Լրահոս

Նիդեռլանդները 14 միլիոն եվրոյի աջակցություն կտրամադրի Արցախից բռնի տեղահանվածներին մատչելի բնակարաններով ապահովելու նպատակով, Արարատ Միրզոյանի հետ հանդիպումից հետ X-ի իր միկրոբլոգում գրել է արտգործնախարար Դավիդ Վան Վելը։

Ադրբեջանում անազատության մեջ պահվող ռազմագերիների խնդիրների, հայրենազրկված արցախահայության իրավունքների և Արցախի հոգևոր-մշակութային ժառանգության անխաթար պահպանման մասին Ամենայն Հայոց Կաթողիկոսը քննարկում է ունեցել Վատիկանի պետքարտուղար կարդինալ Պիետրո Պարոլինի հետ։ Արցախին առնչվող խնդիրների մասին Ամենայն Հայոց կաթողիկոսը պատմել էր նաև Հռոմի պապին և Լևոն 14-րդ պապին հրավիրել Հայաստան։ Այս ֆոնին Հայաստանի իշխանությունը փորձում է նոր թափ հաղորդել հակաեկեղեցական արշավին:

Սեպտեմբերի 17-ին, ավտոմեքենայի և մոտոցիկլի բախում է տեղի ունեցել Արարատի մարզում։ Ժամը 14։00-ի սահմաններում Բաղրամյան գյուղում բախվել են Արարատի մարզի բնակիչներ 58-ամյա Աշոտ Ա․-ի վարած «Toyota Corolla» մակնիշի ավտոմեքենան և 17-ամյա Ավետիք Ս․-ի վարած եռանիվ մոտոցիկլը։

Սեպտեմբերի 17-ին, ժամը 15։05-ին Ճգնաժամային կառավարման ազգային կենտրոն ահազանգ է ստացվել, որ Արմավիրի մարզի Երվանդաշատ գյուղում անասնակեր է այրվում։

Միացյալ Նահանգների նախագահ Դոնալդ Թրամփը հպարտանում է Փաշինյանի ու Ալիևի հետ «հավերժ ընկերությամբ» և դրա մասին գրառում է արել X-ում, հրապարակել օգոստոսի 8-ի հանդիպման լուսանկարը: Փաշինյանն ու Ալիևն էլ էլի X-ում գովեստի խոսքեր են շռայլել Թրամփին ու շնորհակալություն հայտնել: Այս նոր սիրակեզ հրապարակումները քաղաքական հստակ ուղերձ ունեն, վստահ են քաղաքագետները:

Գործարար Սամվել Կարապետյանի հայցադիմումը, ընդդեմ «Հզոր միտք, հզոր Հայաստան» ՀԿ նախագահ Դավիթ Քալաշյանի, սեպտեմբերի 10-ին մակագրվել է Լոռու մարզի ընդհանուր իրավասության առաջին ատյանի դատավոր Արսեն Գևորգի Հովհաննիսյանին։ Այս մասին «Նյուզ»–ը տեղեկացել է Datalex տեղեկատվական համակարգից։

Սեպտեմբերի 17-ին՝ ժամը 16։15-ին, Ճգնաժամային կառավարման ազգային կենտրոն ահազանգ է ստացվել, որ Երևան-Սևան ավտոճանապարհին՝ «Չայնիի ոլորաններ» կոչվող հատվածում, այրվում է ավտոմեքենա։

ԵՄ դիվանագիտության ղեկավար Կայա Կալասն առաջարկ է ներկայացրել Իսրայելի հետ առևտուրը նվազեցնելու և իսրայելցի ծայրահեղ աջ նախարարների նկատմամբ սահմանափակումներ կիրառելու մասին։ «Արմենպրես»-ի փոխանցմամբ՝ այս մասին հաղորդում է Deutsche Welle պարբերականը։

Հայլուր 20։30 Իշխանության «գաղտնի զենքը»՝ հակաեկեղեցական արշավում

Լեհաստանում Հայաստանի դեսպան Ալեքսանդր Արզումանյանը հանդիպել է Լեհաստանի արտաքին գործերի նախարարության պետքարտուղար Մարչին Բոսացկիի հետ։

Աննախադեպ դատական գրոհներ են սկսվել Հայաստանում մամուլի վրա: Տարին դեռ չավարտված 4 տասնյակ դատական հայցեր են ներկայացվել լրատվամիջոցների դեմ: Հետաքննող լրագրողները պարզել են, որ հայցվորներից շատերը իշխանական պաշտոնյաներ են կամ նրանց յուրայինները: «Ժողովուրդ» օրաթերթը ամենաթիրախավորված լրատվամիջոցն է. 9 հայց կա ընդդեմ «ժողովրդի»: Օրաթերթի խմբագիրը լրատվամիջոցներին լռեցնելու փորձ է անվանում կատարվողը:

«Պեկինում անցկացվող Սյանշանի համաժողովի շրջանակում սեպտեմբերի 17-ին ՀՀ պաշտպանության նախարար Սուրեն Պապիկյանը մասնակցել է Չինաստանի Ժողովրդական Հանրապետության Կենտրոնական ռազմական խորհրդի փոխնախագահ, գեներալ-գնդապետ Չժան Յուսիայի անունից կազմակերպված պաշտոնական բազմակողմ ընդունելությանը, որի շրջանակում ոչ ֆորմալ շփումներ է ունեցել Չինաստանի Կենտրոնական ռազմական խորհրդի փոխնախագահ, գեներալ-գնդապետ Չժան Յուսիայի, պաշտպանության նախարար, ծովակալ Դուն Ցզյունի և բարձրաստիճան այլ պաշտոնյաների հետ»։

Փաշինյանի «Իրական Հայաստան» մտասևեռումը դառնում է պետական հայեցակարգ, որով, կարծես, պատերազմ է հայտարարվում մտքի ազատությանը: ԿԳՄՍ նախարարությունը հանրային քննարկման է դրել սկանդալային մի փաստաթուղթ, որն անվանում է «Իրական Հայաստանի գեղագիտության տեղորոշման և աջակցության» հայեցակարգ: Այդ նախագիծն, ըստ էության, սահմանում է Հայաստանի մշակութային, սոցիալական, հոգևոր և հոգեբանական նկարագրի նոր ստանդարտներ: Շատ վերլուծաբանների համոզմամբ՝ սա բնորոշ է ավտորիտար ռեժիմներին:

Ն.Ս.Օ.Տ.Տ. Արամ Ա կաթողիկոսը մասնակցել է Աստանայում գումարված միջազգային միջկրոնական համագումարին։ Մեծի Տանն Կիլիկիո կաթողիկոսության մամուլի ծառայությունը այդ մասին հաղորդագրություն է տարածել, որում նշված է․

Այսօր՝ սեպտեմբերի 17-ին, խոշոր հրդեհ է տեղի ունեցել Կոտայքի մարզում: Ժամը 16:00-ի սահմաններում ՀՀ ներքին գործերի նախարարության փրկարար ծառայության «9-11» ճգնաժամային կառավարման ազգային կենտրոն ահազանգ է ստացվել, որ Երևան-Սևան ավտոճանապարհի «Չայնիի» ոլորանների սկզբնամասում ավտոմեքենա է այրվում: Այս մասին հայտնում է Shamshayn.com-ը:

Մեր Ձևով» ժողովրդական շարժման անդամներն այցելել են Լոռու մարզ։

Հայլուր 18։30 Փաշինյանը պատերազմ է հայտարարում մտքի ազատությանը. անսպասելի, աղմկոտ քայլ

Բաքվում անցկացվում է «Հավերժ եղբայրություն IV» զորավարժությունը, որին մասնակցում են Ադրբեջանի, Թուրքիայի, Պակիստանի, Կատարի, Ղազախստանի և Ուզբեկստանի հատուկ նշանակության ուժերը։ Այս մասին տեղեկացնում է ermenihaber.am-ը։

«Գյումրու օր» տոնակատարության հարցը ավագանու նիստից հանվել է ֆինանսական միջոցների ավելացման նպատակով։ Այս մասին հայտարարություն է տարածել Գյումրու ավագանու կոմկուսի խմբակցությունը։

Իսրայելի ցամաքային գործողությունը Գազայի ուղղությամբ շարունակվում է արդեն երկու օր: Ըստ իսրայելական բանակի՝ Գազայում արդեն 150 թիրախի են հարվածներ հասցրել: Մեկ գիշերվա ընթացում 12 պաղեստինցի է զոհվել՝ ըստ Գազայի քաղաքացիական պաշտպանության գործակալության: Գազայի հատվածի հյուսիսում ամբողջությամբ անջատվել են ինտերնետն ու կապը։ ՑԱՀԱԼ-ը հայտնել է, որ հավելյալ միջանցք է բացել մարդկանց տարհանման համար, ըստ իսրայելական կողմի, արդեն 400 000 պաղեստինցի է դուրս եկել Գազայից: