Լրահոս

Սիրված դերասանուհի Զառա Արամյանն առողջական խնդիրներով տեղափոխվել է հիվանդանոց, որտեղ գտնվում է արդեն մի քանի օր։ Նա գրառում է կատարել առողջական վիճակի մասին և նշել, որ կորոնավիրուսով վարակված չէ, ինչպես նաև քաշի հետ կապված վիրահատություն չի արել։

Ձեր բոլոր ընկերներուհիներն արդեն վաղուց ամուսնացա՞ծ են և երեխանե՞ր են մեծացնում, իսկ դուք դեռ չե՞ք հանդիպել ձեր զուգընկերոջը: «Mediamag.am»-ը նշել է առնվազն հինգ պատճառ, որոնցից մեկը հավանաբար ձերն է: Պատճառ 1. Արքայազնին սպասելը Գեղեցիկ արքայազնի հետ ամուսնանալու երազանքները գալիս են մանկուց: Դուք սպասում եք կատարյալ երիտասարդի, որը պետք է տարբերվի բոլորից։

Պոլսո Հայոց պատրիարք Սահակ արքեպիսկոպոս Մաշալյանը փետրվարի 3-ին ընդունել է  Flyօne Armenia ավիաընկերության կառավարման խորհրդի նախագահ Արամ Անանյանին և նրա գործընկերներին, ովքեր փետրվարի 2-ին իրականացված առաջին չվերթով Երևանից ժամանել են Ստամբուլ: Այս մասին հայտնում են Պոլսո Հայոց պատրիարքարանից:

Հայաստանի վարելահողերի 50%-ը և արոտավայրերի 70%-ը չեն օգտագործվում: Այս մասին փետրվարի 3-ին լրագրողների հետ զրույցում ասել է Հայաստանի էկոնոմիկայի նախարար Վահան Քերոբյանը։

Մանկապարտեզում երեխային բռնության ենթարկելու դեպքի առիթով քրեական գործ է հարուցվել։ Այս մասին հայտնում են ՀՀ ոստիկանությունից։

Ռուսաստանի Դաշնության Սոչի քաղաքում մեկնարկել է Հայկական ուռուցքաբանական ամենամյա երկօրյա կոնգրեսը, որը նվիրված է Քաղցկեղի դեմ պայքարի միջազգային օրվան։ Կոնգրեսի խորագիրն է` «Հայկական ուռուցքաբանություն. նպատակները և իրականացման ուղիները»։ Այս մասին տեղեկացնում է ՀՀ առողջապահության նախարարությունը։

Արցախի Հանրապետության քննչական կոմիտեն հայտնում է, որ Մարտունու Թաղավարդ գյուղի ուղղությամբ ադրբեջանցիների արձակած կրակոցների հետևանքով վնասվել էին բնակիչների առանձնատներն ու  ավտոմեքենաները, ինչպես նաև՝ բնակիչներից մեկի խոշոր եղջերավոր անասունը։

Ազգային ժողովի ընդդիմադիր «Հայաստան» և «Պատիվ ունեմ» խմբակցությունները համատեղ հայտարարություն են տարածել։  Հայտարարության մեջ ասվում է․  «Հայաստանում գործադիր իշխանությունը հերթական հարձակումն է նախաձեռնել դատարանների անկախության նկատմամբ: Քաղաքակիրթ աշխարհում աննախադեպ է, որ դատավորի կայացրած դատական ակտը վերաքննության կարգով բողոքարկելու փոխարեն իրավապահները քրեական հետապնդման ենթարկեն դատավորին: Նշվածը ստեղծելու է մի իրավիճակ, երբ դատական համակարգն այլևս վերածվելու է իրավապահների կախյալ գործիքի:

Ադրբեջանի արտաքին գործերի նախարարը մեկնաբանել է, թե ինչու է պաշտոնական Բաքուն մերժել սահմանազատման և սահմանագծման հարցերով հայկական կողմի ներկայացրած առաջարկները։ Ադրբեջանական լրատվամիջոցների փոխանցմամբ՝ Բայրամովն այս մասին խոսել է Բաքվում Հունգարիայի արտաքին գործերի նախարարի հետ կայացած համատեղ հանդիպման ընթացքում։

Կառավարության որոշմամբ «Ջերմուկ գրուպ» ՓԲԸ-ն ազատվել է գերակա ոլորտում իրականացվող ներդրումային ծրագրի շրջանակներում տեխնոլոգիական սարքավորումների, դրանց բաղկացուցիչ ու համալրող մասերի, հումքի և նյութերի ներմուծման մաքսատուրքի: Այս մասին հայտնում է ՀՀ էկոնոմիկայի նախարարությունը։

ԲԴԽ-ն խիստ նկատողություն է հայտարարել դատավոր Արթուր Մկրտչյանին։

ԱՊՊԱ-ի արժեքի թանկացման դեմ բողոքի ակցիայի ընթացքում բերման է ենթարկվել 1 քաղաքացի։ Այս մասին հայտնում են ոստիկանությունից։ «Վարչական իրավախախտումների վերաբերյալ ՀՀ օրենսգրքի 182-րդ հոդվածով ոստիկանության ծառայողի օրինական պահանջը չկատարելու համար բերման է ենթարկվել մեկ քաղաքացի»,- հայտնել են ոստիկանությունից։

Շարքային զինծառայող Վլե Ֆերոյանը, ով բանակ է զորակոչվել հունվարի 31-ին, մեկ օր անց անհետացել է Կապանի N զորամասից։ 18-ամյա շարքային զինծառայողի տատիկը՝ Ռոզա Ֆերոյանը, «News.am»-ի հետ զրույցում պատմել է, թե իր թոռանը ստիպել են մաքրել սանհանգույցը, ինչին նա դեմ է եղել, որի պատճառով սպաները ծեծել են նրան։

«Հայրենիք» կուսակցության մամուլի խոսնակ Սոս Հակոբյանը գրում է․ «Դատավորին քո կեղծ ընդդիմադիր ձեռքով դնես ԲԴԽ զոհասեղանին, այն պատճառաբանությամբ, որ վճիռը ընթերցվել է, ոչ թե նախագահող դատավորի այլ՝ կոլեգիալ կազմից մեկ այլ դատավորի կողմից, այն դեպքում, երբ օրենսդրական որևէ նորմ չի խախտվել և նախագահողը covid-19 ի պատճառով տեսակապով է մասնակցել նիստին:

Փետրվարի 3-ին Եվրոպայի խորհրդում Հայաստանի մշտական ներկայացուցիչ Արման Խաչատրյանը հանդիպել է ԵԽ Խորհրդարանական վեհաժողովի նախագահ Թինի Քոկսին։

ՀՀ փաստաբանների պալատի խորհուրդը, մասնակցությամբ խորհրդի նախագահ Սիմոն Բաբայանի, խորհրդի անդամներ՝ Էմին Բեգլարյանի, Պավել Գյուլումյանի,  Ռուբեն Հակոբյանի, Հարություն Հարությունյանի, Կարեն Մեժլումյանի, Կարեն Սարդարյանի, Մարինե Ֆարմանյանի, Լիլիթ Ղազանչյանի և Մանե Կարապետյանի, փետրվարի 2-ին հրատապ նիստ է անցկացրել և քննարկել է  Սյունիքի մարզի առաջին ատյանի ընդհանուր իրավասության դատարանի դատավոր Բորիս Բախշիյանի քրեական հետապնդման ենթարկելու և լիազորությունները կասեցնելու վերաբերյալ հարցը:

Զինվորի՝ Կապանի զորամասերից մեկն ինքնակամ լքելու փաստի առթիվ սկսվել է քննություն: Այս մասին այսօր՝ փետրվարի 3-ին, ԱԺ-ում լրագրողների հետ զրույցում ասել է ՀՀ պաշտպանության փոխնախարար Արման Սարգսյանը:

Հայաստանում թուրքերն անշարժ գույք են ձեռք բերել։ Այս մասին այսօր ՀՀ կառավարության նիստից հետո հայտարարել է էկոնոմիկայի նախարար Վահան Քերոբյանը` արձագանքելով լուրերին, թե վերջին շրջանում թուրքերը Հայաստանում կապիտալ են ձեռք բերում։ «Միշտ եղել է, օրինակ` անշաժ գույք, ընկերություններ»,- ասել է Քերոբյանը։

Ոստիկանությունից հայտնում են, որ տեսանյութում պատկերված անձը կասկածվում է անչափահաս աղջկա նկատմամբ անառակաբարո գործողություններ կատարելու մեջ: