Ռուսաստանին մեկուսացնելու և նրան ռազմավարական պարտություն հասցնելու Արևմուտքի ծրագրերը ձախողվել են. դեսպան

Ռուսաստանին մեկուսացնելու և նրան ռազմավարական պարտություն հասցնելու Արևմուտքի ծրագրերը ձախողվել են, սակայն Գերմանիան մեծամասամբ շարունակում է նրանց պատանդը մնալ: Այս մասին «ՌԻԱ Նովոստի»-ին տված հարցազրույցում հայտարարել է Գերմանիայում Ռուսաստանի դեսպան Սերգեյ Նեչաևը:

«Գերմանիայի քաղաքական էլիտաներն ոգևորությամբ պաշտպանել են Ռուսաստանին «ռազմավարական պարտություն» հասցնելու խնդիրը, ինչը ենթադրում էր հավաքական Արևմուտքի ուժերի և միջոցների միավորում Կիևի ռեժիմին ռազմատեխնիկական, քաղաքական և ֆինանսական աջակցության համար, մեր երկրի վրա պատժամիջոցների ճնշման ուժեղացում, նրան միջազգային մեկուսացման մեջ գցելու փորձեր, նրա սուվերեն ակտիվները հետ վերցնելու փորձեր։  Այդ ծրագրերը ցույց տվեցին իրենց ոչ կենսունակությունը, սակայն Բեռլինը մեծամասամբ այսօր էլ մնում է դրանց պատանդը», - ասել է նա։ 

Դեսպանը հիշեցրել է, որ ռուսական հատուկ գործողության մեկնարկից հետո Գերմանիայի իշխանությունները հռչակել են «դարաշրջանների փոփոխության» կուրս, որը բաղկացած է տասնամյակների ընթացքում կառուցված ռուս-գերմանական հարաբերությունների յուրահատուկ բազմազանության ոչնչացումից: «Այս ֆոնին դժվար է խոսել ՌԴ-ի և Գերմանիայի միջև կառուցողական երկխոսության մասին»,-հավելել է դիվանագիտական առաքելության ղեկավարը։