Պայթյունի զոհերի թիվը հասավ 3-ի

Փլատակների տակից փրկարարները գտել են ևս մեկ քաղաքացու դի: Այս պահի դրությամբ պայթյունի հետևանքով զոհերի թիվը 3 է: Հայտնում են ՀՀ առողջապահության նախարարությունից։

Ավելի վաղ գերատեսչությունից հայտնել են, որ պայթյունի հետևանքով ևս մեկ քաղաքացի է տեղափոխվել բժշկական կենտրոն:

Ընդհանուր առմամբ, բժշկական կենտրոններ տեղափոխվածների թիվը հասել է 61-ի:
Այս պահին տարբեր կենտրոններում բուժումը շարունակում է 24 տուժած:

Նրանց առողջական վիճակը մասնագետները գնահատում են միջին ծանրության:

Մյուս հոսպիտալացվածները ստացել են անհրաժեշտ բուժօգնությունն ու դուրս գրվել: