Արդյոք Ադրբեջանը հրաժարվել է «Արևմտյան Ադրբեջան» նախագծից` ոչ. մի կեղծ հերոս խաղացեք․ Արման Աբովյան

ԱԺ նախկին պատգամավոր Արման Աբովյանի ֆեյսբուքյան գրառումը․

«Երբ սրանք անդադար ճղվում են մեջտեղից՝ հայտարարելով, թե պատերազմ չի լինելու, երեխաները չեն մահանալու, միջանցք չի լինելու և այլն, պարզապես տվեք մի քանի պարզ հարց, և վստահ եմ՝ դրանցով կարելի է վերջակետ դնել այս հակահայկական ստերի ողջ փառատոնին։

1. Արդյո՞ք Ադրբեջանը հրաժարվել է «Արևմտյան Ադրբեջան» նախագծից։
Պատասխան – Ոչ։

2. Արդյո՞ք Ադրբեջանը համաձայնվել է, որ միջանցք չի լինելու։
Պատասխան – Ոչ։

3. Արդյո՞ք Ադրբեջանի քաղաքացիները պատրաստ են անցնել բոլոր ընթացակարգերը անմիջապես հայկական սահմանապահների և մաքսավորների վերահսկողությամբ՝ առանց երրորդ կողմի միջամտության։
Պատասխան – Ոչ։

4. Արդյո՞ք Հայաստանի քաղաքացիներն ու հայկական բեռները Ադրբեջանի տարածքով անցնելու են նույն ընթացակարգով, որով ադրբեջանցիներն են անցնելու հայկական տարածքով։
Պատասխան – Ոչ։

Կարծում եմ՝ շարունակելն այլևս անիմաստ է. ամեն ինչ արդեն պարզից պարզ է։
Ունեցեք քաջություն և ընդունեք, որ այս ամբողջ ներկայացումը կազմակերպված է բացառապես առաջիկա ընտրություններին ընդառաջ, որպեսզի կրկին մարդկանց գլխում մշուշ սարքեք։
Հա, և մի բան էլ… Միգուցե դուք մոռացել եք, թե ինչպես նույն եռանդով ու էքսպրեսիայով, ինչպես այսօր, գոռում էիք՝ «Արցախը Հայաստան է, և վերջ», իսկ հետո եղավ այն, ինչ եղավ։

Դուք մոռացել եք, բայց մենք հիշում ենք։

Այնպես որ, մի կեղծ հերոս խաղացեք»։