Խարկովում գնդակոծության հետևանքով ԵԱՀԿ աշխատակից է զոհվել

Ուկրաինայի Խարկով քաղաքում գնդակոծության ժամանակ զոհվել է ԵԱՀԿ հատուկ դիտորդական առաքելության աշխատակից Մարինա Ֆենինանը։ Այս մասին տեղեկացնում է ԵԱՀԿ-ն։  

«Մենք խստորեն դատապարտում ենք քաղաքային կենտրոնների ուժեղացված գնդակոծությունները, որոնց հետևանքով խաղաղ բնակիչներ են զոհվում և վիրավորվում, և մենք կրկնում ենք մեր կոչը Ռուսաստանի Դաշնությանը՝ անհապաղ դադարեցնել ռազմական գործողությունները և գնալ կառուցողական երկխոսության», - ասել է ԵԱՀԿ գլխավոր քարտուղար Հելգա Մարիա Շմիդը։