Լրահոս

ԱԺ ՔՊ խմբակցության պատգամավոր Արփի Դավոյանի գործողությունների մասով քննությունը քննչական կոմիտեում դեռեւս շարունակվում է։ Ինչ է այսքան քննում նախաքննական մարմինը եւ ինչի է ապասում՝ թերեւս դժվար չէ կանխատեսել։

Երբ նախորդ շաբաթ «Ժողովուրդ» օրաթերթը հրապարակեց, որ Հայաստանի ճարտարապետների պալատը մտահոգություն է հայտնել «Կասկադ»-ի վերակառուցման ծրագրի վերաբերյալ, «Ջի Թի Բի» ընկերությունը անմիջապես նախաձեռնեց մարտի 1-ին հայտնած մտահոգության առիթով քննարկում: Իհարկե, այն դռնփակ արեցին, բայց «Ժողովուրդ» օրաթերթին գործընթացից որոշ հետաքրքիր մանրամասներ են հայտնի դարձել:

Արմեն Մելիքբեկյանի՝ 2019 թ-ի դեկտեմբերին Հայաստանի ֆուտբոլի ֆեդերացիայի նախագահ դառնալուց հետո Հայաստանի ազգային հավաքականը հաղթել է 10 անգամ, ոչ-ոքի է խաղացել նույնքան անգամ և պարտվել է 30 խաղում:

Քամին՝ հյուսիսարևմտյան՝ 2-5մ/վ: Օդի ջերմաստիճանը մարտի 25-29-ին ցերեկային ժամերին կբարձրանա 11-14 աստիճանով։

Մինչ խորհրդարանը մարտի 26-ին կքննի ՔՊ-ից վտարված Հովիկ Աղազարյանին անձեռնմխելիությունից զրկելու եւ քրեական հետապնդում հարուցելու մասին դատախազի միջնորդությունը, Հակակոռուպցիոն կոմիտեն շտապել է որոշում ընդունել՝ թերեւս փորձելով ճնշում գործադրել Աղազարյանի վրա, որ նիստում նա ավել-պակաս չխոսի, ՔՊ-ի եւ Նիկոլ Փաշինյանի կեղտերը ջրի երես չհանի:

Արմեն Մելիքբեկյանի՝ 2019 թվականի դեկտեմբերին Հայաստանի ֆուտբոլի ֆեդերացիայի նախագահ դառնալուց հետո Հայաստանի ազգային հավաքականը հաղթել է 10 անգամ, ոչ-ոքի է խաղացել նույնքան անգամ և պարտվել է 30 խաղում: Սակայն ուշագրավ է, որ այդ 30 պարտությունից 22-ը մեր հավաքականը կրել է վերջին երեք տարում: Այսինքն, 2020-2021 թվականներին փաստացի իներցիայով արձանագրվել են փոքրիշատե բավարար արդյունքներ, իսկ այս ֆեդերացիայի ղեկավարման արդյունքներով ունեցել ենք տոտալ ձախողում, գումարած՝ խայտառակ արդյունքներ: 2022 թվականից մինչ այս պահը (ներառյալ վերջին երկու խաղը) Հայաստանի ընտրանին խփել է 26 գոլ և սեփական դարպասն ընդունել... 74-ը:

Մարտի 24-ին, արտակարգ դեպք է տեղի ունեցել Արարատի մարզում։ Ժամը 22:30-ի սահմաններում ՀՀ Ներքին գործերի նախարարության քրեական ոստիկանության գլխավոր վարչության Արարատի մարզային քրեական վարչությունում և ոստիկանության համայնքային ոստիկանության գլխավոր վարչության Արտաշատի բաժնում օպերատիվ տեղեկություններ են ստացվել, որ Ազատավան գյուղի տներից մեկում պայթյուն է տեղի ունեցել և կան տուժածներ, հայտնում է Shamshyan.com-ը։

ՔՊ-ում քննարկում են Գյումրու ընտրությունների նախընտրական ամփոփիչ հավաքին Փաշինյանի մասնակցության հարցը: ՔՊ շարքայիններն առայժմ հրաժարվում են մեկնաբանել լուրերը, սակայն մեծ է հավանականությունը, որ Փաշինյանն անձամբ է եզրափակելու քարոզարշավը, որ, իր սովորույթի համաձայն, մյուս թեկնածուների դեմ սեւ փիառ անի։

Փաշինյանական կառավարության անդամներից մեկը ֆեյսբուքյան գրառում է արել և մասնավորաբար ասել հետևյալը. «Շատ կարևոր է, որ ժողովուրդը իր իշխանությունը ընտրություններով տա մարդկանց, կուսակցությունների, որոնցից ցանկացած պահի կարող է հետ վերցնել իր իշխանությունը»:

ԵՄ-ին ՀՀ-ի անդամակցելու գործընթացի մեկնարկի մասին» օրենքի նախագծի առաջին ընթերցմամբ ընդունումից հետո ակտիվ տեղեկություններ էին շրջանառվում, թե «Նաջարյանը փոշմանել է», այսինքն՝ Նիկոլ Փաշինյանը ցանկություն ունի հետ կանգնել հանրաքվեի գնալու որոշումից: Սակայն երեկ Ազգային ժողովի եվրոպական ինտեգրման հարցերի մշտական հանձնաժողովի նիստին երկրորդ ընթերցմամբ քննարկվեց և հանձնաժողովի անդամների դրական եզրակացությունը ստացավ «ԵՄին ՀՀ-ի անդամակցելու գործընթացի մեկնարկի մասին» նախագիծը, և այն կընդգրկվի ԱԺ լիագումար նիստի օրակարգ: Այդուամենայնիվ, ինչպես նշում են ՔՊ մեր աղբյուրները, սա դեռևս չի նշանակում, որ Նիկոլ Փաշինյանի նշյալ մոտեցման մեջ փոփոխություններ են եղել: Հնարավոր է, որ այս «միջանկյալ լուծումը» կապված լինի Գյումրու ընտրությունների հետ:

Երևանի ընդհանուր իրավասության քաղաքացիական դատարանի դատավոր Աշոտ Հովհաննիսյանի նկատմամբ կարգապահական վարույթ է հարուցվել` Դատավորների էթիկայի և կարգապահական հարցերով հանձնաժողովի կողմից: Վարույթը հարուցվել է ՀՀ ԱՆ «Հոգեկան առողջության պահպանման ազգային կենտրոն» ՓԲԸ տնօրեն Սերգեյ Խաչատրյանի հաղորդման հիման վրա: Թե կոնկրետ ինչ ենթադրյալ խախտում է վերագրվում դատավորին և ինչ գործով է ներկայացվել հաղորդումը` դեռևս հայտնի չէ: Փորձեցինք դա պարզել Խաչատրյանից, նա հրաժարվեց՝ հարցազրույց չեմ տալիս։

Իշխանության դեմ ցույցեր են Թել Ավիվում և Երուսաղեմում: ՑԱՀԱԼ-ը Գազայում ցամաքային գործողություն է սկսել: Խան Յունիսի Նասերի հիվանդանոցը հրթիռակոծելուց հետո իսրայելական բանակը հայտարարել է մարտական խնդիրը հաջողությամբ կատարելու մասին: Ըստ այդ հայտարարության՝ հենց այնտեղ էին թաքնված «ՀԱՄԱՍ»-ի բարձրաստիճան սպաները: Times of Israel-ը հայտնում է առնվազն 4 սպանված հրամանատարների մասին, որոնց թվում է նաև 2023 թվականի հոկտեմբերի 7-ի հարձակումը պլանավորած Ահմադ Շիմալին:

Նիկոլ Փաշինյանը խոստանում էր «նախկինների» արած թալանը կոպեկ առ կոպեկ, քյաբաբ առ քյաբաբ ետ բերել, հիմա հայտարարում է, որ հատիկ առ հատիկ է ետ բերում։ Ո՞նց է ետ բերում, որ նոր, «նիկոլական ռազլիվի» օլիգարխներ է աճեցնում, Հայաստանի պետական պարտքը կրկնապատկում։ 2018-ին Հայաստանի պետական պարտքը 6,92 միլիարդ դոլար է եղել, 2024-ին՝ 12,84 միլիարդ դոլար։ Որտե՞ղ, ո՞նց եք մսխել վարկ վերցված 6 միլիարդ դոլարը, եթե անցած գրեթե 7 տարում տնտեսական մեծ ծրագրեր չեք իրականացրել, կենսաթոշակները ընդամենը 3 հազար դրամով եք բարձրացրել, հարկերն ու տուրքերը մեծապես ավելացրել եք, հարկային վարչարարությունն ուժեղացրել, տնտեսվարողների ու քաղաքացիների կաշին եք քերթում հարկային տեռորով ու տուգանքներով։ Արցախ եք հանձնել, Հայաստանի սահմանամերձ տարածքներն եք հանձնել, սակայն անձնապես հարստացել եք, Երևանում տներ եք առել, բիզնեսների տեր դարձել։ Հաջորդ իշխանությունը պետք է ձեր արած թալանը ետ բերի՝ կոպեկ առ կոպեկ»:

Բակային հանդիպումներից հետո առաջին հանրահավաքն է արել Գյումրիի քաղաքապետի՝ ՔՊ-ի թեկնածուն: Նա աղմկահարույց հայտարարություն է արել ընտրողների հետ հանդիպմանը: Առանց անուններ տալու հայտարարել է, թե իր հակառակորդներից մեկը Թուրքիայում կացության իրավունք ունի և դեռ համարձակվում է իրեն քննադատել՝ արցախցիներին ինչ-որ բան ասելու համար:

Մարտի 24-ին Եգիպտոսում ՀՀ դեսպան Արմեն Սարգսյանն իր հավատարմագրերն է հանձնել Եգիպտոսի Արաբական Հանրապետության նախագահ Աբդել Ֆաթթահ Ալ-Սիսիին։ Այս մասին տեղեկացնում են Եգիպտոսում ՀՀ դեսպանությունից:

Սպիտակում 17-ամյա Գրիշա Պողոսյանի սպանության գործով մեկ անձ է կալանավորվել: Այս մասին լրատվամիջոցներին հայտնել են Քննչական կոմիտեից.

«Աղետի գոտի» պիտակից գյումրեցիներին մեկընդմիշտ ազատել է խոստանում «Մայր Հայաստան»-ի թեկնածու Կարեն Սիմոնյանը: Ընտրողների հետ հանդիպմանը Սիմոնյանը նաև իր թիմի կարմիր գծերից է խոսել:

Սյունիքի մարզպետ Ռոբերտ Ղուկասյանն այսօր հանդիպել է աշխատանքային այցով մարզ ժամանած՝ Հայաստանում Ֆրանսիայի արտակարգ և լիազոր դեսպան Օլիվիե Դըկոտինյիին։ Այս մասին հայտնում են մարզպետարանի մամուլի ծառայությունից։ 

Սկզբում ուկրաինացիների, հետո ռուսների հետ են ամերիկացիները հանդիպել: Արաբական Էր-Ռիյադից մեծ սպասելիքներ չպետք է ունենալ, կարծում է Կրեմլի խոսնակը: «Ռուսաստանն ու ԱՄՆ-ն պետք է տքնաջան աշխատեն՝ ուկրաինական հարցի կարգավորման համար, մի խաբվեք արագ ավարտին»,- ասել է Պեսկովը: Ի դեպ, գլխավոր բանակցողներն էլ են փոխվել:

Խորհրդարանի եվրոպական ինտեգրման հարցերի հանձնաժողովն այսօրվա նիստին հավանություն տվել Եվրամիությանը Հայաստանի անդամակցության օրինագծին: Սա նշանակում է, որ հարցը կքննարկվի վաղը՝ ԱԺ քառօրյայում: Հայաստանը օրենքով Եվրոպա տանելու նախաձեռնությունը խորհրդարանում առաջինից երկրորդ ընթերցման ժամանակ փորձությունների մեջ է ընկել: Խորհրդարանական միջանցքներում լուրեր էին պտտվում, թե իշխանությունը «քցում է» Հայաստանն օրենքով Եվրամիություն տանողներին: Միտումնավոր ձգձգում են՝ մանևրելու տեղ գտնելու համար: Օրինագծի նախաբանում, կառավարության առաջարկությամբ, մի նախադասություն է փոխվել: Ըստ ընդդիմադիրների՝ դա որևէ բան չի փոխել այն ռիսկերի տեսանկյունից, որոնք կարող են սպառնալ Հայաստանին Եվրամիությանը անդամակցության ճանապարհին՝ ԵԱՏՄ-ն մերժելիս: