Ինձ հետաքրքիր չէ, որ ասում են՝ դպրոցի տնօրենը կապվում է պաշտոնյայի հետ. ԿԳՄՍ նախարար

 «Ինձ տեղեկացրեցին, որ ժողովուրդ է հավաքվել նախարարության մոտ՝ դպրոցականներ, ուսուցիչներ, որոնք բողոքում են։ Շատ զարմացա, թե ինչի՞ց են բողոքում։ Հետո, որ մամուլը ընթերցեցի, տեսա՝ աշակերտներ էլ կային, ասում էին՝ եկել ենք պայքարում ենք անարդարաթյան դեմ և ո՞րն է այդ անարդարությունը»,- այսպես է հիշում ԿԳՄՍ նախարաը Աբովյան քաղաքի թիվ 1 ավագ դպրոցի ուսուցիչների ու ծնողների բողոքի ակցիան։ Վահրամ Դումանյանը պնդում է, որ դպրոցի տնօրենի երկու թեկնածուներից ոչ մեկին ինքը չէր ճանաչում, այդ ժամանակ էլ դեռ որոշում չէր կայացրել, գրում է pastinfo-ն։ Նախկին նախարար Արայիկ Հարությունյանն էլ իրեն չէր զեկուցել խնդիրների մասին։

_{«Արայիկ Հարությունյանի հետ ես վերջին անգամ զրուցել եմ չգիտեմ երբ»,-վստահեցրեց նախարարը։}

_{Նույն դպրոցում տնօրենի ընտրությունների մասին նախարարը նշեց, որ ցանկություն է հայտնել մրցույթը չկայացած համարել, բայց գործող կարգը դա  չի թույլատրել։ Նախարարը կարծում է, որ կանխակալ քաղաքականացված հայտարարությունները տեղ չպետք է ունենանան դպրոցական հանրությունում։}

_{Իսկ արդյոք իրեն չի՞ մտահոգում, որ նորանշանակ տնօրենը Շրջակա միջավայրի նախարար, Կոտայքի նախկին մարզպետ Ռոմանոս Պետրոսյանի կնոջ ընկերուհին է, նախարարը նշեց՝ հետաքրքիր չէ այդ տեղեկությունը։}

_{«Ես տեղյակ չեմ ո՞վ, ո՞ւմ հետ, ի՞նչ է կապում։ Չունեմ տեղեկություն, թե դպրոցի ո՞ր տնօրենի անունը ու՞մ հետ են կապում, ու դա ինձ հետաքրքիր չէ, բացարձակ»։}

_{Վերջին շրջանում բողոքները շատ են, որ տնօրենների հարցը լուծվում է հովանավորչությամբ։ Հիմա կա՞ նման բան, թե ոչ, նախարարը որոշեց կարճ պատասխանել.}

_{«Երկար ձևրակերպված հարցը ունի կարճ պատասխան՝ ոչ, չկա հովանավորչություն, ոչ, չկա կոռուպցիոն սխեմաներ։ Ես չեմ կարող աղմկողների անունից խոսել»։}

_{Նախարարը հավելեց՝ եթե եղել է անօրինականություն, դրա վերականգնման ձևը իրավական ճանապարհն է։ Իսկ դասադուլ անողները, կազմակերպողները միանշանակ կրում են պատասխանատվություն այդ ամենի համար՝ անհասկանալի ոճ են ընտրել և ոչ օրինական։}