Լրահոս

«Պուտինը կորոշի թե ինչքան կտևի ռուսական գործողությունը Դոնբասում»,- ասել է նախագահի խոսնակ Պեսկովը:

Ուկրաինայի Զինված ուժերի ինքնաթիռը կործանվել է Կիևի մարզում, ինչի հետևանքով զոհվել է 5 մարդ, հայտնում է Ուկրաինայի արտակարգ իրավիճակների պետական ​​ծառայությունը։

Տեղի է ունեցել Հայաստանի և Թուրքիայի հատուկ ներկայացուցիչների երկրորդ հանդիպումը Այսօր՝ փետրվարի 24-ին, Վիեննայում տեղի է ունեցել Հայաստանի և Թուրքիայի միջև հարաբերություների կարգավորման գործընթացի հատուկ ներկայացուցիչներ ՀՀ ԱԺ նախագահի տեղակալ Ռուբեն Ռուբինյանի և դեսպան Սերդար Քըլըչի հանդիպումը: Հատուկ ներկայացուցիչները վերահաստատել են, որ բանակցությունների վերջնական նպատակը Հայաստանի ու Թուրքիայի միջև լիարժեք կարգավորումն է, ինչպես պայմանավորվել էին Մոսկվայում իրենց առաջին հանդիպման ընթացքում: Նրանք մտքեր են փոխանակել այդ կապակցությամբ համատեղ հնարավոր կոնկրետ քայլեր ձեռնարկելու շուրջ և վերահաստատել իրենց համաձայնությունը՝ գործընթացը շարունակելու առանց նախապայմանների:

Կրեմլում բացասաբար են վերաբերվում Ուկրաինայում ստեղծված իրավիճակի ֆոնին ՌԴ նախագահ Վլադիմիր Պուտինի և Ռուսաստանի կառավարության դեմ պատժամիջոցներ սահմանելու կոչերին, հայտարարել է ՌԴ նախագահի մամուլի քարտուղար Դմիտրի Պեսկովը: Պատասխանելով այն հարցին, թե արդյոք Կրեմլը պատասխան քայլեր կձեռնարկի նման միջոցառումների դեմ, Պեսկովը կոչ է արել վերլուծել իրադարձությունները և հետագա քայլերը հաշվարկել ըստ խնդիրների առաջացման: Ավելի վաղ Ուկրաինայի նախագահ Վլադիմիր Զելենսկին էր կոչ արել համաշխարհային առաջնորդներին՝ պատժամիջոցներ կիրառել ՌԴ նախագահ Վլադիմիր Պուտինի նկատմամբ։

Ուկրաինայի շուրջ տեղի ունեցող իրադարձությունների ֆոնին Դոնեցկում բնակվող որոշ հայեր դուրս գալու ցանկություն են հայտնել, սակայն հիմնական մասը նախընտրում է մնալ, «Արմենպրես»-ի հետ զրույցում այս մասին նշել է Ուկրաինայի հայերի միության Դոնեցկի մարզի ներկայացուցչության նախագահ Վահագն Մաթևոսյանը: «Տարհանման պլանն իրականում մենք պատրաստել ենք դեռ շաբաթներ առաջ: Կոնկրետ Դոնեցկի մարզից այն հայերը, որոնք դուրս գալու ցանկություն են հայտնել, գնացել են: Եղել են հայեր, որոնք ցանկացել են դուրս գալ, փոխադրամիջոց չեն ունեցել, մենք այդ հարցում աջակցել ենք: Ասեմ, որ շատ մեծ զանգված նախընտրում է մնալ Դոնեցկում, իրենց տներից չեն ցանկանում դուրս գալ», - ասել է Վահագն Մաթևոսյանը: Նա տեղեկացրել է, որ ինչպես Ուկրաինայի տարբեր հատվածներում, Դոնեցկում նույնպես բանկերում, բանկոմատների, դեղատների մոտ հերթեր են: Մարդիկ չեն կարողանում կանխիկացնել իրենց գումարները: Հերթեր են նաև գազալցակայաններում: «Քաղաքում կրակոցների ձայներ լսվում են, զգացվում է, որ ծանր հրետանի է աշխատում, սակայն կդժվարանամ ներկայում մանրամասն տեղեկություններ հաղորդել: Միայն կասեմ, որ հայերի շրջանում վիրավորներ չկան», - ասել է Վահագն Մաթևոսյանը: ՌԴ նախագահ Վլադիմիր Պուտինը հայտարարել է Դոնբասում հատուկ ռազմական օպերացիա սկսելու որոշման մասին: Նա հայտնել է, որ Դոնբասի ժողովրդական հանրապետությունները օգնության խնդրանքով դիմել են։ Ուկրաինայի նախագահ Վլադիմիր Զելենսկին ռազմական դրություն է հայտարարել երկրի ողջ տարածքում:

Փետրվարի 24-ի ժամը 13:00-ի դրությամբ Ռուսաստանի Դաշնության պետական ագրեսորի զինված ուժերը ավելի քան 30 հարված են հասցրել «Կալիբր» թեւավոր հրթիռների, Ռուսաստանի Դաշնության, ավիացիայի և հրետանու կողմից Ուկրաինայի քաղաքացիական և ռազմական ենթակառուցվածքների օբյեկտներին: Հակառակորդը շարունակում է հարձակումը՝ ի աջակցություն ռազմական ավիացիայի ուկրաինական սահմանի խաչմերուկով՝ Արմենսկ-Խերսոն, Չապլինկա-Կախովկա ուղղություններով։ Նշվում է դիվերսիոն-հետախուզական խմբերի աշխատանքը Բեսարաբյան օպերացիոն շրջանում և Սևծովյան օպերատիվ գոտում։ Միացյալ ուժերի խումբը անցել է պաշտպանական գործողության. Զորքերի հայտնաբերված օպերատիվ խմբերը իրականացրել են վերախմբավորում և տեղափոխում ռուսական ագրեսիայի արդյունավետ ջոկատային մարտական դիրքեր։ Արագ մարտավարական խմբերը պաշտպանական մարտեր են վարում հակառակորդի բոլոր ուղղություններով: Պահպանե՛ք ձեր հանգստությունը։ Հետևեք պաշտոնական ռեսուրսների վերաբերյալ տեղեկատվությանը: Միասին դեպի Հաղթանակ:

ՀՀ նախագահի պարտականությունները կատարող Ալեն Սիմոնյանը ստորագրել է հրամանագիր, համաձայն որի՝ Արմեն Առուշանյանն ազատվել է Հայաստանի Հանրապետության զինված ուժերի ինժեներական զորքերի պետ-վարչության պետի պաշտոնից։ «Հիմք ընդունելով վարչապետի առաջարկությունը՝ համաձայն Սահմանադրության 133-րդ հոդվածի 1-ին մասի, ինչպես նաև «Զինվորական ծառայության և զինծառայողի կարգավիճակի մասին» օրենքի 40-րդ հոդվածի 1-ին մասի 11-րդ կետի. Արմեն Առուշանյանին ազատել Հայաստանի Հանրապետության զինված ուժերի ինժեներական զորքերի պետ-վարչության պետի պաշտոնից», - ասված է հրամանագրում։

ՀՀ նախագահի պարտականությունները կատարող Ալեն Սիմոնյանը ստորագրել է հրամանագիր, համաձայն որի՝ Արմեն Հարությունյանն ազատվել է Հայաստանի Հանրապետության զինված ուժերի հրթիռային զորքերի և հրետանու պետ-վարչության պետի պաշտոնից: «Հիմք ընդունելով վարչապետի առաջարկությունը՝ համաձայն Սահմանադրության 133-րդ հոդվածի 1-ին մասի, ինչպես նաև «Զինվորական ծառայության և զինծառայողի կարգավիճակի մասին» օրենքի 40-րդ հոդվածի 3-րդ մասի. Արմեն Հարությունյանին ազատել Հայաստանի Հանրապետության զինված ուժերի հրթիռային զորքերի և հրետանու պետ-վարչության պետի պաշտոնից», - նշված է հրամանագրում։ Ավելի վաղ հայտնել էինք, որ Արտակ Դավթյանն ազատվել է ՀՀ զինված ուժերի գլխավոր շտաբի պետի պաշտոնից:

ՀՀ նախագահի պարտականությունները կատարող Ալեն Սիմոնյանը ստորագրել է հրամանագիր, համաձայն որի Անդրանիկ Մակարյանն ազատվել է ՀՀ Զինված ուժերի պատրաստության գլխավոր վարչության պետ-ՀՀ ԶՈՒ գլխավոր շտաբի պետի պաշտոնից։ «Հիմք ընդունելով վարչապետի առաջարկությունը՝ համաձայն Սահմանադրության 133-րդ հոդվածի 1-ին մասի, ինչպես նաև «Զինվորական ծառայության և զինծառայողի կարգավիճակի մասին» օրենքի 40-րդ հոդվածի 3-րդ մասի. Անդրանիկ Մակարյանին ազատել Հայաստանի Հանրապետության զինված ուժերի պատրաստության գլխավոր վարչության պետ-Հայաստանի Հանրապետության զինված ուժերի գլխավոր շտաբի պետի տեղակալի պաշտոնից», - ասված է հրամանագրում:

Ուկրաինայի անվտանգության ծառայությունը նախապատրաստում և արդեն իսկ «Սպիտակ սաղավարտների» օրինակով սադրանքներ է իրականացնում, լրագրողներին հայտնել է ՌԴ ՊՆ պաշտոնական ներկայացուցիչ Իգոր Կոնաշենկովը։ «Ուկրաինական քաղաքներում բեմադրված նկարահանումներ են տեղի ունեցել, իբր Ուկրաինայի քաղաքացիական բնակչության շրջանում «զանգվածային զոհեր» կան», – ասել է նա։

Ռուսական աղբյուրները հայտնում են, որ երկու ուկրաինացի զինծառայող վայր է դրել զենքը ու հանձնվել Լուգանսկին:

Ռուսաստանի ՊՆ-ն հայտնում է, որ ըստ իրենց հետախուզական տվյալների՝ ուկրաինացի սահմանապահները մասսայաբար լքում են իրենց դիրքերը: Մոսկվան նաև վերահաստատել է, որ ուկրաինական քաղաքները հարվածի տակ չեն լինի՝ խաղաղ բնակիչները կարող են հանգիստ լինել:

ՀՀ նախագահի պարտականությունները կատարող Ալեն Սիմոնյանը ստորագրել է հրամանագիր, համաձայն որի Արտակ Դավթյանն ազատվել է ՀՀ Զինված ուժերի գլխավոր շտաբի պետի պաշտոնից: «Հիմք ընդունելով վարչապետի առաջարկությունը՝ համաձայն Սահմանադրության 133-րդ հոդվածի 1-ին մասի, ինչպես նաև «Զինվորական ծառայության և զինծառայողի կարգավիճակի մասին» օրենքի 40-րդ հոդվածի 3-րդ մասի. Արտակ Դավթյանին ազատել Հայաստանի Հանրապետության զինված ուժերի գլխավոր շտաբի պետի պաշտոնից», - ասված է հրամանգրում:

ՀՀ նախագահի լիազորություններն իրականացնող Ալեն Սիմոնյանը փետրվարի 24-ին ընդունել է Հայաստանում Սուրբ Աթոռի առաքելական նվիրակ արքեպիսկոպոս Ժոզե Ավելինու Բետանկուրին։ Ողջույնների փոխանակումից հետո զրույց է ծավալվել Հայաստան-Սուրբ Աթոռ դիվանագիտական հարաբերությունների 30-ամյակի շուրջ՝ վերահաստատելով Սուրբ Աթոռի հետ միջպետական հարաբերություններն առավել խորացնելու Հայաստանի շահագրգռվածությունն ու հանձնառությունը: Ալեն Սիմոնյանը նշել է, որ 30-ամյա դիվանագիտական հարաբերությունները հիմնված են ընդհանուր պատմական և հոգևոր ժառանգության վրա: Հայաստանում Սուրբ Աթոռի առաքելական նվիրակ գերպայծառ Ժոզե Ավելինու Բետանկուրն այս առիթով նկատել է, որ դիվանագիտական հարաբերությունների 30-ամյակն է, բայց մեր ժողովուրդների բարեկամությունն ավելի քան 2000 տարվա պատմություն ունի։ Նախագահի պաշտոնակատարն արժևորել է Երևանում առաքելական նվիրակություն հիմնելու՝ Սուրբ Աթոռի որոշումը, ինչը փաստում է Հայաստան-Սուրբ Աթոռ միջպետական կապերին ու մեր տարածաշրջանում տեղի ունեցող զարգացումներին տրվող առաջնահերթությունը։ Այս համատեքստում կարևորվել են 44-օրյա պատերազմի հետևանքով Ադրբեջանի վերահսկողության տակ անցած շրջաններում հայկական հոգևոր ու պատմամշակութային կոթողների պաշտպանությունը, պահպանումն ու վերականգնման աշխատանքները:

Չեխիայի նախագահ Միլոշ Զեմանը պահանջել է խիստ պատժամիջոցներ կիրառել Ռուսաստանի դեմ՝ Դոնբասում հատուկ ռազմական գործողություն սկսելու Մոսկվայի որոշման պատճառով։ Այդ մասին պետության ղեկավարը հայտարարել է փետրվարի 24-ին՝ համաքաղաքացիներին ուղղված հեռուստաուղերձում, փոխանցում է Reuters-ը։ Չեխիայի ղեկավարը, որպես պատասխան, առաջարկել է անջատել Ռուսաստանը SWIFT միջազգային վճարային համակարգից։ Նա նշել է, որ Ռուսաստանի «հարձակումը» Ուկրաինայի վրա «հանցագործություն էր աշխարհի դեմ»։

րանի արտգործնախարար Հոսեյն Ամիր Աբդոլահիանը հայտարարել է, որ Ուկրաինայում իրավիճակը պայմանավորված է ՆԱՏՕ–ի սադրանքներով և կոչ արել կենտրոնանալ խնդրի քաղաքական և ժողովրդավարական լուծման վրա։ Այս մասին հայտնում է ՌԻԱ Նովոստին։ «Ուկրաինական ճգնաժամի պատճառը ՆԱՏՕ–ի սադրանքներն են։ Մենք չենք կարծում, որ պատերազմը լուծում է։ Անհրաժեշտ է հրադադարի ռեժիմ սահմանել և քաղաքական ու ժողովրդավարական լուծում գտնել», – գրել է նա Twitter–ում։

Զելենսկին Ռադա է ներկայացրել համընդհանուր մոբիլիզացիայի մասին օրինագիծ։ Նշվում է նաև, որ պետությունը զենք է բաժանելու բոլոր այն քաղաքացիներին, ովքեր կարող են պաշտպանել Ուկրաինան։ Այս մասին հայտարարել է Ուկրաինայի նախագահ Վլադիմիր Զելենսկին կայացած ճեպազրույցում, հաղորդում է «Укринформ»-ը։ «Մենք արդեն մեր հողը պաշտպանելու համար զենք ենք բաժանում եւ բաժանելու ենք բոլոր ցանկացողներին, բոլոր նրանց, ովքեր ի վիճակի են պաշտպանել մեր ինքնիշխանությունը ։ Յուրաքանչյուր քաղաքացուց կախված է ուկրաինացի ժողովրդի ապագան։ Յուրաքանչյուր ոք, ով մարտական փորձ ունի եւ կարող է միանալ Ուկրաինայի պաշտպանությանը, պետք է անհապաղ ժամանի կոմպլեկտավորման համապատասխան կենտրոններ», - ասել է պետության ղեկավարը։ Նա նշել է, որ Ներքին գործերի նախարարությունը երկրի պաշտպանության համար ներգրավում է իր վետերաններին։ «Հիմա աշխատելն էլ է ... պաշտպանություն այս բարդ պայմաններում։ Այդ պատճառով յուրաքանչյուր ձեռնարկությունից, յուրաքանչյուր ձեռնարկատիրոջից է կախված, թե ինչպիսին կլինի մեր ապագան», - նշել է Զելենսկին։

Փետրվարի 24-ին, միացյալ ուժերի հրամանատարության օպերատիվ տեղեկատվության համաձայն, Ռուսաստանի Դաշնության Զինված ուժերի ինքնաթիռը խոցվել է Լուգանսկի մարզում։ Սա ուկրաինական հակաօդային պաշտպանության ստորաբաժանումների կողմից այսօր խոցված յոթերորդ օկուպանտային ինքնաթիռն է։

Արտակարգ իրավիճակների նախարարությունը տեղեկացնում է, որ ՀՀ տարածքում կան փակ ավտոճանապարհներ։ Փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և Քարի լիճ տանող ավտոճանապարհները: Լարսի մասին Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տրանսպորտային միջոցների համար։ Վարորդներին խորհուրդ է տրվում երթևեկել բացառապես ձմեռային անվադողերով։