Լրահոս

Էջմիածնում 27-ամյա երիտասարդի կյանք խլած սպանությունն, ըստ քաղաքում պտտվող խոսակցությունների, հաշվեհարդար է, որ կապ ունի մեկ տարի առաջ հայտնի քրեական հեղինակություն Դոն Պիպոյի թիկնապահի սպանության հետ:

Երևանի քաղաքապետարանը տեղեկացնում է․ Բացօթյա ապօրինի առևտրի խնդիրը լուծելու համար Երևանի քաղաքապետարանը տարածքային կառավարման և ենթակառուցվածքների նախարարության հետ մշակել է օրենսդրական փոփոխությունների նոր փաթեթ: Օրինագիծը հնարավորություն կտա առգրավել փողոցային առևտուր իրականացնողների ապրանքները: Գործադիրը կառավարության նիստում նախագծին հավանություն տվեց: Առաջիկայում այն կքննարկվի ԱԺ-ում:

ՀՀ քննչական կոմիտեի Սյունիքի մարզային քննչական վարչությունում ավարտվել է մի խումբ անձանց կողմից նախնական համաձայնությամբ որպես լրագրող, տարբեր նախարարությունների աշխատակից, մտերիմ կամ որևէ այլ՝ մտացածին անձ ներկայանալով զորամասում ծառայող զինվորին գումար փոխանցելու պատրվակով տարբեր քաղաքացիներից, տնտեսվարող սուբյեկտներից առանձնապես խոշոր չափերով խարդախությամբ հափշտակություն, ինչպես նաև առանձնապես խոշոր չափերով փողերի լվացում կատարելու դեպքերի առթիվ իրականացվող քրեական վարույթով մեկ մեղադրյալի մասով նախաքննությունը: Քրեական վարույթով իրականացված քննչական և վարութային մեծածավալ գործողությունների արդյունքում պարզվել է, որ 32-ամյա տղամարդը, մի խումբ անձանց հետ նախնական համաձայնությամբ և նրանց օժանդակությամբ, ուրիշի` առանձնապես խոշոր չափերով գույքը հափշտակելու միասնական դիտավորությամբ, 2020թ. օգոստոսի 1-ից մինչև 2021թ. սեպտեմբերի 4-ն ընկած ժամանակահատվածում տարբեր հեռախոսահամարներով կապ հաստատելով մի շարք քաղաքացիների հետ, հեռախոսազրույցի ժամանակ թաքցնելով իր իրական տվյալները, զորամասում ծառայող զինվորին գումար փոխանցելու պատրվակով, խեղաթյուրելով իրականությունը, տարբեր անձանցից հափշտակել է ընդհանուր՝ առանձնապես խոշոր չափերով շուրջ 11մլն. ՀՀ դրամ գումար: Նշված գումարը փոխանցվել է այլ անձանց անվամբ բացված տարբեր հաշվեհամարներին՝ հափշտակված գումարների հանցավոր ծագումն ու տեղաշարժը թաքցնելու նպատակով: Ձեռք բերված բավարար ապացույցների համակցությամբ՝ 32-ամյա տղամարդուն մեղադրանք է ներկայացվել 2003թ. ՀՀ քրեական օրենսգրքի 178-րդ հոդվածի 3-րդ մասի 1-ին կետով, 190-րդ հոդվածի 3-րդ մասի 1-ին կետով և 178-րդ հոդվածի 2-րդ մասի 2-րդ կետով, նրա նկատմամբ որպես խափանման միջոց է կիրառվել կալանավորումը: Վերջինիս վերաբերյալ մասը քրեական վարույթից անջատվել է առանձին վարույթում, հայտարարվել է նախաքննության ավարտի մասին, և քրեական վարույթի նյութերը, մեղադրական եզրակացությամբ, ուղարկվել է հսկող դատախազին՝ մեղադրական եզրակացությունը հաստատելու և իրավասու դատարանին հանձնելու միջնորդությամբ: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Հիվանդությունը պայմանավորված է խողովակավոր ոսկրերի ներաճառային աճի ձեռքբերովի խանգարումով, որը հանգեցնում է յուրատեսակ այլաձևող օստեոարթրոզի գոյացմանը: Հիվանդությունը հիմնականում հանդիպում է Անդրբայկալյան Ուրով գետի մերձափնյա բնակիչների մոտ։ Այդտեղից էլ գալիս է հիվանդության անվանումը։ Սակայնն դրա էնդեմիկության պատճառներն ու ախտածագումը վերջնականապես հայտնի չեն։ Հիվանդության կապը արտաքին էնդեմիկ գործոնների հետ կասկած չի հարուցում, սակայն դրանց ազդեցության մեխանիզմը դեռևս մնում է անհայտ։ Բնակչությանը մատակարարվող հացի և խմելու ջրի որակի բարձրացման շնորհիվ հիվանդությունը նկատելիորեն նվազել է։ Ենթադրվում է, որ հիվանդության զարգացման պրոցեսում մեծ դեր ունի ջրի ու հողի միկրոտարրերի միջև եղած անհամաչափությունը։ Ախտաանատոմիական հետազոտությամբ ոսկրերի մետաֆիզային հատվածներում և աճառներում հայտնաբերվում են խոր և համատարած դիստրոֆիկ և, մասամբ, կազմալուծական (դեստրուկտիվ) փոփոխություններ։ Ախտաբանական պրոցեսի հարաճման ընթացքում հոդային մակերեսները տափակում են և նրանց եզրերին գոյանում են ոսկրային աճուկներ, որոնց հետևանքով զարգանում են հոդերի ձևախախտումներ, ֆունկցիայի խանգարումներ, աճի դանդաղում կամ դադարում։ Երեխաների մոտ հիվանդությունը մեծ մասամբ սկսվում է 6-14 տարեկանում։ Սկզբնական շրջանում գանգատներ չեն լինում։ Կարող են նկատվել մարմնի ցավոտություն, մատների մկանների կծկումներ և այլն։ Նշված երևույթներն ի հայտ են գալիս և հետագայում ուժեղանում մրսելու, ֆիզիկական գերլարման, վնասվածքի, վարակային հիվանդությունների դեպքում։ Հոդերի փոփոխությունները սկզբում աննշան են։ Ապա աստիճանաբար ավելի ու ավելի են փոխում իրենց տեսքը, հաստանում են, կորցնում շարժունակությունը, զարգանում է մկանների ատրոֆիա, աճի դանդաղում։ Հիվանդության բուռն շրջանում հայտնաբերվում են հոդերի բազմաթիվ համաչափ ձևախախտումներ, շարժումների սահմանափակումներ, գոյանում են չափավոր արտահայտված կծկանքներ։ Ռենտգենաբանական հետազոտության ժամանակ սկզբնական փոփոխությունները դիտարկվում են մետաֆիզներում։ Ախտահարվում են գրեթե բոլոր խողովակավոր, ինչպես նաև կարճ սպունգանման ոսկրերը։ Հիվանդության տևողությունը տարբեր է։ Այն վերանում է աճման պրոցեսների ավարտման հետ։

Վանաձորի բժշկական կենտրոնում լույս աշխարհ է եկել 44-օրյա պատերազմում հերոսացած Ռադիկ Հովակիմյանի եղբայրը: Փոքրիկին անվանակոչել են եղբոր՝ Ռադիկի անունով, հայտնում է ԲԿ-ի մամուլի ծառայությունը։

Մակարոնեղենի դասական բաղադրություն շատ պարզ է․ այն պարունակում է ընդամենը երկու հիմնական բաղադրիչ՝ ալյուր (սովորաբար ցորեն) և ջուր։ Առավել օգտակար է համարվում կոշտ ցորենից ստացված մթերքը։ Վերը նշվածը առավել դիետիկ է, քանի որ ունի բավականին ցածր գլիկեմիկ ինդեքս, ինչը նշանակում է, որ երկար ժամանակով հագեցնում է քաղցը։ Բայց ցորենի փափուկ սորտերից պատրաստված արտադրանքը ավելի լավ է ամբողջությամբ հեռացնել սննդակարգից, քանի որ դրանք ոչ մի օգուտ չեն բերում օրգանիզմին, և հաճախ դրանք կարող են նույնիսկ նպաստել ավելորդ կիլոգրամների ավելացմանը: Արագ և որակյալ հագեցվածությունը լավ մակարոնեղենի միակ առավելությունը չէ։ Դրանք նաև շատ օգտակար են մեր մարսողական համակարգի առողջության համար, քանի որ պարունակում են բջջանյութ և սննդային մանրաթելեր, որոնք հեշտացնում են մարսողությունը և ստամոքսում սննդի կլանումը։ Բջջանյութը նաև օգնում է մաքրել աղեստամոքսային տրակտը և հեռացնել տոքսինները մարմնից: Մակարոնեղենը պարունակում է մեծ քանակությամբ վիտամին B, որը կարևոր դեր է խաղում օրգանիզմի աշխատանքում։ Այս խմբի վիտամինները ներգրավված են հիմնական նյութափոխանակության գործընթացներում, կարգավորում են մարսողական համակարգի գործունեությունը, ինչպես նաև հսկայական ազդեցություն ունեն նյարդային համակարգի վրա: Օրգանիզմում B վիտամինի պակասը կարող է հանգեցնել քնի լուրջ խանգարումների, էներգիայի և տրամադրության կորստի, քրոնիկական հոգնածության և ավելի լուրջ առողջական խնդիրների: Մակարոնի տեսակները պարունակում են տրիպտոֆան՝ ամինաթթու, որն անհրաժեշտ է դեպրեսիվ խանգարումների կանխարգելման և լավ տրամադրությունը պահպանելու համար։ Այն հարուստ է նաև տոկոֆերոլով, որը հայտնի է որպես վիտամին E: Այս նյութը դանդաղեցնում է օրգանիզմի ծերացումը, ինչպես նաև կարևոր դեր է խաղում կանանց վերարտադրողական համակարգի աշխատանքի մեջ: Տոկոֆերոլն օգնում է բարելավել մաշկի, մազերի և եղունգների առողջությունը, ինչպես նաև նրանց տեսքն ու վիճակը: Բարձր որակի մթերքի մեջ պարունակվող երկաթը անհրաժեշտ է արյան շրջանառության համակարգի աշխատանքի և նորմալ հեմոգլոբինի պահպանման համար: Խիտ աղացած մակարոնեղենը նվազեցնում է արյան մեջ խոլեստերինի մակարդակը, ինչը երկարաժամկետ հեռանկարում դրականորեն է ազդում արյան անոթների և սրտի վրա։ Ընդհանուր առմամբ, հիմնական կողմնակի ազդեցությունները նկատվում են հենց փափուկ ալյուրով մակարոնեղենի չարաշահումից։ Այսպիսով, սննդի ավելցուկը կարող է առաջացնել շաքարախտի և սիրտ-անոթային որոշ հիվանդությունների զարգացում։ Անբարեխիղճ արտադրողը կարող է փորձել խաբել սպառողին ապրանքի մասին ոչ ճիշտ տեղեկատվություն տրամադրելով: Երբ ​​եփելու ընթացքում հայտնաբերում եք, որ մակարոնեղենը ստացել է տհաճ սպիտակ երանգ, եփվել, կորցրել է իր ձևը, ապա դրանք պատրաստվում են ցորենի ալյուրից։

Հայաստանի Հանրապետության կողմից Արցախի Հանրապետության մի շարք բնակավայրերի քաղաքացիական բնակչության իրավունքների պաշտպանության համար Մարդու իրավունքների եվրոպական դատարան (ՄԻԵԴ) ներկայացված միջանկյալ միջոց կիրառելու մասին պահանջի հիման վրա սույն թվականի օգոստոսի 19-ին ՄԻԵԴ-ը վերահաստատել է 2020 թվականի սեպտեմբերի 29-ին կիրառված եւ նույն թվականի նոյեմբերի 3-ին առավել ընդլայնած միջանկյալ միջոցը՝ նշելով, որ այն շարունակում է ուժի մեջ մնալ, տեղեկացնում են Միջազգային իրավական հարցերով ՀՀ ներկայացուցչի գրասենյակից: ՄԻԵԴ-ը կողմերին հրավիրել է ձեռնպահ մնալ այնպիսի գործողույթուններից, որոնք կարող են հանգեցնել քաղաքացիական բնակչության Կոնվենցիայով պաշտպանվող իրավունքների խախտմանը, այդ թվում նրանց՝ Կոնվենցիայի 2-րդ, 3-րդ և 8-րդ հոդվածներով պաշտպանվող իրավունքները վտանգի տակ դնելուց: ՄԻԵԴ-ը նաեւ արձանագրել է, որ ՀՀ կառավարության վկայակոչած իրադարձությունների, այն է՝ խաղաղ բնակավայրերի ուղղությամբ իրականացվող զինված հարձակումներ, Բերձոր եւ Աղավնո համայնքների բնակչության տեղահանման սպառնալիքներ, նկատմամբ կիրառելի է 2020 թվականի սեպտեմբերի 29-ի կայացված եւ մինչ օրս ուժի մեջ գտնվող որոշումը:

Աղետից հետո են պատասխանատու պետական մարմինները հիշել, որ նախորդ տարվա ապրիլին, երբ հրդեհ էր բռնկվել առևտրի կենտրոնում ու այրել մի քանի խանութ, տեսչական մարմինն արձանագրել էր, որ Սուրմալուի տարածքում հրդեհային անվտանգության կանոնները չեն պահպանվել։ Դեպքից մեկ ամիս առաջ տասնյակից ավելի խախտումներ էին հայտնաբերվել:

Պնդուկի օգտակարությունն ու դրա բարձր սննդային արժեքը վաղուց հայտնի են։ Նախ, այն սպիտակուցների և ճարպերի բարձրորակ աղբյուր է, որոնք մարսողության ավելի մեծ աստիճան ունեն, քան կենդանական ծագումը ունեցող այլ մթերքներ: Այսպիսով, մթերքի 100 գ-ը պարունակում է սպիտակուցի օրական նորմայի 20%-ը, և դրա մեջ ավելի շատ երկաթ կա, քան մսի մեջ։ Ընկույզները պարունակում են օմեգա-6 և օմեգա-9 ճարպաթթուներ, մակրոէլեմենտներ, ինչպիսիք են ֆոսֆորը, կալիումը, ֆտորը, մագնեզիումը, կալցիումը: Այն հարուստ է երկաթով, յոդով, ֆտորով, քրոմով և B, A, E խմբերի վիտամիններով և C վիտամիններով: Կազմում պարունակվող հակաօքսիդանտները բարձրացնում են իմունիտետը, պահպանում մարմնի տոնուսը: Ապրանքը բաղկացած է սպիտակուցներից, ճարպերից, ածխաջրերից և սննդային մանրաթելից: Սննդային արժեքը 100 գ-ի համար կազմում է 651 կկալ. սպիտակուցներ՝ 15 գ ճարպեր՝ 61,5 գ ածխաջրեր՝ 9,4 գ դիետիկ մանրաթել՝ 5,9 գ ջուր՝ 5 գ Ժամանակակից բժիշկները նույնպես կոչ են անում պնդուկը ​​ներմուծել սննդակարգ։ Դա հիմնավորվում է նրանով, որ ընկույզի մեջ պարունակվող ճարպերն օգտակար են սրտի համար, ամրացնում են անոթների պատերը, իջեցնում խոլեստերինը, օգնում են կանխարգելել հիպերտոնիան և այլ հիվանդությունները։ Նաև դրա բաղադրության մեջ ընդգրկված օգտակար նյութերը կանխում են ուռուցքաբանական հիվանդությունների զարգացումը և աղեստամոքսային տրակտի հետ կապված խնդիրների առաջացումը։ Վիտամին B5-ն աջակցում է մակերիկամի կեղևի գործառույթներին, կանխում է լորձաթաղանթի վնասումը: Վիտամին E-ն դրականորեն է ազդում տղամարդկանց վերարտադրողական ֆունկցիայի վրա, իսկ քրոմը կարգավորում է արյան մեջ գլյուկոզայի մակարդակը։ Երկաթի մեծ քանակությունը օգնում է լրացնել դրա պակասը սակավարյունության և շրջանառու համակարգի այլ հիվանդությունների հակված մարդկանց մոտ: Բարձր կալորիականության և միկրոէլեմենտներով հագեցվածության պատճառով անհրաժեշտ է վերահսկել սննդակարգում ընկույզի քանակը։ Հատկապես զգույշ պետք է լինեն ալերգիա և ավելորդ քաշ ունեցողները։ Չափից ավել օգտագործումը կարող է հանգեցնել գլխացավի: Սննդաբանները նշում են, որ պնդուկը ալերգեններ է պարունակում: Եթե առաջին անգամ եք այն փորձում, սահմանափակվեք մի քանիսով՝ սպասելով օրգանիզմի վրա ունեցած ազդեցությանը: Այն նաև շատ կալորիական է, առանց առողջությանը վնասելու, կարող եք օգտագործել օրական 30-50 գրամից ոչ ավելի։ Բժշկության մեջ պնդուկը հայտնի է որպես իմունիտետը բարձրացնող և օրգանիզմը վիտամիններով համալրող միջոց։ Այն նաև կենտրոնական նյարդային համակարգը կայունացնելու հիանալի միջոց է․ օգնում է լուծել քնի և էմոցիոնալ կայունության հետ կապված խնդիրները։ Ավանդական բժշկությունն ակտիվորեն օգտագործում է ընկույզի կճեպը տարբեր թուրմեր պատրաստելու համար, որոնք օգնում են կարգավորել արյան ճնշումը: Ծառի կեղևն օժտված է ջերմիջեցնող և հակասեպտիկ հատկությամբ։ Իսկ ձվի սպիտակուցի ու ընկույզի կարագի համադրությունն օգնում է այրվածքներին։ Այն ունի բարերար ազդեցություն հոդերի վրա, նպաստում է մաշկի ապաքինմանը, կանխում է մարսողական համակարգի հիվանդությունները։ Հաճախ այն խորհուրդ է տրվում օգտագործել շաքարային դիաբետով հիվանդների համար։ Պնդուկը կանխում է արյան մեջ խոլեստերինի աճը, լավացնում է մաշկի, մազերի, եղունգների վիճակը, մեծացնում է ուղեղի ակտիվությունը, նպաստում մկանների ձևավորմանը: Այն օգտակար է նաև հղիություն պլանավորելիս, քանի որ հարուստ է ֆոլաթթվով։

Բրյուսելում կայացել է ՀՀ ԱԽ քարտուղար Արմեն Գրիգորյանի և Ադրբեջանի նախագահի օգնական Հիքմեթ Հաջիևի հանդիպումը: Այս մասին իր թվիթերյան էջում գրել է Հարավային Կովկասի ու Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարը, ով ևս ներկա է եղել հանդիպմանը:

2021թ. դեկտեմբերի 1-ին Արցախի Հանրապետության գլխավոր դատախազությունից Արցախի Հանրապետության ազգային անվտանգության ծառայություն է ուղարկվել ՀՀ քաղաքացի Ռոման Բաղդասարյանի մասնակցությամբ տեսանյութը, որում վերջինս հայտարարել էր Արցախի պաշտպանության բանակի սպաների, նախկին գեներալների կողմից պատերազմի ընթացքում «սպանություններ կատարելու», «նման արարքներ կատարելու հրամաններ տալու» և այլ ենթադրյալ հանցավոր դեպքերի վերաբերյալ: Արցախի Հանրապետության ազգային անվտանգության ծառայության կողմից ձեռնարկված օպերատիվ-հետախուզական միջոցառումների և քրեադատավարական գործողությունների արդյունքներով Ռոման Բաղդասարյանի հայտարարությունները հերքվել են, որոնց հիման վրա որոշում է կայացվել հանցադեպի բացակայության հիմքով քրեական գործ հարուցելը մերժելու մասին: Հիշյալ հանգամանքները հաշվի առնելով՝ Արցախի Հանրապետության ազգային անվտանգության ծառայության կողմից նախաձեռնվել է քրեական վարույթ Ռոման Բաղդասարյանի կողմից սուտ մատնություն կատարելու ենթադրյալ հանցավոր դեպքի կապակցությամբ:

ՆԱՏՕ-ն ձգտում Է ամրապնդել սահմաններն իր համար ամենախոցելի տեղում՝ Ռումինիայի սեւծովյան ափին: Այդ մասին, ինչպես տեղեկացնում Է «Արմենպրես»-ը, գրում Է Bloomberg-ը: Ինչպես ճշտվում Է նյութի մեջ, այսօր դաշինքի շուրջ 200 զինծառայողներ Ֆրանսիայից, Բելգիայից եւ Նիդեռլանդներից ակտիվ ինժեներական աշխատանք են տանում Տրանսիլվանիայում: Ուկրաինայում Ռուսաստանի հատուկ գործողությունն սկսվելուց հետո ՆԱՏՕ-ի երկրները հաստատապես որոշել են թույլ չտալ, որպեսզի Եվրոպայի ամենաաղքատ տարածաշրջաններից մեկն այդչափ անպաշտպան լինի: Փորձագետների կարծիքով, Ռուսաստանի համար Սեւ ծովը «դարպաս Է Միջերկրական ծովում, ինչպես նաեւ ճանապարհ՝ դեպի «ազդեցության պրոյեկտում» մերձավորարեւելյան եւ աֆրիկյան երկրներ»: Ինչպես հայտարարել Է վերլուծաբան Մեթյու Օրը, Մոսկվան առաջնահերթությունը տալիս Է Հարավարեւելյան Եվրոպային: «Դա ցույց Է տալիս, թե որքան են ռուսներն անհանգստացած այս տարածաշրջանով, թե որքան են նրանք ցանկանում այնտեղ ուժեղ ռազմական ներկայություն ունենալ. եւ դրան ՆԱՏՕ-ն պետք Է պատասխանի»,-պնդում Է նա: ԶԼՄ-ների տեղեկատվության համաձայն, Ուկրաինայում Ռուսաստանի հատուկ գործողության սկսվելուց հետո Հյուսիսատլանտյան դաշինքի անդամները պայմանավորվել են Բուլղարիայի, Հունգարիայի, Սլովակիայի եւ Ռումինիայի համար չորս նոր մարտական խմբեր ստեղծելու շուրջ: Ինչ վերաբերում Է վերջինին, ապա այս երկրում ենթակառուցվածքի օբյեկտների շինարարության վրա ծախսերը կկազմեն ոչ պակաս, քան 12,2 միլիարդ դոլար: Դրա հետ մեկտեղ ամենաթանկը կնստի Patriot զենիթահրթիռային համալիրի մարտկոցը, ամփոփվում Է նյութի մեջ, հաղորդել Է ՌԻԱ Նովոստին:

Միջազգային կարևոր հումանիտար կազմակերպություններին ուղղված մի շարք կոչեր, ցավոք, դեռևս կախված են օդում․ ԱՀ ՄԻՊ

ԲԴԽ անդամի օգնականը հաղորդում է ներկայացրել ոստիկանություն՝ հայտնելով, որ անհայտ անձը մտել է իր աշխատասենյակ եւ համակարգչից փորձել մուտք գործել իր էլեկտրոնային հասցե, ինչը չի ստացվել։ Այս մասին «Փաստինֆո»-ին հայտնել են ոստիկանությունից՝ հավելելով, որ նախաքննություն է կատարվում։ «Փաստինֆո»-ի տեղեկություններով՝ խոսքը ԲԴԽ անդամ Դավիթ Խաչատուրյանի օգնական Ա. Հ.-ի մասին է։

Hraparak.am-ը գրում է․ «Օգոստոսի 3-ից սկսած բարձրացավ Բերձորի, Աղավնոյի եւ Սուսի տարհանման եւ Լաչինի այլընտրանքային ճանապարհի գործարկման հարցը: Հայտնի է, որ այս տարածքի բնակիչներին ժամանակ էր տրված մինչեւ օգոստոսի 25-ը դուրս գալ իրենց բնակավայրերից: Ադրբեջանական զինուժը օգոստոսի 26-ին պետք է հայտնվեր այս տարածքում, իսկ ռուս խաղաղապահները պետք է դուրս գային: Մարդիկ արդեն իրերն են տեղափոխում, ոմանք` տներն են այրում, արդեն անջատվել են հոսանքի, գազի, ինտերնետի, հեռախոսակապի ծառայությունները: Եւ չնայած դեռ օգոստոսի 19-նն է ու մինչեւ օգոստոսի 25-ը ժամանակ կա, սակայն տեղահանումը թափով ընթանում է: Այս օրերին ինտենսիվ աշխատում են Լաչինի այլընտրանքային ճանապարհի վրա` այն գրունտային ճանապարհի վրա, որը կապելու է Արցախը Հայաստանի հետ` մինչեւ հիմնական ճանապարհի կառուցումը, որը կտեւի մոտ 10 ամիս: Մեզ ասացին, որ մի քանի օրից ժամանակավոր ճանապարհի նորոգման աշխատանքները կավարտվեն: Սակայն այս ընթացքում որոշ փոփոխություններ են տեղի ունեցել` մենք տեղեկացանք, որ Արցախի իշխանությունների եւ ռուս խաղաղապահների ջանքերով օգոստոսի 25-ի ժամկետը մի փոքր հետաձգվել է: Վերջնաժամկետ են սահմանել սեպտեմբերի 1-ը` եւս 5 օր ավելացնելով տեղափոխության եւ ճանապարհի նորոգման աշխատանքներին»:

Կենտրոն վարչական շրջանի՝ «Սուրմալու» առևտրի կենտրոնին հարող տարածքից, օգոստոսի 17-ից, ԱՆ հիվանդությունների վերահսկման և կանխարգելման ազգային կենտրոնի կողմից կատարվում են խմելու ջրի նմուշառումներ՝ որակի նկատմամբ լաբորատոր հետազոտությունների նպատակով, տեղեկացնում են Հիվանդությունների վերահսկման և կանխարգելման ազգային կենտրոնից։ «Արդյունքում, այս պահի դրությամբ հետազոտված նմուշների ցուցանիշների (մանրէաբանական, սանիտարաքիմիական, մնացորդային քլոր), Հայաստանի Հանրապետությունում սահմանված նորմերից անհամապատասխանություններ չեն հայտնաբերվել: Ամենօրյա մշտադիտարկումները շարունակվում են»,- նշված է հաղորդագրությունում:

Եվրոպա լիգայի փլեյ-օֆֆ փուլի առաջին խաղում դանիական «Սիլկեբորգը», որի կազմում է Հայաստանի հավաքականի պաշտպան Անդրե Կալիզիրը, հյուրընկալվելիս նվազագույն հաշվով պարտվել է ֆիննական ՀԻԿ-ին: 32-ամյա Կալիզիրը եղել է հյուրերի մեկնարկային կազմում, 28-րդ րոպեին զգուշացվել է, իսկ 69-րդ րոպեին երկրորդ դեղին քարտն է ստացել ու հեռացվել դաշտից: Պատասխան խաղը կայանալու է օգոստոսի 25-ին: Հիշեցնենք, որ Կալիզիրը դանիական ակումբի կազմը համալրել է 2021 թվականին՝ ազատ գործակալի կարգավիճակում տեղափոխվելով հունական «Ապոլոն Սմիրինսից»: Պաշտպանը Հայաստանի հավաքականի կազմում անցկացրել է 21 հանդիպում:

Panorama.am-ը գրում է․ «Գեղարքունիքի մարզի Սոթք գյուղում բացվելիք անցակետը բազմաթիվ հարցեր ու մտահոգություններ է առաջացրել հարևան Կութում, որն անցակետից մոտ 12-13 կմ հեռավորության վրա է։ Ճանապարհը, որով անցնելու են ադրբեջանցիները, Կութից 2.5 կմ է հեռու։ «Որևէ գյուղացի, որևէ մարդ չի կարող նորմալ ընդունել, որ մեր գյուղերի արանքով, մեր ճանապարհներով թուրքերը պետք է գնան-գան։ Ո՞վ է վերահսկելու նրանց տեղաշարժը, ո՞վ կերաշխավորի դրսում գտնվող երեխայի անվտանգությունը։ Մեր մտավախություններն ու մտահոգությունները շատ են։ Ենթադրենք մեքենայով անցնող թուրքը մեր անասունին գցեց տակը, անցավ, գնաց, նրան կարողանալո՞ւ են գտնել, բերել ու պատասխանտվության ենթարկել։ Մի երեխա գցեց տակը...Ո՞վ կարող է երաշխավորում, որ այդ մեքենան չի շեղվի ու չի մտնի Կութ, ինչ որ բան չի անի»,-Panorama.am-ի հետ զրույցում ասում է Կութ վարչական շրջանի ղեկավար Գրիգոր Ավագյանը։ Հայ-ադրբեջանական սահմանին անցակետեր բացելու մասին նախ Փաշինյանի հայտարարությունը, ապա հրապարակված օրինագիծն Ավագյանի ու նրա համագյուղացիների համար շատ անսպասելի են եղել։ «Շոկային է։ Եթե նման որոշումը վերևից է եղել, մեր տասը, հարյուր հոգու բողոքն ինչ-որ բան կփոխի՞։ Սա բոլորիս խնդիրն է։ Քանի՞ օր է մնալու այդ մեքենան Հայաստանում։ Ենթադրենք, մեքենան եկավ ու փչացավ Սոթքում, ի՞նչ ենք անելու։ Գնալո՞ւ ենք կողքը կանգնենք, որ ոչ մեկ չկպնի դրան, թե՞ կանգնելու ենք, որ ոչ մեկ դուրս չգա այդ մեքենայից ու չմտնի Սոթք։ Մենք չենք ընդունում, որ թուրքը գա նստի մեր սարերում, խոտհարքներում, էլ ուր մնաց թուրքը անցակետով անցնի Հայաստանի մի ծայրից մյուսը՝ հասնելու Նախիջևան»,-նշում է Ավագյանը։ Նա ընդգծում է, իրականում Հայաստանի բոլոր գյուղերում, քաղաքներում ապրող մարդկանց անվտանգությունը վտանգի տակ է դրվում։ «Ցանկացածիս հետ կարա լինի ցանկացած բան, ոչ ոք չի կարող ասել, որ ապահովագրված է այս կամ այն դեպքից։ Ախր դուք ո՞նց եք մտածում, երեխան պետք է դպրոց գնա։ Կարո՞ղ ենք վերահսկել երեխայի դպրոց գնալը, գյուղի գործերը պիտի թողնենք՝ անասուն է, կարտոլ է, այգին է, էս է, էն է.. թողնենք երեխային դպրոց տանենք, հետո հետ բերենք։ Ես մտածում եմ, որ այս քայլով մենք դռները բացում ենք ու ասում ենք՝ համեցեք, ինչ ուզում եք, մեզ հետ արեք։ Ուրիշ կերպ չեմ կարող նկարագրել, որ դուք ավելի լավ հասկանաք։ Մենք ասում ենք՝ համեցեք, ինչ ուզում եք մեզ հետ արեք։ Մենք չէ, իհարկե, մեր ղեկավարությունը»,-ասում է Ավագյանը։ Նրա խոսքով, եթե անցակետեր ունենալն անխուսափելի քայլ է, ապա Փաշինյանի գլխավորությամբ պետք է իրականցվի վերահսկողություն, պետք է ադրբեջանցիների մուտքի համար տրամադրվեն հատուկ ժամեր, ուղեկցող մեքենաներ, որպեսզի որևէ տեղ չկանգնեն, մտնեն ու դուրս գան։ «Իսկ եթե չի վերահսկվում, նշանակում է, որ մենք քիչ-քիչ հանձնվում ենք թուրքերին»,-նշում է Կութի գյուղապետը։ Հիշեցնենք, որ Ազգային անվտանգության ծառայությունը շրջանառության մեջ է դրել նոր նախագիծ, որը վերաբերում է ՀՀ պետական սահմանի նոր անցման կետեր ստեղծելուն. «Սոթք» («Քելբաջար») Գեղարքունիքի մարզ, Սոթք համայնքից դեպի ՀՀ պետական սահման M11 մայրուղի՝ ավտոմոբիլային (Քելբաջարի շրջան) «Երասխ» («Սադարակ») Արարատի մարզ, Երասխ համայնք՝ ավտոմոբիլային (Սադարակի շրջան, գյուղ Սադարակ` ավտոմոբիլային) «Քարահունջ» («Էյվազլի») Սյունիքի մարզ, Քարահունջ համայնքից մոտ 7,5 կմ հարավ, հարավ-արևելք Մ2 մայրուղի` ավտոմոբիլային (Ղուբաթլուի շրջան, գյուղ Էյվազլի՝ ավտոմոբիլային)»»։

Արցախն ու Հայաստանն աղետած Նիկոլ Փաշինյանը, նիկոլականների կառավարության վերջին նիստում ինչ-որ բաներ է ասել կարուսելների հնության և դրա հետ կապված՝ «իքս պահի» հնարավոր աղետի մասին: Դե, նա խոշոր մասնագետ է... աղետների գծով, այնպես որ՝ չարժե անլուրջ վերաբերվել նրա ասածին: Ի վերջո, Նիկոլն ու իր քպ-ները նրանք են, որոնք կանխամտածված պատերազմ բորբոքեցին, մահվան բերանը նետելով ազգի երիտասարդության ծաղիկը՝ հազարավոր զինվորների ու սպաների, հետո էլ, ասես՝ ոչինչ չէր եղել, ասացին, թե՝ դե նույն բանն էր լինելու, բայց առանց զոհերի... Իսկ Նիկոլ Փաշինյանը, որ տեղով փորձանք է, ի լրումն ամենի, նաև բոլոր ժամանակների մեծագուն ահաբեկչագետն է: Այ, վիզուալ տեղեկատվություն էր դիտել, տեսել էր ծուխ և փախչող մարդկանց ու ձեռաց «փորձագիտական» եզրակացությունը տվել էր, որ «Սուրմալու» առևտրի կենտրոնում տեղի ունեցածը ահաբեկչական գործողություն չէր: Քանքա՜ր... «Սուրմալուի» հրդեհ-պայթյուն-ավերումից մի երկու օր անց, թիկնապահներով ու յուրայիններով շրջապատված, Նիկոլ Փաշինյանը, գիտեք, գնացել էր դեպքի վայր՝ «ֆոտոսեսիա» անելու: Ձեռքն այսուայնկողմ տնկած նկարվել էր: Բայց ամենից բնութագրականը հետնապատկերը կամ խորապատկերն էր. պայթյունից ավերված ու ավելի քան մեկ տասնյակ կյանքեր խլած առևտրի կենտրոնի ծռված ու ծխացող բետոնե կմախքը... Ի՛սկը: Դա թե՛ Նիկոլ Փաշինյանի, թե՛ նրա ոչ բարով՝ վարչապետության ամենից բնութագրական պատկերն է: Հազարավոր զոհեր, Արցախի կորուստ, Հայաստանի Հանրապետության՝ մի քանի տասնյակ քառակուսի կիլոմետր սուվերեն տարածքների կորուստ, ցեղասպան թշնամու հետ սիլի-բիլիով՝ Հայաստանը ադրբեջանաթուրքական «կարիդորի» վերածելու ընթացիկ ծրագրեր, համաճարակ ու անձեռնահաս «կառավարմամբ» դրա դաժան հետևանքներ՝ հազարավոր մարդկանց մահ: Հիմա էլ՝ «Սուրմալու»-ի պայթյունը, որպես անգրագետ կառավարման, բարձիթողի վիճակի, անփութության խտացված ու ողբերգական հետևանք: Եվ նա դեռ կարուսելներից է խոսում... Միամիտներ կամ միտումնավոր միամիտ ձևացողներ կան, որոնք կարծում են, թե «Սուրմալու»-ի ողբերգությունը կքննեն ու նման բաներ: Իսկ, օրինակ, ո՞վ է հիշում, որ երկու տարի առաջ, այս օրերին, էլի տասնյակից ավել մարդիկ մահացան, որովհետև «լևի արաղ լցնող» մեկի օգտագործած սպիրտը այդ անգամ տեխնիկակակն էր: Ո՞վ քննեց այդ թունավորումների գործը, ո՞վ պատժվեց դրա համար: Ինչի՜ մասին է խոսքը: Մի՞թե հիշող կա, որ նման բան է եղել, առհասարակ: Չնայած, ի՜նչ «երկու տարի առաջ». այս տարվա ապրիլի 26-ին նիկոլականների պաշտելի վարչապետի ավտոշարասյունը վրաերթով սպանեց 29-ամյա Սոնա Մնացականյանին ու նրա՝ ծնվելիք երեխային: Մի՞թե ինչ-որ մեկը ձերբակալված է, մի՞թե ինչ-որ մեկը դատարանի առաջ պատասխան է տալու այդ սպանության համար: Քանի դեռ Նիկոլ Փաշինյանն ու նրա մահաբեր կառավարությունն է՝ ո՛չ, ոչ մեկն էլ ոչ մի բանի համար իրական պատասխանատվության չի ենթարկվելու: Ինչպես անձամբ Նիկոլ Փաշինյանն ու նրա մերձավոր շրջապատը պատասխանատվության չենթարկվեցին պատերազմ բորբոքելու և կանխամտածված կերպով թշնամուն ձեռնտու կերպով այն վարելու կամ՝ պետական դավաճանության մեղադրանքներով: Նրանք պետք է 2020-ի նոյեմբերի 9-ի, լույս 10-ի գիշերն արդեն ձերբակալված լինեին ու մեղայական ցուցմունքներ գրելիս: Բայց նրանք այսօր իշխանության ղեկին են, վայելում են կյանքը, մսխում են պետական միջոցները, անձնական հարստություն են դիզում, տժժում և երջանկության մեջ ծփծփում են ու ծաղրում, ձեռ են առնում թե՛ զոհվածներին, թե՛ ողջերին: Ու, որպես հավելյալ ծաղր, Նիկոլ Փաշինյանը դեռ մի բան էլ «իքս պահի» աղետներից է խոսում: Նա, ով ինքը ցանկացա՛ծ պահի աղետ է, ով Արցախի ու Հայաստանի գերեզմանափորն է, ով պարտության ու մահերի, ավերների, կորուստների, փորձանքների խորհրդանիշ է, ցավոք՝ դեռևս կենդանի խորհրդանիշ: