Եթե ԱԺ-ում չգտնվեի, ավելի վատ բառապաշարով կխոսեի մյուս կողմում նստած անհասկանալի մարդկանց նկատմամբ․ Վիլեն Գաբրիելյան

Մարդիկ հանրահավաք են անում, հանրահավաքից հետո հայտարարություն են տարածում, հանրահավաքի ընթացքում անընդհատ հնչում է այն միտքը, որ Արցախը չի կարող լինել Ադրբեջանի կազմում որևէ կարգավիճակով, խորհրդարանի ամբիոնից ասել է ՔՊ-ական պատգամավոր Վիլեն Գաբրիելյանը։

Գաբրիելյանը մեջբերել է հանրահավաքից հետո ընդդիմության տարածած հայտարարությունը։

«Բացառում ենք Արցախի որևէ կարգավիճակ Ադրբեջանի կազմում, առանց ՀՀ-ի հետ հուսալի կապի Արցախի հետ: Հիմա հարց եմ տալիս, ճի՞շտ եմ հասկանո՞ւմ, որ մարդիկ, ասելով, որ Արցախը  չի կարող լինել Ադրբեջանի կազմում, միաժամանակ տարածել են հայտարարություն և ասում են՝ եթե Արցախը ՀՀ-ի հետ ունենա անվտանգ միջանցք, ճանապարհ, մենք կարող ենք այդ հարցը քննարկել։

Եթե ԱԺ-ում չգնվեի, եթե ԱԺ ամբիոնը չհարգեի, շատ ավելի վատ բառապաշարով կարող էի արտահայտվել մյուս կողմում նստած անհասկանալի մարդկանց նկատմամբ»,- ասել է պատգամավորը։

Նրա խոսքով՝ ընդդիմությունը, որը  սնանկ քաղաքական օրակարգ ունի,  Արցախի դրոշը թափ տալով ուզում է ՀՀ-ում զավթեն իշխանությունը․

«Բայց դե ոչինչ չի ստացվելու, որովհետև մեր ժողովուրդը գիտակից ժոցովուրդ է»,- ասել է Գաբրիելյանը։