Լրահոս

Տարիներ շարունակ տասնյակ զեկույցներ են գրվել՝ թուրքական իշխանությունների կողմից ամբողջ աշխարհում թուրք քաղաքացիների լայնամասշտաբ առևանգումների մասին՝ Ռեջեփ Թայիփ Էրդողանի վարչակարգը քննադատելու համար։ Աքսորյալ թուրք հետաքննող լրագրող Աբդուլլահ Բոզքուրտը բացահայտել է թուրքական այս անօրինական գործողությունները` տրամադրելով թուրքական կառավարության աղբյուրներից ստացած գաղտնի փաստաթղթերի պատճենները: Զարմանալի չէ, որ Թուրքիան նրան ձերբակալելու հրաման է տվել։ Նա Շվեդիայում հրատարակում է Nordic Monitor-ը։ Բոզքուրտը 2022 թվականի նոյեմբերի 3-ին հոդված է գրել Nordic Monitor-ում՝ «Թուրք դիվանագետների լրտեսությունը 2022 թվականին շարունակվել է նոր թիրախներով՝ Նորվեգիայում, Նիդեռլանդներում և Հունաստանում» վերնագրով։ Բոզքուրտը հրապարակել է թուրքական մի գաղտնի փաստաթուղթ, որը թողարկվել է Անվտանգության գլխավոր տնօրինության կողմից 2022 թվականի հունիսի 7-ին։ Նա բացահայտել է, որ արտասահմանում գտնվող դեսպանատներում և հյուպատոսություններում աշխատող թուրք դիվանագետները շարունակում են «քննադատների և հակառակորդների մասին տեղեկություններ հավաքելու անօրինական գործունեությունը Եվրոպայում»։ Բոզքուրտը հայտնել է, որ «երկու թուրք դիվանագետներ, այն ժամանակ մամուլի կցորդ Հաջի Մեհմեդ Ղանին և Հաքան Քամիլ Յերգեն, այն ժամանակ Բեռնում թուրքական դեսպանատան երկրորդ քարտուղարը, 2016-ին թմրանյութերի կիրառմամբ առևանգել են շվեյցարացի թուրք գործարարի: 2018 թվականի հունիսին Շվեյցարիայի գլխավոր դատախազությունը երկու թուրք դիվանագետների ձերբակալության հրահանգ է տվել»։ Բացի իրենց հակառակորդներին բռնելու և տուն բերելու փորձերից, Թուրքիայի կառավարությունը երկրի ներսում բանտարկում է նրանց հարազատներին և բռնագրավում նրանց ունեցվածքը։ 2022 թվականի նոյեմբերի 4-ին Nordic Monitor-ում հրապարակված երկրորդ՝ «Թուրքական հետախուզությունը շարունակում է լրտեսել լրագրողներին Շվեդիայում» վերնագրով հոդվածում, Բոզքուրտը հայտնում է, որ Շվեդիայում Nordic Monitor-ի խմբագիր Լևենթ Քենեզին «լրտեսել է Թուրքիայի հետախուզական ծառայությունը՝ նրա անձնական տեղեկատվությունը հրապարակելով թուրքական լրատվամիջոցներում։ Թուրքիայի նախագահ Ռեջեփ Թայիփ Էրդողանի ընտանիքի կողմից տպագրվող «Սաբահ» թերթը անցյալ երեքշաբթի հրապարակել է Քենեզի լուսանկարները Ստոկհոլմի իր բնակարանի դիմաց, որտեղ նա ապրում է ընտանիքի հետ, հրապարակել է նրա հասցեն ու առօրյայի մանրամասներ՝» վտանգի ենթարկելով նրանց։ Հասկանալի է, որ ներքին քննադատներին լռեցնելուց հետո, Էրդողանը հիմա էլ փորձում է իր քննադատներին լռեցնել արտասահմանում։ Երրորդ հոդվածը, որը վերնագրված էր՝ «Թուրք դիվանագետները շահագործել են ԱՄՆ ներքին անվտանգության կայքը՝ ԱՄՆ-ում այլախոհներին հետևելու համար», Բոզքուրտը Nordic Monitor-ում հրապարակել է 2022 թվականի նոյեմբերի 2-ին։ Բոզքուրտը բացահայտել է թուրքական մի գաղտնի փաստաթուղթ, որը ցույց է տալիս, որ թուրքական հետախուզական գործակալությունը օգտագործել է ԱՄՆ մաքսային և սահմանների պաշտպանության կայքը՝ ԱՄՆ-ում թուրք բժշկին հետևելու համար, որը քննադատում է թուրքական կառավարությանը: ԱՄՆ կառավարության կայքէջում մարդկանց անձնական տվյալների բազա մուտք գործելը հանցագործություն է: Բոզքուրտը հայտնել է, որ միայն 2016-2017 թվականներին թուրքական դեսպանատներն ու հյուպատոսությունները ներկայացրել են արտերկրում բնակվող Թուրքիայի 4386 քննադատների տվյալները։ 2021 թվականին Թուրքիայի արտաքին գործերի նախարար Մևլութ Չավուշօղլուն հայտարարել է, որ դեսպանատներում և հյուպատոսություններում նշանակված թուրք դիվանագետներին կառավարությունը պաշտոնապես հանձնարարել է գաղտնի լրտեսական գործողություններ իրականացնել օտարերկրյա տարածքում։ Բացի այդ, էրդողանամետ թուրքական ցանցերն ու կազմակերպություններն արտերկրում հանդես են եկել որպես թուրքական վարչակարգի «երկար ձեռքը»: 2019 թվականին ԱՄՆ կառավարությունը դատապարտեց թուրքական իշխանության աշխատակից Քամիլ Էքիմ Ալպթեքինին՝ Միացյալ Նահանգներում Էրդողանի հակառակորդներին հսկելու համար: Ալպթեքինը շարունակում է մնալ փախուստի մեջ և ներկայումս թաքնվում է Թուրքիայում, մինչդեռ նրա համախոհ Բիժան Ռաֆիեկյանին, որը, 2019 թվականին դատապարտվել է ԱՄՆ-ում թուրքական կառավարության գործակալի գաղտնի գործունեության համար՝ առանց բացահայտելու իր հարաբերությունները ԱՄՆ կառավարության, ըստ Բոզքուրտի: Մեթյու Ամլոթը 2020 թվականի հուլիսի 12-ին «Ալ Արաբիա»-ում հրապարակեց մի հոդված՝ «Թուրքիան գաղտնի համաձայնագրեր է ստորագրել երկրների հետ՝ այլախոհներին արտասահմանից առևանգելու համար» վերնագրով: ՄԱԿ-ի չորս զեկուցողների կողմից գրված համատեղ նամակի համաձայն՝ «Թուրքիան գաղտնի համաձայնագրեր է ստորագրել բազմաթիվ երկրների (Ադրբեջան, Ալբանիա, Կամբոջա և Գաբոն) հետ՝ ենթադրյալ պետական այլախոհների՝ երկրի տարածքից դուրս առևանգումներ իրականացնելու նպատակով… Թուրքիան նաև թիրախավորել է [իր] քաղաքացիներին Աֆղանստանում, Կոսովոյում, Ղազախստանում, Լիբանանում և Պակիստանում, գրված է նամակում»։ ՄԱԿ-ի նամակում ասվում է, որ «Թուրքիայի կառավարությունը, այլ պետությունների հետ համաձայնեցված, ստիպողաբար 100 թուրք քաղաքացու է տեղափոխել Թուրքիա, որոնցից 40-ը ենթարկվել են բռնի անհետացման, հիմնականում առևանգվել են փողոցներից կամ իրենց տներից ամբողջ աշխարհում և բազմաթիվ դեպքերում՝ իրենց երեխաների հետ միասին»։ Ալիս Թեյլըրը «Exit News»-ում գրել է, որ «2018 թվականի նոյեմբերին Թուրքիայի արտգործնախարարը տեղեկացրել է խորհրդարանին, որ 452 արտահանձնման հարցում է ուղարկվել ընդհանուր առմամբ 83 երկրի»։ Յասիր Գյոքչեն հոդված է գրել, որը հրապարակվել է 2018 թվականի նոյեմբերի 25-ին Հարվարդի համալսարանի Kennedy School Review-ում՝ «Թուրքիայի առևանգումները դրսում հակասում են միջազգային իրավունքին» վերնագրով: Այս ապօրինի առևանգումները պետք է ներկայացվեն ՄԱԿ-ի Անվտանգության խորհրդին և Արդարադատության միջազգային դատարանին, առաջարկել է Գյոքչեն: 2020 թվականին Յոհան Հեյմանսը Մարդու իրավունքների միջազգային դիտորդական կազմակերպության հետ համատեղ հրապարակել է 128 էջանոց զեկույց, որը մասամբ հիմնված է Անկարայի իրավաբանների ասոցիացիայի զեկույցի վրա, որը փաստում է 17 երկրներից Թուրքիայի քաղաքացիների արտաքսման կամ առևանգման կոնկրետ դեպքերը՝ Մոլդովա, Ադրբեջան, Գաբոն, Սուդան, Կոսովո, Մյանմա, Սաուդյան Արաբիա, Բուլղարիա, Բահրեյն, Ինդոնեզիա, Ղազախստան, Պակիստան, Ուկրաինա, Լիբանան, Մալայզիա, Շվեյցարիա և Մոնղոլիա: Վերջապես, OpenDemocracy.net-ը 2021 թվականի հունիսի 16-ին հրապարակեց Սերդար Սանի հոդվածը, որը վերնագրված էր. «Արտասահմանում թուրք լրտեսները առևանգում են Էրդողանի քաղաքական հակառակորդներին»: Սերդար Սանն իրավացիորեն նշել է, որ «քաջալերվելով ՆԱՏՕ-ի և ԵՄ-ի արձագանքի բացակայությունից՝ նախագահ Էրդողանի վարչակարգն առևանգում է այլախոհներին», որպեսզի լռեցնի քաղաքական այլախոհությունը: Արևմտյան կառավարություններն են մեղավոր, որոնք աչք են փակում իրար հաջորդող թուրքական իշխանությունների անօրինական վարքագծի վրա՝ խրախուսելով նրանց շարունակել խախտել ներքին և միջազգային օրենքները տասնամյակներ շարունակ: «Կալիֆորնիա կուրիեր» թերթի հրատարակիչ

«Հրապարակ» թերթը գրում է․ «Նախօրեի ուշ երեկոյան տեղի է ունեցել Նիկոլ Փաշինյանի եւ ՔՊ խմբակցության պատգամավորների այդքան սպասված հանդիպումը։ Սպասված էր այն պարզ պատճառով, որ տեղի ունեցավ ՔՊ համագումարից եւ հատկապես վարչության ընտրությունների կեղծումից հետո։ Եվ նախորդ հանդիպումը հենց այդ կեղծման պատճառով չեղարկվել էր, քանի որ Նիկոլ Փաշինյանը, ասում են, վրդովված է եղել: Մի խոսքով` ՔՊ-ականները, շունչները պահած, սպասում էին այս հանդիպմանը՝ հասկանալու, թե իրականում ինչ է կատարվել ՔՊ համագումարում, ովքեր են կեղծարարները, եւ ինչ է սպասվում վերջիններին: Ընդհանուր գծերով ՔՊ-ում, իհարկե, տեղյակ էին, թե ՔՊ պատգամավորների եւ գործադիրի որ խմբակն է զբաղվել ընտրությունների կազմակերպչական աշխատանքներով, սակայն չէին կարծում, թե վարչության ընտրությունների արդյունքներն ու այնտեղ տեղ գտած անճշտությունները «տեխնիկական» են` անփութության հետեւանք: Ներսում բոլորն էլ վստահ են, որ ՔՊ վարչության ընտրությունները կեղծվել են, իսկ անփութության մասին հեքիաթները մարդկանց աչքին թոզ փչելու համար են։ Հիշեցնենք նաեւ, որ Փաշինյանն անցած երեքշաբթի էր նախատեսել հանդիպել ՔՊ-ականների հետ, որպեսզի պատմեր Սոչի եւ Թեհրան կատարած այցերի մանրամասները, սակայն այդ հանդիպումը վերջին պահին չեղարկվել էր։ Ինչեւէ, նախօրեի երեկոյան Փաշինյանը հանդիպման է ներկայացել աննախադեպ սառնասրտությամբ եւ հանդիպումը սկսել է հիշյալ հանդիպումների եւ բանակցային գործընթացի վերաբերյալ հաշվետվությամբ։ Ուրախությամբ տեղեկացրել է, որ գործընթացը հօգուտ հայկական կողմի է ընթանում` այն առումով, որ Հայաստանին հաջողվում է մանեւրել Արեւմուտք-Ռուսաստան հակամարտության արանքում, եւ հատկապես Սոչիի հանդիպումից հետո ինքը «հաղթած» է դուրս եկել, քանի որ հրապարակային չի հրաժարվել Պուտինի առաջարկից, բայց փոխարենը վերջինս չի կարողացել կատարել իր խոստումը եւ Ալիեւին պարտադրել, որ ընդունի խաղաղության պայմանագրի ռուսական տարբերակը, որում առկա է Արցախի մասին կետ։ Նկատենք, որ հոկտեմբերի 31-ին Սոչիում Պուտինի գլխավորությամբ Ալիեւ-Փաշինյան հանդիպումից օրեր անց հարցազրույցով հանդես եկած ԱԽ քարտուղար Արմեն Գրիգորյանն ու այլ ՔՊ-ական պաշտոնյաներ փորձում էին բանակցությունների տապալման եւ խաղաղության պայմանագրի ձգձգման մեղքը գցել Պուտինի «գրպանը»։ Մասնավորապես, ԱԽ քարտուղար Արմեն Գրիգորյանը հայտարարել էր, թե հանդիպումից առաջ Մոսկվան խոստացել էր համոզել Բաքվին, որ եզրափակիչ հայտարարության մեջ տեղ գտնի «Լեռնային Ղարաբաղ» անվանումը, սակայն չէր արել դա։ Մոսկվայի ուղղությամբ քարեր նետեց նաեւ Ռուբեն Ռուբինյանը՝ մոռանալով, որ մինչեւ Սոչիի հանդիպումն էր Փաշինյանը հայտարարել Արցախի կարգավիճակի նշաձողն իջեցնելու եւ արեւմտյան տարբերակին իր համաձայնության մասին, որում Արցախի մասին հիշատակում չկա։ Ռուբինյանը նոյեմբերի 7-ին «Ազատությանը» տված հարցազրույցում նշել էր․ «Հայկական կողմը, բնականաբար, առաջարկել եւ պնդել է, որ Լեռնային Ղարաբաղին անդրադարձ լինի, կամ «Լեռնային Ղարաբաղ» տերմինը նշվի, եւ խաղաղապահների մանդատի երկարացման հարցն է բարձրացրել, եւ, ընդհանրապես՝ մեր հայտնի դիրքորոշումները բարձրացվել են, բայց համաձայնության հասնել բոլոր հարցերով հնարավոր չի եղել, ինչն էլ արտահայտված է ընդունված հայտարարության մեջ, որն ընդհանուր հայտարարություն է, եւ առաջընթաց չի երեւում այդ հայտարարությունից»: ՔՊ-ական պատգամավորներին, սակայն, առավել հետաքրքրել են ներկուսակցական խնդիրները, Փաշինյանի արտաքին քաղաքական թեմային նվիրված հաշվետվությունը երկար-բարակ լսելուց հետո նրանք հետաքրքրվել են կատարվածի մասին, եւ թե ինչ պատիժ է սպառնում զեղծարարներին։ Այս թեմայով հարցեր են տվել պատգամավորներ Լիլիթ Մինասյանը, Սրբուհի Գրիգորյանը, Արթուր Հովհաննիսյանը, Հովիկ Աղազարյանը եւ եւս մեկ-երկու հոգի։ Նիկոլ Փաշինյանը, առանց անուններ տալու, անխնա քննադատել է ընտրակեղծարարներին եւ ասել, որ դեռ ճշտումներ են արվում, սպառնացել է, որ չի խորշելու անգամ քրեական պատասխանատվության ենթարկել նրանց, ովքեր միտումնավոր կեղծիքներ են իրականացրել։ Սրանով էր թերեւս պայմանավորված, որ երեկ որոշ մեղավորներ, հոգեխանգարմունքի մեջ ընկած, վիրավորանքներ էին հասցնում իրենց զեղծարարությունները լուսաբանած լրագրողներին։ Այդ հանդիպմանը ներկա են եղել վարչության, ինչպես նաեւ կառավարության գրեթե բոլոր անդամները, բացառությամբ Սուրեն Պապիկյանի։ Մեզ պատմեցին, որ Հովիկ Աղազարյանը Նիկոլ Փաշինյանին հասկացրել է, որ եթե զեղծարարությունները միտումնավոր չլինեին, ապա իր առաջարկած բոլոր մեխանիզմները կներդնեին վարչության ընտրությունների ժամանակ, ինչը չի արվել։ Փաշինյանը պատասխանել է, որ տեղյակ է այդ մասին, թե ինչ է առաջարկել Աղազարյանը: Սակայն մեր աղբյուրը չմանրամասնեց, թե ինչ հսկողական մեխանիզմներ է առաջարկել ՔՊ-ի ամենաօրիգինալ պատգամավորը` Հովիկ Աղազարյանը»։

Համացանցում նկարներ, տեսանյութեր են հայտնվել ընտանի շների թունավորման մասին: Այսօր «Հայլուր»-ի թղթակից Աննա Հովհաննիսյանը գնացել է ահազանգերի հետքերով և պարզել, որ կենդանիները Մասիվի հատվածում թունավորված նրբերշիկներ են կերել, որոնք, հավանաբար, նախատեսված են եղել փողոցային շների համար:

Անդրանիկ Թևանյանը ֆեյսբուքյան իր էջում գրում է․ 2020–ի նոյեմբերի 9–ին թշնամուն գյոռբագյոռ անող և «Շուշիի համար մարտերը շարունակող» իշխանությունը նույն օրվա գիշերն իր ստորագրությամբ ամրագրեց Արցախի պետականության կորուստը։ Շուշին նոյեմբերի 5–ին էր գրավվել, բայց պրոպագանդան այդ մասին չէր ասում, որպեսզի ֆեյսբուքյան մթնոլորտը պահպանվի։ Այդ հետո պետք է դարդ արվեր կորած օծանելիքի համար՝ Շուշին դժգույն քաղաք հռչակելուն ընդառաջ։ 2020–ի նոյեմբերի 9–ի հիմքերը դրվեցին 2018–ի մայիսի 9–ին՝ Ստեփանակերտում։ Արանքում եղան Բոլթոնի պլանը, տխրահռչակ «Մյունխենյան սկզբունքները», «Հակամարտության լուծումը պետք է բավարարի Հայաստանի ժողովրդին, Ղարաբաղի ժողովրդին, Ադրբեջանի ժողովրդին» կեղծ խաղաղասիրական բանաձևը, փամփուշտները ձուլելու և զարդեր պատրաստելու կոչը, Տավուշյան «ճակատամարտը», Հ1–ով եթեր չգնացած «դարակազմիկ» հարցազրույցը։ Պատերզմն ու պարտությունը շատ դաժան էին։ Ոչ պակաս դաժան է նաև մինչև հիմա սեպտեմբերի 27–ի ու նոյեմբերի 9–ի արանքում մնալը։ Հայաստանը դեռևս չի կարողանում դուրս գալ պատերազմի ու պարտության միջավայրից և վերջապես մտնել նոյեմբերի 10–ի ռեժիմի մեջ։ Ալիևը շարունակում է հոխորտալ ու պահանջել։ Աշխարհը զարմացած հետևում է հայերի ինքնաոչնչացնող քայլերին։ Դաշնակից–բարեկամ երկրները դեռ պահում են Արցախն ու Հայաստանը՝ ի հեճուկս ՀՀ իշխանությունների ու ՀՀ քաղաքացիների մի ստվար հատվածի։ Հայկական օրացույցը հետ է մնացել աշխարհի օրացույցից, քանզի այնտեղ 2022–ի նոյեմբերի ինն է այսօր, իսկ մեզ մոտ «Շուշիի համար մարտերը շարունակվում են»․․․ Հ․Գ․։ Պատերազմից 1 տարի առաջ՝ 2019–ի նոյեմբերի 5–ին տեղի ունեցած հարցազրույցում խոսել եմ այն մասին, թե ինչպես է պատերազմը թակում մեր դուռը։

Կանադացի ուսուցչուհի Անդրեա Համֆրիսը տեսագրություն է հրապարակել, որտեղ երևում է, թե ինչպես է հսկայական ութոտնուկը գրկում իրեն սուզվելու ժամանակ։ Այս մասին հայտնում է CTV News-ը։ Համֆրիսը դայվինգով է զբաղվում արդեն 12 տարի, կատարել է 675 սուզում: Հերթական սուզման ժամանակ Վանկուվեր կղզու ափին նրան ուղեկցել են մի քանի սուզորդներ, այդ թվում՝ մի մարդ, ով երբեք ութոտնուկ չէր տեսել: «Մեր նպատակն էր նրա համար ութոտնուկ գտնել: Նրան հագցրինք մեր հանդերձանքը ու սուզվեցինք։ Երեք րոպե անց ես նկատեցի մի ութոտնուկ, որը նստած էր հատակին և չէր փորձում թաքնվել»,- ասել է Համֆրիսը: Ութոտանու հետ հանդիպումը տեսագրվել է: Կադրերում երևում է հսկայական ութոտնուկ՝ մեկ մետրից ավելի երկարությամբ շոշափուկներով և բասկետբոլի գնդակից մի փոքր ավելի մեծ մարմինով: Նա մոտենում է Համֆրիսի ընկերուհուն, իսկ հետո ողջունում է կանադուհուն՝ ամբողջովին փաթաթվելով նրավ շոշափուկներով: «Նա երկարացրեց շոշափուկները, որ դիպչի դեմքիս, իսկ հետո ինչ-որ պահի մոտեցավ ինձ ու գրկեց ինձ»,- ասել է կինը։ Նրա խոսքերով՝ շոշափուկները փաթաթվել են նրա ամբողջ մարմնին և շոշափել նույնիսկ շուրթերը։ Համֆրիսը հուսով է, որ ութոտնուկին հանդիպելու իր պատմությունը ուշադրություն կսևեռի ստորջրյա կյանքի գեղեցկությանը և ստորջրյա աշխարհի բնակիչներին պաշտպանելու անհրաժեշտությանը: Կինը նախատեսում է կրկին այցելել այդ վայրը և հույս ունի կրկին հանդիպել ութոտնուկին:

Ադրբեջանի պաշտպանության նախարարության տարածած հաղորդագրությունն այն մասին, թե իբր ՊԲ ստորաբաժանումները նոյեմբերի 8-ի լույս 9-ի գիշերը կրակ են բացել Արցախի Հանրապետության Մարտունու շրջանի օկուպացված տարածքներում տեղակայված ադրբեջանական դիրքերի ուղղությամբ, հերթական ապատեղեկատվությունն է։ Այս մասին հայտնում է Արցախի ՊՆ մամուլի ծառայությունը։ facebook sharing buttonmessenger sharing buttontwitter sharing buttontelegram sharing buttonskype sharing buttonpinterest sharing buttonsharethis sharing button

Նոյեմբերի 9-ին, ժամը 09։04-ին Սյունիքի մարզային ճգնաժամային կառավարման կենտրոն տեղեկություն է ստացվել, որ Սիսիան-Երևան ավտճանապարհի 17-րդ կմ-ի հատվածում տեղի է ունեցել ՃՏՊ. կան տուժածներ։ Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Ըստ նախնական տվյալների՝ կա 4 տուժած։

ԱՄՆ պետքարտուղարության խոսնակ Նեդ Փրայսը լրագրողների հետ ճեպազրույցի ժամանակ անդրադարձել է ԱՄՆ պետքարտուղար Էնթոնի Բլինքենի հետ Հայաստանի և Ադրբեջանի արտգործնախարարներ Արարատ Միրզոյանի և Ջեյհուն Բայրամովի վերջին հանդիպմանը: «Արմենպրես»-ի փոխանցմամբ՝ Նեդ Փրայսն ուշադրություն է հրավիրել այն փաստի վրա, որ երկու երկրների արտգործնախարարները համատեղ հայտարարություն են ընդունել, ինչը, նրա խոսքով, բավական դրական ազդակ է: «Հանդիպման ժամանակ արտգործնախարարները պայմանավորվել են արագացնել բանակցությունները և առաջիկա շաբաթներին կազմակերպել ևս մեկ հանդիպում։ Նրանք իրենց երախտագիտությունն են հայտնել պետքարտուղար Բլինքենին, ամերիկյան կողմին՝ երեկվա քննարկումները կազմակերպելու համար։ Պետք է նշեմ, որ պետքարտուղար Բլինքենը երեկ ներգրավված էր քննարկումներում, սակայն օրվա ընթացքում երկու կողմերը հնարավորություն ունեին հանդիպելու և փորձելու հարթել իրենց տարաձայնությունները, որոշ դեպքերում՝ առանց Միացյալ Նահանգների ակտիվ մասնակցության», - նշել է ԱՄՆ պետքարտուղարության խոսնակը: Փրայսը դարձյալ ընդգծել է կողմերի միջև ուղիղ երկխոսության կարևորությունը: «Մենք շարունակում ենք հանձնառու մնալ Հարավային Կովկասի տարածաշրջանում խաղաղ ապագայի խթանմանը: Կարծում ենք, որ շարունակական ուղիղ երկխոսությունը առանցքային է խնդիրների լուծման և երկարատև խաղաղության հասնելու համար», - նշել է Փրայսը: Դիվանագետը նաև շեշտել է, որ ԱՄՆ-ն այս գործում միջնորդի դեր ունի, երկու երկրներին հանդիպելու հնարավորություն է ընձեռել, սակայն չի կարող կողմերին ոչինչ պարտադրել: «Միացյալ Նահանգները չի փորձում, չի ցանկանում և նույնիսկ չի էլ կարող համաձայնագիր պարտադրել երկու կողմերին: Մենք պարզապես տրամադրում ենք վայր և ստեղծում հնարավորություն, որպեսզի երկու կողմերը հանդիպեն, հասկանան իրենց տարաձայնությունները, որոնք բավական շատ են, և փորձեն հարթել դրանք», - հավելել է Փրայսը: Փրայսը նաև նշել է, որ Վաշինգտոնը չի կարող պարտադրել, թե ինչպիսին պետք է լինի Հայաստանի և Ադրբեջանի միջև երկարատև կայուն խաղաղությունը: «Մենք նրանց չենք ներկայացնում մի փաստաթուղթ, որը պատրաստ է ստորագրման: Մենք անում ենք ամեն բան, որպեսզի հնարավորություն ընձեռենք դիվանագիտության համար, որի համար քայլեր նրանք իրենք պետք է ձեռնարկեն, և դա նման է մեր մոտեցմանը ամբողջ աշխարհում մի շարք մարտահրավերների առումով, որտեղ մենք ցույց ենք տվել այս մոդելի կենսունակությունն ու արդյունավետությունը», - ասել է ԱՄՆ պետքարտուղարության խոսնակը՝ որպես օրինակ բերելով ԱՄՆ դիվանագիտական ջանքերն Իսրայելում և Լիբանանում, Եթովպիայում, Եմենում և այլուր: Եզրափակելով իր խոսքը՝ Փրայսը բավական դրական է գնահատել Հայաստանի և Ադրբեջանի ԱԳ նախարարների միջև հանդիպումը: Հիշեցնենք՝ ՀՀ արտգործնախարար Արարատ Միրզոյանը և նրա ադրբեջանցի գործընկեր Ջեյհուն Բայրամովը հանդիպել էին նոյեմբերի 7-ին՝ Վաշինգտոնում:

Նոյեմբերի 8-ի լույս 9-ի գիշերը, Ադրբեջանի ԶՈՒ ստորաբաժանումները տարբեր տրամաչափի հրաձգային զինատեսակներից կրակ են բացել հայ-ադրբեջանական սահմանի արևելյան հատվածում տեղակայված հայկական դիրքերի ուղղությամբ: ՀՀ ՊՆ-ի հաղորդմամբ՝ ժամը 10:00-ի դրությամբ իրադրությունն առաջնագծում հարաբերականորեն կայուն է:

Մարդու իրավունքների պաշտպանի աշխատակազմի ներկայացուցիչները մշտադիտարկման չհայտարարված այց են իրականացրել «Երևանի մանկան տուն» պետական ոչ առևտրային կազմակերպություն: Հատուկ ուսումնասիրվել են երեխաների սոցիալական ներառման, ընտանիքների և հարազատների հետ հաղորդակցության, երեխայի լավագույն շահի երաշխավորման հետ կապված հարցերը: Այցի ընթացքում արձանագրվել են մի շարք հիմնախնդիրներ` • արձանագրվել են դեպքեր, երբ նույն ընտանիքի երեխաներից մեկի խնամքը կազմակերպվում է խնամատար ընտանիքում, իսկ մյուսինը՝ հաստատությունում, սակայն նրանց համար տեսակցություններ չեն կազմակերպվել: Արձանագրվել են նաև դեպքեր, երբ հաստատության տարբեր տարիքային խմբերում խնամվում են քույր-եղբայր կամ ազգական երեխաներ, սակայն բավարար աշխատանքներ չեն իրականացվում նրանց ազգակցական կապի պահպանման ուղղությամբ, • հագուստը, այդ թվում՝ ներքնազգեստն անհատականացված չէ, ինչի պատճառով բացառված չէ, որ դրանք լվանալուց հետո նույն հագուստը կամ ներքնազգեստը կարող են կրել տարբեր երեխաներ, • որոշ խմբասենյակներում սպասքի, օրինակ, բաժակների, այդ թվում՝ ծծակով շշերի անհատականացումն անընթեռնելի է եղել, ինչը պատճառաբանվել է նրանով, որ ախտահանող լուծույթի պատճառով գրառումները մաքրվում են, • որոշ խմբասենյակներում սպասքի ախտահանման համար նախատեսված լուծույթով տարաները, էլեկտրական սալիկները դրված են եղել հատակին կամ երեխաների համար հասանելի բարձրության վրա, ինչը վտանգավոր է երեխաների անվտանգության տեսանկյունից, • պետության կողմից երաշխավորված անվճար և արտոնյալ պայմաններով բժշկական օգնության ու սպասարկման ծրագրերի ֆինանսավորման սպառման հետևանքով 2022 թվականի սեպտեմբերից ի վեր հնարավոր չի եղել իրականացնել մի շարք բժշկական հետազոտություններ, օրինակ՝ օրթոպեդիկ, ակնաբուժական ոլորտներում։ Մշտադիտարկման արդյունքներն ամփոփման փուլում են: Արձանագրված այս և այլ խնդիրները լուծումների առաջարկներով կուղարկվեն ՀՀ աշխատանքի և սոցիալական հարցերի նախարարություն և հաստատության տնօրենին։

«Առավոտ» թերթը գրում է․ ««Ես չգիտեմ՝ տարածարջանի ժողովուրդներն ինչքանով էին լիազորել ՔՊ պատգամավոր Արսեն Թորոսյանին իրենց անունից հանդես գալ ու ցավակցել թուրք ժողովրդին: Կարծում եմ, պետք էր մի քիչ համեստ լինել ու խոսել սեփական անձի անունից, կամ գոնե իրենց ընտանիքի կամ կուսակցության անունից: Նույնիսկ հայ ժողովրդից էլ չէ՝ տարածաշրջանի՞ ժողովուրդների: Թուրքը ընդգծված հակահայ քաղաքականություն է իրականացնում, շարունակում է իր ցեղասպան քաղաքականությունը եւ խոսքը չի գնում միայն սահմանները փակելու մասին, որն էլի թուրքական ցեղասպան քաղաքականության դրսեւորումներից մեկն է, այլ նաեւ զինվորական, խորհրդատվական, ֆինանսական, դիվանագիտական աջակցությունը կա Ադրբեջանին: Բայց քանի որ Արսեն Թորոսյանը նաեւ ասում էր, որ եթե հայերը անկախության համար չպայքարեին, 1915 թվի ցեղասպանությունը չէր լինի, այսինքն, հայ ժողովրդին էր մեղադրել թուրքական ցեղասպանության համար, այդ մարդուց ի՞նչ ակնկալեք»,- «Առավոտի» հետ զրույցում ասաց «Հայաստան» խմբակցության պատգամավոր Արթուր Խաչատրյանը: Նա հորդորեց քաղաքացիներին հետեւել Արսեն Թորոսյանի ու նրա կուսակիցների խոսքերին ու հաջորդ ընտրությունների ժամանակ հասկանալ, թե ինչ է կատարվում: Հարցին՝ ՔՊ պատգամավոր Վիգեն Խաչատրյանը պարբերաբար փորձում է արցախյան պատերազմում կորուստները վերագրել նախկիններին ու օրերս էլ մեզ հետ զրույցում ասաց՝ ինձ միամիտի տեղ պիտի դնեմ ու ասեմ՝ Արցա՞խ են պահել, արցախյան հողերում ցորեն էին ցանում ու վաճառում էին, գեներալներին է մատնանշում, ասում է՝ մսխել են, լափել են, կերել են ու հիմա հայտարարում են, թե Արցա՞խ են պահել, դուք ինչպե՞ս կմեկնաբանեք այս խոսույթը՝ Արթուր Խաչատրյանը պատասխանեց. «1988-ից, իրականում՝ 1987-ի նոյեմբերից առաջին ցույցերը սկսեցին Երեւանում՝ ի պաշտպանություն Արցախի: Երբ նոյեմբերին ադրբեջանցիք Շահումյանի շրջանում սկսեցին իրենց հակահայկական քաղաքականությունը, Հայաստանում սկսեցին ցույցեր, հետո՝ փետրվարյան շարժում, հետո՝ Գերագույն խորհրդի դիմում՝ Արցախը Ադրբեջանի կազմից հանել եւ Հայաստանի կազմ ներգրավել... Այդ ժամանակից ՀՀ-ն, այն ժամանակ դեռ Սովետական սոցիալիստական, հայերի թիկունքին էր Արցախում եւ Հյուսիսային Արցախում: 1988-ից մինչեւ 2018 թվականը 30 տարի իշխանությունները՝ լավ, թե վատ, ամբողջ ազգը միակամ պաշտպանում էր Արցախը: Առաջին անգամ այս իշխանություններն են, որ հայտարարում են, որ մենք Արցախի անվտանգության երաշխավորը չենք կարող լինել, թող Արցախը գնա առանձին իր ճակատագիրը տնօրինի, մենք առանձին մեր ուժերով կգնանք Ադրբեջանի եւ Թուրքիայի հետ հարաբերությունների հաստատմանը: Հիմա եթե Ադրբեջանը հրաժարվի Արցախի հետ բանակցել, Հայաստա՛ն, շարունակելո՞ւ ես Ադրբեջանի հետ բանակցել, թե՞ ասելու ես՝ մեր 120 հազար հայերի կյանքը զոհենք, մեր պատմական տարածքները զոհենք, իրավունքները զոհենք՝ հանուն Հայաստանի փրկության՝ այն դեպքում, երբ մենք Արցախը կորցրեցինք, թուրքը մտավ Հայաստան: Արցա՛խն էր Հայաստանի անվտանգության երաշխավորն այնպես, ինչպես Հայաստանն էր Արցախինը: Այո՛, 30 տարի Արցախը պահվել է, նրանք, ովքեր եղել են Ստեփանակերտում 91, 92 թվականներին եւ նրանք, ովքեր եղել են 2018 թվականին, այո՛, պահել են, զարգացրել ու շենացրել են: Քարվաճառում ամենամեծ ներդրումն, ըստ «Հետքի» հրապարակման, արել է ՀՅԴ-ն, իսկ ի՞նքը ինչ է արել կոմունիստ ժամանակ, ՀՀՇ-ի հետ համագործակցելու ժամանակ, ռամկավար ժամանակ, կամ ՔՊ ժամանակ, ի՞նչ է արել ինքը»: Փոխանցեցինք Վիգեն Խաչատրյանի խոսքերը, որ իրենց ժամանակ բնակիչներով են բնակեցրել Արցախը, իսկ դրանից հետո Քոչարյանի օրոք դադարեցվել է այդ քաղաքականությունը՝ Արթուր Խաչատրյանը հակադարձեց. «Սուտ է ասում, որովհետեւ կա ԵԱՀԿ-ն, 2005-ին էր ուղարկել դիտորդական առաքելություն եւ 2015-ին, եթե չեմ սխալվում եւ իրենք տարբերությունը փաստել են, շուրջ 15 հազար վերաբնակեցված մարդիկ են այնտեղ եղել: Տարածքը պահել են, շենացրել են, իսկ իրե՞նք ինչ են արել, զոհեր են տվել եւ տարածքները տվել են թուրքին: Թող վերադարձնեն ստատուս քվոն, որը կար մինչ սեպտեմբերի 26-ը, դե թող անեն: Այսինքն, իրենք ամեն ինչ կործանել են, հիմա ասում են՝ նախկինները վատ են արել: Դուք ավելի լավ անեիք: Հեղափոխությունը եղավ՝ նախկինների սխալներն ուղղելու պատճառով, ճի՞շտ է, սա իրենց խոսքն է: Ո՞ր սխալն են ուղղել, ո՞ր թերությունն են ուղղել, ունքը ուղղելու տեղ տվել երկու աչքն են հանել: Բայց մարդկային զոհերից բացի մնացած ամեն ինչը վերականգնելի է»»:

«Ժողովուրդ» օրաթերթը գրում է. Այսօր լրանում է ՀՀ ԱԺ նախկին նախագահ, ՀՀ արտաքին գործերի ներկայիս նախարար Արարատ Միրզոյանին ծեծի ենթարկելու դեպքով քննության երկու տարին, սակայն այդպես էլ չի բացահայտվել, թե ով կամ ովքեր նրան ծեծեցին: «Ժողովուրդ» օրաթերթը գրել էր, որ 2020 թվականի նոյեմբերի 9-ի առավոտյան ՀՀ ազգային ժողովի դիմաց մեծ թվով անձինք ծեծի էին ենթարկել այն ժամանակվա խորհրդարանի ղեկավար Արարատ Միրզոյանին, որն այնուհետ տեղափոխվել էր հիվանդանոց եւ վիրահատության ենթարկվել: Եվ չնայած այս դեպքից անցել է ուղիղ երկու տարի, սակայն այդ գործով նախկինում կալանավորված անձինք այժմ գտնվում են անազատության մեջ: Նրանց պաշտպանները դիմում են նախաքննական մարմնին, որպեսզի այդ մարդիկ արդարացվեն, քրեական հետապնդումը դադարեցվի, սակայն ԱԱԾ-ի կողմից չի արվում ոչինչ: Մյուս կողմից էլ երկու տարվա ընթացքում նախաքննական մարմինը այդպես էլ չի կարողացել պարզել եւ բացահայտել, թե ովքեր են այդ օրը ծեծի ենթարկել Միրզոյանին, եւ գործը մինչեւ օրս դատարան այդպես էլ չի ուղարկվել: Հիշեցնենք, որ 2020թ. նոյեմբերի 9-ի լույս 10-ի գիշերը՝ պատերազմը դադարեցնելու մասին Հայաստանի Հանրապետության, Ռուսաստանի Դաշնության եւ Ադրբեջանի Հանրապետության միջեւ ձեռք բերված համաձայնության վերաբերյալ հայտարարությունը զանգվածային լրատվության միջոցներում հրապարակվելուց հետո, Հայաստանի Հանրապետության տարբեր տարածքներում, հատկապես՝ մայրաքաղաք Երեւանում գտնվող ՀՀ կառավարության, Ազգային ժողովի շենքերում եւ պետական նշանակության այլ օբյեկտներում զանգվածային անկարգություններ եղան»:

ԱԺ «Պատիվ ունեմ» խմբակցության քարտուղար Տիգրան Աբրահամյանը ֆեյսբուքյան էջում գրում է․ «Ադրբեջանը հստակեցրել է իր դիրքորոշումն Արցախում տեղակայված ռուս խաղաղապահների մանդատի վերաբերյալ՝ նշելով, որ նոյեմբերի 9-ի համատեղ հայտարարությամբ սահմանված 5-ամյա ժամկետը հարգում են, միաժամանակ ակնարկում, որ այդ ժամկետի ավարտից հետո չեն պատրաստվում իրենց համաձայնությունը տալ մանդատի երկարաձգման առումով։ Սրան զուգահեռ Ադրբեջանից մեղադրանքներ են հնչում Հայաստանն Արցախին կապող միջանցքի, իսկ իրականում՝ ճանապարհի անվտանգության վերաբերյալ՝ ՌԴ-ին ուղիղ մեղադրելով հումանիտար բեռի անվան տակ Արցախին զենք/զինամթերք/սպառազինություն մատակարարելու մեջ։ Սրանով ինչ-որ փուլի համար հիմք է նախապատրաստվում կամ ճանապարհը փակելու համ ճանապարհին ադրբեջանական անցակետ տեղակայելու համար։ Եվ շարքի երրորդ խնդիրը. Ադրբեջանը շարունակում է պնդել, որ Հայաստանն Արցախին կապող և Ադրբեջանից ՀՀ տարածքով դեպի Նախիջևան գնացող երթուղին պետք է ունենան նույն կարգավիճակը։ Այսինքն՝ եթե ՀՀ-ն միջանցք չի տրամադրում, ապա Արցախը Հայաստանին կապող ուղին ունենալու է զուտ ճանապարհի կարգավիճակ՝ Ադրբեջանին ուղիղ վերահսկման տակ։ Իրար փոխկապակցված սպառնալիքների շղթա, որն Ադրբեջանն առանց խոչընդոտի առաջ է մղում և որի հակազդման ուղղությամբ ՀՀ իշխանությունը որևէ լուրջ քայլ չի ձեռնարկվում՝ սրանով նոր վտանգ ստեղծում մարդկային ու տարածքային կորուստների համար»։

«Հրապարակ» թերթը գրում է. «Քննչական կոմիտեին մինչ այս պահը չի հաջողվում Արմեն Աշոտյանի դեմ ցուցմունք տվող գտնել, թեպետ անցած շաբաթվանից փնտրտուքների մեջ են եւ մոտ 100 մարդու են հարցաքննել: Ընդամենը երկու անձի ցուցմունքը կարող է «եղանակ» փոխել։ Խոսքը բժշկականի նախկին ռեկտոր 70-ամյա վաստակաշատ բժիշկ Միքայել Նարիմանյանի մասին է, ում մարդիկ գիտեն որպես կաթողիկոսի բժիշկ, եւ ում շաբաթ օրը ձերբակալելուց եւ մի քանի ժամ պահելուց հետո ազատ արձակեցին՝ 40 մլն դրամ գրավ կիրառելով, ինչպես նաեւ՝ արհկոմիտեի այն շրջանի նախագահ Մարթա Սիմոնյանի։ Մեզ ասացին, որ երկուսն էլ Աշոտյանի դեմ ցուցմունք չեն տվել, գոնե այնպիսի ցուցմունք, որ կարողանան Աշոտյանին ձերբակալել, եւ քննչականն այս ուղղությամբ այլ միջոցներ է փորձում ձեռնարկել։ Հիշեցնենք․ քրեական գործի «հիմքը» 2015 թվականի դեպքերն են, ԵՊԲՀ-ն Իշխան Սաղաթելյանին պատկանող՝ Սեւանի ափին գտնվող հանգստյան տանը գույքը ձեռք է բերել կադաստրային արժեքից թանկ գնով, եւ դա դատախազությունը ներկայացնում է որպես հափշտակություն։ Հարցաքննվել է նաեւ Իշխան Սաղաթելյանի հայրը, ով խնդրո առարկա գույքի սեփականատերն է»:

Բելառուսի նախագահ Լուկաշենկոն լրագրողների հետ բացօթյա ասուլիսում հայտարարել է, որ պատրաստ են եվրոպացիների հետ տաքանալ նույն վառարանի շուրջ, իրենց վառելափայտը կիսել հարևան լեհերի, ուկրաինացիների հետ, փայտը հասցնել սահման նույնիսկ, միասին խորոված անել, որովհետև իրենց՝ Բելառուսի ժողովուրդը խաղաղասեր է:

«Ժողովուրդ» Աղետաբեր պատերազմի ավարտից երկու տարի անց հարցերի հարցը շարունակում է հետեւյալը մնալ. օդն, ի վերջո, փա՞կ է, թե՞ ոչ... «Հրապարակ» ԱԺ պարիսպների երկայնքով փշալար են անցկացնում: «Ժողովուրդ» Հայաստանի Ազգային ժողովը պետական միջոցների հաշվին խորհրդարանի ճաշարանի ճաշասեղանների համար ծախսել է 5 մլն դրամ գումար։ «Իրավունք» Նիկոլ Փաշինյանը Խաչատուր Սուքիասյանին հասկացրել է, որ իր վրա հույս չդնի, եւ եթե իրավապահները որեւէ կասկած ունեն, թող քննեն: «Հրապարակ» Քննչական կոմիտեին մինչ այս պահը չի հաջողվում Արմեն Աշոտյանի դեմ ցուցմունք տվող գտնել, թեպետ անցած շաբաթվանից փնտրտուքների մեջ են եւ մոտ 100 մարդու են հարցաքննել: Օրվա մամուլի հրապարակումները ժամը 11-ին, 5-րդ ալիքի ուղիղ եթերում «Օրագիր» հաղորդման հեղինակ Մարիանա Ղահրամանյանը կքննարկի «Պոլիտէկոնոմիա» հետազոտական ինստիտուտի քաղաքագետ Բենիամին Մաթևոսյանի հետ:

ՀՀ ազգային ժողովի պատգամավորներն աշխատանքային այցով կմեկնեն Կորեայի Հանրապետության մայրաքաղաք Սեուլ։ «Արմենպրես»-ն այս մասին տեղեկացավ ԱԺ նախագահ Ալեն Սիմոնյանի ստորագրած կարգադրությունից։ Կարգադրության մեջ նշվում է՝ նոյեմբերի 12-19-ը Սեուլ կգործուղվեն Հայաստան-Կորեա բարեկամական խմբի ղեկավար, պատգամավոր Ծովինար Վարդանյանը, «Քաղաքացիական պայմանագիր» խմբակցության ղեկավար Հայկ Կոնջորյանը, Ազգային ժողովի գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահի տեղակալ Թագուհի Ղազարյանը, Ազգային ժողովի պետական-իրավական հարցերի մշտական հանձնաժողովի նախագահի տեղակալ Արուսյակ Ջուլհակյանը, Ազգային ժողովի աշխատակազմի ղեկավար-գլխավոր քարտուղար Վահան Նարիբեկյանը և աշխատակազմի արտաքին կապերի վարչության միջազգային կազմակերպությունների բաժնի առաջատար մասնագետ Գոհար Մանուկյանը։

Մեծ Բրիտանիայի խոշորագույն սուպերմարկետները քննարկում են Լեհաստանից ձվի ներմուծման կամ դրանց վաճառքի սահմանափակման հնարավորությունը՝ կապված դեֆիցիտի հետ: Այդ մասին, ինչպես տեղեկացնում Է «Արմենպրես»-ը, հաղորդել Է Sun թերթը՝ վկայակոչելով սուպերմարկետների ղեկավարության աղբյուրի: Դեֆիցիտի պատճառը, ինչպես նշում Է հրատարակությունը, դարձել են թռչնագրիպի հերթական բռնկումը եւ ամառային տապի հետեւանքները Մեծ Բրիտանիայում, որի ժամանակ սատկել են միլիոնավոր թռչուններ: Բացի այդ, բազմաթիվ ֆերմերներ հեռանում են այս ճյուղից, քանի որ Ուկրաինայում հատուկ ռազմական գործողության սկսվելուց հետո կենդանիների կերի գների աճի պատճառով դրանց գործունեությունն ավելի պակաս շահութաբեր Է դառնում, գրում Է Sun-ը: Թերթի աղբյուրների խոսքով՝ ներկայում պարենային խանութների ցանցերի ղեկավարությունները բանակցություններ են վարում ձվի դեֆիցիտի հաղթահարման հնարավորությունների շուրջ: Որպես լուծումներ քննարկվում են ձվի վաճառքի սահմանափակումը եւ արտասահմանից դրանց ներմուծման ավելացումը, ինչը ձվի գների աճի կհանգեցնի լրացուցիչ տրանսպորտային ծախսերի պատճառով, հաղորդում Է հրատարակությունը: Այս ամռանը Մեծ Բրիտանիան բախվել Է անոմալ տապի: Այսպես, հուլիսի 19-ին երկրում ջերմաստիճանը գերազանցել Է նախորդ պլյուս 38,7 աստիճան ռեկորդը եւ հասել պլյուս 40,3 աստիճանի: Հոկտեմբերին Մեծ Բրիտանիայի Ազգային վիճակագրական բյուրոն հրապարակել Է տվյալներ, որոնց համաձայն անցյալ տարվա համեմատությամբ ձվի գինը աճել Է 23,2 տոկոսով: Մեծ Բրիտանիայում տարեկան գնաճը, սեպտեմբեր ամսվա արդյունքներով, հասել Է 10,1 տոկոս: Ավելի վաղ Evening Standard թերթը, վկայակոչելով Kantar կոնսալտինգային ընկերության հետազոտությունը, հաղորդել Է, որ Մեծ Բրիտանիայում պարենային գնաճը հասել Է ռեկորդային 14,7 տոկոսի, հաղորդել Է ՌԻԱ Նովոստին:

Ռուսական Forbes ամսագիրը ռուսներին կացության թույլտվություն տալու համար Վրաստանին անվանել է «նոր Կիպրոս»: Aliq Media-ի փոխանցմամբ՝ ըստ ռուսական Forbes-ի՝ Վրաստանում կա ծրագիր, ըստ որի` բնակության թույլտվություն է տրվում անշարժ գույքի ներդրման համար։ Tranio անշարժ գույքի գործակալության կոմերցիոն տնօրեն Ելենա Միլիշենկովան Forbes-ին ասել է, որ Վրաստանում բնակության իրավունք ստանալու համար անհրաժեշտ է գնել առնվազն 100 հազար դոլար արժողությամբ անշարժ գույք։ Նրա խոսքով, Վրաստանի կացության թույլտվության ծրագրում ներդրումային օբյեկտ կարող է լինել ինչպես բնակելի, այնպես էլ կոմերցիոն անշարժ գույքը։ Միլիշենկովան նշել է, որ 10 տարի Վրաստանում մշտական ​​բնակության և անշարժ գույքի սեփականության իրավունքից հետո հնարավոր է ստանալ մշտական ​​բնակության թույլտվություն: Ռուսական Forbes-ը ստացել է Tranio ընկերության տվյալները Վրաստանում բնակարանների միջին գնի մասին։ Նոյեմբերի 1-ի դրությամբ քառակուսի մետրի գինը հասել է 1 350 եվրոյի, մինչդեռ մեկ տարի առաջ այս ցուցանիշը 1 050 եվրո էր։ Միլիշենկովան բացատրել է, որ այս տարի եվրոյի անվանական գների աճը կազմել է 29 տոկոս, սակայն, հաշվի առնելով եվրոյի թուլացումը համաշխարհային արժույթների նկատմամբ, բնակարանների իրական գների աճը կարող է գնահատվել 5-7 տոկոս»: Ըստ նրա, Վրաստանում բնակարանի միջին գինը ներկայումս կազմում է 126 հազար 600 եվրո, մինչդեռ մեկ տարի առաջ կազմում էր 95 հազար 200 եվրո։ Tranio-ի տվյալների համաձայն՝ այս տարվա առաջին երեք եռամսյակում Վրաստանում անշարժ գույքի նկատմամբ ռուսաստանցիների պահանջարկը 2021 թվականի նույն ժամանակահատվածի համեմատ աճել է 149 տոկոսով։ Նույն ժամանակահատվածում Վրաստանում անշարժ գույքի ձեռքբերման միջին բյուջեն 57 հազարից դարձել է 100 հազար եվրո:

«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ նոյեմբերի 9-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաքի՝ 10:00-16:00 Անդրանիկի փ. 138, 142, 144, 146, 148, 150, 152, 156 շենքեր, Նազարբեկյան փ. 17, 18, 19, 21 շենքեր, Նորք Մարաշ՝ Արմենակյան փողոց 1-ին նրբանցքի առանձնատներ, Նորքի Այգիներ փ. 234, 275 առանձնատեր, «Նյու Սքայ Գրուպ» ՍՊԸ, Երևանի «Մանկան տուն» ՊՈԱԿ, «Ռեժինե» հյուրանոց և հարակից ոչ բնակիչ-բաժանորդներ, Նոր Նորք 7-րդ զանգ.՝ Ավետիսյան փ. 8, 13 շենքեր, Խորենացի փ. 28, 29, 30 շենքեր, թիվ 21 մսուր-մանկապարտեզ և հարակից ոչ բնակիչ-բաժանորդներ, 11:00-17:00 Հ․Մուրադյան փ. 16, 23, 23/1, 35 շենքեր և 14-41/5 առանձնատներ, Օրբելի փ. 16, 18 շենքեր և Կիևյան 2-րդ նրբ․ 6-27 առանձնատներ, Սարկավագի փ. 1-16 առանձնատներ, Սարկավագի 1-ին նրբ․ 1-15 և 2-րդ նրբ․ 1-6Ա առանձնատներ, Սարկավագի 3-րդ նրբ․ 8/2 շենք և 1 առանձնատուն, Քանաքեռ թաղ. 1-24 առանձնատներ, Քանաքեռ թաղ. 1փ. 1-43 և 4փ. 17 առանձնատներ, Քանաքեռ թաղ. 2փ․ 2-րդ նրբ․ 9/3, 20 առանձնատներ, Պարույր Սևակի փ. 1/1, 1/2, 1/3, 1/4, 1/5 շենքեր, Աղասու փ. 1-37 առանձնատներ, Հասրաթյան փ. 2/13, 5/1, 5/2 շենքեր և 2/4, 2/15, 2/19, 14 առանձնատներ, Ուլնեցու փ. 3-րդ փակ․ 7 շենք, Ուլնեցու փ. 141/4, 141/7 առանձնատներ, Լեփսիուսի 2փ․ 2/2 առանձնատուն, Թբիլիսյան խճ․ 1/8 շենք, Արղության փ. 10/6, 20/1 շենքեր և 12-34 առանձնատներ, Մամիկոնյանց 1-ին նրբ. 6/2 առանձնատուն, Էմինի փ. 5, 6, 7, 16 շենքեր և 1Ա-21 առանձնատներ, Ազատության պող. 12/1, 12/2, 12/3, 12/4 շենքեր, Քեռու փ. 77-99 առանձնատներ, Կոնդ թաղ. 19-189 առանձնատներ, Թաիրով փ. 10-46 առանձնատներ, Նորագյուղ թաղ. 64-350 առանձնատներ, Իսակովի պող. 3/1, 3/2 առանձնատներ, Խորենացի փ. 7, 9 շենքերի բնակիչ-բաժանորդներ և հարակից ոչ բնակիչ-բաժանորդներ, թիվ 87 մանկապարտեզ, Բագրատունյաց պող․ 15 շենք, Եղբայրության փ․ 16 շենք, Գարեգին Նժդեհի փ․ 1, 3 շենքեր, Մանանդյան փ․ 17 շենք, Նորագավիթ թաղ. 1, 2, 3, 6, 7, 8 փողոցների առանձնատներ, Նորագավիթ թաղ. 1-ին փողոցի 1-ին փակուղու; 2-րդ փողոցի 1-ին նրբանցքի; 6-րդ փողոցի 2-րդ փակուղու առանձնատներ, Նորագավիթ թաղ. 1-ին փողոցի 3-րդ նրբանցքի առանձնատներ և հարակից ոչ բնակիչ-բաժանորդներ, Անդրանիկի փ. 138, 142, 144, 146, 148, 150, 152, 156 շենքեր, Նազարբեկյան փ. 17, 18, 19, 21 շենքեր և հարակից ոչ բնակիչ-բաժանորդներ, Արմավիրի մարզի` 10:00-16:00 Արևիկ գյուղ, Արարատի մարզի՝ 10:00-14:00 Դաշտավան, Դարբնիկ և Փոքր Վեդի գյուղեր մասնակի, 11:00-13:00 Հնաբերդ գյուղ մասնակի, 11:00-16:00 Արտաշատ քաղաք՝ Արազի փ. 43 շենք և Մարքսի փողոց մասնակի, 13:00-16:00 Այգեստան գյուղ մասնակի, Վայոց Ձորի մարզի՝ 11։00-15։00 Շատին գյուղ մասնակի, Կոտայքի մարզի՝ 10։00-15։00 Ծաղկաձոր քաղաք՝ Չարենցի, Մհեր Մկրտչյան, Պահլավունյաց փողոցներ, Ոստիկանություն, դպրոց, մանկապարտեզ, «Ֆլեշ» բենզալցակայան, «Սամվել Փուրթոյան» ԱՁ, «Պարկ վիլլիջ» հանգստյան տուն, «Ոսկու աշխարհ» հյուրանոցային համալիր, «Ռոյալ», «Լեգալ» «Ագամիկ» «Ադոմաս», «Միքայել Վարդանյան», «Տիրամայր», «Գուդ Ռենդ», «Մատակարարում» ընկերություններ, Նոր թաղամաս և հարակից ոչ բնակիչ-բաժանորդներ, 11։00-13։00 Բջնի համայնք, Բջնիի ամառանոցներ, «Յուքոմ», «Վեոն Արմենիա», «Վիվա-ՄՏՍ» ընկերությունների բջջային օպերատորների կայաններ և հարակից ոչ բնակիչ-բաժանորդներ, 11։00-14։00 Բալահովիտ գյուղ մասնակի, 11։00-17։00 Ջրվեժի և Ձորաղբյուրի ամառանոցներ մասնակի, Կոտայք, Գեղաշեն և Կաթնաղբյուր գյուղեր մասնակի, Կամարիս գյուղն ամբողջությամբ, 12:00-15:00 Աբովյան քաղաքի 6, 7, 8 միկրոշրջաններ, կենտրոն թաղամաս և հարակից ոչ բնակիչ-բաժանորդներ, գազի գրասենյակ և քաղաքապետարանի շենք, Գեղարքունիքի մարզի՝ 10։30–16:30 Լիճք բնակավայրն ամբողջությամբ և հարակից ոչ բնակիչ- բաժանորդներ, 11։00–14:00 Ծակքար բնակավայրն ամբողջությամբ և հարակից ոչ բնակիչ- բաժանորդներ, 12։00-15։00 Ճամբարակ քաղաք՝ Գարդմանի, Բայրոնի, Հ․ Նադարյան, Չարենցի, Կոմիտասի, Սեպտեմբերի 21-ի, Պարույր Սևակի, Գարեգին Նժդեհի, Տիգրան Մեծի, Չիլինգարյանների, Օգոստոսի 23-ի և Մաշտոցի փողոցներ, Վերին Ճամբարակ թաղամասի գերեզմանամերձ հատվածներ, Վերին Ճամբարակ թաղամասի «Պարգև» ՍՊԸ, թիվ 5 մանկապարտեզ, զինմաս, գազալցակայան, ասֆալտի գործարան, Ներքին Ճամբարակ թաղ. 4-րդ դպրոց, Անտառամեջ, Ձորավանք, Դպրաբակ, Այգուտ, Կալավան, Բարեպատ գյուղեր, Գետիկ, Մարտունի, Թթուջուր, Ներքին Ճամբարակ, Վահան Շորժա, Աղբերք և Դրախտիկ գյուղեր, Տավուշի մարզի՝ 12:00-14:00 Կողբ գյուղ, Բերդավան գյուղ մասնակի, գազի լցակայաններ, բջջային կայաններ և հարակից ոչ բնակիչ-բաժանորդներ, Շիրակի մարզի՝ 10:00-16:00 Աշոցքի տարածաշրջան՝ Աշոցք գյուղի 1-ին փողոց մասնակի: 11:00-17:00 Ախուրյանի տարածաշրջան` Ղարիբջանյան, Ախուրիկ, Ոսկեհասկ գյուղեր, «Շիրակ» թռչնաբուծարան, Ազատանի գազալցակայան, Կարտոֆիլի պահեստներ, «Իգիթ» ՍՊԸ մասնակի, «Կարկաչան» ռեստորան և հարակից տարածքներ: