Լրահոս

Մերձավանի սպանության դեպքով կա ձերբակալված անձ, կատարվում է խուզարկություն: Այս մասին լրագրողների հետ զրույցում հայտնել է Քրեական ոստիկանության պետ Վարդան Վարդանյանը: 

Ռուսական բանակը վերահսկողության տակ է վերցրել Սումիի մարզի Յունակովկա գյուղը։ Զելենսկին հայտարարել է, որ պատրաստ է քննարկել նոր դե ֆակտո սահմանները: «Եթե մենք չունենք ուժ այս տարածքները հիմա վերադարձնելու, մենք պատրաստ ենք դրանք վերադարձնել ապագայում՝ դիվանագիտական ճանապարհով։ Սա լավ փոխզիջում է բոլորի համար»,- ասել է Ուկրաինայի նախագահը:

«Իրավապահները խուզարկում են կասկածյալ Նարեկ Օհանյանի տունը, դեպքի վայրում է քրեական ոստիկանության պետ Վարդան Վարդանյանը: Ավելի վաղ հայտնել էի, որ Փարաքարի ընդդիմադիր համայնքապետ Վալոդյա Գրիգորյանի սպանության մեջ կասկածվող մերձավանցի Նարեկ Օհանյանին հարցաքննելուց հետո տեղափոխել են դատաբժշկական փորձաքննության:

Հայտնաբերման մասին հայտնվել է հետախուզումը նախաձեռնողին։

«Թուրքիան ԱՄՆ-ի հետ կնքել է 20-ամյա համաձայնագիր Սեղմված բնական գազի մատակարարման` 43 միլիարդ դոլարի, մոտավորապես տարեկան 4 միլիարդ խորանարդ մետր սկսած 2026 թվականից։

Սեպտեմբերի 26-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում հյուրընկալեց Միչիգանի Հայկական Բարեգործական Ընդհանուր Միության (ՀԲԸՄ) «Ալեք և Մարի Մանուկյան» ավագ դպրոցի աշակերտներին՝ ուղեկցությամբ ՀԲԸՄ Հայաստանի նախագահ տիար Վազգեն Յակուբյանի։ Այս մասին հայտնում են Մայր Աթոռի Տեղեկատվական համակարգից:

Սեպտեմբերի 26-ի և 30-ի ցերեկը հանրապետության առանձին շրջաններում սպասվում են կարճատև անձրև և ամպրոպ: Սեպտեմբերի 27-ին և հոկտեմբերի 1-ին՝ գիշերը և կեսօրից հետո, 28-ի գիշերն առանձին շրջաններում սպասվում է անձրև։ Սեպտեմբերի 27-30-ը առանձին շրջաններում հնարավոր է նաև մառախուղ։ Սեպտեմբերի 28-ի ցերեկը, 29-ին, 30-ի գիշերը սպասվում է առանց տեղումների եղանակ։

ՀՀ հակակոռուպցիոն կոմիտեում նախաձեռնված քրեական վարույթներով  իրականացված նախաքննությամբ բացահայտվել են մի շարք անձանց կողմից կաշառքի դիմաց վարորդական վկայական տրամադրելու գործընթացը կազմակերպելու պատրվակով տարբեր չափերի գումար ստանալու, ինչպես նաև կաշառք տալու փորձի դեպքեր:

Սեպտեմբերի 26-ին` ժամը 15։18-ին, Ճգնաժամային կառավարման ազգային կենտրոն ահազանգ է ստացվել, որ Կոտայքի մարզի Զովունի գյուղի 2-րդ փողոցի տներից մեկի մոտակայքում այրվում է խոտածածկույթ։ Այս մասին տեղեկացնում են ՆԳՆ Փրկարար ծառայությունից:

Ժողովրդի ցասումը ոչ ոք չի կարող զսպել և այսօրվա լսումներից ակնկալում եմ հետաքրքիր ելույթներ, բանավեճեր, լրագրողների հետ զրույցում, անդրադառնալով Նիկոլ Փաշինյանի այն հայտարարությանը, թե եթե ժողովուրդն ուզենա, իրեն կարող է հեռացնել, ասաց ՀՀ նախկին վարչապետ Հրանտ Բագրատյանը։

Ինչպես հայտնում է ֆոտոլրագրող Գագիկ Շամշյանը, Մասիս քաղաքում գտնվող «Էդեմ» բժշկական կենտրոնի ծննդատան դիմաց են հավաքվել Դաշտավան գյուղի բնակիչները, ովքեր պահանջում են, որպեսզի քրեական պատասխանատվության ենթարկվի նշված բժշկական կենտրոնոմ աշխատող Մհեր Ենգիբարյանը, ում պատճառով նորածին երեխա է մահացել:

Դիլիջանի թունելում այս գիշեր շարունակվելու են գծանշման և անվտանգության տարրերով կահավորման աշխատանքները։ Դրանով պայմանավորված՝ գիշերը՝ ժամը 02.00-ից մինչև առավոտյան ժամը 06.00-ն, թունելը փակ կլինի երթևեկության համար։ Այդ մասին հայտնում են «Ճանապարհային դեպարտամենտ» հիմնադրամից:

Արցախի նախագահի հատուկ հանձնարարությունների գծով նախկին ներկայացուցիչ Բորիս Ավագյանի մարմինը, որը սեպտեմբերի 24-ին հայտնաբերվել էր Պետերբուրգում Հայաստանի հյուպատոսության շենքում, այժմ դիահերձարանում է, կուղարկեն դատաբժշկական փորձաքննության, ՌԻԱ Նովոստիին հայտնել են իրավապահ մարմիններից:

Պաշտպանության փոխնախարար Արման Սարգսյանը պաշտպանության և անվտանգության հարցերի մշտական հանձնաժողովում ներկայացրեց վարժական հավաքներից խուսափելու համար սահմանված պատիժը խստացնելու վերաբերյալ նախագծերը։

Մահացել է հայտնի կինոռեժիսոր, հեռուստառադիոհաղորդավար Տիգրան Քեոսայանը, հայտնել է նրա կինը՝ Մարգարիտա Սիմոնյանը:

ՄԱԿ ԳԱ 80-րդ նստաշրջանի շրջանակներում ՀՀ ԱԳ նախարար Արարատ Միրզոյանը հանդիպում է ունեցել ԵՄ արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասի հետ։ Այս մասին հայտնում են ՀՀ ԱԳՆ-ից:

ԿԳՄՍ նախարարի հրամանով հաստատվել է նախադպրոցական ուսումնական հաստատության ղեկավարման իրավունք /հավաստագիր/ համար հավակնորդների  քննության և հավաստագրման ժամանակացույցը:

Վաղ առավոտյան խոշոր ավտովթար է տեղի ունեցել Արմավիրի մարզում: «Ատոմակայանի» խաչմերուկում բախվել են «Mercedes»-ն ու մարդատար «Գազել»-ը: «Գազել»-ը կողաշրջվել է, հայտնվել ճանապարհի երթևեկելի մասում: Կա 11 վիրավոր: «Գազել»-ի վարորդը «Հայլուրի» հետ զրույցում խոստովանել է, որ իր մեղքով է վթարը տեղի ունեցել: Վիրավորներին նախ առաջին բուժօգնություն են ցուցաբերել քաղաքացիները, ապա շտապօգնությամբ տեղափոխվել են «Արմավիր» բժշկական կենտրոն: Շամշյանի տեղեկություններով՝ Ներքին գործերի նախարարության ոստիկանության ծառայող է «Մերսեդես»-ի վարորդը: Ըստ տեղում գտնվող քաղաքացիների՝ «Գազել»-ը դաշտ էր տեղափոխում խաղող հավաքող կանանց: Վթարի փաստով քննչական վարչությունում նախաձեռնվել է քրեական վարույթ, պարզվում է վարորդների և վիրավորների ինքնությունը:

«Խոսնակ լրատվական» օգտատիրոջ կողմից ինչ-որ կնոջ մասնակցությամբ արցախցիների նկատմամբ ատելություն քարոզող տեսահոլովակ է տարածվել սոցիալական տարբեր հարթակներում՝ «Արցախից ինչքան հանցագործ կա, եկել է, իշխանափոխություն է պահանջում։ Ձեր Քոչարյանը հետ չի գալու, չերազեք» գրառմամբ։ Այս մասին ֆեյսբուքյան իր էջում գրել է Արցախից բռնագաղթած փաստաբան Ռոման Երիցյանը։

Փարաքարի համայնքապետ Վալոդյա Գրիգորյանի սպանության գործով կասկածյալին հայտնաբերելու մասին տեղեկությունը ՆԳՆ խոսնակը ոչ հաստատում է, ոչ հերքում։