Հայաստանի երիտասարդությունը դեմ է գործող իշխանությանը․ Էլինար Վարդանյան․ News.am

Կան հանրային տրամադրություններ և կա հանրային կարծիք: Հայաստանի գործող իշխանությունների վերաբերյալ ընդհանուր հանրային կարծիքն արդեն ձևավորված է: Այս մասին «NEWS.am»-ի թղթակցին հայտնել է ընդդիմադիր «Հայաստան» խմբակցության պատգամավոր Էլինար Վարդանյանը։

Նրա խոսքով՝ հանրությունն ակնհայտորեն դժգոհ է և դա հատկապես նկատելի է երիտասարդության շրջանում։ «Գիտեի՞ք, որ երիտասարդների միջավայրում «սրտիկներ» ցույց տալը մովետոն է համարվում։ Եթե ինչ-որ մեկն ինչ-որ մեկին սրտիկ է ցույց տալիս, նա անմիջապես դառնում է ծաղրի առարկա։

Երիտասարդությունն ամոթալի է համարում գործող իշխանությանը սատարելը։ Եվ այս միտումը շարունակվում է։ Նրանց կազմակերպած դիսկոտեկը լիովին ձախողվեց։ Նրանք հավաքվել էին իրենց նեղ շրջապատով, որտեղ բավականին դժվար էր երիտասարդության ներկայացուցիչներ հայտնաբերել։ Դե, եթե, իհարկե, 50-ին մոտ տարիք ունեցող տղամարդիկ ու կանայք իրենք իրենց այդպիսին չեն համարում», - ասել է Վարդանյանը։