Թագավոր Չարլզ III-ը ցանկանում է, որ արքայազն Հարրին մասնակցի իր թագադրմանը

Թագավոր Չարլզ III-ը Քենթերբերիի արքեպիսկոպոսին խնդրել է միջնորդել իր երկու որդիների միջև համաձայնությանը, որպեսզի արքայազն Հարրին կարողանա մասնակցել իր թագադրման արարողությանը։

Մեծ Բրիտանիայի միապետը խնդրել է Ջասթին Ուելբիին, ով կանցկացնի թագադրումը, օգնել լուծել 40-ամյա արքայազն Ուիլյամի և 38-ամյա արքայազն Հարիի միջև առկա լարվածությունը՝ մայիսին կայանալիք թագադրման արարողությունից առաջ, News.am-ի փոխանցմամբ՝ գրում է Daily Mail-ը՝ վկայակոչելով բարձրաստիճան աղբյուրներին:

Աղբյուրները պարզել են, որ արքայազն Ուիլյամը, արքայազն Հարիի «Spare» հուշերի գրքի թողարկումից հետո, ցանկանում է, որ իր կրտսեր եղբայրն ու կինը՝ Մեգան Մարքլը, հեռու լինեն Վեսթմինսթերյան աբբայությունից: Հաղորդվում է, որ գահաժառանգը զգուշանում է, որ զույգը կստվերի Չարլզ թագավորի պահը:

Այնուամենայնիվ, թագավորը կարծում է, որ զույգի բացակայությունը ավելի շատ դրամա կառաջացնի, քան նրանց ներկայությունը, ասում են աղբյուրները, չնայած նախկինում պնդում էին, որ նա «ցանկություն չունի» Հարրիի հետ շփվելու:

Հաղորդվում է, որ նրանց ներկայության դիմաց 74-ամյա միապետը պատրաստ է ոչ պաշտոնական երաշխիքներ տալ, որ Հարրին կարող է պահպանել իր տիտղոսները, Mail-ին հայտնել են աղբյուրները: