Լրահոս

Նոյեմբերի 21-ից 24-ը «Պաշտպանական կրթության զարգացման» հայաստանյան ծրագրի ՆԱՏՕ-ի «Գործընկերություն հանուն խաղաղության» կոնսորցիումի խորհրդատվական խմբի կողմից ՀՀ ՊՆ և ԶՈւ ԳՇ ներկայացուցիչների համար Հայաստանում անցկացվել է «Արհեստավարժ սերժանտական համակարգի դերը և նշանակությունը ժամանակակից զինված ուժերում» խորագրով սեմինար:

Հնարավո՞ր է, որ ԱԱԾ արխիվից ոչնչացվեն գործակալական ցանցերի մասին տեղեկություններ: ԱԱԾ-ին՝ արխիվները ոչնչացնելու հնարավորություն տալու կառավարության առաջարկը կրքեր է բորբոքել խորհրդարանում: «Արխիվում այդ ինչ թուղթ կա, որ հրատապ ռեժիմով պետք է ոչնչացնել»․- ԱԱԾ տնօրենի տեղակալին հարցրել են ընդդիմադիրները՝ չհասկանալով, ինչու է իշխող քաղաքական թիմը «հրատապ»՝ արտահերթ նիստով հարցը օրենսդիր մտցրել:

Ինդոնեզիայի վարչապետ Մարուֆ Ամինի առանձնատունը հրդեհվել է այն բանից հետո, երբ հարևանուհին աղբ է այրել, հաղորդում է Detik պորտալը:

ՀՀ հատուկ հանձնարարություններով դեսպան Էդմոն Մարուքյանը Twitter-ի իր միկրոբլոգում հետևյալ գրառումն է արել․

Խորհրդարանում կարող է սկսվել ընդդիմադիր «Հայաստան» խմբակցության 3 պատգամավորներին անձեռնմխելիությունից զրկելու գործընթաց: Տեղեկությունը, ըստ էության, հաստատել է խոսնակ Ալեն Սիմոնյանը ու հայտարարել, թե տեղեկություններ ունի «Հայաստան» խմբակցության պառակտման մասին:

Անթույլատրելի եմ համարում ՀՀ ոստիկանության կողմից 44-օրյա պատերազմում զոհված զինծառայողների ծնողների դեմ ներկայացված հայցը՝ վերջիններիս վարչական պատասխանատվության ենթարկելու պահանջի վերաբերյալ:

Այն, որ ռազմաքաղաքական դաշինք ՀԱՊԿ-ից Հայաստանը ակնկալում է նաև քաղաքական գնահատական, լավ է, ասում են, Նիկոլ Փաշինյանի քաղաքական ընդդիմախոսները: Նրանք միայն մի բան չեն հասկանում՝ ումի՞ց, ի՞նչ է սպասում Փաշինյանը; Արդյոք մոռացե՞լ է, որ ինքն էր ՀԱՊԿ-ը համեմատում մեկ օդորակիչի, մեկ Բրյուս Լիի հետ, իսկ իր իշխանության գալուց հետո առաջին որոշումներից մեկով քրեական հետապնդում սկսվեց ռազմաքաղաքական դաշինքի գլխավոր քարտուղարի նկատմամբ:

Մեծ Բրիտանիայի և Հյուսիսային Իռլանդիայի Միացյալ Թագավորության վարչապետ Ռիշի Սունակը Վրաստանի վարչապետ Իրակլի Ղարիբաշվիլիին հղած նամակում նշել է, որ այս դժվարին ժամանակաշրջանում, երբ Վրաստանն ու Միացյալ Թագավորությունը նշում են դիվանագիտական ​​հարաբերությունների վերականգնման 30-ամյակը, անվտանգության և պաշտպանության ոլորտում գործընկերությունը երբեք այսքան կարևոր չեն եղել:

Երևանի ընդհանուր իրավասության դատարանում՝ նախագահությամբ դատավոր Կարեն Ֆարխոյանի, այսօր՝ նոյեմբերի 24-ին, մեկնարկել է այս տարվա ապրիլի 26-ին Պարոնյան-Լեո փողոցների խաչմերուկում 28-ամյա Սոնա Մնացականյանին վրաերթի ենթարկած Ոստիկանության մայոր Արամ Նավասարդյանի գործով դատական նիստը։

Մարդու իրավունքների պաշտպան Քրիստիննե Գրիգորյանը նոյեմբերի 22-ից 23-ը Բրյուսելում մասնակցել է Մարդու իրավունքների ազգային ինստիտուտների եվրոպական ցանցի (ENNHRI) Գլխավոր ասամբլեային, տեղեկացնում են ՄԻՊ գրասենյակից։

Նոյեմբերի 24-ին, ժամը 07։05-ին Բերդ քաղաքի «Ճեռի ղաշ» կոչվող հանդամասի հրդեհաշիջման աշխատանքները վերսկսելու նպատակով դեպքի վայր են մեկնել ԱԻՆ ՓԾ մարզային փրկարարական վարչության օպերատիվ խումբը, հրշեջ-փրկարարական ջոկատից մեկ մարտական հաշվարկ, Քաղաքացիական պաշտպանության վարչության Քաղաքացիական պաշտպանության ուժերի հավաքական կենտրոնի Տաուշի հատուկ օբյեկտների պահպանության հրշեջ-փրկարարական ջոկատների օպերատիվ խմբերը և «Հայանտառ» ՊՈԱԿ-ի «Արծվաբերդի անտառտնտեսություն» մասնաճյուղի 15 աշխատակից:

Նիդերլանդների ԱԳ նախարար Վոպկե Հուկստրան նամակ է հղել Նիդերլանդների պառլամենտին՝ Ադրբեջանի ենթադրյալ ռազմական հանցագործությունների վերաբերյալ։ Ինպես տեղեկացնում է «Արմենպրես»-ը, նամակում ԱԳ նախարարը հիշեցնում է, որ Հարավային Կովկասում ԵՄ հատուկ ներկայացուցիչ Տոյվո Կլաարն հոկտեմբերի 2-ի իր թվիթերյան գրառման մեջ նողկանք էր հայտնել տեսանյութի առնչությամբ, որում ենթադրաբար ադրբեջանցի զինվորները գնդակահարում են հայ ռազմագերիներին։ Նա իր թվիթում կոչ էր արել անկախ հետաքննություն անցկացնել և տեսանյութի իսկության հաստատման դեպքում, մեղավորներին քրեական պատասխանատվության ենթարկել։

Հայաստանի հարաբերությունները է՛լ ավելի են սրվում այն միակ անվտանգային կազմակերպության հետ, որին անդամակցում է մեր երկիրը: Նիկոլ Փաշինայնն ու թիմը անթաքույց դեմարշ են սկսել: Առանց դիվանագիտական նրբանկատության է պաշտոնական Երևանը հայտարարել, որ տապալել է ՀԱՊԿ երկու փաստաթղթերի ստորագրումը: Փաշինյանը հրաժարվել է վավերացնել սեպտեմբերի 13-ի էսկալացիայի վերաբերյալ ՀԱՊԿ արձագանքի որոշումը և կազմակերպության անվտանգության խորհրդի հռչակագիրը:

ՀՀ ԱԺ նախագահ Ալեն Սիմոնյանի գլխավորած պատվիրակությունը պաշտոնական այցով նոյեմբերի 30-ից դեկտեմբերի 3-ը կմեկնի Դոհա (Կատար):

Արարատի մարզում, այսօր՝ նոյեմբերի 24-ին, ողբերգական դեպք է տեղի ունեցել Արարատի մարզում. Ժամը 14։00-ի սահմաններում ոստիկանության Մասիսի բաժին և Արտակարգ իրավիճակների նախարարության Փրկարար ծառայության 911 ճգնաժամային կառավարման կենտրոններ ահազանգ է ստացվել, որ Այնթափ գյուղի 13-րդ փողոցի տներից մեկում քաղաքացին հոսանքահարվել է և մահացել։ Դին տեղափոխելու հաամար անհրաժեշտ է փրկարարների օգնությունը։ 

Ազգային ժողովի նախագահ Ալեն Սիմոնյանը նոյեմբերի 24-ին կարգադրություն է ստորագրել, որում ասվում է․

Շիրակի մարզի Անի խոշորացված համայնքում վաղը՝ նոյեմբերի 25–ին, 6–րդ անգամ քվորում չլինելու պատճառով չի կայանա նորընտիր ավագանու առաջին նիստը, ինչը նշանակում է, որ ՏԻՄ օրենքի համաձայն՝ Կառավարությունը վաղաժամկետ կդադարեցնի ավագանու լիազորությունները և վարչապետը կնշանակի համայնքի ղեկավարի պաշտոնակատար։

Խորհրդարանական երեք խմբակցությունների ներկայացուցիչները նոյեմբերի 24-ին Ազգային ժողովում ընդունել են Հայաստանում Կանադայի արտակարգ և լիազոր դեսպան Էլիսոն Մարի Լը Քլերին: Այս մասին տեղեկացնում է ՀՀ ԱԺ պաշտոնական կայքէջը:

Լեռնային Ղարաբաղում առաքելություն իրականացնող ռուսական խաղաղապահ զորախումբն այսօր՝ նոյեմբերի 24-ին, իր պատասխանատվության գոտում ադրբեջանական կողմից հրադադարի խախտման մեկ դեպք է արձանագրել:

Կառավարությունն այսօրվա նիստում հավանություն է տվել Ներքին գործերի նախարարություն ստեղծելու մասին որոշման նախագծին։ Եթե օրենսդիրը հաստատի այս նախագիծը, Ներքին գործերի նախարարության մեջ կմտնեն Ոստիկանությունը, Փրկարար ծառայությունը, Միգրացիայի ու քաղաքացիության ծառայությունը։ Դրանց ղեկավարներին կնշանակի վարչապետը: