Լրահոս

Սպիտակում 17-ամյա Գրիշա Պողոսյանի սպանության գործով մեկ անձ է կալանավորվել: Այս մասին լրատվամիջոցներին հայտնել են Քննչական կոմիտեից.

«Աղետի գոտի» պիտակից գյումրեցիներին մեկընդմիշտ ազատել է խոստանում «Մայր Հայաստան»-ի թեկնածու Կարեն Սիմոնյանը: Ընտրողների հետ հանդիպմանը Սիմոնյանը նաև իր թիմի կարմիր գծերից է խոսել:

Սյունիքի մարզպետ Ռոբերտ Ղուկասյանն այսօր հանդիպել է աշխատանքային այցով մարզ ժամանած՝ Հայաստանում Ֆրանսիայի արտակարգ և լիազոր դեսպան Օլիվիե Դըկոտինյիին։ Այս մասին հայտնում են մարզպետարանի մամուլի ծառայությունից։ 

Սկզբում ուկրաինացիների, հետո ռուսների հետ են ամերիկացիները հանդիպել: Արաբական Էր-Ռիյադից մեծ սպասելիքներ չպետք է ունենալ, կարծում է Կրեմլի խոսնակը: «Ռուսաստանն ու ԱՄՆ-ն պետք է տքնաջան աշխատեն՝ ուկրաինական հարցի կարգավորման համար, մի խաբվեք արագ ավարտին»,- ասել է Պեսկովը: Ի դեպ, գլխավոր բանակցողներն էլ են փոխվել:

Խորհրդարանի եվրոպական ինտեգրման հարցերի հանձնաժողովն այսօրվա նիստին հավանություն տվել Եվրամիությանը Հայաստանի անդամակցության օրինագծին: Սա նշանակում է, որ հարցը կքննարկվի վաղը՝ ԱԺ քառօրյայում: Հայաստանը օրենքով Եվրոպա տանելու նախաձեռնությունը խորհրդարանում առաջինից երկրորդ ընթերցման ժամանակ փորձությունների մեջ է ընկել: Խորհրդարանական միջանցքներում լուրեր էին պտտվում, թե իշխանությունը «քցում է» Հայաստանն օրենքով Եվրամիություն տանողներին: Միտումնավոր ձգձգում են՝ մանևրելու տեղ գտնելու համար: Օրինագծի նախաբանում, կառավարության առաջարկությամբ, մի նախադասություն է փոխվել: Ըստ ընդդիմադիրների՝ դա որևէ բան չի փոխել այն ռիսկերի տեսանկյունից, որոնք կարող են սպառնալ Հայաստանին Եվրամիությանը անդամակցության ճանապարհին՝ ԵԱՏՄ-ն մերժելիս:

Այսօր՝ մարտի 24-ին, մահվան ելքով վրաերթ է տեղի ունեցել Գեղարքունիքի մարզում։ Ժամը 20։00-ի սահմաններում Երևան-Սևան-Իջևան ավտոճանապարհի 63 կմ հատվածում «Dodge Caliber» մակնիշի ավտոմեքենան վրաերթի է ենթարկել փողոցը չթույլատրելի հատվածով անցնող հետիոտնի։  Այս մասին հայտնում է Shamshyan.com-ը:

Արցախի հանձնման ֆուտբոլային պատասխանատու Մելիքբեկյանը սուտ խոստումներ է տալիս, թե հունիսին լավ է լինելու ֆուտբոլի վիճակը:

Խաղաղության համաձայնագրի շուրջ բանակացություների ավարտի մասին հայտարարելուց 11 օր անց Երևանն ու Բաքուն այդպես էլ ստորագրություններ չեն դնում փաստաթղթի տակ՝ չնայած Հայաստանի վարչապետի պատրաստակամությանը: Հայաստանի փոխարտգործանախարարն այսօր լրագրողներին փաստացի ասել է, որ շատ ակնկալիքներ ունենալ էլ պետք չէ: Այդ թուղթը կարող է նվազեցնել Ադրբեջանի հարձակման ռիսկերը, բայց ոչ չեզոքացնել:

Պետական եկամուտների կոմիտեն տեղեկացնում է, որ վերջին շրջանում սոցիալական ցանցերում քննարկվող՝ ՀՀ արդարադատության նախարարության կողմից մշակված և շրջանառության մեջ դրված «Հայաստանի Հանրապետության վարչական դատավարության օրենսգրքում լրացումներ և փոփոխություններ կատարելու մասին» ՀՀ օրենքի նախագծի մշակման աշխատանքներին Կոմիտեն որևէ մասնակցություն չի ունեցել։ Ավելին, Արդարադատության նախարարության ներկայացրած այդ նախագիծը չի վերաբերում ՊԵԿ-ի կողմից կազմվող վարչական ակտերին։ Այսինքն՝ նախագիծը որևէ կերպ չի անդրադառնում ՀՀ պետական եկամուտների կոմիտեի կողմից կազմվող վարչական ակտերի ուժի մեջ մտնելու, ինչպես նաև կատարման ժամկետների վերաբերյալ կարգավորումներին:

Մարտի 24-ին Անահիտ Մանասյանն այցելել է Միավորված ազգերի կազմակերպության Մարդու իրավունքների գերագույն հանձնակատարի գրասենյակ, որտեղ հանդիպում է ունեցել ՄԱԿ-ի Մարդու իրավունքների գերագույն հանձնակատարի գրասենյակի (OHCHR) Գլոբալ գործողությունների բաժանմունքի Ամերիկայի, Եվրոպայի և Կենտրոնական Ասիայի բաժնի գլխավորի պաշտոնակատար Մաթիաս Բենկեի հետ:

Մեկնարկել է Իրանի Իսլամական Հանրապետության արտաքին գործերի նախարար Սեյեդ Աբբաս Արաղչիի պաշտոնական այցը Հայաստանի Հանրապետություն:

Թուրքերի հետ ապրել չեն ուզում Վարդան Ղուկասյանի հետ հանդիմանը ներկա գյումրեցիները: Ուզում են ապրել այնպիսի Հայաստանում ու Գյումրիում, ինչպիսին 2000-ականներին էր: Անվտանգային խնդիրներն առաջին հորիզոնականում են Կոմկուսի թեկնածուի՝ Գյումրիի նախկին քաղաքապետի նախընտրական ծրագրում:

Մարտի 21-ին արտակարգ դեպք է տեղի ունեցել Երևանում։ Ժամը 02։10-ի սահմաններում ՀՀ ՆԳՆ ոստիկանության Նուբարաշենի բաժնում տեղեկություն է ստացվել, որ Նուբարաշենի խճուղուց մարմնական վնասվածքներով «Էրեբունի» բժշկական կենտրոն են տեղափոխվել 3 քաղաքացի։ Այս մասին հայտնում է Shamshyan.com-ը:

Սպիտակցի Հայկոյի որդին` Հրաչյա Ղևոնդյանը 1 մեկ տարի անց արդարացվեց։ Այս մասին ֆեյսբուքյան գրառմամբ հայտնել են պաշտպաններ Էրիկ Ալեքսանյանն ու Ալեքսանդր Կոչուբաևը։

Հայլուր 20։30 Մի՛ խաբվեք. Պուտինի նվերը և Կրեմլի առաջին արձագանքը՝ ամերիկացիների հետ հանդիպմանը

Ստամբուլի քաղաքապետը կալանավորվել է՝ ժամանակավորապես հեռացվելով զբաղեցրած պաշտոնից։ Նույն օրը՝ կիրակի, Էքրեմ Իմամօղլուի քաղաքական ուժը՝ Ժողովրդահանրապետական կուսակցությունը, նախնական ընտրություններում նրան առաջադրել է Թուրքիայի նախագահի թեկնածու։ Իսկ Ստամբուլից բազմահազարանոց ցույցերը մեծ թափով տարածվում են Թուրքիայի մյուս քաղաքներում: Ընդդիմության տվյալներով՝ միայն Ստամբուլում կիրակի փողոց է դուրս եկել մոտ մեկ միլիոն մարդ: Վերջին 10 տարում դա ամենազանգավածային բողոքի ակցիան էր Թուրքիայում: Էրդողանի կաբինետը կոշտ է արձագանքում: Անգամ Մասկին է դիմել X-ում մոտ 700 օգտահաշիվ արգելափակելու համար: Ամերիկացի գործարարը այդ պահանջը անօրինական է համարել:

Մարտի 24-ին ՀՀ ԱԳ նախարար Արարատ Միրզոյանը հեռախոսազրույց է ունեցել Հունգարիայի ԱԳ նախարար Պետեր Սիյարտոյի հետ:

Նախագծերի թվում են՝ Եվրոպական Միությանը Հայաստանի Հանրապետության անդամակցելու գործընթացի մեկնարկի, Կոռուպցիայի կանխարգելման հանձնաժողովի անդամի ընտրության, Ազգային ժողովի պատգամավոր Հովիկ Հովսեփի Աղազարյանի նկատմամբ քրեական հետապնդում հարուցելուն համաձայնություն տալու, Ազգային ժողովի պատգամավոր Տարոն Անդրանիկի Մարգարյանի նկատմամբ քրեական հետապնդում հարուցելուն համաձայնություն տալու, Հաշվեքննիչ պալատի անդամի ընտրության մասին հարցերը։

Էջմիածնի ՔՊ-ական քաղաքապետի սկեսրայրի գազալցակայանում շաբաթ տեղի է ունեցել սպանություն: Սպանության ենթադրյալ հեղինակի անունը հայտնի է իրավապահներին, բայց նրա ինքնությունը չի բացահայտում նախաքննությունը: Զոհվածը՝ Արթուր Պարոնյանը, 36 տարեկան էր: Նա հիվանդանոցում է մահացել՝ գիտակցության չգալով: Մամուլը գրում է, որ սպանվածը ամիսներ առաջ վիճել է Էջմիածնի ՔՊ-ական համայնքապետ Դիանա Գասպարյանի ամուսնու՝ Վաղարշապատի ավագանու անդամ Արամայիս Միրզոյանի հետ: Սպանության վայրում Աննա Գյուլնազարյանն է եղել:

«Հայաստան» խմբակցության պատգամավոր Գառնիկ Դանիելյանը Գյումրիում ՔՊ-ի թեկնած Սարիկ Մինասյանին կոչ է անում չհիշատակել Կիրանց գյուղի անունը։