Լրահոս

Նույնն են սուրբծննդյան աղոթքները աշխարհի բոլոր երկրներում: Ամենաշատը մարդիկ խաղաղություն են խնդրում նաև հայ առաքելական եկեղեցիներում հնչեցրած իրենց աղոթքներում:

Իրավիճակը լարված է Սիրիայի հյուսիսում: Ռազմական գործողություններն ակտիվացել են Սիրիայի ազգային բանակի և Քրդական դեմոկրատական ուժերի միջև: Սիրիայի հյուսիսում Ազգային բանակի թուրքամետ կազմավորումներն արդեն մի քանի օր է՝ փորձում են մտնել «Այն ալ Արաբ» քաղաք և գրավել Հալեպի նահանգի մնացած բնակավայրերը։ Նրանց չի հաջողվել ճեղքել նաև արաբաքրդական Սիրիայի դեմոկրատական ուժերի պաշտպանությունը Թիշրին ամբարտակի և Քարա-Կուզակ կամրջի տարածքում, չնայած նաև թուրքական օդուժն էր ակտիվ ներգրավված: Սիրիայից եկող վերջին լուրերի համաձայն՝ քրդերը կայուն վերահսկողություն են պահպանում Մանբիջից արևմուտք ընկած տարածքի վրա։

«Հեշտ չէ խոսել երկրի ապագայի մասին, երբ կազմաքանդվում է ավանդական մեր արժեհամակարգը։ Գործող ապազգային իշխանությունների հետ ամեն նոր օր անկանխատեսելի է՝ մարդկային իրավունքներն ու ազատությունն այլևս բարձրագույն արժեք չեն, սոցիալական անհավասարությունը, անվտանգության բացակայությունը, թշնամու շահերի սպասարկումը, այս ամենի հետ մեկտեղ ՔՊ-ական խմբակը վերջնականապես կործանում է մեր բոլորի ապագան։

Փաշինյանը կոչ արեց սուրբծննդյան տոնավաճառ կազմակերպել, որ գյուղին էլ օգուտ լինի, ոչ թե միայն իրենց այցի հետ կապված հյուրասիրություն կազմակերպեն: «Պետք է փոխել հյուրասիրության ֆորմատը և տոնավաճառ կազմակերպել։ Մենք իհարկե շատ շնորհակալ ենք, զգացված ենք, բայց տրամաբանությունը էստեղ հակառակն է, մենք սա անում ենք ոչ թե նրա համար, որ ձեզ, կոպիտ ասած, ծախսի տակ գցենք, այլ անելու ենք, որ դուք եկամուտ ստանաք, մարդկանց հոսք ապահովենք դեպի գյուղ, պետք ա լավ գովազդեն, որ մարդիկ գան, մեր պատմական բնակավայրերից մեկն ա Արուճը»:

Ուկրաինայում պատերազմը ոչ միայն չավարտվեց դեկտեմբերին, ինչպես տարեվերջին կանխագուշակում էր ուկրաինացի լրագրող Գորդոնը, վստահեցնելով, թե հավաստի տվյալներ ունի պատերազմի ավարտի մասին, այլև պատերազմի 1047-րդ օրը ինտենսիվ մարտեր են ընթանում Ռուսաստանի տարածքում: Ըստ ուկրաինական կողմի՝ ուկրաինական բանակը Կուրսկում գրոհում է օդից և ցամաքից: Վորոնեժում շենքեր են փլուզվել: Մոսկվան հայտնում է ռուսական օդում 12 անօդաչու ոչնչացնելու և Դոնբասում ամենամեծ բնակավայրերից մեկի՝ Կուրախովի նկատմամբ վերահսկողություն սահմանելու մասին:

Այսօր՝ հունվարի 6-ին, ավտովթար է տեղի ունեցել Արարատի մարզում։ Ժամը 16։20-ի սահմաններում Նուբարաշեն-Մասիս ավտոճանապարհին, Խարբերդի ամառանոցների մոտ բախվել են բեռնատար «ГАЗель» մակնիշի և «Nissan Tiida» մակնիշի ավտոմեքենաները, ինչի հետևանքով «ГАЗель»-ը կողաշրջվել է։

10 տարի առաջ այս օրը ՊԲ ստորաբաժանումները, պատժիչ գործողություններ իրականացրեցին, ինչի հետևանքով ադրբեջանցիները 3 կորուստ ունեցան։ Այս մասին ֆեյսբուքյան իր էջում գրել է ԱԺ «Պատիվ ունեմ» խմբակցության քարտուղար Տիգրան Աբրահամյանը:

Մայր տաճարում Հայրապետական պատարագ է մատուցել Վեհափառ Հայրապետը: Պատարագի ընթացքում խաղաղության կոչ են հնչեցրել սարկավագները: Գարեգին երկրորդը պատգամել է հայ ժողովրդին միավորվել ընդդեմ երկրի ներքին անդորրը խռոված կեղծիքի ու չարակամության: Իշխանության որևէ ներկայացուցիչ չի մասնակցել Հայրապետական Սուրբ պատարագին:

Հունվարի 6-ին, ժամը 13:52-ին Արագածոտնի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Արտաշավան գյուղի Տառերի պուրակ հուշարձանի մոտակայքում տեղի է ունեցել ՃՏՊ՝ ավտոմեքենան շրջվել է։ 

Ողբերգական հրդեհը Երևանում երկու կնոջ կյանք է խլել: 74-ամյա Անուշ Բաղդասարյանը և նրա 44-ամյա դուստրը՝ Լիլիթ Հովսեփյանը, մահացել են Արարատյան փողոցի 90 շենքի իրենց երկհարկանի բնակարանում դեռևես անհայտ պատճառներով բռնկված հրդեհից: Լիլիթի 17-ամյա դուստրը, որ դեպքի պահին տանն է եղել, կարողացել է դուրս գալ ծխի մեջ կորած տնից: Աղջիկը «Հայլուր»-ի թղթակիցներ Զարուհի Սահակյանի և Առաքել Օհանյանի հետ բացառիկ հարցազրույցում պատմել է, որ տատն է իրեն քնից հանել, դուրս ուղարկել՝ պարզելու, թե որտեղից է ծուխը տուն լցվում:

Հունվարի 6-ին, ժամը 13:03-ին Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Շիրակամուտ գյուղի գերեզմանատան մոտակայքում «Opel» մակնիշի ավտոմեքենան ընկել է ձորը․ անհրաժեշտ է փրկարարների օգնությունը։

Կանադայի վարչապետ Ջասթին Թրյուդոն հայտարարել է, որ հեռանում է իշխող Լիբերալ կուսակցության ղեկավարի պաշտոնից, սակայն կմնա կառավարության ղեկավարի պաշտոնում այնքան ժամանակ, քանի դեռ լիբերալները չեն ընտրել նոր առաջնորդին։ Այս մասին հաղորդում է BBC-ն։​​​​​​​

Հայլուր 20։30 Մոր և դստեր կյանքը խլած հրդեհի առաջին վարկածները. ի՞նչ է պատմում հրաշքով փրկված աղջիկը

Այսօր՝ հունվարի 6-ին, խոշոր ավտովթար է տեղի ունեցել Լոռու մարզում: Ժամը 06:00-ի սահմաններում Վրատանի Հանրապետության քաղաքացի 62-ամյա Դավիթ Արտեմենկոն իր վարած «Scania» մակնիշի ավտոմեքենայով Ալավերդի-Վանաձոր ավտոճանապարհի 10-րդ կմ հատվածում, դեռևս անհայտ հանգամանքներում, դուրս է եկել երթևեկելի գոտուց դեպի ձախ, բախվել ճամփեզրի բետոնե արգելապատնեշներին, մի քանիսը կոտրել և կողաշրջված վիճակում հայտնվել Դեբետ գետում:

Հունվարի 4-ին Երևանի ընդհանուր իրավասության դատարանի որոշմամբ կալանավրված Հայաստանի ազգային հերոս Տիրան Խաչատրյանի փաստաբանները դեռ չեն ստացել կալանքի որոշումը: Երբ այն իրենց ձեռքում հայտնվի, կբողորքարկեն Վերաքննիչ դատարանում: Տիրան Խաչատրյանը չի ընդունում զինվորական պաշտոնեական անփութության մեղադրանքը: Նա կալանավորվել է 44-օրյա պատերազմին առնչվող գործով: Փաստաբանների կարծիքով՝ նախաքննական մարմինը Տիրան Խաչատրյանի գործունեությանը գնահատականներ է տվել, որոնք չեն համապատասխանում իրականությանը:

Ադրբեջանը տարին սկսում է հերթական քարոզչական արշավով՝ ուտելիքային բլոգ վարող ու անհեթեթություններով զբաղված ՀՀ իշխանություններին մեղադրելով «պատերազմ նախապատրաստելու» մեջ։ Այս մասին տելեգրամի իր ալիքում գրել է ադրբեջանագետ Տաթևիկ Հայրապետյանը։

Հայաստանի Հանրապետության նախագահ Վահագն Խաչատուրյանը շնորհավորական ուղերձ է հղել Սուրբ Ծննդյան առթիվ։

Բաքուն տեղեկատվական գրոհներով նոր էսկալացիայի համար հող է նախապատրաստում: 24 ժամում երկու անգամ Ադրբեջանի պաշտպանության նախարարությունը գրել է, թե Սյունիքի Տեղ բնակավայրի դիրքերից հայերը կրակում են օկուպացված Բերձորի ադրբեջանական դիրքերի ուղղությամբ: Մեր Պաշտպանության նախարարությունը հերքել է Ադրբեջանի կեղծիքները: Մերոնք չեն կրակել: «Ադրբեջանի ՊՆ հաղորդագրությունները չեն համապատասխանում իրականությանը»,- կարդում ենք Հայաստանի պաշտպանական գերատեսչության տգարածած հաղորդագրություններում:

Այսօր երեկոյան՝ 5:30-ի սահմանում երկրաշարժ է գրանցվել Ջերմուկից 22 կմ հյուսիս-արևմուտք: Ցնցման ուժգնությունն էպիկենտրոնում եղել է 4 բալ: Ըստ ներքին գործերի նախարարության՝ երկրաշարժը զգացել են նաև Վարդենիսում և Սիսիանում՝ 2-ից 3 բալ ուժգնությամբ: Ինչ են պատմում Վայոց ձորի բնակիչները «Հայլուր»-ին:

Ալավերդու համայնքապետարանն 2024 թվականի հունվարի 9-ին 8 մլն 800 հազար դրամի պայմանագիր է կնքել Արտակ Գևորգյան ԱՁ-ի հետ։ Պայմանագրով նախատեսվում էր ձեռք բերել աղբահանության ծառայություններ Ալավերդի համայնքի Շնող և Քարկոփ բնակավայրերի համար։