Լրահոս

33–ամյա Աննա Հակոբյանը որոնվում է որպես անհետ կորած․ ՀՀ ոստիկանություն

«Դիմադրության» շարժումն այսօր Նիկոլ Փաշինյանի հրաժարականի պահանջով հանրահավաք է կազմակերպել Վանաձորում: Իշխան Սաղաթելյանը կոչ է արել քաղաքացիներին, որ մարզային կոմիտեներ ստեղծեն՝ ապակենտրոն պայքար կազմակերպելու համար:

Թշնամին ինտենսիվ կրակ է բացել Գեղարքունիքի մարզի Սոթքի հանքավայրի ուղղությամբ։ Այս պահի տվյալներով ունենք մեկ վիրավոր աշխատակից։ Իմ շտապ հանձնարարականով ԱԺ Մարդու իրավունքների պաշտպանության և հանրային հարցերի մշտական հանձնաժողովի փորձագետը կապ է հաստատել Գեղամասարի համայնքապետ Հակոբ Ավետյանի հետ։ Վերջինս հայտնել է, որ մոտ երկու ժամ թշնամին ակտիվ կրակահերթ է բացել հանքավայրի ուղղությամբ, որի արդյունքում հանքի մեկ աշխատակից, գտնվելով հորատող մեքենայի մեջ եւ կատարելով իր աշխատանքը, վիրավորվել է։ Այս պահին էլ դեռ կրակոցները շարունակվում են ավելի նվազ ինտենսիվությամբ։ Կապ ենք հասատել նաև Վարդենիսի զինվորական հոսպիտալի հետ, որտեղից տեղեկացրին, որ վիրավորը այս պահին վիրահատարանում է։ Ադրբեջանի սանձարձակությունը չափեր չի ճանաչում։ ՀՀ քաղաքացին իր պետության սահմաններում գնում է աշխատանքի, և թշնամու սադրանքի արդյունքում վիրավորվում է աշխատանքը խաղաղ կատարելու պայմաններում։ Ի՞նչ է սա, եթե ոչ ցեղասպան քաղաքականության իրագործում։ Հետևում եմ իրավիճակի զարգացմանը և մեր հայրենակցի առողջական վիճակի մասին լրացուցիչ կտեղեկացնեմ։ Պատրաստում եմ գրություններ միջազգային կառույցներին ադրբեջանական զինուժի հերթական ապօրինության մասին տեղեկացնելու և համապատասխան արձագանք պահանջելու համար։ Սա դատապարտելի և անթույլատրելի է։

Թշնամու կրակոցից այսօր Սոթքում մեկ խաղաղ բնակիչ է վիրավորվել, նրան տեղափոխել են Վարդենիսի զինվորական հոսպիտալ:

ՀՀ երկրորդ նախագահի որդին Լևոն Քոչարյանն իր տելեգրամյան ալիքում անդրադարձել է իր հասցեին վերջին շրջանում շրջանառվող ֆեյք տեղեկություններին․ «Հասկանու՞մ եք սրանք ինչ կարգի ուրիշ բան չունեն ասելու, որ սենց ակնհայտ սուտ, հիմար բաներ են շրջանառում իրենց թուրքական ցանցերով: P.S. Для особо тупых- երբեք թիկնապահ չեմ ունեցել»:

«Հայաստան» խմբակցության պատգամավոր Ագնեսա Խամոյանը գրում է. Մեր Հայաստանն ու Նիկոլի, Աննայի Հայաստանը Մենք ապրում ենք երկու Հայաստաններում, մեկում՝ հազարավորներին մահվան տարած ու ինքնախոստովանությամբ հանդես եկած, սահմանների անվտանգության համար ոչինչ չանող, բայց սեփական կաշվի համար հազարավոր ոստիկաններով ու մահվան ավտոշարասյունով առաջ գնացողի, Մեհրիբան Ալիեւայի հետ թեյ խմող ու փամփուշտներից զարդեր ձուլողի Հայաստանում, մյուսում՝ որդիների կարոտից ու բազմաթիվ անպատասխան հարցերից խելագարված կանանց ու տղամարդկանց Հայաստանում։ Այս երկու լուսանկարները երկու Հայաստանների արտացոլանքն են։

Սոթքի հանքավայրի աշխատանքը դադարեցվել է,  աշխատակիցների անվտանգությունն ապահովվելու համար նրանք տարհանվել են:

Ի դեպ, շատ մեծ սիմվոլիզմ կար, որ երբ կանանց այսօրվա մեր Պահանջատիրության երթը հասավ մահաբեր զույգի կառավարական առանձնատան մոտ, հորդառատ անձրև սկսեց տեղալ։ Մի կողմից երկինքն էր լացում, մյուս կողմից` սևազգեստ մայրերը։ Իսկ այդ նույն ժամանակ մայր համարվող մի աղետաբեր կին բազմոցին թիկնած իր լուսանկարն էր հրապարակում սոցցանցերում։ Դե վախկոտ նիկոլն էլ երևի բազմոցի տակ էր ծվարած, որ էդպես էլ չհամարձակվեց դուրս գալ ու նայել կանաց աչքերի մեջ։ Խաղաղության աղավնի ձևացող մահաբեր զույգին պետք է հեռացնենք։

Այսօր՝ կանանց երթի ժամանակ, մի անհավասարակշիռ սադրիչ, անգամ՝ թե՛ մեր, թե’ ոստիկանության կողմից կարգի հրավիրվելուց հետո, դուրս գալով անթույլատրելի հատված, մեքենան վարեց մեր ուղղությամբ: Ուղղություն, որտեղ իրենց արդար պահանջն ու անարդուրությունից խեղդվող ձայնն էին բարձրացնում մեր նահատակված հերոսների մայրերը։ Այս մասին գրել է իրավաբան, Պառլամենտարիզմի զարգացման միջազգային կենտրոնի գործադիր տնօրեն Գոհար Մելոյանը:

Այսօր ողբերգական դեպք է տեղի ունեցել Վայոց Ձորի մարզում։ Ժամը 12։50-ի սահմաններում Արտակարգ իրավիճակների նախարարության փրկարար ծառայության 9-11 ճգնաժամային կառավարման կենտրոն ահազանգ է ստացվել, որ Վայք քաղաքի Ջերմուկի խճուղու թիվ 15 շենքի բնակարաններից մեկի բնակիչները չեն արձագանքում դռան և հեռախոսազանգերին։ 

Մայիսի 7-ին, ժամը 13։50-ի սահմաններում, Ադրբեջանի ԶՈՒ ստորաբաժանումները տարբեր տրամաչափի հրաձգային զինատեսակներից կրակ են բացել հայ-ադրբեջանական սահմանի արևելյան ուղղությամբ տեղակայված ՀՀ ԶՈՒ մարտական դիրքերի, ինչպես նաև Սոթքի ոսկու հանքավայրի ուղղությամբ, տեղեկացնում է ՀՀ պաշտպանության նախարարությունը։ Ադրբեջանական կողմի գործողությունների հետևանքով հրազենային վիրավորում է ստացել հանքավայրի աշխատակիցներից մեկը։ Նրա կյանքին վտանգ չի սպառնում։ «Պատասխան գործողություններով ադրբեջանական ստորաբաժանումների կրակը լռեցվել է։ Ժամը 16։30-ի դրությամբ իրադրությունը հայ-ադրբեջանական սահմանին հարաբերականորեն կայուն է»,- նշված է ՀՀ ՊՆ հաղորդագրությունում։

Ոստիկանների վայրագությունները կանխող փաստաբանների աշխատախումբ է ստեղծվել

Աբովյանի համայնքապետարանից հայտնում են․ «Գալիք հաղթանակների հավատով. Սիրելի՛ հայրենակիցներ, ի ուրախություն բոլորիս Աբովյան համայնքում այսուհետ ունենալու ենք «ԱՐՑԱԽԻ փողոց», «ՇՈՒՇԻ թաղամաս», «ՀԱԴՐՈՒԹ թաղամաս»։ Աբովյան համայնքի ավագանու՝ մայիսի 6-ին կայացած արտահերթ նիստում ընդունվեց համայնքի ղեկավար Էդուարդ Բաբայանի նախաձեռնած որոշումների նախագծերը, այն է. Աբովյան քաղաքի 5-րդ և 6-րդ միկրոշրջաններին հարող փողոցը, սկսած Հատիսի փողոցի վերջնամասից մինչև Սևանի փողոցի հետ հատումը, անվանակոչել «ԱՐՑԱԽԻ փողոց»: Աբովյան քաղաքի 5-րդ միկրոշրջանը անվանափոխել «ՀԱԴՐՈՒԹ թաղամաս»: Աբովյան քաղաքի 6-րդ միկրոշրջանը անվանափոխել «ՇՈՒՇԻ թաղամաս»»։

Մահվան ելքով վրաերթ՝ Երևանում. հետիոտնը մահացել է

Այսօր Երևանում տեղի ունեցած երթի ժամանակ կանայք մանկական տակդիրներ դրեցին Ազգային ժողովի դեռների մոտ։ Նրանց խոսքով՝ դրանք ՔՊ-ական պատգամավորների համար են։ Ավելի վաղ տեղեկացրել էինք, որ Ֆրանսիայի հրապարակից մեկնարկեց կանանց մասնակցությամբ երթը` հանուն ՀՀ-ի և Արցախի:

«Քիչ առաջ տեղեկացանք, որ թշնամին ինտենսիվ կրակ է բացել Սոթքի հանքավայրի ուղղությամբ։

Երևանում կանանց երթի մասնակիցները փակել են Բաղրամյան պողոտան