Լրահոս

Oragir.News-ի տեղեկություններով` Նիկոլ Փաշինյանի մամուլի քարտուղար Նազելի Բաղդասարյանի ընկերուհին` Լիլիթ Մուրադյանը, Գյումրիի քաղաքապետարանում պաշտոն է ստացել։

Հայաստանի նախկին ՄԻՊ Արման Թաթոյանը Եռաբլուրից լուսանկար է հրապարակել՝ կից գրելով․

2025թ․ նախատեսվում է ձեռք բերել 45 նոր տրոլեյբուս, ներկայումս ակտիվ բանակցություններ են ընթանում 18 մետրանոց 250 նոր ավտոբուս ձեռք բերելու ուղղությամբ: Հայտնում են Երեւանի քաղաքապետարանից:                                                                                                         

81 տարի առաջ՝ 1944 թվականի հունվարի 27-ին ավարտվեց մարդկության պատմության ամենաարյունալի շրջափակումը՝ Լենինգրադի բլոկադան: 872 օր տևած դաժան պաշարման ընթացքում ավելի քան 630 հազար մարդ է մահացել՝ սովից ու զրկանքներից: Որոշ աղբյուրներ մեկուկես միլիոն մարդու մահվան մասին են հայտնում: Ռուսաստանի պատմության այս օրը ավելի շատ հիշատակի, քան ռազմական հաջողության օր է: Երևանում այսօր հիշել են բլոկադայի զոհերին ու այն հերոսաբար վերապրած մարդկանց: Այդ օրերին Լենինգրադում գրեթե 100 հազար հայ էր ապրում:

168.am-ի տեղեկություններով` պարեկների մասնակցությամբ ենթադրյալ հանցագործության հերթական դեպքն է արձանագրվել, այս անգամ` Շիրակի մարզում։

«Հայլուր»-ի նկարահանող խումբն այսօր Ցեղասպանությունը վերապրածների թոռների է հանդիպել հարցախույզի ժամանակ: Համոզված են մեր հայրենակիցները, որ Փաշինյանը փորձում է Հայոց ցեղասպանության զգայուն թեմայով շեղել իրենց՝ տակից իր սև գործերն անելու համար:

«Արմավիր» ՔԿՀ-ում այս պահին երեք կալանավոր հացադուլ է իրականացնում։ ՀՀ ԱՆ քրեակատարողական ծառայության հանրային կապերի բաժնի պետ Նոնա Նավիկյանը «Փաստինֆո»-ի հարցին ի պատասխան հաստատեց տեղեկությունը՝ նշելով, որ հունվարի 27-ի դրությամբ քրեակատարողական հիմնարկներում հացադուլում գտնվում է 3 կալանավորված անձ, որոնցից երկուսը հացադուլ են հայտարարել հունվարի 22-ից, իսկ մեկը՝ հունվարի 24-ից։

Երևանում տրանսպորտի ուղեվճարների մեծ բոյկոտի նախաշեմին քաղաքապետ Տիգրան Ավինյանը հանկարծ հիշել է «թմրավաճառ» բառը: Նա այդ արտահայտությամբ մեղադրել է ընդդիմադիրներին և հայտարարել, թե Երևանի տրանսպորտի վճարն այլևս երբեք 100 դրամ չի դառնա: Իր տասնօրյա արձակուրդում գիշեր ու զօր տրանսպորտային «բարեփոխումները» գովազդող Ավինյանը բացառել է, որ քաղաքացիների բոյկոտը որևէ ազդեցություն կունենա: Իսկ բոյկոտն օր օրի թափ է առնում: «Հայաքվե» նախաձեռնությունը հայտարարել է, որ պատրաստ է պաշտպանել բարձր սակագինը բոյկոտող քաղաքացիներին:

Հունվարի 22-ին արտակարգ դեպք է տեղի ունեցել Լոռու մարզում։ Ժամը 23։50-ի սահմաններում ՀՀ ՆԳՆ ոստիկանության Տարոնի բաժնում տեղեկություն է ստացվել, որ Թատերական փողոցում դանակով հարված ստանալու հետևանքով «կրծքավանդակի ձախ կեսի կտրած ծակած վերք չթափանցող» ախտորոշմամբ «Վանաձոր» բժշկական կենտրոն բուժօգնության է դիմել մի քաղաքացի։ Այս մասին հայտնում է Shamshyan.com-ը։

Բաքվի «դատարանը» մերժել է Արցախի պատանդառված ռազմաքաղաքական ղեկավարների՝ տնային կալանքի մասին պաշտպանների միջնորդությունը։

Հայաստանի Հանրապետության և Ամերիկայի Միացյալ Նահանգների միջև ռազմավարական համագործակցությունը ՀՀ-ի համար որևէ անվտանգության երաշխիք չի տալիս։ Այս մասին այսօր՝ հունվարի 27-ին, մամուլի ասուլիսի ժամանակ հայտարարեց միջազգայնագետ Սուրեն Սարգսյան։ 

Ինչո՞ւ է իշխանությունը որոշել հայտարարագրել հանրության եկամուտները: Տնտեսագետ-իրավաբան Նաիրի Սարգսյանի կարծիքով՝ ՊԵԿ-ը հայտարարագրի անվան տակ իրականում ֆիզիկական անձի եկամտային տարեկան հաշվարկ է անելու: Համընդհանուր հայտարարագրմանը հաջորդելու է համընդհանուր հարկումը:

Այսօր՝ հունվարի 27-ին, ավտովթար է տեղի ունեցել Սյունիքի մարզում։ Ժամը 16։00-ի սահմաններում Վերին Խոտանան-Տանձավեր ավտոճանապարհին Գեղարքունիքի մարզի բնակիչ 44-ամյա Տիգրան Եղոյանը իր վարած «ԿամԱԶ» մակնիշի բեռնատարով կողաշրջվել է։

Արցախը հայկական չէ, Արարատին պետք է մեջքով շրջվել, հիմա էլ դեռ պետք է հասկանանք՝ ինչո՞ւ է տեղի ունեցել Հայոց ցեղասպանությունը: Հայաստանի վարչապետը, որ հպարտանում է, թե կառավարման շրջանում Հայաստանի սպառազինման այլընտրանքային ճանապարհներ է գտել, հայտարարում է, թե Արարատի՝ մեր երազանքների պատճառով մեզ զենք չեն վաճառի: Մարդիկ հիշեցնում են՝ Երուսաղեմի, Կիպրոսի, հունական կղզիների մասին նախանձելի հետևողականությամբ երազող Թուրքիան ՆԱՏՕ-ի անդամ է, զենք է ստանում ԱՄՆ-ից, Գերմանիայից, Ռուսաստանից: Ցեղասպանությունը, ըստ էության, կասկածի տակ դնող Հայաստանի վարչապետին պատմաբանները փաստեր են հիշեցնում, իրավաբանները՝ Հայաստանի քրեական օրենսգիրքը:

Դեռ 1921 թվականին Գևորգ Ե Սուրենյանց Կաթողիկոսի կողմից ապրիլի 24-ը սահմանվել է Հայոց Եղեռնի զոհերի հիշատակի օր։ Այդ մասին MediaHub-ի հարցին ի պատասխան, թե ինչպե՞ս է արձագանքում Նիկոլ Փաշինյանի վերջին հայտարարություններին Հայ Առաքելական եկեղեցին, ասել է Մայր Աթոռի Տեղեկատվական համակարգի տնօրեն Տեր Եսայի  քահանա Արթենյանը։

Բաքվում մեկնարկած ցուցադրական «դատավարությունները» ոչ միայն ողբերգություն  են հայ ժողովրդի համար, այլև՝ նվաստացում Եվրոպայի խորհրդի համար, որի անդամն անտեսում է կազմակերպության հիմնական արժեքները և անպատիժ մնում ։ Այս մասին հայտարարել  է ԵԽԽՎ-ում ՀՀ ԱԺ պատվիրակության անդամ Արմեն Գևորգյանը` հարց ուղղելով ԵԽ նախարարների կոմիտեի նախագահ Քսավիե Բետելին։

Միացյալ Նահանգների նախագահ Դոնալդ Թրամփն առաջարկել է Գազայի հատվածից պաղեստինցիներին վերաբնակեցնել հարևան երկրներում՝ Հորդանանում ու Եգիպտոսում։ Թրամփը այդ հարցով խոստացել է խոսել Եգիպտոսի նախագահի հետ: Իսկ Գազա վերադարձողներին մահվան է դատապարտում Իսրայելը: Կիրակի «Ցահալ»-ը կրակ է բացել հենց այն պահին, երբ փախստականների մի խումբ Գազա վերադառնալիս է եղել: Երկու պաղեստինցի է զոհվել, 7-ը՝ վիրավորվել: Վիրավորներից մեկը երեխա է: Ըստ ականատեսների, հարյուրավոր տեղահանված խաղաղ բնակիչներ գիշերել են բաց երկնքի տակ, երբ սպասում էին Իսրայելի թույլտվությանը Գազայի հյուսիսում իրենց տներ վերադառնալու համար:

Հայաստանի Հանրապետության գլխավոր դատախազ Աննա Վարդապետյանի՝ 2025 թվականի հունվարի 27-ի հրամանով՝ Էդգար Արսենի Արսենյանը նշանակվել է ՀՀ գլխավոր դատախազի՝ ապօրինի ծագում ունեցող գույքի բռնագանձմանն ուղղված գործառույթների ոլորտը համակարգող տեղակալի պաշտոնին:

Հայլուր 20։30 Ընդվզումը Փաշինյանի դեմ թափ է ստանում. սոցիալական լարվածություն՝ ուրիշ դիսկուրսի ներքո

Հայաստանին դեռ 1990-ականների սկզբին Թուրքիայի ներկայացրած նախապայմանների «առաջին տասնյակում» առկա են՝