Լրահոս

«Արտասահմանում ռուսական բիզնեսի շահերի պաշտպանությունը, ինչպես գիտեք, առաջնահերթություն է, բացարձակ առաջնահերթություն»,-ասել էր Զախարովան ու մանրամասներ ներկայացրել ներդրումային որոշ մանրամասներ: Ի մասնավորի, ՌԴ ԱԳՆ մամուլի խոսնակը հիշեցրել էր, որ 2017-2023 թվականներին, ներառյալ ենթակառուցվածքների արդիականացումը, ընկերությունը ծախսել է 680 միլիոն դոլար, իսկ 2024-2034 թվականների համար նախատեսված էին 795 միլիոն դոլարի ներդրումներ։

Գեղարքունիքի մարզի Գավառ համայնքի սեփականության իրավունքն է վերականգնվել 434 միլիոն 700 հազար դրամ շուկայականին մոտարկված կադաստրային արժեքով 35 հա և 69 միլիոն 727 հազար դրամ շուկայականին մոտարկված կադաստրային արժեքով 5.6 հա մակերեսներով հողամասերի նկատմամբ: Քննչական կոմիտեում քննված քրեական վարույթի շրջանակում պարզվել է, որ 2011 թվականին Գավառ համայնքի ղեկավարը, տեղյակ լինելով ՍՊ ընկերության կողմից հողամասերն արդյունաբերության նպատակով օգտագործելու մասին, 5.6 հա մակերեսով հողամասը 473 հազար դրամով օտարել է ՍՊ ընկերությանը` որպես վարելահող՝ առանց փոփոխելու հողամասի նպատակային նշանակությունը: Քրեական վարույթի շրջանակում պարզվել է նաև, որ նույն ՍՊ ընկերության և Գավառի քաղաքապետարանի միջև կնքվել է պայմանագիր, որով ՍՊ ընկերության ժամանակավոր տիրապետմանն ու օգտագործմանն է տրամադրվել Գավառ համայնքին սեփականության իրավունքով պատկանող՝ 434 միլիոն 700 հազար դրամ կադաստրային արժեքով 35 հա մակերեսով հողամաս: Հողամասը վարձակալության է հանձնվել տարեկան 74 հազար 497 դրամով: Դատախազը հանրային քրեական հետապնդում է հարուցել Գավառի նախկին համայնքապետ Գ.Մ.-ի նկատմամբ՝ 18.04.2003 թվականին ընդունված Քրեական օրենսգրքի 308-րդ հոդվածի 2-րդ մասով (պաշտոնեական լիազորությունները չարաշահելը), ավագանու 10 անդամների, համայնքապետարանի իրավաբանի, ինչպես նաև ՍՊ ընկերության տնօրենի, ընկերության աշխատակցի նկատմամբ՝ 38-308-րդ հոդվածի 2-րդ մասով (պաշտոնեական լիազորությունների չարաշահմանն օժանդակելը): Քրեական վարույթի շրջանակում 5.6 հա մակերեսով հողամասը վերադարձվել է համայնքին, հողամասի նկատմամբ գրանցվել է համայնքի սեփականության իրավունքը, իսկ 35 հա մակերեսով հողամասի վերաբերյալ պայմանագրի հիման վրա կնքված վարձակալության իրավունքը ուժը կորցրած է ճանաչվել. հողամասը վերադարձվել է Գավառ համայնքին: Մեղադրյալների կողմից ամբողջությամբ վերականգնվել է համայնքին պատճառված վնասը՝ 3 միլիոն 964 հազար դրամը: Դատախազի կողմից որոշում է կայացվել մեղադրյալների նկատմամբ հարուցված հանրային քրեական հետապնդումը դադարեցնելու մասին՝ վաղեմության ժամկետներն անցած լինելու հիմքով:

Մեր ունեցած տեղեկություններով, Նիկոլ Փաշինյանը նման խոշորամասշտաբ միջոցառմամբ փորձում է առավելագույնը «համախմբել» վարչական ռեսուրսը, քանի որ հիանալի հասկանում է, որ 2026 թվականին արդար, ազնիվ ընտրություններով հաջողության հասնելու որևէ նույնիսկ տեսական շանս չունի:

Բաքվի բնակելի շենքերից մեկում խոշոր հրդեհ է բռնկվել, որի հետևանքով մահացել է 3 մարդ, 20 մարդ հոսպիտալացվել է, հայտնում են ադրբեջանական լրատվամիջոցները:

Դոնի Ռոստովի քաղաքապետ Ալեքսանդր Սկրյաբինի գլխավորած պատվիրակությունը նոյեմբերի 21-ին այցելեց Հայոց ցեղասպանության հուշահամալիր: Տեղեկությունը հայտնում է Հայոց ցեղասպանության թանգարան-ինստիտուտը։

Գեղարքունիքի դատարանում այսօր լարված մթնոլորտում շարունակվել է Ազատի ողբերգական հրդեհի գործով դատավարությունը: Բանակային աննախադեպ ողբերգության գործով այսօր հարցաքննվել են փորձագետները: Ըստ փորձաքննության արդյունքների՝ Ազատ գյուղի զինվորական կացարանում «պայթյունի հետքեր չեն հայտնաբերվել»:

Հայ-ղազախական հարաբերությունները ռազմավարական մակարդակի են բարձրացվում ղազախական ցորենի՝ Ադրբեջանի տարածքով Հայաստան գալուց հետո: Աստանան ծրագրեր ունի ապագայում Հայաստանն օգտագործել որպես տարանցիկ երկիր թյուրքական բեռնափոխադրումների համար: Այդ նպատակին պետք է ծառայի, այսպես կոչված, Զանգեզուրի միջանցքը, հենց այդ ձևակերպումն է օգտագործել Ղազախստանի էկոնոմիկայի նախարարը լրագրողների հետ զրույցում:

Մենք ունենք այդ տեքստը, մենք այն ստացել ենք։ Այն կարող է հիմք դառնալ խաղաղ կարգավորման համար, ասել է ՌԴ նախագահ Վլադիմիր Պուտինը՝ Թրամփի խաղաղության ծրագրի մասին։

Երևանում վերջին օրերին շարունակվում են ասֆալտապատման աշխատանքները, որը կատարվում է ոչ միայն մայրաքաղաքի կենտրոնական հատվածներում, այլև ծայրամասերում։ Ողջունելի է, որ ՀՀ Կառավարության ֆինանսավորմամբ այդ աշխատանքները իրականացվում են, սակայն որոշ դեպքերում, չգիտես ինչու, ասֆալտապատումը կատարվում է կիսատ-պռատ․ հին ու անորակ ասֆալտը քերում են, դրանից հետո փորված հատվածը պետք է շատ արագ լցվի, սակայն ցուցաբերում են անպատասխանատու մոտեցում, ինչի պատճառով էլ այդ փոսերը վարորդների համար դառնում են իսկական պատուհաս, հայտնում է Shamshyan.com-ը։

Հայաստանի վարչապետը Ղազախստանի նախագահից բարձրագույն պետական պարգև՝ «Ոսկե արծիվ» շքանշան է ստացել և գովեստի խոսքեր լսել: «Իսկական համազգային առաջնորդ, որը մեծ ներդրում է ունեցել Հայաստանի կայուն զարգացման, միջազգային հեղինակության ամրապնդման և Ադրբեջանի հետ խաղաղ գործընթացի առաջմղման գործում»,- այսպես է Ղազախաստանի նախագահը բնութագրել Նիկոլ Փաշինյանին: Դրան նախորդել է երկու ղեկավարների առանձնազրույցը:

Կիրակի օրը Արարատի մարզի Արարատ գյուղի Սբ․ Հակոբ եկեղեցում Նիկոլ Փաշինյանի մասնակցությամբ նախատեսված պատարագին այդ եկեղեցու հոգևոր հովիվ Տեր Հարությունը չի լինելու։

Մայր Աթոռի կարգապահական հանձնախմբի հետ հանդիպման է այսօր եղել Թալինի հոգևոր հովիվ Տեր Թադե քահանան, որը վերջին պատարագներին չի հիշատակում Վեհափառ հայրապետի անունը: Տեր Թադեն Փաշինյանի մասնակցությամբ պատարագին նաև թույլատրել էր, որ կարգալույծ Վարդան Հունանյանը քահանայի փոխարեն խոստովանության կարգ մատուցի: Ինչո՞ւ է փոխել պատարագի մատուցման կարգը. «Հայլուրի» թղթակցի հարցերին չի պատասխանել քահանան:

«Սրբազան պայքարի» գործով կալանավորված Լիդիա Մանթաշյանի փաստաբանը կբողոքարկի նրան 3 ամսով կալանավորելու դատարանի որոշումը: Փաստաբանը պատրաստվում է Լիդիայի գործով ՄԻԵԴ գնալ՝ այն ներկայացնելու որպես հակաահաբեկչական պայքարի նկատմամբ ծաղր: Մանթաշյանի պաշտպանները համոզված են՝ Լիդյայի կալանքը քաղաքական հաշվեհարդար է: Ի դեպ, նրա մայրը տեղյակ չէ դստեր դատական գործից: Առողջական խնդիրներ ունեցող տարեց կնոջը չեն հայտնում, որ Լիդյայի կալանքը երեք ամսով երկարաձգվել է:

Սիրելիներ, նախ ցանկանում եմ իմ և 17 արդարների անունից շնորհակալություն հայտնել երեկվա համախումբ աջակցության և զորակցության համար՝ մեծապես գնահատելով բոլոր նախաձեռնողներին, բանախոսներին և բոլոր մասնակիցներին: Հստակ է, որ այսօր գերության և պատանդառության մեջ է ողջ Հայաստանը՝ բոլոր շերտերով, հետևաբար ձեր ցուցաբերած զորակցությունը ոչ թե մեր մասին է, այլ մեր երկրի ազատագրության:

ՔՊ-ականները հպրատությամբ հայտարարում են, թե Հայաստանում քաղբանտարկյալներ չկան: Ընդդիմությունը պահանջում է խորհրդրարանի հայտարարություն ընդունել՝ քաղբանտարկյալների իրավունքների վերկանգնման պահահանջով: Իշխանականները հեգնանքով են խոսում այդ նախագծի մասին:

1990թ. «Ազգ» օրաթերթը հիմնած ու մինչ այսօր նրա անփոփոխ գլխավոր խմբագիր Հակոբ Ավետիքյանն 80 տարեկան է, բայց նույն եռանդով ու իր կենսափորձի ու ստեղծագործական նրբազգացության աներևույթ ջիղով շարունակում է կերտել «Ազգ»-ի պատմությունը:

Հայլուր 20։30 Փաշինյանը թյուրքական աշխարհում՝ «ոսկի տղա». Ղազախստանում նրան պարգևատրել են

Վարդան Ղուկասյանին և նրա որդուն նոր մեղադրանքներ են առաջադրվել դատարանում հայտարարությունների համար

Ապօրինի ծառահատումների հերթական դեպքն են բացահայտել Համայնքային ոստիկանության Իջևանի բաժնի ծառայողները: Այս մասին տեեկանում ենք ՆԳՆ ոստիկանությունից։

Բարեկեցության պատրանք ստեղծելու փորձերից է միւջին աշխատավարձերով աճպարարությունը։ Իշխանությունները մշտապես պնդում են, թե Հայաստանի Հանրապետությունում միջին աշխատավարձերը շարունակաբար աճում են, և 2025 թվականի 1-ին եռամսյակում այն կազմել է 313 հազար 613 դրամ։ Միջին և մեջտեղ բառերը նույն արմատն ունեն, և միջին վիճակագրական քաղաքացին, լսելով «միջին» բառը, ենթագիտակցորեն ընկալում է, թե միջին արժեքը մեջտեղի արժեքն է։ Մեր պարագայում՝ աշխատող քաղաքացիների մի կեսը պետք է, որ ստանար 313 հազար 613 դրամից քիչ, մյուս կեսը՝ 313 հազար 613 դրամից շատ։ Դե, մի մասն էլ հենց 313 հազար 613 դրամ կստանա, բայց կես-կես համամասնությունը դրանից շատ չի տուժի։ Եթե կենցաղից անցնենք գիտությանը, գաուսյան (նորմալ) բաշխման դեպքում միջին արժեքը թույլ է տալիս նման ինչ որ մի ենթադրություն անել։ Բայց աշխատավարձերի նույնիսկ գաուսյան բաշխման դեպքում միջին արժեքի մասին տեղեկության արժեքը շատ փոքր է, եթե չունենք աշխատավարձերի դիսպերսիայի մասին տեղեկություններ։