Լրահոս

Արտակարգ իրավիճակների նախարարությունը տեղեկացնում է, որ ՀՀ տարածքում կան փակ ավտոճանապարհներ։ Փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և Քարի լիճ տանող ավտոճանապարհները: Մ3 ավտոճանապարհի Արմավիրի մարզի Լուսագյուղ-Երասխահուն հատվածում գտնվող կամրջի վնասման հետևանքով ճանապարհահատվածի երթևեկությունն իրականացվում է մեկ գոտիով՝ երկկողմ երթևեկությամբ։

Հայաստանի Հանրապետության գիտական համայնքը՝ ի լուր աշխարհի արտահայտելով իր բողոքը, դատապարտում է Ադրբեջանի Հանրապետության նախագահ Իլհամ Ալիևի ազգայնամոլական վարքագիծը և հայտարարությունները։ Օգտվելով Հայաստանի Հանրապետության և Արցախի Հանրապետության շուրջ ստեղծված ծանր իրադրությունից՝ ալիևյան վարչակարգը, խախտելով ՄԱԿ-ի 1948 թ. դեկտեմբերի 10-ի Մարդու իրավունքների համընդհանուր հռչակագրի դրույթները, շարունակում է անթաքույց դրսևորել հակահայկական և հայատյաց կեցվածք, վարել ընդգծված ռասիստական քաղաքականություն: Ադրբեջանի նախագահը վերջին պատերազմից հետո իր ելույթներում, ինչպես սեփական հանրության, այնպես էլ միջազգային տարբեր հարթակներում բացահայտորեն իրականացնում է ազգամիջյան ատելության քարոզ, հնչեցնում է բռնության և ագրեսիայի կոչեր: Թիրախավորելով Հայոց պատմությունը՝ բացահայտ կերպով արտահայտում է իր ծավալապաշտական նկրտումները հայկական տարածքների նկատմամբ: Դիմելով արդեն իսկ Ադրբեջանի համար ավանդույթ դարձած հարևան ժողովուրդների պատմության նենգափոխման լկտի կեղծարարությանը՝ Ադրբեջանի նախագահն իր ելույթներով և գործունեությամբ, ինչպիսին էր նաև Բաքվում ռազմավարի պուրակի հիմնումը, շարունակում է մոլորեցնել և ապակողմնորոշել սեփական ժողովրդին՝ միտումնավոր սերմանելով այլատյացություն ու բռնություն, հրահրելով հայ ժողովրդի նոր ցեղասպանություն: Ադրբեջանի նախագահի և նրա հովանու ներքո գործող բռնատիրական վարչակարգն իրականացնում է Հայաստանի և տարածաշրջանի մյուս երկրների բնիկ ժողովուրդների պատմության կեղծարարությունը, յուրացնելով նրանց մշակութային և նյութական բազմահազարամյա ժառանգությունը, նենգափոխելով քարտեզներն ու տեղանունները: Հայաստանի Հանրապետության գիտական հանրույթը կոչ է անում ՀՀ պետական կառույցներին, մարդու իրավունքների պաշտպանությամբ զբաղվող կազմակերպություններին, օտարերկրյա դիվանագիտական ներկայացուցչություններին, միջազգային գիտական հասարակությանը և ողջ մարդկությանը դատապարտել Ի. Ալիևի ազգայնամոլական և ռասիստական կոչերն ու ծավալապաշտական գործողությունները։ Միաժամանակ դիմում ենք Հայաստանում և Սփյուռքում բոլոր հայկական կառույցներին և կազմակերպություններին՝ կոչ անելով հավուր պատշաճի ուշադրություն դարձնել և արձագանքել Ադրբեջանում պատերազմից հետո շարունակվող ազգայնամոլական հայատյաց քաղաքականության ծավալների աննախադեպ աճին, ինչն ուղիղ սպառնալիք է Հայաստանի և Արցախի Հանրապետությունների անվտանգությանն ու բարօրությանը։ Աշոտ Մելքոնյան, ՀՀ ԳԱԱ ակադեմիկոս Ռուբեն Սաֆրաստյան, ՀՀ ԳԱԱ ակադեմիկոս Ալբետ Խառատյան, ՀՀ ԳԱԱ թղթակից անդամ Արամ Սիմոնյան, ՀՀ ԳԱԱ թղթակից անդամ Սեդա Գասպարյան, ՀՀ ԳԱԱ թղթակից անդամ Էդիկ Մինասյան, պատմական գիտ. դոկտոր, պրոֆեսոր Ռուբեն Մելքոնյան, պատմական գիտ. դոկտոր, պրոֆեսոր Խաչիկ Ստեփանյան, պատմական գիտ. դոկտոր, պրոֆեսոր Կարեն Խաչատրյան, պատմական գիտ. դոկտոր, պրոֆեսոր Արմեն Մարուքյան, պատմական գիտ. դոկտոր, պրոֆեսոր Գևորգ Ստեփանյան, պատմական գիտ. դոկտոր, պրոֆեսոր Արման Եղիազարյան, պատմական գիտ. դոկտոր, պրոֆեսոր Սամվել Մուրադյան, բանասիրական գիտ. դոկտոր, պրոֆեսոր Սերգո Հայրապետյան, պատմական գիտ. դոկտոր, պրոֆեսոր Վահան Տեր-Ղևոնդյան, պատմական գիտ. դոկտոր Գևորգ Տեր-Վարդանյան, պատմական գիտ. դոկտոր Անուշավան Զաքարյան, պատմական գիտ. դոկտոր Հայկազուն Ալվրցյան, պատմական գիտ. դոկտոր Գուրգեն Մելիքյան, բանասիրական գիտ. թեկնածու, պրոֆեսոր Ալեքսանդր Սաֆարյան, պատմական գիտ. թեկնածու, պրոֆեսոր Ռոբերտ Ղազարյան, պատմական գիտ թեկնածու, դոցենտ Էդգար Հովհաննիսյան, պատմական գիտ թեկնածու, դոցենտ Ալիկ Ղարիբյան, պատմական գիտ. թեկնածու, դոցենտ Արմեն Հայրապետյան, պատմական գիտ թեկնածու, դոցենտ Աշոտ Սողոմոնյան, պատմական գիտ. թեկնածու, դոցենտ Լուսինե Սահակյան, բանասիրական գիտ. թեկնածու, դոցենտ Արկադի Ակոպով, պատմական գիտ. թեկնածու Մելինե Անումյան, պատմական գիտ. թեկնածու Լիլիթ Հովհաննիսյան, պատմական գիտ. թեկնածու Անահիտ Խոսրոևա, պատմական գիտ. թեկնածու Վահե Սարգսյան, պատմական գիտ. թեկնածու Հակոբ Մուրադյան, պատմական գիտ. թեկնածու Վարուժան Գեղամյան, պատմական գիտ. թեկնածու Մհեր Աբրահամյան, պատմական գիտ. թեկնածու Արտյոմ Սարգսյան, պատմական գիտ. թեկնածու

Հա­լե­պա­հա­յերը Հա­յոց Ցե­ղաս­պա­նու­թյան 107-րդ տարելիցի կապակցությամբ ջահերով երթ են անցկացրել դեպի Ազգային գերեզմանատուն, տեղեկանում ենք Հայոց թեմի ազգային առաջնորդարանի «Գանձասար» էջից։ «Սիրիայի և Հա­յաս­տա­նի զույգ դրոշ­նե­րով ջահեր­թը առաջ­նոր­դել է ՀՄԸՄ-ի Հա­լեպի մասնա­ճյու­ղի փո­ղե­րա­խում­բը, որի գե­ղար­վես­տա­կան ղե­կա­վա­րն է Մհեր Սու­սանին։ Շր­ջա­նի բնա­կիչ­նե­րը ևս մասնակցել են քայլերթին։ Ազգային գե­րեզ­մա­նա­տան մուտ­քի մոտ փո­ղե­րա­խում­բը հն­չե­ցրել է Սիրիայի և Հա­յաս­տա­նի քայ­լերգ­նե­րը: Ցե­ղաս­պա­նու­թյունը խորհրդանշող հու­շա­քա­րի առջև տեղադրվել են ծաղ­կեպ­սակ­ներ, ապա հայ հո­գևոր պե­տերը վա­ռե­լ են հու­շա­քա­րի մոտ գտ­նվող՝ ցեղասպանության նա­հա­տակ­նե­րի հի­շա­տա­կը խորհր­դան­շող ջա­հը»,- նշվում է հաղորդագրության մեջ։ Ներ­կա­նե­րը հոտն­կայս հար­գե­լ են Սիրիայի, Հա­յաս­տա­նի և Ար­ցա­խի բո­լոր նա­հա­տակ­ների հիշատակը: Ջահերթի ավարտին հնչել է «Պահպանիչ» աղոթք։

Ապրիլի 22-ին Վարշավայում Անվտանգության խորհրդի քարտուղար Արմեն Գրիգորյանը հանդիպել է Լեհաստանի Հանրապետության Արտաքին գործերի փոխնախարար Մարչին Պշիդաչի հետ։ ԱԽ քարտուղարն իր զրուցակցին է ներկայացրել անվտանգային իրավիճակը Հարավային Կովկասում և Հայաստանի կողմից իրականացվող ջանքերը տարածաշրջանային անվտանգության և կայունության ապահովման ուղղությամբ։ Փոխնախարար Պշիդաչն իր հերթին ընդգծել է Լեհաստանի պատրաստակամությունը՝ աջակցելու տարածաշրջանային խնդիրների լուծմանը թե՛ որպես ներկայումս ԵԱՀԿ նախագահող երկիր և թե՛ որպես Եվրամիության անդամ երկիր։ Երկուստեք ընդգծվել է հայ-լեհական բազմաոլորտ երկկողմ հարաբերություններն ընդլայնելու պատրաստակամությունը։

Հայաստանն ու Սփյուռքը երկար տարիներ Հայոց ցեղասպանության միջազգային ճանաչման ու դատապարտման ուղղությամբ մեծ աշխատանք են տարել, Հայաստանը տարիներ շարունակ հետևողականորեն առաջ է տարել ցեղասպանության կանխարգելման օրակարգը, 2015 թվականին ՄԱԿ-ի Գլխավոր ասամբլեան Հայաստանի նախաձեռնությամբ միաձայն հռչակել է դեկտեմբերի 9-ը՝ որպես «Ցեղասպանության հանցագործության զոհերի հիշատակի և արժանապատվության և այդ հանցագործության կանխարգելման միջազգային օր»:

Zham.am-ը գրում է. Ադրբեջանի նախագահ Իլհամ Ալիևի այս խոսքերը Շուշիից իր սիմվոլիկան ուներ: Նա դրանով մեսիջ էր ուղարկում հայերին, թե մոռացեք Շուշիի մասին, հակառակ դեպքում Ադրբեջանը կգրավի ողջ Հայաստնաը: Պետք է նշել, որ Ալիևը առաջին անգամ չի սպառնում հայ ժողովուրդին: Մինջ 2018 թվականը նա նույնպես սպառնում էր, որ «գրավելու է Երևանը», սակայն նախկինում նրա խոսքերին լուրջ չեինք վերաբերվում, քանի դեռ տարածաշրջանում ուժերի հավասարակշռությունն էր այլ: Բացի այդ Հայաստանը չուներ Փաշինյանի նման արկածախնդիր ղեկավար: Այսօր իրավիճակը բոլորովին այլ է: Ալիևի հետ միասին, հայ ժողովուրդին սպառնում է նաև... Նիկոլ Փաշինյանը: Իհարկե նրա ձևակերպումները փոքր ինչ այլ են, սակայն բովանդակությունն է նույնը: Ալիևը հայտարարում է, «...եթե հայերը չհամակերպվեն Արցախի կորուստի հետ, ապա կկորցնեն ողջ Հայաստանը...»: Փաշինյանը հայտարարում է, որ եթե «..չհամաձայնվենք իջեցնել Արցախի կարգավիճակի նշաձողը, ապա կարող ենք ստանալ նոր պատերազմ...»: Այսինքն, թե Ալիևը, և թե Փաշինյանը նույն բովանդակության մեսիջն են փոխանցում հայ ժողովուրդին: Տարբերությունը կայանում է նրանում, որ Փաշինյանի թիմը խոստանում է Հայաստանի ժողովրդին Արցախի կորստի դիմաց «կայուն խաղաղ դարաշրջան», իսկ Ալիևի թիմը ոգևորված նշում է, որ «Ղարաբաղի մարսելուց հետո, հերթը լինելու է Արևմտյան Զանգեզուրինը, հետո Սևանինը, հետո Երևանինը»: Ով կարող էր կռահել, որ 2018-ին հայ ժողովուրդը իշխանության է բերելու ադրբեջանցիների «տրոյական ձիուն», ով «քաղցր» ձևակերպումներով բթացնելու էր, առանց այդ էլ պրիմիտիվ պատկերացումներ ունեցող ժողովուրդին և որի գործնեության վերջնաարդյունքը լինելու է այն, որ Ալիևը և Փաշինյանը հանդես են գալու միաբովանդակ առաջարկով այդ նույն Հայաստանի ժողովուրդի առջև: Սակայն բնության մեջ, ըստ Հեգելի, ոչինչ անբնական չի լինում: Պրիմիտիվ և թերզարգացած ժողովուրդները պիտի վճարեն իրենց անգիտակից ընտրության համար: Հակառակ դեպքում բնության օրենքները արդար ձևով չեին գործի: Մի՞թե պարզ չէ, որ խելոքը պիտի բոնուս ստանա այս կյանքից, իսկ անխելքը պատժվի, որպեսզի բնության օրենքները արդար գործեն: Եվ դա վերաբերվում է ոչ միայն մինջմարդկային հարաբերություններին, այլև ազգերի միջև ընթացող հարաբերություններին և կապերին: Սա է իրականությունը:

Ցեղասպանության զոհերի հիշատակին նվիրված միջոցառումների ընթացքում ոստիկանությունը ողջ ծավալով իրականացնելու է հասարակական կարգի ապահովմանն ուղղված իր գործառույթները. ՀՀ ոստիկանությունը հայտարարությամբ է հանդես եկել: «Ցեղասպանության զոհերի հիշատակին նվիրված միջոցառումների ընթացքում ոստիկանությունը ողջ ծավալով իրականացնելու է հասարակական կարգի ապահովմանն ուղղված իր գործառույթները: Ապահովվելու է մեր քաղաքացիների և հյուրերի անվտանգությունը ինչպես դեպի Ծիծեռնակաբերդ երթերի ընթացքում, այնպես էլ հուշահամալիրի տարածքում կայանալիք միջոցառումների ժամանակ: Միևնույն ժամանակ ակնկալում ենք մեր համաքաղաքացիների աջակցությունն ու հորդորում ձեռնպահ մնալ նահատակների հիշատակը օրվա խորհրդին անհարիր գործողություններով մթագնելու փորձերից: Ոստիկանությունը ունի բոլոր միջոցները՝ կանխելու մեր ինքնությանը խորթ և պատմական հիշողությունը վիրավորող դրսևորումները: Ապրիլի 24-ին կրկին աշխարհին ներկայանանք որպես հինավուրց ու արժանապատիվ ժողովուրդ, որը սրբորեն է պահում նախնիների հիշատակը և վեր է համաժողովրդական ցավը մասնավոր նպատակների ծառայեցնելու գայթակղությունից»,-ասված է հայտարարությունում:

Ինչպես հայտնի է, երեկ ՀՀԿ-ական նախկին պատգամավոր Ռուբեն Հայրապետյանին պատկանող Երեւանի «Հարսնաքար» ռեստորանային համալիրում տեղի է ունեցել ՀՀ ոստիկանապետ Վահե Ղազարյանի եղբոր դստեր հարսանյաց արարողությունը: Ներկա է եղել նաեւ ՀՀ վարչապետ Նիկոլ Փաշինյանը տիկնոջ՝ Աննա Հակոբյանի հետ: Aravot.am-ի ունեցած տեղեկություններով, երբ հանդիսավարը հայտարարել է, որ ներկա է նաեւ ՀՀ վարչապետը եւ առաջարկել է ողջունել նրան, մի քանի հարյուր ներկաներից հատուկենտ մարդիկ են ոտքի կանգնել եւ ծափահարել: Իրավիճակը փրկելու համար հանդիսավարն արագ անցել է մյուս հայտնի հյուրերին ներկայացնելուն: Հարսանյաց հանդեսի մասնակիցների նման վերաբերմունքից հետո Նիկոլ Փաշինյանն ու Աննա Հակոբյանը սովորականից շուտ են հեռացել:

Հայաստանում ՌԴ դեսպան Սերգեյ Կոպիրկինը «Հաղթանակ» զբոսայգում խոսել է լրագրողների հետ՝ անդրադառնալով Արցախում ռուս խաղաղապահների դերակատարությանը։ Դիտարկմանը, որ Նիկոլ Փաշինյանն ասել է՝ անհրաժեշտ է բարձրացնել խաղաղապահների աշխատանքի արդյունավետությունը բարձրացնելու համար, դեսպանը պատասխանել է․ «Կարծում եմ, որ խաղաղապահներն ամեն ինչ անում են տարածաշրջանում խաղաղություն ու կայունություն պահպանելու, իրավիճակի սրում թույլ չտալու համար: Դա բոլորի կողմից ընդունված իրողություն է, այդ թվում՝ Հայաստանի ղեկավարության կողմից, որ նրանք առանցքային դեր են խաղում խաղաղությունն ու անվտանգությունը տարածաշրջանում ապահովելու համար. այդ փաստը ոչ ոք կասկածի տակ չի դնում, և կարծում եմ, որ դա թելադրում է նաև ողջախոհությունը»։

Քիչ առաջ ողբերգական դեպք է տեղի ունեցել Երևանում։ ժամը 14։00-ի սահմաներում Արտակարգ իրավիճակների նախարարության Փրկարար ծառայության 911 ճգնաժամային կառավարման կենտրոն ահազանգ է ստացել, որ Դավիթաշեն վարչական շրջանի Դավիթաշենի գյուղ կոչվող հատվածի Իոսիֆյան 28 հասցեում գործող ավտոտեխսպասարկման կենտրոնում ավտոմեքենան ամբարձիկի վրայից ընկել է աշխատակցի վրա։ Ինչպես տեղեկացնում է shamshyan.com-ը, մինչ կժամանեին փրկարարները, ավտոտեխսպասարկման կետի աշխատակիցներն իրենց ուժերով մասամբ ուղղել են ավտոմեքենան, տակից դուրս բերել աշխատակցին։ Օպերատիվորեն ժամանած բժիշկների հերթապահ խումբը արձանագրել է նրա մահը։

Համացանցում տեսանյութ է տարածվել, թե «Հայրենիք»  կուսակցության ղեկավար Արթուր Վանեցյանի օգնական Արամ Գրիգորյանը փող է բաժանում քաղաքացիներին բողոքի ակցիաներին, հանրահավաքներին մասնակցելու համար։ «Դա հերթական հիմարությունն է։ Ուշադիր նայեք այդ տեսանյութին, դա ձմեռվա տեսանյութ է , հագուստին ուշադրություն դարձրեք։ Եթե չեմ սխալվում, Սիրահարների այգու շրջակայքում է եղել։ Մուրացող մարդիկ են եղել, օգնականս օգնել է, փող է տվել»,- լրագրողների հետ զրույցում անդրադառնալով թեմային նշեց Վանեցյանը ։ Ամբողջական հոդվածը կարող եք կարդալ այս հասցեով՝ : https://hraparak.am/post/9c80b7485cb509f5309729e44ff9279d © 2008 - 2021 «Հրապարակ օրաթերթ»

Ազատության հրապարակում շարունակվում են հանուն Արցախի պայքարի գործողությունները. 7-րդ օրն է, ինչ ԱԱԾ նախկին տնօրեն, «Հայրենիք» կուսակցության նախագահ, ԱԺ «Պատիվ ունեմ» խմբակցության ղեկավար Արթուր Վանեցյանը նստացույց է հայտարարել: «Հայրենիք» կուսակցության նախագահի խոսքով՝ իրեն են մոտեցել «Քաղաքացիական պայմանագիր» կուսակցության նախկին անդամներ ու հայտարարել, թե ընդունում են, որ այս իշխանությունը կործանարար է: «Այդ մարդիկ գալիս են գիշերային ժամերին, օրինակ, այսօր առավոտյան՝ ժամը 05:43-ի կողմերը, մեկն եկավ դիմակով, հետո տեսա ով է՝ շոկի մեջ էի, ասացի՝ դու ի՞նչ գործ ունես այստեղ, ասաց՝ «զզվել եմ սրանցից»»,-լրագրողների հետ զրույցում հայտարարեց Վանեցյանը: Վանեցյանը նշեց, թե այդ անձը պետական պաշտոնյա չէ, բայց հանրային դաշտում շատ ակտիվ աջակցել է այս իշխանությանը:

Ազգային ժողովում ապրիլի 14-ին Կառավարության ղեկավարը հայտարարեց այլ տարբերակով գնալու դեպքում Ղարաբաղը հանձնելու մասին՝ նշելով. «Փառուխի դեպքերը ձեզ օրինակ՝ կտոր-կտոր»: Ակնհայտ է, որ դա արվեց մարդկանց դժգոհությունները մեղմելու և Փառուխ ադրբեջանական ներխուժումն արդարացնելու համար: Իրականում, Խրամորթում, Փառուխում տեղի ունեցածը «Զորքերը հայելային հետ քաշելու» Կառավարության ղեկավարի առաջ քաշած կործանարար քաղաքական գաղափարի արդյունք է` ինչ գործոն էլ դրանում ընդգրկված լինի: Հետևաբար, Կառավարության ղեկավարի այդ ելույթը հասարակությանը մոլորության մեջ գցելու փորձ էր` «Զորքերը հայելային հետ քաշելու» իր մոտեցման աղետալի հետևանքը քողարկելու և ապագայում նման հնարավոր զարգացումների դեպքերում մարդկանց դժգոհությունները կանխելու նպատակով: Այսինքն՝ այս հարցում ևս քաղաքական շահերը, պաշտոնի պահպանումը գերակայում են Հայաստանի ու Արցախի անվտանգության նկատմամբ:

ԱԺ «Պատիվ ունեմ» խմբակցության ղեկավար, «Հայրենիք» կուսակցության առաջնորդ, ԱԱԾ նախկին տնօրեն Արթուր Վանեցյանը կոչ է անում լուրջ չընդունել վարչապետ Նիկոլ Փաշինյանի՝ կառավարության երեկվա նիստում արած հայտարարությունները: «Լուրջ մի ընդունեք այդ հայտարարությունները, Փաշինյանը, տեսնելով երկրում սկսված այն շարժումը, որն ասում է՝ թույլ չենք տալու, որ Փաշինյանը գնա միակողմանի զիջումների, թույլ չենք տալու, որ Արցախը հանձնվի թշնամուն, այդ հոտառությունն ունի, որ չի կարողանալու այս ալիքի դեմն առնել, դրա համար հիմա փորձում է որոշակի հայտարարություններով այդ ամենը կասեցնել, բայց չի կարողանալու, որովհետև հանրությունն արդեն ճանաչում է նրան, ու որևէ մեկը չի հավատում ու լուրջ չի ընդունում նրան»,-լրագրողների հետ զրույցում հայտարարեց Վանեցյանը: Ըստ նրա՝ Փաշինյանն այդպես էլ հստակ չձևակերպեց, որ Արցախը երբեք չի լինելու Ադրբեջանի կազմում, որ Հայաստանի տարածքներից «այսպես կոչված անկլավները» չեն հանձնվելու թշնամուն, այլ խոսեց ինչ-որ պայմանական բառակապակցություններով, որ շեղի մարդկանց: ԱԱԾ նախկին տնօրենն ասաց, թե քաղաքացիներն արդեն դուրս են եկել փողոց, մարդիկ օր-օրի շատանում են Ազատության հրապարակում: Արթուր Վանեցյանը վստահ է՝ մարդկանց մոտ փոխվել է գիտակցությունը, մարդկանց մոտ գրեթե 100 տոկոսանոց կոնսենսուս կա, որ Նիկոլ Փաշինյանը այլևս չպետք է կառավարի, քանի որ նրա յուրաքանչյուր ավելի օր իշխանության ղեկին մնալը, ըստ ընդդիմադիր, գործչի, կործանարար է Հայաստանի ու Արցախի համար: «Կա մի խնդիր՝ քաղաքականապես այդ ամենը ձևակերպել, բայց դրա արդյունքին հասնելու համար էլ պետք է կարողանանք հանրությանը բացատրենք, որ սա իշխանության կռիվ չէ, անձերի կռիվ չէ, այլ՝ գաղափարի կռիվ է ՝ հանուն հայրենիքի»,-ընդգծեց նա:

Մի քանի տասնյակ քաղաքացիներ իրականացրեցին խորհրդանշական ակցիա. Արցախի դրոշի ծածանում Կասկադի բարձունքից։ Շա՛տ ապրեք!!!

Կարծում եմ՝ բոլորի երակներում արյունն արդեն սկսել է շարժվել ու միանալու են այս դավաճաններից ազատվելու, փրկվելու շարժմանը։ Այս մասին քիչ առաջ Ազատության հրապարակում լրագրողների հետ զրույցում ասաց 44-օրյա պատերազմում զոհված Մխիթար Գալեյանի հայրը:  «Ում երակներով հայի արյուն է հոսում, պետք է միանա այս պայքարին: «Եթե չեն ուզում արժանանան մեր բախտին, եթե չեն ուզում որդեկորույս ծնողներ լինեն, պետք է միանան այս պայքարին: Արցախում մեր տղաների արյունն է թափած, Արցախը չի կարող լինել Ադրբեջանի կազմում»,- ասաց նա։ Ամբողջական հոդվածը կարող եք կարդալ այս հասցեով՝ : https://hraparak.am/post/ea9d10f378c00c01d7b73e284429e4ec © 2008 - 2021 «Հրապարակ օրաթերթ»

Այսօր, վաղը և առաջիկա օրերին յուրաքանչյուր մարդ, իր սխալներն ուղղելու համար պայքարի պետք է դուրս գա: Այս մասին իր ֆեյսբուքյան էջում գրել է ՊՆ նախկին փձոխնախարար Արտակ Զաքարյանը: «Այսօր լրանում է 4-րդ տարին, որ Հայաստանի Հանրապետության քաղաքացին, նիկոլիզմով տառապող ներքին թշնամու կողմից սրիկայաբար խաբված, դուրս եկավ փողոց ու կործանման տարավ իր երկիրն ու իր զավակներին։ Քաղաքացին դուրս եկավ ու իր կամքից անկախ, չգիտակցելով` թելադրեց ներքին ու արտաքին թշնամու կամքը, թելադրեց արյունոտ թուրքի իշխանությունը, օտարի շահերն ու կանոնները։ Հարգելի քաղաքացի, քեզ շարունակ խաբում են, որ իբր նիկոլիզմը քո երազանքն էր։ Ձեզ մոլորեցնելով «համոզել են»` իբրև թե 4 տարի առաջ ելել եք անարդարության դեմ, իբրև թե ելել եք կոռուպցիայի դեմ, իբրև թե ելել եք թալանի դեմ։ Նիկոլիզմին բնորոշ ստորաքարշ դերասանությամբ, շարունակ փորձում են ձեզ համոզել, որ հայրենիքը, պետությունը, արժանապատվությունը, հաղթանակը, զոհերը կարևոր չեն. կարևորը, որ մեր ժողովրդին խցկեն թուրքի «ողորմածության» տակ ու կրկին խաբեն, որ չեն մորթելու, ինչպես մորթել են մեր պապերին ու ապուպապերին։ Թուրքի շահերը սպասարկող ու Հայաստանը կործանած նիկոլիզմը, կրկին փորձելու է ձեզ թունավորել կեղծիքով ու ստով: Իր արյունալի հանցանքները թաքցնելով, մեր 5000-ից ավելի զավակներին սպանելով, մեր 9500ք.կմ տարածքով չքնաղ Հայրենիքը թուրքին հանձնելով ` ձեզ կրկին փորձում են հիմարի տեղ դնել ու համոզել, որ ձեզ իբր «փրկել են կոռուպցիայից ու թալանից»: Պատկերացնու՞մ եք սրանց լքտիության աստիճանը. Հայրենիքը օրը ցերեկով դավադրաբար ու տգիտությամբ հանձնես արյունատենչ թշնամուն, ու շարունակես նախկինի դեմ զրպարտանքն ու կեղտոտ քարոզչությունը: Ի՞նչ կարգի անբարո պետք է լինել, նման վարքի համար: Հարգելի քաղաքացի, ուզում եմ հավատալ, որ այս չարիքի, ողբի, կորուստների, խայտառակչության, քաոսի, աղքատության, զրկանքների, մահվան, խաբեությունների ու անպաշտպանության չորս տարիներն ապրելուց հետո, այլևս թույլ չես տա, որ նիկոլիզմը քեզ խաբի ու թալանի պապերիդ հայրենիքի: Մտածիր ու տես, որ վաղը զավակներդ ու թոռներդ սեփական հայրենիք չեն ունենալու, անհայրենիք են լինելու, քոչվորի պես, որովհետև 2018թ. քեզ խաբելով տարել են ներքին թուրքի հետևից: Այսօր, վաղը և առաջիկա օրերին յուրաքանչյուր մարդ, իր սխալներն ուղղելու համար պայքարի պետք է դուրս գա: Այլապես Աստված մեր ողջ ժողովրդին և նրա սերունդներին չի ներելու ավետյաց Հայրենիքը նիկոլիզմով թուրքին հանձնելու, ու անպատիժ թողնելու համար»,- գրել է նա:

Ապրիլի 23-ին, ժամը 01.00-ի սահմաններում, «Օպել Աստրա» մակնիշի ավտոմեքենայի 31-ամյա վարորդը Երևան-Երասխ ճանապարհի 16-րդ կմ-ին վրաերթի է ենթարկել ճամփեզրին կայանված «Ֆորդ Տրանզիտի» անվադողը փոխող 24-ամյա Միրզա Ավդալյանին, որը տեղում մահացել է: Այս մասին հայտնում են ՀՀ Ոստիկանությունից: Կատարվում է նախաքննություն:

ՀՀ երրորդ նախագահ Սերժ Սարգսյանն այսօր նույնպես Հանրապետության հրապարակից մասնակցելու է Հայոց ցեղասպանության անմեղ նահատակների հիշատակի ոգեկոչմանը նվիրված ամենամյա Ջահերով երթին, որն այս տարի ունենալու է «Տեր ենք Արցախին» կարգախոսը: Այս մասին գրում է 168.am-ը: Կայքի հետ զրույցում Հայաստանի հանրապետական կուսակցության (ՀՀԿ) փոխնախագահ Արմեն Աշոտյանը հաստատել է տեղեկությունը՝ հավելելով, որ ՀՀԿ հազարավոր անդամներ, համակիրներ ու համախոհներ մասնակցելու են երթին՝ ՀՀԿ նախագահ, ՀՀ երրորդ նախագահ Սերժ Սարգսյանի գլխավորությամբ: