Լրահոս

Ռուսները Լիսիչանսկում հրետանային հարվածներ են հասցրել ուկրաինական բանակին «Գվոզդիկա» կոչվող ինքնագնաց կայանքից և D20 հաուբիցներից: Կադրերում երևում է, թե ինչպես են ռուս զինվորները ստանում հակառակորդի կոորդինատները և հաշվարկներ անում: Դրանից հետո անձնակազմը քողարկված դիրքերից կրակ է բացում ուկրաինական դիրքերի ուղղությամբ:

Ապրիլի 18-ին Նիկոլ Փաշինյանն ու Իլհամ Ալիևը կատարեցին Արցախի կարգավիճակն Ադրբեջանի կազմում կանխորոշող և ըստ էության փոխհամաձայնեցված հայտարարություններ։ Այս մասին հայտարարություն է տարածել «Համախմբում» շարժումը:

Ադրբեջանում ռուսական գերեզմանատուն են պղծել: Ռուսական լրատվամիջոցները հայտնում են, որ ավելի քան 100 գերեզմանաքար է վանդալիզմի ենթարվել Բալահանի կոչվող արվարձանում: Ադրբեջանում Ռուսաստանի դեսպանատունը կատարվածը «վայրենություն» է անվանել: Որոշ Տելեգրամ ալիքներ գրում են, որ տեղի ունեցածը թուրքական «Գորշ գայլեր» խմբավորման ձեռքի գործն է: Ադրբեջանի առաջին փոխնախագահ Մեհրիբան Ալիևան խոստացել է արագ վերականգնել վանդալիզմի հետքերը:

Ապրիլի 17-ին արտառոց դեպք է տեղի ունեցել «Նուբարաշեն» քրեակատարողական հիմնարկում, գրում է shamshyan.com-ը։

Արցախի վրա Ադրբեջանի հարձակումը, Լաչինի միջանցքի արգելափակումը Հայոց ցեղասպանության շարունակությունն են: ԱՄՆ Կոնգրեսում Եղեռնի 108-րդ տարելիցին նվիրված միջոցառման ժամանակ հայտարարել է Կոնգրեսի Հայկական հարցերով խմբի համանախագահ Ֆրենկ Փալոնը: Նա նաև ընդգծել է, որ ադրբեջանական ագրեսիան ուղղված է ոչ միայն Արցախի, այլև Հայաստանի դեմ:

Ֆինլանդիայի իրավապահ մարմինները կալանք են դրել Հելսինկիում գիտության և մշակույթի ռուսական կենտրոնի շենքի ու հողատարածքի, ինչպես նաև մայրաքաղաքի մերձակայքում գտնվող յոթ բնակարանների վրա։ Այդ մասին «Արմենպրես»-ը տեղեկանում է «Интерфакс» գործակալությունից: Նշվում է, որ ըստ Helsingin Sanomat-ի հրապարակման՝ մեկ շաբաթ առաջ կայացված որոշմամբ արգելափակման է ենթակա Նորդենշելդինկատու 1 հասցեում գտնվող հողամասը և գրասենյակային շենքը։ Համաձայն անշարժ գույքի սեփականության իրավունքի վկայականի՝ հողամասի սեփականատերը Ռուսաստանի Դաշնությունն է, մինչ այդ այն պատկանում էր ԽՍՀՄ-ին։ Օբյեկտի վրա կալանք է դրվել արտաքին գործերի նախարարության դիմումով, որն այդ հարցը Եվրամիության հետ համաձայնեցրել էր դեռ 2022 թ.-ի հուլիսին։ Ֆինլանդիան սառեցրել է այն անձանց ակտիվները, որոնք 2022 թ.-ի գարնանից գտնվում են Ռուսաստանի դեմ ԵՄ պատժամիջոցների ցուցակում։ Ավելի վաղ բռնագրավումներն ու սառեցումները հիմնականում ուղղված էին ռուսաստանցի օլիգարխների ունեցվածքի դեմ, իսկ այժմ այդ գործողություններն ուղղված են նաև ռուսական պետական սեփականության դեմ։ Քանի դեռ անշարժ գույքի վրա կալանք է դրված, Ռուսաստանի Դաշնությունը չի կարող տնօրինել, ոչնչացնել կամ գրավ դնել այդ ունեցվածքը: Ըստ որոշման՝ կալանքի տակ գտնվող հողամասի մակերեսը կազմում է 3326 քառ. մետր, գրասենյակային շենքի մակերեսը՝ 3,926 քառ. մետր, իսկ կալանքի տակ հայտնված գույքի արժեքը հայտնի չէ: Բացի այդ, ապրիլի սկզբին Հելսինկիի մերձակայքում կալանք էր դրվել յոթ բնակարանի վրա։ Իրավապահ մարմինների տվյալներով՝ դրանք կապված են պատժամիջոցների տակ հայտնված մարդկանց հետ։ Կալանքի տակ գտնվող հինգ բնակարաններ առգրավվել են, երկուսի վերաբերյալ ընդունվել է միջանկյալ որոշում։

Ֆրանսիայի արտաքին գործերի նախարարությունը և մեր երկրում Ֆրանսիայի դեսպան Անն Լույոն պաշտոնապես հերքում են լուրերը, թե դիվանագետը հետ է կանչվում Երևանից՝ առաքելության ժամկետը չավարտած: «Դեսպան Անն Լույոյի հասցեին ուղղված զրպարտչական և չարամիտ լուրերը որևէ հիմք չունեն»,- «Հայլուրի» գրավոր հարցմանը այսպես է պատասխանել Ֆրանսիայի արտգործնախարարությունը:

«Երեկ այսպես կոչված Հանրային հեռուստաընկերության եթերում հերթական պետպատվերն էր. Պետրոսին հեռակապով հյուր էին կպցրել Սամվել Բաբայանին։

Ադրբեջանին ամերիկյան գերհզոր հրացաններ վաճառելու քննարկումներ սկսելու համար կոնգրեսական Ադամ Շիֆը բացատրություն է պահանջել Միացյալ Նահանգների առևտրի նախարարությունից: Նա գործընկեր-կոնգրեսականներին կոչ է արել ստորագրել առևտրի նախարար Ջինա Ռայմոնդոյին ուղղված նամակի տակ: Ամերիկյան հրացանների, այդ թվում՝ հարձակողական և կիսաավտոմատ դիպուկահար զենքի հնարավոր վաճառքի մասին լուրերը տարածվել էին փետրվարին: Պաշտոնական Վաշինգտոնը պատճառաբանում է, որ Ադրբեջանին օգնություն պետք է՝ իբր Իրանից պաշտպանվելու համար:

ԱՄՆ-ն պետք է դադարեցնի աջակցությունն Ադրբեջանի նախագահ Ալիևի վարչակարգին և պատասխանատվության ենթարկի նրան պատերազմական հանցագործությունների համար:

Նիկոլ Փաշինյանն այսօր խրոհրդարանում լրագրողների հետ ճեպազրույցի ժամանակ հայտարարել է, որ Արցախի խորհրդարանը սխալ է հասկացել երեքշաբթի իր արած հայտարարությունները: Արցախի Ազգային ժողովը երեկ կոշտ արձագանքել էր Փաշինյանի այն խոսքերին, թե Հայաստանը լիարժեք ճանաչում է Ադրբեջանի տարածքային ամբողջականությունը:

Տեղ գյուղի հատվածում 5 կմ խնդրահարույց հատվածից 1.4 կմ-ը ճշգրտվել է, սահմանապահներն իրար հետ աշխատել են, սահմանային կետը ճշգրտել են ու տեղակայվել որոշակի հեռավորության վրա:

Արցախի Հանրապետության պետնախարարի խորհրդական, ԱՀ նախկին պետնախարար և ԱՀ մարդու իրավունքների նախկին պաշտպան Արտակ Բեգլարյանը «ՀԱՐՑԵՐ ՈՒ ՊԱՏԱՍԽԱՆՆԵՐ ԲՌՆԱՊԵՏ ԱԼԻԵՎԻՆ» վերտառությամբ ֆեյսբուքյան գրառումով անդրադարձել է Ադրբեջանի նախագահ Իլհամ Ալիևին:

Հայլուր 12։30 Ադրբեջանում ռուսական գերեզմանատուն են պղծել

Մամուլի տեսություն 20.04.23

«Եվրատեսիլ 2023» երգի հեղինակավոր մրցույթում Հայաստանի պատվիրակ Բրյունետը, որի եվրատեսիլյան  «Future Lover» երգն արդեն սիրվել է աշխարհի տարբեր երկրներում, Wiwiblogs-ի հարցման արդյունքում համարվել է այս տարի անցկացվող մրցույթի ամենասիրված կին արտիստը:

Դյուսելդորֆի, Համբուրգի և Քյոլն-Բոննի օդանավակայաններում աշխատակիցների գործադուլի պատճառով հարյուրավոր չվերթներ են չեղարկվել: Գործադուլի մասին ավելի վաղ հայտարարել էր «Վերդի» արհմիությունը: Ինչպես հաղորդում է «Արմենպրես»-ը, վկայակոչելով «ՌԻԱ Նովոստի»-ին, օդանավակայանների աշխատակիցները գործադուլի միջոցով պահանջում են ավելի բարձր նպաստներ արտաժամյա աշխատանքի և անկանոն ժամերի համար։ Համբուրգի օդանավակայանի տվյալների համաձայն, որոնք հրապարակվել են օդային նավահանգստի կայքում, գործադուլի երկու օրերին՝ հինգշաբթի և ուրբաթ, չեղարկվել են կանոնավոր բոլոր 308 չվերթները։ Այս չեղարկումները կանդրադառնան ընդհանուր առմամբ 80,000 ուղևորի վրա: Դյուսելդորֆի և Քյոլն-Բոննի օդանավակայանների մամուլի ծառայության հաղորդմամբ՝ գործադուլը կհանգեցնի զգալի խափանումների, սակայն չեղարկված չվերթների ճշգրիտ թիվը հայտնի չէ։

Այս մասին հայտնում են Փրկարար ծառայությունից:

Արցախի վրա Ադրբեջանի հարձակումը, Լաչինի միջանցքի արգելափակումը Հայոց ցեղասպանության շարունակությունն են: «Արմենպրես»-ի փոխանցմամբ՝ ԱՄՆ Կոնգրեսում Հայոց ցեղասպանության տարելիցին նվիրված միջոցառման ժամանակ նման հայտարարություն արեց Կոնգրեսի Հայկական հարցերով խմբի համանախագահ Ֆրենկ Փալոնը:

44-օրյա պատերազմի, դրան հաջորդած ժամանակահատվածում Հայաստանի ու Արցախի դեմ հարձակումների ու որպես հետևանք հազարավոր մարդկային զոհերի ու տարածքային կորուստների ֆոնին, իշխանության տարբեր դեմքեր պնդում են, թե իրենք բարեփոխումներ են անում, իրավիճակ փոխում: Այս մասին իր ֆեյսբուքյան էջում գրել է պատգամավոր Տիգրան Աբրահամյանը։