Ուժեղ արևադարձային փոթորիկները զգալի վնասներ են հասցրել Մեքսիկայում և ԱՄՆ-ում

«Պրիսցիլա», «Ռեյմոնդ» և «Օկտավա» արևադարձային փոթորիկները ջրհեղեղներ են առաջացրել Մեքսիկայում: «Հյուսիսարևելյան» փոթորիկը զգալի վնասներ է հասցրել Միացյալ Նահանգներին՝ Քարոլայն կղզիներից մինչև Նոր Անգլիա: Այդ մասին տեղեկացնում է «Արմենպրես»-ը՝ վկայակոչելով Еuronews-ը։ 

Մեքսիկայում հորդառատ անձրևների հետևանքով առաջացած ջրհեղեղների պատճառով զոհվել է առնվազն 64 մարդ, ևս 65-ը անհետ կորած են համարվում։ Մեքսիկական ծոցի ափամերձ շրջաններում և Մեքսիկայի կենտրոնական նահանգներում առաջացել են սողանքներ:

Միացյալ Նահանգներում հյուսիսարևելյան փոթորիկը շարունակում է շարժվել Արևելյան ափով՝ իր հետ բերելով ուժեղ անձրևներ, մակընթացություններ և ջրհեղեղներ: Հյուսիսային Կարոլինա նահանգը զգալի վնասներ է կրել, մի քանի մայրուղիներ մնացել են ջրի տակ:

«Պրիսցիլլա», «Ռեյմոնդ», «Օկտավա» արևադարձային փոթորիկները և Տեխասից Մեքսիկա շարժվող ցուրտ ճակատը ստեղծել են զգալի մթնոլորտային ակտիվություն, ինչը առատ տեղումներ է առաջացրել մի քանի նահանգներում, մասնավորապես՝ Վերակրուսում, Իդալգոյում և Պուեբլայում։

Մեքսիկայի նախագահ Կլաուդիա Շեյնբաումը հայտարարել է, որ պետական բյուջեն բավարար միջոցներ ունի լայնածավալ ջրհեղեղների դեմ պայքարելու և բնակիչներին աջակցություն տրամադրելու համար։