Հնագետները հայտնաբերել են 240 տարվա հնությամբ ռազմագերիների ճամբար․ «News.am»

Ամերիկացի հնագետները Անկախության պատերազմի ժամանակաշրջանին պատկանող բրիտանացի ռազմագերիների ճամբար են հայտնաբերել, «News.am»-ի փոխանցմամբ՝ հայտնում է Associated Press-ը։

Ճամբարը գտնվում է Փենսիլվանիա նահանգի Յորք քաղաքում։ Ճամբարը մի քանի տասնամյակ փնտրել են, սակայն չեն կարողացել գտնել, քանի որ դրա տարածքում կապիտալ քարե շինություններ չեն եղել։

«Մենք կարողացանք գտնել հետքեր հողի վրա, որոնք թողել էին պալատի գերանները, ինչպես նաև խրամատի հետքեր, որը շրջապատել էր Camp Security ճամբարը», - նշել է արշավախմբի գլխավոր հնագետ Ջոն Կրոմերը: 2023 թվականի գարնանը հնագետները նախատեսում են ճամբարի ցանկապատի ճշգրիտ չափերը որոշել, ինչպես նաև արտեֆակտներ որոնել դրա տարածքում։

1781 թվականին բացված ճամբարը պատերազմի ընթացքում 22 ամիս շարունակ տեղավորել է ավելի քան 1000 անգլիացի, շոտլանդացի և կանադացի զինվորականների և ենթասպաների, մինչև այն ավարտվեց 1783 թվականին։ 1777 թվականին Սարատոգայի ճակատամարտի ժամանակ ամերիկյան զորքերին հաջողվել է ոչնչացնել մայրցամաքի երկու բրիտանական բանակներից մեկը։ Այս հաղթանակը հանգեցրել է ռազմավարական շրջադարձի և Ֆրանսիայի ուղղակի պատերազմ է սկսել Բրիտանիայի դեմ: