Լրահոս

ԱՄՆ նախագահ Ջո Բայդենը ՄԱԿ-ի ամբիոնից հայտարարել է, որ Վլադիմիր Պուտինը բացահայտ սպառնում է միջուկային պատերազմով:

ՀՀ-ում ԱՄՆ դեսպան Թրեյսին հանդիպել է արդարադատության նախարար Անդրեասյանի հետ՝ քննարկելու նախարարության նախաձեռնած բարեփոխումների առաջընթացը։

Ռուսաստանի նախագահի մասնակի զորահավաք հայտարարելուց հետո Դաշնությունում բողոքի ակցիաներ են սկսվել: Տեղեկություններ կան, որ մոտ հազար մարդ բերման է ենթարկվել:

Սեպտեմբերի 21-ին Եռաբլուրում ոստիկանության գործողությունների հետ կապված՝ ոստիկանության պետ Վահե Ղազարայանի հանձնարարությամբ ոստիկանության ներքին անվտանգության վարչությունում ծառայողական քննություն է կատարվում, այս մասին հաղորդում են ՀՀ ոստիկանությունից։

Նյու Յորքում հանդիպել են ՀԱՊԿ երկրների արտգործնախարարները: «Արարատ Միրզոյանը ներկայացրել է Հայաստանի ինքնիշխանության և տարածքային ամբողջականության դեմ ադրբեջանական վերջին ագրեսիայի հետևանքով ստեղծված իրավիճակը,- հայտնում է մեր արտգործնախարարությունը՝ չհաստակեցնելով՝ արդյոք Միրզոյանը գործընկերների հետ քննարկել է Հայաստան զորք չուղարկելու ՀԱՊԿ որոշումը:

Հայաստանի Հանրապետության Ազգային ժողովի նախագահ Ալեն Սիմոնյանը սեպտեմբերի 22-ին ընդունել է Բելգիա-Հայաստան բարեկամական խմբի ղեկավար Մարկ Դեմեսմեկերի գլխավորած պատվիրակությանը:

Սեպտեմբերի 21-ին՝ ժամը 08:30-ի սահմաններում, Մեծ Պարնի-Թռչկանի ջրվեժ ճանապարհի 4-րդ կմ-ին «ՈՒԱԶ-3741» մակնիշի ավտոմեքենան դուրս է եկել երթևեկելի գոտուց և հայտնվել ձորակում:

ՄԱԿ-ում սպասվում է Հայաստանի վարչապետ Նիկոլ Փաշինյանի ելույթը: Նա Նյու Յորք է մեկնել երեկ երեկոյան՝ մասնակցելու ՄԱԿ-ի Գլխավոր ասամբլեայի 77-րդ նստաշրջանին:

«Թեհրանը պատերազմ չի սկսում, սակայն չի լռի, եթե սկսվի պատերազմ»,- այս մասին հայտարարել է Իրանի գլխավոր շտաբի պետը:

ՀԱՊԿ գլխավոր քարտուղար Ստանիսլավ Զասը Երևանում հանդիպել է ՀՀ  Զինված ուժերի գլխավոր շտաբի պետ, գեներալ-մայոր Էդվարդ Ասրյանի հետ։

ԱՄՆ Կոնգրեսի  հայկական հարցերով հանձնախումբը սեպտեմբերի 20-21-ին կազմակերպել է Արցախի Հանրապետության ԱԳ նախարար Դավիթ Բաբայանի հանդիպումները ԱՄՆ մի խումբ կոնգրեսականների, սենատորների և օրենսդիր թևի ներկայացուցիչների հետ։

Գիշերն ադրբեջանական գնդակից վիրավորված զինծառայողի կյանքին վտանգ չի սպառնում: Հայտնել է Պաշտպանության նախարարությունը:

Սեպտեմբերի 20-ին՝ ժամը 19.30-ի սահմաններում, իրացնելով ստացված տեղեկությունները, ոստիկանության Գավառի բաժնի օպերատիվ խումբը մեկնել էր Գանձակ բնակավայր: Հ. Աբրահամյան փողոցում ոստիկանները նկատելով, որ նույն գյուղի 41-ամյա բնակչի ձեռքին ինքնաձիգ կա, փորձել էին վնասազերծել, սակայն նա ինքնաձիգից օդ կրակահերթ էր արձակել և դիմել փախուստի: Ոստիկաններին հաջողվել էր բռնել նրան, ձերբակալել և տեղափոխել բաժին:

Հայլուր 12:30 Իրանը «չի լռի». Թեհրանն սպառնում է տարածաշրջանի սահմանները փոխել ցանկացողներին

SHAMSHYAN.com-ի տեղեկություններով՝ սեպտեմբերի 20-ին արտառոց դեպք է տեղի ունեցել Երևանում։ Այդ օրը, ժամը 11։30-ի սահմաններում ոստիկանության Մաշտոցի բաժին ահազանգ է ստացվել Սիլիկյան թաղամասի 25-ամյա բնակիչ Արթուր Ռ-ից, ով հայտնել է, որ մորուքով անհայտ անձը մտել է իրենց տուն, դանակ քաշել իր վրա, ապա պահանջել գումար, որից հետո վախեցնելով իրեն՝ հափշտակել է տանը եղած 2000 ԱՄն դոլար գումարն ու դիմել փախուստի՝ վնասելով նաև իր ձեռքը։

Սեպտեմբերի 22-ին 6,5 մագնիտուդով երկրաշարժ Է տեղի ունեցել Մեքսիկայի արևմուտքի Միչոականի նահանգում՝ այն նույն շրջանում, որտեղ նաև հուժկու ստորգետնյա ցնցում Է եղել սեպտեմբերի 19-ին: Ինչպես տեղեկացնում Է «Արմենպրես»-ը, այդ մասին Twitter-ում հայտնել Է Ազգային սեյսմոլոգիական ծառայությունը:

Ղրղզական կողմը Տաջիկստանի հետ սահմանին իրադրությունը գնահատում Է որպես հարաբերականորեն կայուն, նոր պատահարներ չեն արձանագրվել: Սեպտեմբերի 22-ին այդ մասին հաղորդել Է Ղրղզստանի Ազգային անվտանգության կոմիտեի Սահմանապահ ծառայությունը, տեղեկացնում Է«Արմենպրես»-ը:

Մամուլի տեսություն 22.09.22

«Ոստիկանը մերն» է վանկարկող ու այդ կարգախոսով իշխանության եկած Նիկոլ Փաշինյանը, փաստացի, ոստիկանությանն իսկապես իրենով է արել: Նախկին իշխանության գործելաոճը քննադատող Փաշինյանը, թե. «Հայաստանը ոստիկանապետության են վերածել, ու ոստիկանությունն անմիջապես երկրի առաջնորդի հրահանգներն է կատարում», այժմ ճիշտևճիշտ նույն գործեալոճն է իրականացնում: Ապացույցը երեկ՝ սեպտեմբերի 21-ին, «Եռաբլուր» զինվորական պանթեոնում ոստիկանների «փռեմ ասֆալտին, ծեփեմ ասֆալտին» իրականացրած գործողություններն են՝ զոհված զինծառայողների ծնողների նկատմամբ:

Փոխվարչապետը մասնակցելու է Մոսկվայում կայանալիք Եվրասիական տնտեսական հանձնաժողովի և Անկախ պետությունների համագործակցության տնտեսական խորհրդի հերթական նիստերին: