Լրահոս

Գրեթե 20 րոպե քաղաքացիները կաթվածահար են արել Կոմիտաս-Վրացական խաչմերուկի երթևեկությունը: Քաղաքի այդ հատվածում ավելի շատ ոստիկան է եղել, քան ցուցարար: Իրավապահներն ուժ են կիրառել, ինչից հետո քաղաքացիները ինքնակամ բացել են փողոցը:

Բաղրամյան-Պռոշյան խաչմերուկից բերման է ենթարկվել առնվազն 30 քաղաքացի, այդ թվում «Հայրենիք» կուսակցության անդամները, կուսակցության մամուլի խոսնակ Սոս Հակոբյանը:

Առավոտյան «Հայրենիք» կուսակցության անդամներըն ու մի խումբ քաղաքացիներ փակել են Բաղրամյան-Պռոշյան խաչմերուկը: Նրանց գետնին քարշ տալով բերման են ենթարկել ոստիկանները:

Դիմադրության շարժման ակտիվիստները վերսկսել են անհնազանդության ակցիաները, փողոցներ են փակել: Այս պահին փակ է Մաշտոցի պողոտան, Սարյան փողոցը: Կաթվածահար է արվել Կոմիտասի պողոտան, Խանջյան-Նալբանդյան, Բաղրամյան-Պռոշյան, Մոսկովյան-Աբովյան խաչմերուկը:

Մայրաքաղաքի փողոցներում այս առավոտ խաչմերուկներ փակելու գործողություններ են իրականացվել: Ոստիկանության հրատապ և համարժեք գործողությունների շնորհիվ խաչմերուկներն արագ բացվել ու խցանումները վերացվել են: Այս պահին մայրաքաղաքի փողոցներում կանոնավոր երթևեկությունը վերականգնված է:

Պատերազմի ընթացքում հաշմանդամ դարձած տղաները փակել են Մյասնիկյան պողոտայից Աբովյան պուրակ տանող հատվածը:

ԱԺ «Հայաստան» խմբակցության անդամ, «Վերածնվող Հայաստան» կուսակցության նախագահ Վահե Հակոբյանն ասաց, որ ոստիկանները թիրախային են հարձակվել Լևոն Քոչարյանի վրա և նրան բերման ենթարկել։ «Իմ երկու օգնականին էլ են բերման ենթարկել։ Մենք պարզապես քայլում էինք, դրանից առաջ վերևում փողոց էինք փակել (Քոչար-Փափազյան խաչմերում), մի ժամից ավելի փակ պահեցինք, ոստիկանները չեկան։ Իրենք հատուկ եկան մի քանի հոգու տանելու, չեն զգուշացրել, թե մայթով քայլեք։ Պարզապես իջան, գտան ու վազեցին դեպի Լևոն Քոչարյանը։ Ովքեր փորձեցին իրենց պահել, նրանց էլ տարան», - ասաց Վահե Հակոբյանը։

Բերման են ենթարկել, տանում են Մասիվի բաժին: Ամեն ինչ լավ է լինելու

Նիկոլ Փաշինյանի հրաժարականի պահանջով քաղաքացիները շարունակում են երկկողմանի փակ պահել Սևան-Երևան մայրուղին։ Կուտակված մեծաթիվ ոստիկանները փորձում են ուժի գործադրմամբ քաղաքացիներին հեռացնել մայրուղու երթևեկելի մասից, ինչը, սակայն, նրանց չի հաջողվում։ Հիշեցնենք, որ վաղ առավոտից քաղաքացիները կաթվածահար են արել փողոցներ ու խաչմերուկներ։

«Դիմադրություն» շաժման ներկայացուցիչները ակցիան շարունակում են Երևանի պետական համալսարանի բակում։ «Ուսանող, միացիր» կոչով ակցիայի մասնակիցները կոչ են անում միանալ իրենց. ԵՊՀ ֆակուլտետների դռները, սակայն, փակ են։ Ակցիայի մասնակիցներին միացան Արևելագիտության ֆակուլտետի դեկան Ռուբեն Մելքոնյանն ու Իրավագիտության ֆակուլտետի դեկան Գագիկ Ղազինյանը։ Իսկ համալսարանում փակված ուսանողները պատուհաններից ու փակ դռների հետևից են ողջունում «Դիմադրություն» շարժման ներկայացուցիչներին։

Երեկ՝ մայիսի 2-ին, ողբերգական դեպք է տեղի ունեցել Լոռու մարզում։ Ժամը 16։00-ի սահմաններում «Վանաձոր» բժշկական կենտրոնից Վանաձոր քաղաքի ոստիկանության Բազումի բաժին ահազանգ է ստացվել, որ «պոլիտրավմա, կենսաբանական մահ» ախտորոշմամբ իրենց մոտ է տեղափոխվել մի կին։ Ինչպես հայտնում է shamshyan.com-ը, ոստիկաններն ու քննիչները պարզել են, որ մահացածը Վանաձորի բնակիչ՝ 47-ամյա Արմինե Ս-ն էր։ Ըստ նախնական տեղեկությունների՝ վերջինս նույն օրը, ժամը 14։50-ի սահմաններում իրենց տան 4-րդ հարկի պատուհանները մաքրելու ժամանակ բարձրությունից անզգուշաբար վայր է ընկել։ Այդ մասին ոստիկաններին և քննիչներին հայտնել է նրա մայրը։

Քաջարանի քաղաքապետ Մանվել Փարամազյանը ժամեր առաջ ազատ է արձակվել Դատապարտյալների հիվանդանոց քրեակատորողական հիմնարկից: Նրա խափանման միջոց կալանքը դատարանն այսօր է փոխել, որոշել ազատ արձակել Փարամազյանին 50 միլիոն դրամ գրավի դիմաց։ Այսօր Դատապարտյալների հիվանդանոցի դիմաց նրան դիմավորել են կինը, երեխաները, Հայաստան դաշինքի պատգամավոր Աննա Գրիգորյանը, երկրորդ նախագահ Ռոբերտ Քոչարյանի կրտսեր որդին՝ Լևոն Քոչարյանը, Գորիսի համայնքապետ Առուշ Առուշանյանը:

Ռուսական լրատվամիջոցների տեղեկություններով՝ բարձր պատրաստվածության 1000-ավոր օտարերկրացիներ Ուկրաինայում մասնակցում են ռազմական գործողությունների Կիևի կողմից: ՆԱՏՕ-ի անդամ երկրներն էլ շարունակում են զենք մատակարարել Կիևին, միևնույն ժամանակ սպառնում Ռուսաստանին՝ հակամարտությունը դաշինքի անդամ երկիր տեղափոխելու դեպքում համարժեք պատասխան տալ Մոսկվային:

Այսօր՝ մայիսի 2-ին, Երևանի Բաղրամյան-Պռոշյան խաչմերուկում Mediahub լրատվական կայքի մեր գործընկերները փորձել են մոտենալ ու հարցեր ուղղել տարածքում գտնվող պետական պահպանության անվտանգության ծառայության պետ Սարգիս Հովհաննիսյանին: Ծառայության աշխատակիցները քիչ չէ, որ խոչընդոտել են մասնագիտական պարտականությունները կատարող մեր գործընկերներին, դեռ մի բան էլ ՊՊԾ պետը, որ նախկինում առաջին նախագահ Լևոն Տեր-Պետրոսյանի թիկնազորի պետն է եղել, հարվածել է կայքի օպերատորին: ArmLur.am-ը մեկնաբանության համար դիմեց ԱԱԾ նախկին տնօրեն Միքայել Համբարձումյանին, ինչին ի պատասխան նա հայտնեց.

Հիքմեթ Հաջիևի և Արմեն Գրիգորյանի համատեղ լուսանկար է տարածել Հարավային Կովկասի և Վրաստանի ճգնաժամի հարցերով Եվրոպական միության հատուկ ներկայացուցիչ Տոյվո Կլաարը: Նա թվիթել է, որ հյուրընկալել է Գրիգորյանին և Հաջիևին՝ այս ձևաչափում երկրորդ հանդիպման համար:

Ոստիկանության կենտրոնի բաժնից երկու արկղ կենդանի հավ են փոխանցել Երևանի կենդանաբանական այգուն: Արկղերով հավերին նկատած քաղաքացիների կարծիքով` դրանք շաբաթ Հանրապետության հրապարակից բերման ենթարկված ծաղրանկարներով-հավերն են: Երկու օր ոստիկանությունում անցկացնելուց հետո հավերը կշարունակեն ապրել Երևանի կենդանաբանական այգում:

«Ուսանո՛ղ, ոտքի» վանկարկելով՝ երիտասարդները մտել են ԵՊՀ պատմության ֆակուլտետ, կոչ են արել ուսանողներին միանալ իրենց: «Հայաստան» դաշինքի անդամ Իշխան Սաղաթելյանի խոսքով՝ ուսանողների մոտ 80 տոկոսը այսօր դասադուլ է արել: Երևանի պետական համալսարանը հերքել է լուրը, թե Մայր բուհում դասադուլ է, պնդել են՝ դասապրոցեսը ընթանում է բնականոն հունով։ Իսկ համացանցում կադրեր են հրապարակվել, որտեղ պետական համալսարանի մի մասաշենքի դատարկ լսարաններն են: «Հայլուրի» աղբյուրը հայտնել է, որ այսօր ուսանողության 15 տոկոսն է մասնակցել ԵՊՀ դասերին: