Լրահոս

Պարեկային ծառայության Շիրակի մարզի գումարտակի ոստիկաններն օրերս ապօրինի թմրաշրջանառության 2 դեպք են բացահայտել։ Մարտի 2-ի երեկոյան նրանք Գյումրու Աբովյան փողոցում ձերբակալել են 37-ամյա մի տղամարդու։ Նրա մոտ մարիխուանայի նմանվող դեղնականաչավուն զանգված ու կաթուցիչներ կային։ Ժամեր անց Գյումրու Խրիմյան Հայրիկի փողոցում նրանք ձերբակալել են 35-ամյա մի տղամարդու։ Գյումրու բնակչի խուզարկությամբ հայտնաբերվել է մարիխուանայի նմանվող դեղնականաչավուն զանգված։ 2 դեպքով էլ հանգամանքները նախաքննությամբ պարզվում են։

Քաղաքագետ Ստեփան Դանիելյանը գրում է․ «Ներկայիս «արևմտամետների» ու «ռուսամետների» առճակատումը հայ ժողովրդի կյանքում նոր ֆենոմեն չի: Ավելին, դա ունի պատմական ու հոգեբանական խորքային արմատներ, ինչը տարբեր պատմական փուլերում տարբեր կերպ է արտահայտվել, սակայն բովանդակության առումով այն անփոփոխ է: Հայ ժողովրդի պատմությունը կարելի է դիտարկել որպես արտաքին տարբեր կողմնորոշում ունեցող խմբերի միջև անզիջում պայքար, ինչը պարբերաբար հանգեցրել է ներազգային թշնամության: Որն է դրա բովանդակային, կամ անգամ աշխարհայացքային բացատրությունը: Այս երևույթը փորձենք հասկանալ կոնկրետ մի օրնակի միջոցով: Ավարայրի ճակատամարտը մեր պատմության մեջ ներկայացվում է որպես կրոնական պայքարի արգասիք, այսինքն, պարսիկները ցանկանում էին հայերին կրոնափոխ անել, սակայն հայ ժողովուրդն, ազնվականների ու շինականների միասնության շնորհիվ հանուն հավատքի դուրս էին եկել պայքարի: Անգամ պատմությանը թռուցիկ հայացք ձգելը բավական է հասկանալու համար, որ իրականում հայ ժողովուրդն այդ ժամանակ բաժանված էր երկու քաղաքական հատվածի և Ավարայրի ճակատամարտն իրականում քաղաքացիական պատերազմ էր: Դա հռոմեական ու պարսկական կողմնորոշումներ ունեցողների միջև քաղաքացիական պատերազմ էր, որտեղ կրոնն այն քաղաքական բանաձևն էր, որի միջոցով այդ ջրբաժանը գծվում էր: Հետագայում նույն պատկերը պարբերաբար կրկնվում է: Այդ ժամանակ Պարսկաստանի ճնշման հետևանքով հայերը բաժանվեցին երկու մասի՝ քաղքեդոնականնների՝ Հռոմի տիրապետության տակ գտնվողները, և հակաքաղքեդոնականների՝ Պարսկաստանի տիրապետության տակ գտնվողները: Հետաքրքրական է, որ երբ արաբական արշավանքների հետևանքով Պարսկաստանը փլուզվեց, քաղքեդոնականններն ու հայ հակաքաղքեդոնականները, 633 թվականին, Եզր Ա կաթողիկոսի և Բյուզանդիայ հայազգի կայսր Հերակլի հետ մեկ միասնական հավատի բանաձևի շուրջ հետ եկան համաձայնության՝ Դա ՄԻԱԿԱՄՈւԹՅԱՆ բանաձևն էր: Խոսքը Հիսուսի երկու բնույթների, մարդկային ու աստվածային, հարաբերություններին է վերաբերում, ինչն իրականում քաղաքական նշանակություն ուներ: Չկար Պարսկաստան, չկար նաև արտաքին կողմնորոշումների խնդիր, սակայն, երբ մեր տարածաշրջանում հաստատված արաբները սկսեցին համակարգված քաղաքականություն վարել, իրենց տիրապետության տակ եղած հայերին ստիպեցին տարանջատվել Բյուզանդիայից: 726-ին, Հանհաննես Օձնեցի կաթողիկոսը, Մանազկերտի ժողովում, նորից տարանջատվում է քաղքեդոնականներից՝ հռոմեացիներից: Այսինքն, նորից արտաքին կողմնորոշումների խնդիրը դառնում է արդիական, բնականաբար, արտաքին քաղաքական ճնշումների ազդեցությամբ: Առաջ արտաքին կողմնորոշումներն արտահայտվում էին կրոնական միավորումներով ու տարանջատումներով, կրոնական այս, կամ այն դոկտրինի ընդունման միջոցով, հիմա նույն բանը կատարվում է «ժողովրդավարության» ու «ավտորիտարիզմի» մասին դոկտրիններով: Իմաստը միայն քարոզչական է, քաղաքական նպատակներով: Ոչինչ չի փոխվել, ազգային շահ ձևակերպել չկարողանալով, ինչպես առաջ, մենք կրկին տարանջատվում ենք ըստ արտաքին կողմնորոշումների՝ արտաքին պատվերներով, արդյունքներն էլ նմանապես ողբերգական են լինելու: Հերթական անգամ «դեմոկրատ-քաղքեդոնականների» ու «ավտոկրատ-հակաքաղքեդոնականների» խաղը նորից կրկնելու համար մենք ոչ մի ռեսուրս արդեն չունենք: Մենք այս վիճակից կարող ենք դուրս գալ ազգային շահի հստակ ձևակերպման միջոցով, մեր գիտակցության միջից հանելով արտաքին կողմնորոշումներն, այսինքն դրսում տեր փնտրելու մոլուցքը»:

Հայաստանի ֆուտբոլի առաջնության 22-րդ տուրը եզրափակվեց երկու խաղով` «Արարատ»-«Շիրակ», «Նոա»-«Ուրարտու»: «Արմենպրես»-ի հաղորդմամբ` Չարենցավանի քաղաքային մարզադաշտում կայացած խաղում «Արարատ»-ն ընդունեց «Շիրակ»-ին: Գյումրու թիմը հաղթանակ տոնեց 1:2 հաշվով: «Շիրակ»-ի կազմում գոլերը խփեցին Կոնեն ու Դումբիան: «Արարատ»-ից հեղինակության գնդակը խփեց Ռազմիկ Հակոբյանը, այն էլ հանդիպման վերջին րոպեներին: «Արարատ»-«Շիրակ»` 1:2: Օրվա մյուս խաղում` «Նոա»-ն մրցեց «Ուրարտու»-ի հետ: Մրցաշարային աղյուսակի առաջատար «Ուրարտու» հաղթանակ կորզեց վերջին րոպե խփած գնդակների շնորհիվ: Աչքի ընկան Ժիրայր Մարգարյանը և Նարեկ Գրիգորյանը: «Նոա»-«Ուրարտու»` 0:2: Այս տուրից հետո մրցաշարային աղյուսակի առաջատարը շարունակում է մնալ «Ուրարտու», որը միավորների քանակը հասցրեց 53-ի: Երկրորդ տեղում գտնվող «Արարատ-Արմենիա»-ն 47 միավոր ունի, իսկ եռյակը եզրափակում է «Փյունիկ»-ը 43 միավորով:

Հիդրոօդերևութաբանության և մոնիթորինգի կենտրոնը ներկայացրել է Սևանա լճի հիդրոլոգիական ռեժիմը փետրվարի 27-ից մարտի 5-ը: «Սևանա լճի մակարդակը փետրվարի 27-ից մարտի 5-ն ընկած ժամանակահատվածում բարձրացել է 1սմ-ով և կազմել` 1900.25մ (05.03.23թ.), որն անցյալ տարվա նույն օրվա մակարդակից ցածր է 15սմ-ով: Արփա-Սևան ջրատարով փետրվարի 27-ից մարտի 5-ն ընկած ժամանակահատվածում Սևանա լիճ տեղափոխված ջրի քանակը կազմել է 0.602մլն. մ³, իսկ 2023 թվականի հունվարի 1-ից մարտի 5-ը ներառյալ՝ 5.504մլն. մ³»:

Rate.am-ը ներկայացրել է մարտի 6-ի դրությամբ տարադրամի փոխարժեքը։ ԱՄՆ դոլարի առքը միջինը 385.14 դրամ է, վաճառքը՝ 392.08 դրամ: Եվրոյի առքը միջինը 406.72 դրամ է, վաճառքը՝ 420.61 դրամ։ Ռուբլու առքը միջինը 4.92 դրամ է, վաճառքը՝ 5.29 դրամ:

Հայաստանում վերջին 4 օրում Կարմրուկի դեպքերը 1-ից 20-ի են հասել: Առողջապահության նախարարի խոսքով՝ վարակը Հայաստան է մտել արտերկրից, վարակակիրը երեխա է եղել: Բարեբախտաբար Հայաստանում 95 տոկոսը պատվաստված է, հակառակ դեպքում վարակակիրների թիվն ավելի շատ կլիներ: Կարմրուկ ունեցող մեկ հիվանդը կարող է միանգամից 20 մարդու վարակել: ՔՊ-ական պատգամավոր Արսեն Թորոսյանը գրել է, թե իր տեղեկություններով՝ Կարմրուկը տարածվել է հիվանդանոցից ու տարածման օղակում դեր է ունեցել չպատվաստված բուժաշխատողը:

Մարտի 6-ին, ժամը 13:52-ին Արմավիրի մարզային ճգնաժամային կառավարման կենտրոն ահազանգ է ստացվել, որ Արմավիր քաղաքի Երևանյան փողոցում մթերային խանութի տանիքը քամուց պոկվել է և ընկել ճանապարհի երթևեկելի հատված. անհրաժեշտ է փրկարարների օգնությունը: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Փրկարարները հատուկ տեխնիկայի միջոցով ապամոնտաժել են պոկված տանիքի կառուցատարրերը և հեռացրել ճանապարհի երթևեկելի հատվածից:

Եվրամիության արտաքին գործերի և անվտանգության քաղաքականության խոսնակ Պետեր Ստանոն անդրադարձել է Արցախում ոստիկանների վրա Ադրբեջանի դիվերսիոն խմբի հարձակմանը: «ԵՄ-ն ցավում է երեկ ղարաբաղյան շփման գծում բռնկված բռնության համար, որը հանգեցրել է առնվազն հինգ զոհի։ Այս մահացու դեպքի հետ կապված հանգամանքները պետք է մանրամասն հետաքննվեն։ Մենք կոչ ենք անում բոլոր շահագրգիռ կողմերին զսպվածություն ցուցաբերել՝ կանխելու հետագա գործողությունները, որոնք կարող են ավելի խաթարել տարածաշրջանային կայունությունը և սպառնալ խաղաղ գործընթացին»,- «Արմենպրես»-ի հաղորդմամբ՝ այս մասին ասվում է ԵՄ արտաքին քաղաքականության և անվտանգության հարցերով գրասենյակի տարածած հաղորդագրության մեջ:

Թուրքիայի հարավարևելյան Հաթայ նահանգում, որը սահմանակից է Սիրիային կրկին երկրաշարժ է գրանցվել: Հաղորդում է Ermenihaber. am-ը։ Ինչպես տեղեկացնում է Թուրքիայի արտակարգ իրավիճակների և աղետների վարչությունը, մարտի 6-ին, Թուրքիայի ժամանակով 14:02-ին (տեղական ժամանակով՝ 15:02)Հաթայ նահանգի Արսուզ շրջանում 4.1 մագնիտուդ ուժգնությամբ և 7կմ խորությամբ երկրաշարժ է տեղի ունեցել: Հիշեցնենք, որ փետրվարի 6-ին Թուրքիայի Քահրամանմարաշ (պատմ․ Մարաշ) նահանգի Փազարջըք (7.7 մագնիտուդ) և Էլբիսթան (7․6 մագնիտուդ) շրջաններում տեղի էր ունեցել ուժգին երկրաշարժ, որը զգացվել էր նաև հարակից նահանգներում։ Թուրքիայի արտակարգ իրավիճակների վարչության վերջին հաղորդագրության համաձայն զոհերի թիվը կազմում է 49.089 մարդ:

Ռուսաստանի Դաշնության արտաքին գործերի նախարարի պաշտոնական ներկայացուցիչ Մարիա Զախարովան արձագանքել է Ադրբեջանի դիվերսիոն խմբի հարձակմանը Արցախի ոստիկանության մեքենայի վրա: «Արմենպրես»-ի հաղորդմամբ՝ ՌԴ ԱԳ նախարարության պաշտոնական էջում հրապարակված մեկնաբանության մեջ ասվում է. «Լուրջ մտահոգություն ենք հայտնում Լեռնային Ղարաբաղի հակամարտության գոտում լարվածության աճի կապակցությամբ։ Վերջին մի քանի օրվա ընթացքում հրադադարի ռեժիմի բազմակի խախտումներ են գրանցվել: Մարտի 5-ին զինված միջադեպ է տեղի ունեցել, ինչի հետևանքով զոհեր են եղել և՛ հայկական, և՛ ադրբեջանական կողմում»: Զախարովան կողմերին կոչ է արել զսպվածություն ցուցաբերել և քայլեր ձեռնարկել լարվածությունը թուլացնելու նպատակով: «Վերահաստատում ենք Լեռնային Ղարաբաղի հակամարտության գոտում կրակի և բոլոր ռազմական գործողությունների լիակատար դադարեցման մասին Ռուսաստանի, Ադրբեջանի և Հայաստանի ղեկավարների 2020 թվականի նոյեմբերի 9-ի հայտարարության դրույթների անշեղորեն պահպանման անհրաժեշտությունը»,-նշված է հաղորդագրության մեջ: ՌԴ ԱԳ նախարարի խոսնակը հայտարարության մեջ շեշտել է, որ ռուսական խաղաղապահ զորակազմի պատասխանատվության գոտում անվտանգության և կյանքի ապահովման հետ կապված ցանկացած հարց պետք է լուծվի խաղաղ ճանապարհով՝ կողմերի միջև շփման միջոցով՝ խաղաղապահ զորակազմի հովանու ներքո: «Կատարվածը ևս մեկ անգամ հաստատում է Ռուսաստանի, Ադրբեջանի և Հայաստանի ղեկավարների 2020 թվականի նոյեմբերի 9-ի, 2021 թվականի հունվարի 11-ի և նոյեմբերի 26-ի, ինչպես նաև 2022-ի հոկտեմբերի 31-ի եռակողմ հայտարարությունների, ինչպես նաև տարածաշրջանային կոմունիկացիաների ապաշրջափակման, հայ-ադրբեջանական սահմանի սահմանազատման և խաղաղության պայմանագրի նախապատրաստման դրույթների իրականացման շրջանակներում բանակցություններին Բաքվի և Երևանի շուտափույթ վերադարձի հրամայականը»,- ասվում է հայտարարության տեքստում:

Փրկարար ծառայությունը տեղեկացնում է, որ ՀՀ տարածքում կան փակ ավտոճանապարհներ։ Փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և Քարի լիճ տանող ավտոճանապարհները։ Աշոցքի և Ամասիայի տարածաշրջաններում տեղում է ձյուն: Լարսի մասին Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար: Վարորդներին խորհուրդ է տրվում երթևեկել բացառապես ձմեռային անվադողերով։

Թուրքիայում Քահրամանմարաշ էպիկենտրոնով երկրաշարժների զոհերի թիվը հասել է 49.089-ի:Ermenihaber.am-ի հաղորդմամբ՝ այդ մասին հայտնել է Թուրքիայի նախագահականին կից Աղետների և արտակարգ իրավիճակների կառավարման վարչությունը: Թուրքիայի ներքին գործերի նախարար Սուլեյման Սոյլուն նշել է, որ զոհված սիրիացիների թիվը կազմում է 4867: Փետրվարի 6-ի ավերիչ երկրաշարժերից հետո գրանցվել է 11.020 հետցնցում։ Հիշեցնենք, որ Թուքրիան ցնցած հուժկու երկրաշարժերն ավերածություններ են առաջացրել Քահրամանմարաշում, Գազիանթեփում, Շանլըուրֆայում, Դիարբեքիրում, Ադանայում, Ադիյամանում, Օսմանիյեում, Հաթայում, Քիլիսում, Մալաթիայում և Էլազըղում։

Հայաստանը ներկայացնող հունահռոմեական ոճի ըմբիշներն ավարտեցին ելույթները Դան Կոլովի և Նիկոլա Պետրովի անվան հուշամրցաշարում:

Իտալիայի առաջնության 25-րդ տուրում «Ինտերը» սեփական հարկի տակ ընդունել է «Լեչեին» և 2-0 հաշվով հաղթանակ տարել։ Միլանյան թիմի կազմում հանդիպման հաշիվը բացել է Հայաստանի ազգային հավաքականի նախկին կիսապաշտպան Հենրիխ Մխիթարյանը։ Հայ ֆուտբոլիստը 29-րդ րոպեին է աչքի ընկել խփած գնդակով՝ Նիկոլո Բարելայի փոխանցումից հետո գեղեցիկ հարվածով գնդակն ուղարկելով մրցակցի դարպասը։ Հանդիպումից հետո Մխիթարյանը գրառում է կատարել ֆեյսբուքի իր էջում. «Վայելեցի՞ք այսօրվա հաղթանակը. դա մեր ոգին»:

Հայաստանը ներկայացնող շախմատիստները շարունակում են ելույթները Եվրոպայի անհատական առաջնությունում: «Արմենպրես»-ի հաղորդմամբ` Սերբիայում ընթացող առաջնությունում կայացել են 3-րդ տուրի պարտիաները: Հայաստանի ներկայացուցիչներից միավորը կիսել են Գաբրիել Սարգսյանը, Մամիկոն Ղարիբյանը, Մանուէլ Պետրոսյանը, Ռոբերտ Հովհաննիսյանը: Պարտություն են կրել Շանթ Սարգսյանը, Արմեն Բարսեղյանը, Վահե Դանիելյանը և հաղթանակի հասել` Հայկ Մարտիրոսյանը, Սամվել Տեր-Սահակյանը, Էմին Օհանյանը: Այժմ Գաբրիել Սարգսյանը, Մամիկոն Ղարիբյանը, Հայկ Մարտիրոսյանը, Էմին Օհանյանը, Սամվել Տեր-Սահակյանն ունեն 2,5-ական միավոր և առաջատարից հետ են կես միավորով: Շախմատի Եվրոպայի տղամարդկանց անհատական առաջնությունն անցկացվում է շվեյցարական մրցակարգով և ունի 11 տուր: Մրցաշարի մրցանակային ֆոնդն ընդհանուր առմամբ 100 հազար եվրո է: Հայաստանն այս մրցաշարին ունի 13 մասնակից:

Մարտի 6-ին ցիկլոնի անցմամբ պայմանավորված՝ հանրապետության տարածքում սպասվում է քամու ուժգնացում։ Շիրակում, Լոռիում, Տավուշում, Գեղարքունիքում, Արագածոտնում, Վայոց ձորում, Կոտայքում, Սյունիքում և Արցախում` 27-32 մ/վ, Արմավիրում, Արարատում և Երևանում` մինչև 17-20 մ/վ։ Հանրապետության տարածքում` Մարտի 6-ի ցերեկը, 7-ին, 9-ին առանձին շրջաններում սպասվում են տեղումներ: Մարտի 8-ին, 10-11-ը սպասվում է առանց տեղումների եղանակ: Քամին մարտի 6-ին` հարավային` 7-10 մ/վ, 6-ի ցերեկը շրջանների զգալի մասում սպասվում է քամու ուժգնացում՝ 27-32 մ/վ: Մարտի 6-ի ցերեկն օդի ջերմաստիճանը կբարձրանա 4-6 աստիճանով, 7-ին կնվազի 6-8 աստիճանով: Нет описания. Երևան քաղաքում՝ Մարտի 6-ի երեկոյան, 7-ի գիշերը և առավոտյան սպասվում է կարճատև անձրև: Մարտի 7-ի ցերեկը, 8-11-ը սպասվում է առանց տեղումների եղանակ: Մարտի 6-ին սպասվում է քամու ուժգնացում` 17-20 մ/վ։ Нет описания.

Մարտի 5-ին` սպարապետ Վազգեն Սարգսյանի ծննդյան օրը, Երևանի քաղաքապետարանի և «Մեծն Տիգրան» աշխարհազորային գունդ ռազմահայրենասիրական ՀԿ-ի միջև ստորագրվել է համագործակցության հուշագիր:

Պաշտպանության նախարարության նախկին շենքի նախկին բնակիչները այսօր նորից պետեկամուտների շենքի մոտ բողոքի ակցիա են արել: Անտուն մնացած մարդիկ ՊԵԿ-ից պահանջել են այն եզրակացությունը, ըստ որի` ՊՆ նախկին շենքը վթարային է, ինչի պատրվակով իրենց վտարել են շենքից: Փողոցում հայտնված բնակիչները պատմել են, որ իրենց երեխաներից մեկի վրա է հարձակվել փողոցային մի շուն, կծել է: Վիրավոր երեխան տեղափոխվել է հիվանդանոց: