Վթար՝ Գորիս-Ստեփանակերտ ավտոճանապարհին. կա տուժած

ԱՀ ներքին գործերի նախարարության ոստիկանությունը տեղեկացնում է․

«Ճանապարհատրանսպորտային պատահար Գորիս-Ստեփանակերտ ավտոճանապարհին. Տուժել է մեկ քաղաքացի

Նոյեմբերի 25-ին ժամը 21:35-ին, ԱՀ ոստիկանության հերթապահ մասում հաղորդում է ստացվել, որ Լիսագոր համայնքի մոտակայքում ճանապարհատրանսպորտային պատահար է տեղի ունեցել:

Նախնական տվյալներով` մեքենա է ընկել ձորը, անհրաժեշտ է օգնություն և բժշկական միջամտություն։

Դեպքի վայր են մեկնած Շուշիի շրջանային ոստիկանության և արտակարգ իրավիճակների պետական ծառայության բաժինների ծառայողները պարզել են, որ ժամը 21:00-ի սահմաններում, ՀՀ Կոտայքի մարզի Արզական գյուղի 36-ամյա բնակիչ Ս. Մովսիսյանը, Գորիս-Ստեփանակերտ ավտոճանապարհի 40-րդ կիլոմետրին, իր կողմից շահագործվող «Սկանիա R 440» մակնիշի ավտոմեքենայով դուրս է եկել ճանապարհի երթևեկելի գոտուց և մոտ 250 մետր գլորվել ձորը։

ՃՏՊ հետևանքով վերջինս ստացած մարմնական վնասվածքներով շտապ օգնության մեքենայով տեղափոխվել է ՀՀ Սյունիքի մարզի «Գորիսի բժշկական կենտրոն» ՓԲԸ:

Ըստ բժիշկներից ստացված տեղեկության` Ս.Մովսիսյանի առողջական վիճակը բավարար է»։