Օրը սկսենք մամուլի  5  կարևոր լուրով

«Հրապարակ»

Իշխանական շրջանակներում եւս խանդավառված չեն վաշինգտոնյան արձանագրություններից եւ հասկանում են, որ դա իրականում խաղաղություն չի բերելու։

«Ժողովուրդ»

Միքայել Սրբազանի գործը քննող դատավոր Արմինե Մելիքսեթյանը 2024 թ-ին գույքային մեծ առաջխաղացում է ունեցել. ունի 6 անշարժ գույք, մեկ Toyota մակնիշի մեքենա:

«Փաստ»

«Տաշիր» բարեգործական հիմնադրամը Հայաստանի գյուղական համայնքների բոլոր առաջին դասարանցիներին կնվիրի դպրոցական պայուսակներ՝ անհրաժեշտ գրենական պիտույքներով, ինչը բավական նյարդայնացրել է քպականներին, որոնք իրենց դեմքով, առավել շատ՝ իրենց ֆեյքերով, հարձակվել էին հատկապես «պայուսակների վրա»:

«Հրապարակ»

Ըստ «Իմնեմնիմի» հաղորդման վարողների՝ ՔՊ պատգամավոր Արուսյակ Մանավազյանը սիրային կապի մեջ է ՍԱՏՄ ղեկավար Տիգրան Պետրոսյանի հետ, որը Մանավազյանի նախկին ամուսնու մանկության ընկերն է, այդ պատճառով էլ բաժանվել է ամուսնուց։ Փաշինյանի համար դա շոկային նորություն է եղել, անչափ ծանր է տարել, որ իր վստահելի մարդն ազնիվ չի գտնվել եւ չի ասել իր կապի մասին, իսկ ինքն ամիսներ առաջ Պետրոսյանին նշանակել է ՍԱՏՄ ղեկավար։ Փաշինյանն այնքան է զայրացել, որ Մանավազյանին փոխանցել է՝ այլեւս չի ուզում նրան տեսնել։ Ի դեպ, ՔՊ վարչության նախօրեի նիստին Մանավազյանը ներկա չէր:

«Ժողովուրդ»

Շուրջ մեկ տարի շարունակ Նիկոլ Փաշինյանի գովքն անող, նրա հետ լուսադեմին հեծանիվ քշող, Փաշինյանի բոլոր թեզերը ինքնամոռաց պաշտպանող ՔՊ-ական Արսեն Թորոսյանի ջանքերն արդյունք տվեցին. նա կնշանակվի ՀՀ աշխատանքի և սոցիալական հարցերի նախարար:

Օրվա մամուլի հրապարակումները ժամը 11-ին, «5-րդ ալիք»-ի ուղիղ եթերում «Օրագիր» հաղորդման հեղինակ Մարիաննա Ղահրամանյանը  կքննարկի  ՀՅԴ Հայ դատի Կենտրոնական գրասենյակի հատուկ ծրագրերի պատասխանատու Գևորգ Ղուկասյանի հետ: