Լրահոս

Հատուկ քննչական ծառայությունն ավարտել է Սահմանադրական դատարանի նախագահ Հրայր Թովմասյանի և Արդարադատության նախարարության աշխատակազմի օրինականության վերահսկողության տեսչության նախկին պետ, Թովմասյանի սանիկ Նորայր Փանոսյանի վերաբերյալ քրեական գործով նախաքննությունը: Այս մասին տեղեկացրել են ՀՔԾ լրատվական ծառայությունից:

Երևան քաղաքի ընդհանուր իրավասության դատարանում քննվող սահմանադրական կարգի ենթադրյալ տապալման գործով այսօրվա նիստը հետաձգվեց Յուրի Խաչատուրովի թարգմանչի բացակայության պատճառով։

Սիրիական բանակը, Ռուսաստանի ռազմաօդային ուժերի աջակցությամբ, գրոհայիններից ամբողջովին ազատագրել է Հալեպը և հարևան բնակավայրերը: Երկրի նախագահ Բաշար Ասադի բանակը վերջին 8 տարում առաջին անգամ 23 գյուղ է ազատագրել: Սիրիական բանակն արդեն վերահսկում է Հալեպ-Դամասկոս մայրուղին:

Նորքի Սուրբ Սարգիս եկեղեցում վերջին հրաժեշտն են տվել լուսանկարիչ վավերագրող Հերման Ավագյանին: Հայտնի լուսանկարիչն իրեն ճանաչողների հիշողության մեջ կմնա որպես եռանդուն, էներգիայով լի ու պայծառ մեկը: Իմ գործընկեր Աղվան Ասոյանը, որն իդեպ, Ավագյանի լուսանկարների մեծ երկրպագուն է, զրուցել է նրա ընկերների հետ, լսել նրա մասին վերջին հիշողությունները:

ՁԻԱՀ-ի կենտրոնում բուժում ստացող շուրջ 150 հիվանդ ստորագրել, նամակ են ուղարկել վարչապետին: Բողոքում են կառավարության նոր որոշումից, ըստ որի պետք է միավորվեն ՁԻԱՀ-ի կանխարգելման կենտրոնն ու Նորք ինֆեկցիոն հիվանդանոցը։ Առողջապահության նախարարության բացատրությունը լսել չեն ուզում:

Չնայած գարնանն ընդառաջ եղանակը տաքանում է, բայց գյուղատնտեսները չեն մոռանում գիժ մարտի մասին, որ ամեն տարի սպառնալիք է դառնում բերքի համար: Հենց դա է պատճառը, որ պետությունը որոշել է ընդլայնել գյուղատնտեսական ապահովագրության ծրագիրը: Այս պահին արդեն ապահովագրության համար դիմել է ավելի քան 200 հողօգտագործող։

Չեն դադարում քննարկումները Փաշինյան-Ալիև Մյունխենյան հանդիպման մասին: Բազմաթիվ փորձագետների կարծիքով վարչապետի հակափաստարկները Ալիևի խոսքերին շատ ավելի հիմնավոր պետք է լինեին: Միևնույն ժամանակ վարչապետը չպետք է թույլ տար, որ Ալիևը Հայաստանի ղեկավարի ներկայությամբ իրեն այդքան ցինիկ ձևով պահեր: Բայց չէ որ հենց Փաշինյանն էր ասում, որ Ադրբեջանի ղեկավարը կիրթ մարդու տպավորություն է թողնում:

Փաստաբանական համայնքը ահազանգում է իրենց նկատմամբ ահագնացող ատելության խոսքի, հարձակումների ու ճնշումների մասին: Դրանց առաջին թիրախը, այսպես ասած, «նախկինների» պաշտպանությունը ստանձնած փաստաբաններն են: Ինչպես անել, որ երկրում իրավիճակ փոխվի:

Մեծ Բրիտանիան փոթորիկներից պրծում չունի: Կիարա փոթորկի վնասները դեռ չհաղթահարած, հիմա էլ սկսել է մոլեգնել «Դենիս» անունով նոր փոթորիկը: Ուելսում և Շոտլանդիայում հայտարարվել է տագնապի «կարմիր» մակարդակ։ Բրիտանական Կարմիր խաչը դիմել է բնակչությանը զգուշացնելով պատրաստ լինել վատագույնին։

Մինչ Մյունխենում Ադրբեջանի նախագահ Ալիևը շիկնում ու ծիծաղը չէր զսպում «միկրոհեղափոխություն» բառը լսելիս, Բաքվում ամենակոպիտ ձևով ցրում էին խայտառակ խախտումներով անցկացված ընտրություններից բողոքողների միկրոցույցերը: Ի դեպ, ընտրությունների հարցում չէ, բայց այ ցույցերը ցրելու հարցում ակնհայտ են Բաքվի իշխանությունների նոր, ստեղծարար մոտեցումները: Եթե առաջ ցուցարարներին ծեծելով-ջարդելով տանում էին ոստիկանություն, որն էլ պատճառ էր դառնում նոր բողոքների, հիմա ցուցարարներին ուղղակի ավտոբուսներով տանում են մի հեռու, ամայի տեղ ու բաց թողնում:

Այսօր աշխարհը տոնում է բարության ինքնաբուխ դրսևորման օրը:

«Ժողովրդավարության ու թափանցիկության քողի տակ այսօր ծանր վիճակում է հայտնվել մամուլի աշխատանքը»: փաստում են մի շարք լրատվամիջոցների ղեկավարներ: Ինչպես գիտեք, արդեն մոտ 2 ամիս է ինչ կալանավորված է մեր հեռուսաալիքի սեփականատեր Արմեն Թավադյանը: Լրատվական դաշտի ներկայացուցիչներին մտահոգում են իրենց մասնագիտությանն ուղղված հետհեղափոխական մարտահրավերները:

Այսօրվանից մեկնարկում է Սահմանադրական մեկ հոդված փոխելու հանրաքվեի պաշտոնական քարոզարշավը: Այո-ի շտաբը, ինչպես գիտեք, արդեն ձևավորված է, այն ղեկավարելու է տարածքային կառավարման և ենթակառուցվածքների նախարար, ՔՊ-ական Սուրեն Պապիկյանը, որը վերջերս հայտնվել էր սկանդալի կենտրոնում իր դատվածության փաստը թաքցնելու պատճառով: Նա համոզված էր, որ բարձրացած աղմուկի նպատակը ժողովրդի ուշադրությունը շեղելն է հանրաքվեից: Բայց հանրաքվեի թեմայից շեղվել հնարավոր չէ, հատկապես, որ վարչապետն արդեն հայտարարել է «Այո»-ի բրենդինգի բաց մրցույթ:

«Էրեբունի պլազա»-ում հունվարի 23-ին կրակոցներ արձակած Արթուր Թորոսյանը դատարանի որոշմամբ տեղափոխվել է հոգեբուժարան՝ ստացիոնար դատահոգեբանական փորձաքննություն անցնելու համար։ Այս մասին հայտնել են ՀՀ քննչական կոմիտեից: