Լրահոս

«Արդեն մեկ շաբաթ է՝ ՀՀ արդարադատության նախկին նախարար Կարեն Անդրեասյանը ԲԴԽ նախագահն է, իսկ արդարադատության նախարարի պարտականություններն իրականացնում է նախարարի տեղակալ Գրիգոր Մինասյանը, ով համարվում է նախարարի ամենահավանական թեկնածուն:

Արտակարգ իրավիճակների նախարարությունը տեղեկացնում է, որ ՀՀ տարածքում ավտոճանապարհներն անցանելի են։

«Սահմանադրական դատարանը, ՏԻՄ-երը, այլ հաստատություններ ու ոլորտներ «գրավելու» տոտալ ջանքերից, ողջ կրթական համակարգը կուսակցականացնելուց հետո ՀՀ իշխանություններն անցան ԿԸՀ-ին ու ԲԴԽ-ին: Ընդ որում, այս անկախ համարվող կառույցների նախագահներ ընտրվեցին հենց քպականներ, ինչը փորձագիտական շրջանակներում համոզմունք է ձևավորել, որ այդ միավորների անկախության և օբյեկտիվության մասին այլևս խոսք լինել չի կարղ:

Հոկտեմբերի 15-ին՝ ժամը 01:20-ի սահմաններում, Ադրբեջանի ԶՈՒ ստորաբաժանումները տարբեր տրամաչափի հրաձգային զինատեսակներից կրակ են բացել հայ-ադրբեջանական սահմանի արևելյան հատվածում տեղակայված հայկական դիրքերի ուղղությամբ:

ՀՀ քննչական կոմիտեի Երևան քաղաքի քննչական վարչության Քանաքեռ-Զեյթուն վարչական շրջանների քննչական բաժնի վարույթում քննվող քրեական վարույթի շրջանակներում կատարված քննչական և վարութային մեծածավալ գործողությունների արդյունքում պարզվել են Երևանի քաղաքապետարանի <<Բնակչության հատուկ սպասարկում>> ՀՈԱԿ-ի ենթակայությամբ գործող գերեզմանատան ինչպես պաշտոնատար, այնպես էլ այլ աշխատակիցների կողմից 2018-2021 թվականների ընթացքում ակնհայտ ապօրինի գործողություն կատարելու համար տարբեր չափերի գումար պահանջելու և ստանալու, պաշտոնեական փաստաթղթերում ակնհայտ կեղծ տեղեկություններ կամ գրառումներ ներառելու միջոցով՝ բովանդակությամբ կեղծ փաստաթուղթ կազմելու և օգտագործելու, ապօրինի վարձատրություն ստանալու, ինքնիրավչություն կատարելու, գերեզման անարգելու և այլ դեպքերի մի շարք հանգամանքներ: Նախաքննությամբ ձեռք բերված փաստական տվյալների համաձայն՝ վերոնշյալ ՀՈԱԿ-ի ենթակայությամբ գործող գերեզմանատան աշխատակիցը, 2018-2021թթ. ընթացքում «մասնակի փակ» իրավական կարգավիճակ ունեցող գերեզմանատանը, վճարովի հողատարածքներ տրամադրելու արգելքի պայմաններում, գերեզմանատեղի տրամադրելու համար պաշտոնեական փաստաթղթերում՝ գերեզմանի քարտերում, ակնհայտ կեղծ տեղեկություններ ներառելու միջոցով, կազմել և օգտագործել է ակնհայտ կեղծ պաշտոնեական փաստաթղթեր ու տարբեր քաղաքացիների օգտին ապօրինի գործողություններ կատարելու համար պահանջել կամ ստացել է տարբեր չափերի գումարներ: Արդյունքում «մասնակի փակ» իրավական կարգավիճակ ունեցող գերեզմանատանը կատարվել են ապօրինի հուղարկավորություններ, այն հիմնավորմամբ, թե իբր նշված գերեզմանատեղը պատկանել է հանգուցյալի ազգականին: Բացի այդ, գերեզմանատունը՝ Երևանի քաղաքապետի որոշմամբ «մասնակի փակ» դառնալուց հետո այնտեղ շարունակվել են հատկացվել նոր գերեզմանատեղիներ, որոնք կազմակերպելու համար <<Բնակչության հատուկ սպասարկում>> ՀՈԱԿ-ի հուղարկավորությունների գրանցամատյաններում և գերեզմանների քարտերում կեղծվել են նախկինում հուղարկավորված անձանց տվյալները, դրանցում լրացվել են ակնհայտ կեղծ հասցեներ և հանգուցյալների կենսաչափական տվյալներ՝ այդ կերպ կեղծ հիմքեր ստեղծելով հուղարկավորության գրանցման և գերեզմանի վկայականի հատկացման համար՝ թաքցնելով նաև նոր գերեզմանատեղիների հատկացման փաստը: Իրականացված բազմակողմանի քննությամբ պարզվել է նաև, որ մի շարք դեպքերում ՀՈԱԿ-ի աշխատակիցների ուղղորդմամբ, վերջիններիս ապօրինի վարձատրության դիմաց, հուղարկավորություններ են իրականացվել գերեզմանատան սահմաններից դուրս՝ մասնավոր անձանց սեփականության իրավունքով պատկանող հողատարածքում, սեփականատիրոջը զրկելով հողատարածքը սեփական հայեցողությամբ տիրապետելու, օգտագործելու և տնօրինելու իրավունքից: Փաստական տվյալներ են ձեռք բերվել նաև այն մասին, որ ապօրինի վարձատրության դիմաց, նոր գերեզնմանատեղիներ հատկացնելու նպատակով, անարգվել են նախկինում հուղարկավորված անձանց գերեզմանատեղիները, որից հետո գերեզմանատան աշխատակիցը անարգանքի ենթարկված գերեզմանատեղին մաքրելու, գերեզմանափոս փորելու, գերեզմանի վկայական հատկացնելու և կառուցապատման աշխատանքներ կատարելու պատրվակով խաբեությամբ պահանջել, որոշ դեպքերում նաև ստացել է տարբեր չափերի գումարներ: Ձեռք բերված բավարար ապացույցների համակցությամբ՝ հիշյալ անձին մեղադրանք է ներկայացվել՝ ՀՀ քրեական օրենսգրքի 255-րդ հոդվածի 1-ին մասով (2 դրվագ), 255-րդ հոդվածի 2-րդ մասի 3-րդ կետով (4 դրվագ), 457-րդ հոդվածի 1-ին մասով (5 դրվագ)/, 2003 թվականիn ընդունված ՀՀ քրեական օրենսգրքի 265-րդ հոդվածի 1-ին մասով (3 դրվագ )և 322-րդ հոդվածի 1-ին մասով: Վերջինիս նկատմամբ որպես խափանման միջոց է կիրառվել կալանավորումը: Իրականացվում է համակողմանի քննություն՝ հանցավոր սխեմայում ներգրավված բոլոր անձանց ինքնությունը պարզելու ուղղությամբ: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Վակեի այգում՝ շատրվանի ավազանում, էլեկտրահարված երեխայի վիճակը բարելավվել է, հիվանդանոցի բժիշկն ասել է, որ այլ կլինիկա տեղափոխելու կարիք չկա, հայտնում է Ալիք մեդիան: «Այս պահին երեխայի վիճակը լավ է, նրան այլևս անհրաժեշտ չէ թոքերի արհեստական շնչառական ապարատ, նա նաև կապ է հաստատել ծնողների հետ։ Քիչ թե շատ վտանգները հաղթահարված են»,- ասել է բժիշկ Դավիթ Ցաբաձեն։ Հիշեցնենք, որ երեկ առավոտյան տեղեկություն տարածվեց, որ Թբիլիսիի Վակեի այգում՝ մուտքի մոտ, շատրվանների ավազան մտած երեխաները հոսանքահարվել են: Ավելի ուշ հայտնի դարձավ, որ հոսանքահարվելու հետևանքով վիրավորված 13-ամյա աղջիկը կլինիկայում մահացել է:

Այսպես կոչված «Զանգեզուրի միջանցքի» հետ կապված որևէ խնդիր չի տեսնում Թուրքիայի նախագահը: Էրդողանը վստահեցրել է, որ այդ հարցը Պրահայում քննարկել են Փաշինյանի, Ալիևի և Հունգարիայի վարչապետ Օրբանի հետ: Հայաստանի տարածքով Ադրբեջանը Նախիջևանին կապելու հարցում անսասան Թուրքիան թուրանական նպատակների մի մասը զիջում է հօգուտ Չինաստանի ու Իսրայելի: Թուրքական պետական հեռուստաընկերության եթերում տարածվել է թուրանական քարտեզ, որտեղ նշված է, որ մնչև 2050 թվականը Անկարան ստանալու է Ղրիմը, Կուբանը, Ռոստովի մարզը:

«Հետքը» գրավոր հարցեր էր ուղարկել վարչապետ Նիկոլ Փաշինյանին 2020 թ․ նոյեմբերի 9-ի, 2021 թ․ հունվարի 11-ի հայտարարությունների որոշ դրույթների, հայ-ադրբեջանական ներկա բանակցությունների եւ տարածաշրջանային ընթացիկ զարգացումների վերաբերյալ։ Հարցերի պատասխանները ստացել են ԱԳՆ-ից, որին վարչապետի աշխատակազմը վերահասցեագրել էր հարցերը։ Հարցերից մեկն առնչվել է այսպես կոչված անկլավներին․ -Արդյոք հայ-ադրբեջանական բանակցությունների օրակարգում կա անկլավների հարց։ Ադրբեջանը խոսու՞մ է դրանց մասին։ Եթե այո, ապա պաշտոնական Բաքուն պահանջում է միակողմանի իրեն վերադարձնել ՀՀ տարածքում իր նախկին էքսկլավնե՞րը, թե՞ սեղանին փոխադարձության սկզբունքն է, այսինքն՝ նաեւ Արծվաշենի վերադարձը ՀՀ-ին։ -Անկլավների հետ կապված հարցերը դեռ պետք է քննարկվեն Հայաստանի Հանրապետության եւ Ադրբեջանի Հանրապետության միջեւ պետական սահմանի սահմանազատման ու սահմանային անվտանգության հարցերով հանձնաժողովի ու Ադրբեջանի Հանրապետության եւ Հայաստանի Հանրապետության միջեւ պետական սահմանի սահմանազատման պետական հանձնաժողովների համատեղ աշխատանքների ընթացքում։

Իրանի նախագահը դեմ է, որ Հարավային Կովկասում, մասնավորապես՝ հայ-ադրբեջանական սահմանին՝ Իրանի քթի տակ արևմտյան ուժեր տեղակայվեն: Ռայիսին հավանաբար նկատի ունի եվրոպացի դիտորդներին, որոնք շուտով պետք է ժամանեն Հայաստան: Ըստ իրանագետի՝ երեկ Ասիայի փոխգործակցության և վստահության ամրապնդման 6-րդ կոնֆերանից հետո պարզ է դարձել, որ համաշխարհային երկու բևեռ է ձևավորվել՝ Արևելյան, որտեղ Չինաստանը, Ռուսաստանը, Իրանն ու Հնդկաստան են և Արևմտյան՝ ՆԱՏՕ-Եվրոպա-ԱՄՆ եռյակով:

«Ցանկացած փորձ Արցախը Ադրբեջանի կազմ «խցկելու», բերելու է երկու տարբերակի` պատերազմի, արյունահեղության, ցեղասպանության կամ բերելու է Արցախի հայաթափման»,- նման բովանդակությամբ հրապարակում է արվել Արցախի Հանրապետության ԱԳ նախարարության ֆեյսբուքի պաշտոնական էջում: Միտքը արտահայտել է ԱՀ ԱԳ նախարար Դավիթ Բաբայանը, ով այսօր մանրամասներ էր ներկայացրել ՀՀ-ում անցկացրած հանդիպումներից:

Ռուսաստանի Բելգորոդ քաղաքը ռմբակոծման է ենթարկվել: Ըստ ռուսական կողմի՝ ուկրաինական հրթիռն է հարվածել բազմահարկ շենքին: Զելենսկին պնդում է, թե ռուսական հրետանին է սխալմամբ հարվածել բնակելի շենքին: Ռուս-ուկրաինական պատերազմի 233-երորդ օրը:

Չնայած ռուսական մամուլը, հղում անելով թուրքական աղբյուրներին, հայտնում է, որ Ռուսաստանի և Թուրքիայի նախագահների հանձնարարությամբ քննարկվում է Թուրքիան գազային հանգույց դարձնելու հարցը, էներգետիկ փորձագետների խոսքով, այդ գործընթացը չի կարող արագ կարգավորվել, որովհետեւ դրան պետք է համաձայնի Եվրամիությունը:

ՀՀ ոստիկանության Շենգավիթի բաժինը հոկտեմբերի 13-ին հաղորդում է ստացել, որ հոկտեմբերի 8-ին, ժամը 12.00-ի սահմաններում, Գարեգին Նժդեհի փողոցում՝ «Հայրենիք» առևտրի կենտրոնի մոտ, անհայտ անձը զանգելու պատրվակով մի անչափահաս տղայից վերցրել է բջջային հեռախոսը և դիմել փախուստի: Ինչպես «Արմենպրես»-ին տեղեկացրին ՀՀ ոստիկանությունից, նախաձեռնվել է քրեական վարույթ: Ըստ աղբյուրի՝ ոստիկանության Շենգավիթի բաժնի ծառայողները ձեռնարկած միջոցառումների արդյունքում պարզել են կողոպուտը կատարողի ինքնությունը: 20-ամյա երիտասարդը Գարեգին Նժդեհի հրապարակում հայտնաբերվել, ձերբակալվել և ներկայացվել է նախաքննական մարմնին: Նա տվել է խոստովանական ցուցմունք: Նշվում է, որ կատարվում է նախաքննություն:

ԵԽԽՎ-ում թուրք և ադրբեջանցի պատվիրակներն ընդհատել են Հայաստանի պատվիրակի ելույթը, երբ հայ պատգամավորը Հայաստանին ու Ադրբեջանին մեղադրել է Արցախյան հակամարտության կարգավորման հարցը Հայաստան-Ադրբեջան հարաբերություններից տարանջատելու համար: Հայկ Մամիջանյանի ելույթն ընդհատել է անգամ ԵԽԽՎ թուրք նախագահողը: Մամիջանյանին օգնության են հասել գործընկերները: Ռուբեն Ռուբինյանն ու Վլադիմիր Վարդանյանը վեհաժողովի նախագահողին կոչ են արել հետևել կանոնադրությանը:

ՀԱՊԿ-ը պատրաստ է առաքելություն սկսել հայ-ադրբեջանական սահմանին: Ալեն Սիմոնյանի խոսքով՝ ռուս գործընկերներն իրեն ասել են, որ շուտով ակտիվանալու են Հարավայկին Կովկասում: Փորձագետի կարծիքով՝ Երևանը բոյկոտում է Հավաքական անվտանգության պայմանագրի կազմակերպութոյւնը, նախընտրում է եվրոպացի դիտորդներին: Հայաստանը անվտանգային ճարտարապետություն է փոխում:

ՀԱՊԿ-ից Հայաստանը դուրս բերելու Երևանում հաճախակիացած կոչերի ֆոնին Ադրբեջանին ՀԱՊԿ մտցնելու հավերժական հարցը վերադառնում է օրակարգ: Այսօր Աստանայում կայացած ԱՊՀ գագաթնաժողովում քննարկվել է ԱՊՀ-ին ՀԱՊԿ-ում դիտորդի կարգավիճակ տալու առաջարկը: Այսինքն, Ադրբեջանը՝ որպես ԱՊՀ անդամ կարող է դիտորդի կարգավիճակ ստանալ ռազմաքաղաքական մի դաշինքում, որն այս պահին նախագահում է Հայաստանը:

Հանրապետության տարածքում hոկտեմբերի 15-18-ն առանձին շրջաններում սպասվում է անձրև, 16-17-ը հնարավոր է նաև ամպրոպ: Հոկտեմբերի 19-ին սպասվում է առանց տեղումների եղանակ: Քամին՝ արևմտյան` 2-5 մ/վ, ամպրոպի ժամանակ քամու ուժգնացում՝ 17-20 մ/վ արագությամբ: Օդի ջերմաստիճանը հոկտեմբերի 14-ի ցերեկը կնվազի 3-4 աստիճանով: Երևան քաղաքում hոկտեմբերի 15-18-ը հնարավոր է կարճատև անձրև։ Հոկտեմբերի 19-ին սպասվում է առանց տեղումների եղանակ:

Ի՞նչ եղան Ջերմուկում շրջափակված ադրբեջանցիները, ի՞նչ եղան 2021թ նոյեմբերի ադրբեջանցի գերիները: Ֆեյսբուքյան էջում իշխանություններին նման հարցեր է ուղղել ՀՀ նախկին վարչապետ Հրանտ Բագրատյանը․ «Բավականին հուզիչ էին և Փաշինյանի, և Միրզոյանի ելույթները Աստանայում։ Մանավանդ հայ գերիների ու անհետ կորածների մասով (ի դեպ, քանի որ "գերիները" մեր հողում են եղել, ուրեմն գործ ունենք ավելի շուտ մարդկանց առևանգման կամ հափշտակման հետ)։ Այդ ելույթներն ուղղված են ներքին լսարանին ու, նախևառաջ, գերիների ու անհետ կորածների հարազատներին։ Սիմոնյանն էլ էր հավես. ադրբեջանցիք մեզանից 2 անգամ շատ կորուստ են տվել՝ 401 մարդ։ Բայց արի ու տես, որ ոչ մի ադր-ցի գերի չունենք։ Մաքու՞ր են աշխատել, թե ինչ որ տհաս հրաման է տվել. հանկարծ ադրբեջանցիներին գերի չվերցնեք։ Ի դեպ ի՞նչ եղան Ջերմուկում շրջափակված ազերիները (ըստ գլխ. շտաբի պետ Է.Ասրյանի)։ Ի՞նչ եղան 2021թ նոյեմբերի ազերի գերիները։ Գլուխներս հարդուկելու ու դրսերում սրա-նրանից օգնություն մուրալու փոխարեն գերիներին պահեիք ու մեր տղերքի հետ փոխանակեիք»,-գրել է Բագրատյանը։ 0 0

Պայթյուն է տեղի ունեցել Թուրքիայի հանքերից մեկում: Այս մասին հայտնում է РИА Новости-ն՝ հղում տալով CNN Turk-ին: Նշվում է, որ փլատակներում բանվորներ կան: Տեղում աշխատում են շտապօգնության ծառայությունները: Պայթյունը եղել է Բարտինի Ամասրա շրջանում գտնվող հանքում: Այս պահին այլ մանրամասներ չեն հաղորդվում։

72 տարեկան հասակում մահացել է Հարի Փոթերի մասին կինոշարքում Հագրիդին մարմնավորած դերասան Ռոբի Քոլթրեյնը: Ինչպես հաղորդում է «Արմենպրես»-ը՝ վկայակոչելով «Բի-բի-սի»-ն, շոտլանդացի աստղը, ում իսկական անունն է Էնթոնի Ռոբերտ ՄակՄիլլան, արժանացել է OBE մրցանակի 2006 թվականին: Դերասանը մահացել է Շոտլանդիայի Ֆոլկիրքի մոտ գտնվող հիվանդանոցում: