Ռայիսին, Պուտինն ու Էրդողանը հայտարարություն են ընդունել՝ Սիրիայի հարցով

«Աստանայի» գործընթացի երաշխավորներ Ռուսաստանը, Իրանն ու Թուրքիան եռակողմ հայտարարություն են ընդունել սիրիական ճգնաժամի կարգավորման վերաբերյալ, դատապարտել Սիրիայի վրա շարունակվող հարձակումներն ու ևս մեկ անգամ հաստատել ահաբեկչական խմբավորումների դեմ պայքարելու իրենց մտադրությունը: Պուտինը Միացյալ Նահանգներին է մեղադրել Սիրիան մասնատելու փորձերի համար: Նախագահ Ռայիսին Նահանգներին կոչ է արել հնարավորինս շուտ հեռանալ տարածաշրջանից։ Իսկ Թուրքիայի նախագահը հայտարարել է՝ «ժամանակն է այդ տարածքները մաքրելու անջատողականների ու ահաբեկիչների սպառնալիքներից»: