Լրահոս

SHAMSHYAN.com-ի տեղեկություններով, ապրիլի 1-ին արտառոց դեպք է տեղի ունեցել Երևանում։ Ժամը 17։40-ի սահմաններում ՀՀ Ներքին գործերի նախարարության ոստիկանության քրեական ոստիկանության գլխավոր վարչության Երևան քաղաքի քրեական վարչությունում օպերատիվ տեղեկություններ են ստացվել, որ մարտի 31-ին Երևանի բնակիչ 28-ամյա կնոջ նախկին ընկեր՝ 39-ամյա Հ․ -ն նրան տուն տանելու պատրվակով նստեցրել է իր վարած «BMW» մակնիշի ավտոմեքենան և ճանապարհից շեղվելով, աղջկա կամքին հակառակ տարել է Աջափնյակ վարչական շրջանի «Սասուն» հյուրանոց, որտեղ առաջացած խոսակցության ժամանակ կինը ցանկացել է դուրս գալ հյուրանոցից, սակայն տղամարդը կոշիկից հանել է դանակը և ասել է, որ «26 օր հետս կապի չես եղել, պիտի 26 տեղից խփեմ» և տարբեր սպառնալիքներ հնչեցնելով նրա կամքին հակառակ տեղի է ունեցել սեռական հարաբերություն, որից հետո, լսելով աղջկա բազմաթիվ խնդրանքները նրան բաց է թողել:

Այսօր՝ ապրիլի 4-ին, ավտովթար է  տեղի ունեցել Վայոց ձորի մարզում։ Ժամը 01։40-ի սահմաններում Երևանի բնակիչ 37-ամյա Մանվել Թ․-ն իր վարած «BMW» մակնիշի ավտոմեքենայով Երևան-Մեղրի ավտոճանապարհի 152 կմ հատվածում դուրս է եկել ճանապարհի երթևեկելի գոտուց, բախվել ծառին և գլխիվայր շրջվել։

Վարդան Ղուկասյանը մամուլից է իմացել, որ Մարտուն Գրիգորյանը որոշել է աջակցել իրեն: Ասում է, որ գիտեր՝ «անունն իրենց համար էլ ավելի բարձր է, քան նյութականը»: Մարտուն Գրիգորյանը Գյումրիի ավագանու ընտրությունից 4 օր անց է որոշել անհրաժեշտ ձայներով աջակցել Վարդան Ղուկասյանին, որպեսզի նա դառնա Գյումրիի քաղաքապետ: Գրիգորյանը սա համարում է իր «քաղաքական անցած ճանապարհի բարդագույն ու ծանր որոշումը»:

Վարդան Ղուկասյանը պետք է դառնա քաղաքապետ, որովհետև ինքը ստացել է առավելագույն քանակի ձայները ընդդիմության մեջ և Կարեն Սիմոնյանը ու Ռուբեն Մխիթարյանը համարել են, որ ինքը պետք է ձևավորի իշխանությւոնը Գյումրիում:

Մարդու իրավունքների պաշտպան Անահիտ Մանասյանն աշխատանքային այց է իրականացրել ՀՀ Գեղարքունիքի մարզ։

Բաքվի զինվորական դատարանում այսօր շարունակվել է 15 հայ ռազմագերիների գործի քննությունը: Հինգշաբթի դատախազի հարցերին պատասխանել է Արցախի Ազգային ժողովի վերջին նախագահ Դավիթ Իշխանյանը: Նա պատմել է, որ արցախյան առաջին պատերազմի ժամանակ գումարտակի հրամանատար է եղել և զեկուցել է իր վերադաս Մոնթե Մելքոնյանին: Ադրբեջանական «Ազերթաջ» լրատվականը հայտնում է, թե Իշխանյանին հարցրել են՝ ո՞րն է եղել «Ադրբեջանի դեմ Հայաստանի ռազմական ագրեսիայի նպատակը»: Իշխանյանը պատասխանել է՝ «նպատակը Արցախի միավորումն էր Հայաստանին»։

Հայլուր 20։30 Վարդան Ղուկասյանի համար Մարտուն Գրիգորյանի որոշումն անսպասելի՞ էր. առաջին արձագանքները

Ադրբեջանի կողմից կալանավորված հայ պատանդների ազատ արձակմանը նպաստելու համար ՀՅԴ Բյուրոյի Հայ դատի կենտրոնական գրասենյակը վեց լեզվով գործարկել է մի հարթակ, որի միջոցով հնարավոր է դիմել ԵԱՀԿ բարձրաստիճան պաշտոնյաներին՝ վերջիններիս կոչ անելով ձեռնարկել ԵԱՀԿ-ի իրավասության ներքո գտնվող մեխանիզմներ, որոնք թույլ կտան տեղում մոնիթորինգի ենթարկել դատավարությունների օրինականությունը, հայ գերիների պահման պայմաններն ու նրանց առողջական վիճակը և հանդես գալ համապատասխան քաղաքական դիրքորոշմամբ։ Հայտնում են ՀՅԴ Բյուրոյի Հայ դատի կենտրոնական գրասենյակից:

ՀՀ Արտաքին գործերի նախարարությունը արձագանքել է Ադրբեջանի կողմից հնչող ականապատման քարտտեզների տրամադրման պահանջին։  Ի պատասխան «Փաստինֆոյի» հարցման ԱԳՆ-ից հայտնել են, որ կարևորելով հումանիտար հարցերի հասցեագրումը՝ 2021 թվականի հունիսի 12-ին, հուլիսի 3-ին, հոկտեմբերի 19-ին, նոյեմբերի 1-ին և նոյեմբերի 29-ին Հայաստանն առանց նախապայմանների միակողմանի կերպով Ադրբեջանին է տրամադրել ականապատ դաշտերի թվով 972 տեղեկամատյաններ։

Հայաստանում կադրային ճգնաժամ է, չի թաքցնում Հայաստանի վարաչապետը: Հավանաբար հենց դրա համար կառավարության գրեթե բոլոր ծրագրերը անարդյունավետ ու թերի են, չկա հստակ ռազմավարություն ու գաղափարախոսություն: Միայն ականջահաճո բառեր են՝ «Իրական Հայաստան», «Ապագա կա», «Խաղաղության համաձայնագիր»: Բայց այս հարցում էլ ինքը մեղավոր չէ, ասում է 7 տարի առաջ երկրին կադրային բանկ խոստացած Փաշինյանը: «Կկվի վրայից հոտ է գալիս, ասում է՝ աշխարհն է հոտած» ,- այսպես է հակադարձում կառավարության ղեկավարին Հարվարդի համալսարանի մագիստր Հովհաննես Ավետիսյանը:

Ինձ համար մեծ հաճույք և պատիվ է այս գեղեցիկ օրն այստեղ՝ ԱԺ այգում, նշել Հանամիի միջոցառումը և վայելել սակուրաների ծաղկման գեղեցկությունը: Որքան տեղյակ եմ, Ճապոնիայից Հայաստան ներկրված այս սակուրաները խորհրդանշում են հայ և ճապոնացի ժողովուրդների բարեկամությունը: Ես շատ ուրախ եմ՝ տեսնելով, որ սակուրաները մեծանում և ծաղկում են այնպես, ինչպես հայ-ճապոնական հարաբերությունները: Այս մասին ասել է Հայաստանում Ճապոնիայի փոխդեսպան Դաբիդե Ցունակակեն՝ ԱԺ այգում մասնակցելով ճապոնական Հանամի տոնին նվիրված միջոցառմանը:

Ավանդական Ջահերով երթն այս տարի կմեկնարկի Հանրապետության հրապարակից՝ ապրիլի 23-ին՝ ժամը 19։15-ին։

Նուբարաշենի բանտում հերթական բունտն է հասունանում: Սարսափելի մանրամասներ է «Հայլուր»-ի թղթակից Լիլիթ Գասպարյանին պատմել դատապարտյալներից մեկի հարազատը: Ըստ նրա՝ ցմահ ազատազրկվածներին դիմակավորված մարդիկ խցերում արյունլվիկ են արել, անօգնական թողել գետնին: Հետո, ըստ ՄԻՊ գրասենյակի, դատապարտյալները բուժզննություն են անցել, բայց բժիշկները կոտրվածքներ չեն հայտնաբերել: Դա սակայն, դատապարտյալի հարազատի խոսքով, չի նշանակում, թե ծեծվածները այլ վերքեր չունեն: Նրա տեղեկացմամբ՝ ՄԻՊ-ի գրասենյակի ներկայացուցիչների այցելությունից հետո որոշ ազատազրկվածներ անզորությունից անձնասպանության փորձ են արել:

Freedom House միջազգային իրավապաշտպան կազմակերպությունը ավարտում է իր գործունեությունը Հայաստանում։ Այդ մասին տեղեկացրել է Հայաստանում իրավապաշտպանական կազմակերպության ներկայացուցիչ Անդրանիկ Շիրինյանը՝ ֆեյսբուքյան իր էջում։

«Մարտուն Գրիգորյանի հայտարարությունը կարդացել եմ, իրար հետ չենք խոսել, թուրքն ու հայը չենք, կխոսենք, ես ներողամիտ մարդ եմ»,- News.am-ի հետ զրույցում ասաց Գյումրու համայնքի ղեկավարի թեկնածու Վարդան Ղուկասյանը։

Մարտուն Գրիգորյանը Գյումրիի ավագանու ընտրությունից 4 օր անց որոշեց: Նա անհրաժեշտ ձայներով կաջակցի Վարդան Ղուկասյանին, որպեսզի նա դառնա Գյումրիի քաղաքապետ: Սա Գրիգորյանը համարում է իր «քաղաքական անցած ճանապարհի բարդագույն ու ծանր որոշումը»: Ասում է՝ դրա շուրջ երկար է մտածել ու մեծ դժվարությամբ ընդունել հանուն պետության և պետականության՝ մի կողմ դնելով անձնական շահը: Եվ այսպես՝ ՔՊ-ն տապալվեց նաև Գյումրիում:

Ըստ ոստիկանության օպերատիվ հաղորդագրությունների ամփոփագրերի՝ ապրիլի 3-4-ը ՆԳՆ ոստիկանության ստորաբաժանումները բացահայտել են հանցագործության 89 դեպք, որոնցից 5-ը՝ նախկինում կատարված:

Հայլուր 18։30 Սարսափելի ծանր որոշումը Մարտուն Գրիգորյանը վերջապես կայացրեց

ՀՀ նախագահ Վահագն Խաչատուրյանը ստորագրել է մի շարք օրենքներ։ Այս մասին տեղեկանում ենք ՀՀ նախագահի պաշտոնական կայքից։  

Rate.am-ում ապրիլի 4-ին ներկայացված տարադրամի փոխարժեքներն են.