Լրահոս

ՀՀ վարչապետ Նիկոլ Փաշինյանի նոյեմբերի 14-ի որոշմամբ՝ Դիանա Լեոնիդին նշանակվել է վարչապետի աշխատակազմի Միջազգային իրավական հարցերով ներկայացուցչի գրասենյակի Մարդու իրավունքների եվրոպական դատարանում ՀՀ շահերի պաշտպանության վարչության պետ։ Այս մասինաստաթուղթը հրապարակված է ՀՀ էլեկտրոնային կառավարման կայքում։

ՀՀ ԱԳ նախարարի տեղակալ Պարույր Հովհաննիսյանը նոյեմբերի 14-ին ընդունել է Կիպրոսի Հանրապետության նորանշանակ դեսպան Կիպրոս Յորգալիսին (նստավայրը՝ Մոսկվա)՝ հավատարմագրերի պատճենի հանձնման կապակցությամբ:

Մարմնամարզիկ Արթուր Դավթյանը՝ աննախադեպ չեմպիոնության համար, կառավարությունից կստանա 10.000.000 դրամ միանվագ, իսկ դեկտեմբերից՝ ամեն ամիս ավելի քան 1 միլիոն 300 հազար դրամ: Այս մասին ֆեյսբուքի իր էջում գրել է «Քաղաքացիական պայմանագիր» խմբակցության անդամ Սիսակ Գաբրիելյանը:

Ահազանգ, հորդոր, խնդրանք

Այսօր՝ նոյեմբերի 14-ին, մահվան ելքով վրաերթ է տեղի ունեցել Լոռու մարզում։ Ժամը 18։15-ի սահմաններում Վրաստանի Հանրապետության քաղաքացի՝ 35-ամյա Մայիս Ռ-ն իր վարած Ford Focus մակնիշի ավտոմեքենայով Վանաձոր-Վրաստանի Հանրապետության սահման Մ6 միջպետական ավտոճանապարհի 55 կմ-ում՝ Ալավերդի քաղաքի սկզբնամասում, վրաերթի է ենթարկել ճանապարհի չթույլատրված հատվածով անցնող հետիոտն՝ Լոռու մարզի բնակիչ, 69-ամյա Հենրիկ Խ-ին։

Հայաստանի վարչապետ Նիկոլ Փաշինյանը Ադրբեջանի նախագահ Իլհամ Ալիևի նոյեմբերի 8-ի ելույթը Հայաստանի քաղաքացիական բնակչությանն ահաբեկելու քայլ է որակում:

Ռուսական «Կոմերսանտ» թերթի տեղեկություններով՝ Անկարայում բանակցություններ են ընթանում ամերիկյան և ռուսական պատվիրակությունների միջև։ Կրեմլի խոսնակ Պեսկովը ոչ հերքել է, ոչ հաստատել այս լուրը: Փորձագետները ավելի վաղ էլ պնդում էին, թե Արևմուտքը հակված է վերջ տալ ռուս-ուկրաինական պատերազմին, միայն թե Պուտինը կատարի Զելենսկիի հիմնական պահանջը՝ դուրս բերի զորքը Խերսոնից:

Ռուսաստանի խաղաղապահ զորախումբը շարունակում է Լեռնային Ղարաբաղում իր առջև դրված խնդիրների կատարումը: Այս մասին տեղեկանում է ՌԴ ՊՆ հայտարարությունից:

Թշնամու նախահարձակ ակտիվությունը չի զարմացնում Հայաստանի իշխանությանը: ՔՊ-ական պատգամավորները նաև հանրությանն են հորդորում չզարմանալ: Իսկ փորձագետները, իրավիճակը վերլուծելով, եզրակացնում են, որ Սոչիի եռակողմ հանդիպումից հետո է լարվածության նոր փուլը սկսվել: Բացառված չէ, որ Բաքուն փորձի հետաձգել խաղաղության պայմանագրի կնքումը՝ Երևանից ավելի շատ զիջումներ կորզելու համար:

Էջմիածին քաղաքի Ս. Մանուկյան փողոցի 1-ին փակուղու տներից մեկի դիմաց Էջմիածին քաղաքի բնակիչ՝ 32-ամյա Հովհաննես Գրիգորյանի կողմից վարած Mercedes մակնիշի ավտոմեքենան բախվել է կայանված վիճակում գտնվող, Էջմիածին քաղաքի բնակիչ՝ 20-ամյա Արման Պետրոսյանին պատկանող Opel մակնիշի ավտոմեքենայի ձախ հետնամասի հատվածին, որից հետո Հ. Գրիգորյանն ու նրա ուղևոր՝ Էջմիածին քաղաքի բնակիչ, 32-ամյա Ալբերտ Քոչարյանը իջել են ավտոմեքենայից և վիճաբանության մեջ մտել Ա. Պետրոսյանի, վերջինիս հոր՝ Էջմիածին քաղաքի բնակիչ, 53-ամյա Աշոտ Պետրոսյանի, եղբոր՝ Էջմիածին քաղաքի բնակիչ, 20-ամյա Ավետիս Պետրոսյանի հետ։

Նոյեմբերի 14-ին, ժամը 18։47-ին Ճգնաժամային կառավարման ազգային կենտրոն ահազանգ է ստացվել, որ Նուբարաշենի խճուղուց գերեզմանատուն տանող ավտոճանապարհին տեղի է ունեցել ՃՏՊ՝ հրդեհի բռնկումով․ կա տուժած։

Այսօր թե՛ Հայաստանի, թե՛ Արցախի պաշտպանության նախարարությունները ստիպված են եղել հերքել Բաքվի տարածած լուրերը հրադադարի խախտման մասին: Սա այն դեպքում, երբ շաբաթ երեկոյան ադրբեջանցիներն են կրակել հայ-ադրբեջանական սահմանի արևելյան դիրքերի ուղղությամբ: Նույն օրը քաղաքացիական է վիրավորվել թշնամու կրակոցից Արցախում:

«Ալմա-Աթայի 1991 թ. դեկտեմբերի 21-ի հռչակագրում, այո, ամրագրված է տարածքային ամբողջականությունը և գոյություն ունեցող սահմանների անխախտելիությունը: Բայց բազմիցս ենք ընդգծել, որ տարածքային ամբողջականությունից խոսում և դրանով փորձում են սահմանափակվել, վերջակետ դնել միայն ազգային ինքնորոշման իրավունքը բռնությամբ լռեցնելու սիրահարները:

Նախարարի տեղակալ Արմեն Արզումանյանը նոյեմբերի 14-ին ընդունել է Հայաստանի Հանրապետությունում Սերբիայի Հանրապետության արտակարգ և լիազոր դեսպան Տատյանա Պանայոտովիչ Ցվետկովիչին։

Նոյեմբերի 14-ին՝ ժամը 20:00-ին, Ադրբեջանի ԶՈՒ ստորաբաժանումները տարբեր տրամաչափի հրաձգային զինատեսակներից կրակ են բացել հայ-ադրբեջանական սահմանի արևելյան հատվածում տեղակայված հայկական դիրքերի ուղղությամբ: Այս մասին հայտնում է ՀՀ Պաշտպանության նախարարությունը:

Քննչական կոմիտեն հաստատել է, որ Պեմզաշենում մոր ու եղբոր հետ սպանված 11-ամյա աղջիկը նաև սեռական բռնության է ենթարկվել։ Ենթադրյալ 2 հանցագործներին կալանավորելու միջնորդություն է ներկայացվել դատարան: Հիմա նրանք ձերբակալված են:

Երևանի քաղաքապետ Հրաչյա Սարգսյանը տեղեկացրել է, որ համայնքի տրանսպորտային բարեփոխումների շրջանակներում ևս 150 ավտոբուսներ արդեն Չինաստանի նավահանգստում են, որտեղից էլ օրեր անց կուղևորվեն մայրաքաղաք Երևան:

ԱՄՆ դոլարի փոխարժեքն այսօր՝ նոյեմբերի 14-ին, կազմել է 395.93 դրամ՝ նախորդ օրվա համեմատ նվազել է 0.19 դրամով: Այդ մասին տեղեկանում ենք Կենտրոնական բանկի պաշտոնական կայքից։

Իրանա-ադրբեջանական քաղաքական փոխհրաձգությունը ինտենսիվանում է: Իրանում Ադրբեջանի դեսպանին բողոքի նոտա են հղել: Իրանի արտգործնախարարության ներկայացուցիչ Նասեր Քանանին հաստատել է տեղեկությունը՝ շեշտելով՝ դեսպանին բազմաթիվ ապացույցներ են ներկայացրել, որ ադրբեջանցիները հանցագործություններ են կատարել Իրանում, իսկ ադրբեջանական լրատվամիջոցները հակաիրանական տրամադրություններ են ստեղծում:

Նոյեմբերի 7-13-ն ԱԻՆ ՓԾ ճգնաժամային կառավարման ազգային կենտրոնում գրանցվել է 387 դեպք, որից 131-ը արտակարգ, այդ թվում՝ 63 հրդեհի, 1 փլուզման, 5 ինքնասպանության փորձի դեպք, 51 ճանապարհատրանսպորտային պատահար, ինչպես նաև՝ 176 կենցաղային կանչ. տուժել է 95 մարդ։ Այդ մասին տեղեկացնում են ԱԻ նախարարությունից: