին, վերջին հանդիպումը երեկ է եղել. 80-ից ավելի մարդկանց հետ է հանդիպել Աբազյանը: