Լրահոս

Հունվարի 15-ին, ժամը 13:06-ին Սյունիքի մարզային ճգնաժամային կառավարման կենտրոն ահազանգ է ստացվել, որ հրդեհ է բռնկվել Կապան քաղաքի Մ․ Հարությունյան փողոցի շենքերից մեկի 5-րդ հարկի բնակարաններից մեկում: Այս մասին հայտնում են ՀՀ Ներքին գործերի նախարարության փրկարար ծառայությունից: Դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ և ավտոսանդուղք։

85 տարեկանում մահացել է վրացի հայտնի դերասան Վախթանգ Կիկաբիձեն։

Հանրապետության նախագահ Վահագն Խաչատուրյանը հունվարի 15-ից 17-ը աշխատանքային այցով կմեկնի Էստոնիայի Հանրապետություն։ Այցի շրջանակներում Վահագն Խաչատուրյանը հանդիպումներ կունենա Էստոնիայի նախագահ Ալար Կարիսի, ինչպես նաև Էստոնիայի վարչապետի և Ռիյգիկոգուի՝ խորհրդարանի խոսնակի հետ։ Հանրապետության նախագահը կայցելի նաև Տալինի տեխնոլոգիական համալսարան և e-Estonia բրիֆինգ կենտրոն:

Այսօր Հայոց պետականության և հայության լինելիության բանալին Արցախում է՝ հերոս արցախցիների ձեռքում: Այս մասին իր ֆեյսբուքյան էջում գրել է ՀՀ նախկին վարչապետ Խոսրով Հարությունյանը: «Այսօր Հայոց պետականության և հայության լինելիության բանալին Արցախում է՝ հերոս արցախցու ձեռքում: Հայկական մեդիատարածքում լուրեր են շրջանառվում, որ Ադրբեջանի ղեկավարության պահանջով Արցախի Հանրապետության պետնախարար Ռուբեն Վարդանյանը կարող է ազատվել զբաղեցրած պաշտոնից և լքել Արցախը: Ավելին կարծիք է հայտնվում, որ Ռուբեն Վարդանյանի հեռացումը Լաչինի միջանցքը բացելու գինն է: Այն որ Ադրբեջանը բազմիցս հանդես է եկել Արցախի Հանրապետության պետնախարարի պաշտոնում Ռուբեն Վարդանյանի նշանակման դեմ դա հայտնի է բոլորին: Վերջին անգամ այդ առիթով արտահայտվել է հարևան երկրի արտգործնախարարը Մոսկվայում ՌԴ արտգործնախարարի հետ բրիֆինգում: Համոզված չեմ, որ այդ, ցինիզմի աստիճանի հասնող, նախաձեռնությունը կարող է լուրջ ընկալվել Արցախի Հանրապետությունում այն պարզ պատճառով, որ արցախցին հպարտանում է իր ինքնիշխանությամբ և թույլ չի տա որևէ մեկին, իսկ թշնամուն՝ հատկապես, միջամտել Արցախի ընտրովի մարմինների գործունեությանը: Պետք է լինել առնվազն մտովի կույր, որպեսզի հավատալ թե Լաչինի միջանցքը այդ կերպ կբացվի (եթե նույնիսկ այսօր բացվի, ապա վաղը մեկ ուրիշ պատրվակով նորից կփակվի): Լաչինի միջանցքի բացման գինը շրջափակմանը հաղթելն է՝ 2022թ դեկտեմբերի 25-ի հանրահավաքում հռչակած Ազատագրալկան պայքարի Ազգային Ուխտին հավատարիմ մնալով: Ցանկացած այլ մոտեցում՝ կործանում է, ընդ որում ոչ միայն Արցախի, այլև Հայաստանի և հայության: Սա պետք է գիտակցեն հայության բոլոր հատվածներում: Այսօր Հայոց պետականության և հայության լինելիության բանալին Արցախում է՝ հերոս արցախցիների ձեռքում: Տարօրինակ է, որ նույնիսկ թշնամին է դա հասկանում: Այս ճակատագրական պահին ընկրկել մեր ոխերիմ հարևանի շանտաժին՝ կնշանակի դավաճանել մեր Ազգային Ուխտին: Սատարել Ռուբեն Վարդանյանին նշանակում է սատարել Արցախի Հանրապետության ինքնիշխանությանը, Արցախի ժողովրդի ինքնորոշման անխախտ իրավունքին: Խոսրով Հարությունյան 14.01.2023թ»,- գրել է նա:

Նեպալում վթարից առաջ կործանված ինքնաթիռը կորցրել է արագությունը և ընկել թեւին, վթարից առաջ կրակ ու ծուխ չի եղել, ՌԻԱ Նովոստիին հայտնել է արտակարգ դրության ականատես Ալեքսանդր Կովալևը։ «Ինքնաթիռը վայրէջք էր կատարում և շատ ցածր էր գնում։ Այդ ժամանակ մենք երկրորդ ռուս օդաչուի հետ Նեպալի ավիացիոն ակումբում թև էինք հավաքում։ Տեսնում ենք՝ հին օդանավակայանի տարածքում այն ​​շատ ցածր է իջնում։ Նա ուղղակիորեն շրջվեց դեպի օդանավակայան, բարձրացավ սահելու ճանապարհին և մի կերպ կախվեց»,- պատմել է ականատեսը։ Նրա խոսքով՝ ինքնաթիռը կորցրել է արագությունը եւ ընկել ձախ թեւին։ «Այն բանից հետո, երբ մենք պայթյուն ենք տեսել, երկու շարժիչներն էլ աշխատել են, հրդեհ չի եղել, ամեն ինչ աշխատել է»,- պատմել է Ալեքսանդրը։ Նա հավելել է, որ ինքնաթիռն ընկել է հին և նոր օդանավակայանի միջև ընկած գետը, բոլոր բեկորներն այնտեղ են։ «Հասանք, այնտեղ արդեն ամեն ինչ վառվում էր, շատ մարդ կար, չկարողացանք անցնել»,- պատմել է ականատեսը։ Yeti Airlines ավիաընկերության ATR 72 տուրբոպրոպ մարդատար ինքնաթիռը, որը թռչում էր Կատմանդուից, կիրակի օրը վթարի է ենթարկվել հին և նոր Պոխարա օդանավակայանների միջև։ Ավիաընկերության ներկայացուցչի խոսքով՝ ինքնաթիռում եղել է 68 ուղևոր և անձնակազմի չորս անդամ։ Արտակարգ պատահարի պատճառները պարզվում են։ Նեպալում Ռուսաստանի դեսպանատան տվյալներով՝ ինքնաթիռում չորս ռուս է եղել։ Հնդկական News18 հեռուստաալիքի փոխանցմամբ՝ ինքնաթիռի բոլոր ուղեւորներն ու անձնակազմի անդամները զոհվել են։

ԱՄՆ-ի Նոր Օռլեանում կայացած «Միսս Տիեզերք» գեղեցկության մրցույթի կազմակերպիչները ներողություն են խնդրել Ղրղզստանից և նրա ներկայացուցչից, որ չեն կարողացել արտասանել այս երկրի անունը, ինչպես այն արտասանվում է՝ Ղրղզստան։ «Ցավոք, մեր հաղորդավարը նախնական փուլում չկարողացավ արտասանել «Ղրղզստան» և պատշաճ կերպով ներկայացնել ձեզ արժանի տեղեկատվությունը: Պետք է ավելի լավ աշխատենք: Դրա համար արդարացումներ չկան, և մենք ցանկանում ենք ներողություն խնդրել»,- ասել է կազմակերպության ղեկավար Էմի Էմմերիչը «Միսս Տիեզերք» կազմակերպությունը տեսաուղերձում: Մրցույթում Ղրղզստանը ներկայացնող Ալտինայ Բոտոյարովան ընդունել է ներողությունը։ «Ուզում եմ իմ խորին շնորհակալությունը հայտնել կազմակերպիչներին այս խնդրին շատ լուրջ վերաբերվելու համար: Դուք ևս մեկ անգամ ապացուցեցիք, որ ամենամեծ մրցույթն եք»,- ռուսերեն ասել է նա՝ Էմմերիչի հետ միասին նկարահանվելով տեսահոլովակում:

Նեպալում ավիավթարի պահը ցուցադրող տեսանյութ է հրապարակվել սոցիալական ցանցերում։ Կադրերում երևում է, թե ինչպես է Yeti Airlines ավիաընկերության ինքնաթիռը արագորեն իջնում ​​գետնին և կտրուկ շրջվում՝ արդեն շատ ցածր բարձրության վրա։ Լսվում է նաև ինքնաթիռի կործանման ձայնը։ Ավելի վաղ հաղորդվել էր, որ ինքնաթիռը, որում եղել է 68 ուղեւոր և անձնակազմի չորս անդամ, կործանվել է Նեպալի Պոխարա միջազգային օդանավակայանի թռիչքուղու վրա։ Երկրի ավիացիոն իշխանության ներկայացուցչի վերջին տվյալների համաձայն՝ փրկվածներ չկան: ՌԴ դեսպանատանը հայտնել են, որ, ըստ նախնական տեղեկությունների, ինքնաթիռում եղել է ՌԴ չորս քաղաքացի։ Ներկայումս փրկարարական աշխատանքները շարունակվում են, արտակարգ իրավիճակի պատճառները պարզվում են։

Հունվարի 15-ին, ժամը 03։36-ին Ճգնաժամային կառավարման ազգային կենտրոն ահազանգ է ստացվել, որ Երևանի Ղազար Փարպեցու փողոցի թիվ 4 շենքի մոտակայքում՝ կիսակառույց շինությունում, այրվում է կուտակած աղբ։ Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ։ Հրդեհը մեկուսացվել է ժամը 04։30-ին, մարվել՝ 05։49-ին։ Այրվել են կիսակառույց շինության փայտե առաստաղը (մոտ 40 քմ) և շինարարական աղբ:

Արցախը Հայաստանին կապող միակ ճանապարհը Ադրբեջանի կողմից արգելափակելու պատճառով ԱՀ Առողջապահության նախարարության «Հանրապետական բժշկական կենտրոն» ՓԲԸ-ից չորս հիվանդներ՝ «Ձախակողմյան հիդրոնեֆրոզ», «Հղիություն I, 13 շաբաթական, քրոմոսոմային տրիսոմիայի բարձր ռիսկ՝ Դաունի համախտանիշ, հիպոթիերոզ», «Աջ կրծքագեղձի մուլտիցենտրիկ քաղցկեղ» և «Անհասների ռետինոպաթիա IV-V աստիճան, ծիածանաթաղանթի ռուբիոզ, եղջերաթաղանթի պղտորում, լեյկոկորիա, աֆակիա» ախտորոշումներով, այսօր Կարմիր Խաչի միջազգային կոմիտեի միջնորդությամբ և ուղեկցությամբ տեղափոխվել են ՀՀ տարբեր մասնագիտացված բժշկական կենտրոններ։ Այս մասին հայտնում են ԱՀ առողջապահության նախարարությունից։ Մինչ այսօր Կարմիր Խաչի միջազգային կոմիտեի միջնորդությամբ և ուղեկցությամբ Արցախից Հայաստան են տեղափոխվել ընդհանուր 28 հիվանդ։

Նեպալում մարդատար ինքնաթիռի կործանման վայրում հայտնաբերվել է առնվազն 40 դի։ Այս մասին հայտարարել է երկրի ավիացիոն վարչակազմի ներկայացուցիչը։ BNO գործակալությունը, վկայակոչելով երկրի իշխանություններին, հայտնում է 30 զոհի մասին։ Նախկինում հաղորդվում էր 16 զոհի մասին։ Գործակալության տվյալներով՝ ինքնաթիռում եղել է 72 մարդ, այդ թվում՝ 10 օտարերկրյա քաղաքացիներ։ Վթարը տեղի է ունեցել Նեպալի արեւմուտքում գտնվող Պոխարա քաղաքում։ Ավիաընկերության պաշտոնական ներկայացուցիչ Սուդարշան Բարտոլայի խոսքով՝ «դեռ հայտնի չէ՝ կա՞ն արդյոք ինքնաթիռի կործանումից փրկվածներ»։ Նա մանրամասնել է, որ ֆրանս-իտալական ATR կոնցեռնի արտադրության ATR 72 մարդատար ինքնաթիռը տապալվել է գետնին։ Այն նախատեսված է մինչև 74 ուղևոր տեղափոխելու համար։

Վրաերթի ենթարկված 75-ամյա կինը հիվանդանոցում մահացել է: Այս մասին հակտնել են ՀՀ Ներքին գործերի նախարարության ոստիկանությունից: Հունվարի 12-ին՝ ժամը 18-ի սահմաններում, Կոտայքի մարզի, Վանահովիտ թաղամասի 69-ամյա բնակիչը վարելով «Վոլկսվագեն» մեքենան՝ Հալաբյան փողոցի 67/4 հասցեի մոտ վրաերթի է ենթարկել 75-ամյա Գոհար Վարդանյանին, ինչի հետևանքով նա մարմնական վնասվածքներով բուժօգնության է տեղափոխվել «Արմենիա» հանրապետական բժշկական կենտրոն: Նույն օրը 75-ամյա կինը վերակենդանացման բաժանմունքում գիտակցության չգալով մահացել է: Կատարվում է նախաքննություն:

Հունվարի 15-ին, ժամը 10։37-ին Ճգնաժամային կառավարման ազգային կենտրոն ահազանգ է ստացվել, որ Երևանի Մոնթե Մելքոնյան պողոտայում ավտոմեքենան շրջվել է․ կան արգելափակված քաղաքացիներ, հայտնում է ՀՀ ներքին գործերի նախարարության փրկարար ծառայությունը: Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ բախվել են «Opel» և «VAZ-2106» մակնիշների ավտոմեքենաները․ վերջինս շրջվել է։ Մինչ փրկարարների կանչի վայր հասնելը՝ երկու տուժած ուղևոր հոսպիտալացվել են։ Փրկարարները «VAZ-2106» մակնիշի ավտոմեքենայի վարորդին դուրս են բերել արգելափակումից և մոտեցրել շտապօգնության ավտոմեքենային։

Թուրքիայի Էլազիգ նահանգում 4,9 մագնիտուդ ուժգնությամբ երկրաշարժ է տեղի ունեցել, հայտնում է Anadolu- լրատվական գործակալությունը։ Թուրքիայի կառավարությանն առընթեր արտակարգ իրավիճակների կանխարգելման եւ հետեւանքների վերացման գրասենյակի (AFAD) տվյալներով՝ ստորգետնյա ցնցումները գրանցվել են տեղական ժամանակով ժամը 06:36-ին։ Երկրաշարժի էպիկենտրոնը գտնվել է Սիվրիջե շրջանում՝ 17,9 կմ խորության աղբյուրով։ Զոհերի եւ ավերածությունների մասին տեղեկություններ չկան։ Էլազիգը քաղաք եւ շրջան է Արեւելյան Թուրքիայում՝ Արեւելյան Անատոլիայում։

Ռուս մարզիչ Ալեքսանդր Գրիգորյանը մեկնաբանել է ուկրաինացի Ալեքսանդր Պետրակովի նշանակումը Հայաստանի հավաքականի գլխավոր մարզչի պաշտոնում։ «Սկզբունքորեն կասեմ, որ ես չափազանց բացասաբար եմ նայում Պետրակովի նշանակմանը։ Ես ինքս ռուսատանցի եմ, ծնվել եմ Հայաստանում, բայց մեծացել եմ Ռուսաստանում, բայց երբ խոսքը վերաբերում է Հայաստանի հավաքականին, միշտ ասել եմ, որ գլխավոր մարզիչը պետք է հայ լինի։ Սա չի նշանակում, որ ես սա ընդունում եմ ազգայնական տեսանկյունից, բայց ես դա գործնականում զգացել եմ և եկել եմ այս եզրակացության։ Հայաստանի առաջնությունում լավ ակումբներում շատ պաշտոններ զբաղեցնում են արտասահմանցիները։ Կարելի է նշել Ջեւան Չելոյանցին, Արթուր Սողոմոնյանին, սրանք այն մարդիկ են, ովքեր Հայաստանում ակադեմիա են կառուցում, ներդրում են անում մանկապատանեկան ֆուտբոլում, շատ լուրջ են վերաբերվում այս ամենին։ Միայն հայը կարող է հասկանալ խաղացողների մտածելակերպը և թիմին մոտիվացնել, ուստի ես կտրականապես դեմ եմ Պետրակովի նշանակմանը։ Գիտեմ, որ Հայաստանի ֆեդերացիան դիտարկել է հայ մարզիչներին և վստահ է եղել, որ ընտրելու են նրանցից մեկին։ Լավագույն թեկնածուն, իմ կարծիքով, Եղիշե Մելիքյանն է, ով «Փյունիկին» դուրս բերեց չեմպիոնություն և շատ լավ արդյունք ու որակյալ խաղ ցուցադրեց եվրոպական մրցաշարերում, ինչի շնորհիվ հայկական ֆուտբոլը սկսեց լրջորեն վերաբերվել Եվրոպայում»,- Գրիգորյանի խոսքերն է մեջբերում «Матч ТВ»-ն։ Նախկինում Պետրակովը զբաղեցնում էր Ուկրաինայի ազգային հավաքականի գլխավոր մարզչի պաշտոնը։

Հունվարի 15-ից 30 օրով արտակարգ դրություն է մտցվել Պերուի մի շարք շրջաններում՝ երկրում սոցիալական բողոքի ակցիաների ֆոնին, ասվում է կառավարության որոշման մեջ։ «2023 թվականի հունվարի 15-ից երեսուն օրացուցային օր ժամկետով արտակարգ դրություն հայտարարել Պունո, Կուսկո, Լիմա շրջաններում, սահմանադրական Կալաո գավառում, Ապուրիմակ դեպարտամենտի Անդահուայլաս գավառում։ Մադրե դե Դիոս դեպարտամենտի Տամբոպատա և Տաուամանու նահանգները, ինչպես նաև Տորատա շրջանում»,- ասված է կառավարության որոշման մեջ, որը հրապարակվել է Peruano թերթում։ Ինչպես նշված է հրամանագրում, ոստիկանությունը երկրում պայմանագրային վերահսկողություն է իրականացնում զինված ուժերի աջակցությամբ։ 2022 թվականի դեկտեմբերի 7-ին Պերուի նախագահ Պեդրո Կաստիլյոն ցրեց խորհրդարանը, որը պետք է երրորդ անգամ քննարկեր նրա իմփիչմենթը։ Սակայն խորհրդարանականները դեռ հավաքվել են հանդիպման և որոշել Կաստիլյոյի հրաժարականը։ Զինվորականներն ու ոստիկանները դեմ են արտահայտվել Կաստիլյոյի որոշմանը, և նա ձերբակալվել է խռովության և իշխանության չարաշահման մեղադրանքով։ Նախկինում փոխնախագահ Դինա Բոլուարտեն Կոնգրեսում երդվել է որպես Պերուի նախագահ և դարձել առաջին կինը, ով զբաղեցրել է այդ պաշտոնը: Նախկին նախագահի կողմնակիցները բողոքի ցույցեր են անցկացնում 2022 թվականի դեկտեմբերի 10-ից, որոնց արդյունքում, վերջին տվյալներով, զոհվել է առնվազն 48 մարդ։ Պերուի գլխավոր դատախազությունը հետաքննություն է սկսել նախագահ Բոլուարտեի և վարչապետ Ալբերտո Օտարոլայի դեմ ցեղասպանության գործով` բողոքի ցույցերի արդյունքում մարդկանց մահվան պատճառով:

Արցախյան հակամարտության 30-ամյա աղմուկի ու լռության մասին է քաղաքագետ Կարեն Բեքարյանի «Ճոճանակ»-ը: 600 էջում Բեքարյանը ներկայացրել է Լեռնային Ղարաբաղի շուրջ բանակցությունների ողջ ներկապնակը: Այն ձեռնարկ է հակամարտությամբ հետաքրքրվողների համար: «Ճոճանակը» նախ արցախցիների դատին է հանձնվել, այսօր տեղի է ունեցել գրքի երևանյան շնորհանդեսը:

Ո՞ր դեպքում կամ ինչ հանգամանքներ կարող են բարենպաստ դաշտ ստեղծել նոր ընտրությունների անցկացման համար այն դեպքում, երբ 1-2 ամիս առաջ, անհրաժեշտ երաշխիքների դիֆիցիտի պատճառով նույնիսկ առավել անշառ համարվող սահմանադրական հանրաքվեի գործընթացը կանգնեցվեց։ Այս մասին գրառում է կատարել ԱԺ «Պատիվ ունեմ» խմբակցության պատգամավոր Տիգրան Աբրահամյանը` անդրադառնալով Արցախում տեղի ունեցող քաղաքական գործընթացներին: «Արցախում ստեղծված քաղաքական ճգնաժամը փորձենք դիտարկել ընտրական գործընթացների տեսանկյունից։ Պայմանականորեն ընդունենք, որ Արցախի Արայիկ Հարությունյանը զբաղեցրած պաշտոնից, իր կամքին հակառակ, հեռացնում է պետնախարար Ռուբեն Վարդանյանին, ապա ինչպես ինքն է պնդում՝ հրաժարական տալիս։ Ցրվում է նաև խորհրդարանը։ 2020 թվականի 44-օրյա պատերազմից հետո, երբ Արցախում այլ բնույթի ճգնաժամ էր և առաջին հերթին նախագահի հրաժարականի պահանջ կար, քննարկվում էր նոր իրողությունների պայմաններում խորհրդարանի վերաձևավորելու հարցը, խոչընդոտող հիմնական հանգամանքն Ադրբեջանն էր, որի սպառնալիքի պայմաններում այդպես էլ նոր ընտրություն չնշանակվեց։ Ընդ որում՝ և՛ նախագահի հրաժարականի պահանջ կար, և՛ ինքը՝ Հարությունյանը նման ցանկություն ուներ, սակայն ներքին և արտաքին երաշխիքների բացակայության պայմաններում այդպես էլ ընտրություն չեղավ։ Հիմա։ Ո՞ր դեպքում կամ ինչ հանգամանքներ կարող են բարենպաստ դաշտ ստեղծել նոր ընտրությունների անցկացման համար այն դեպքում, երբ 1-2 ամիս առաջ, անհրաժեշտ երաշխիքների դիֆիցիտի պատճառով նույնիսկ առավել անշառ համարվող սահմանադրական հանրաքվեի գործընթացը կանգնեցվեց։ Առաջին, Ադրբեջանը տվել է երաշխիք, որ ընտրությունների գործընթացին չի խոչընդոտի, այսինքն՝ խոշոր սադրանքի կամ ռազմական գործողության չի գնա։ Արցախի ու Ադրբեջանի ծայրահեղ լարված հարաբերությունների ֆոնին նման երաշխիքը կամ բացակայում է կամ դա ունի իր ծանր գինը։ Առհասարակ Ադրբեջանի հետ գործարքի մտնելն արդեն տապալում է։ Երկրորդ, Արայիկ Հարությունյանը ՀՀ իշխանության ճնշմամբ, իր ու Ռուբեն Վարդանյանի լարված հարաբերությունների լիցքաթափման միակ հնարավորություն տեսնում է նոր նախագահական ու խորհրդարանական ընտրությունների անցկացումը՝ անկախ նրանից, թե դա ինչ հնարավոր հետևանքների կհանգեցնի Արցախում։ Եթե տեսականորեն առաջիկա շաբաթ Արցախում Հարությունյանը հրաժարական տա, խորհրդարանը ցրվի, ապա սա առաջին հերթին պետական կառավարման համակարգի գլխատում կդիտվի 2 պատճառով։ Առաջին, Ադրբեջանի հարուցած խոշոր քաղաքական ու դրանից բխող հումանիտար ճգնաժամի պայմաններում երկիրն «անգլուխ» թողելն ինքնին ծանր սպառնալիք է։ Երկրորդ, եթե նույնիսկ Ադրբեջանի հետ գործարքի են գնացել, սակայն իր վարքագծի համաձայն Ադրբեջանը խախտի պայմանավորվածությունը, ապա Արցախի առանց այդ էլ խախուդ սուբյեկտայնությունը կվախճանվի։ Այս վիճակը բխում է ՀՀ իշխանության՝ Արցախի որդեգրած քաղաքական կուրսից, որովհետև կհեշտացնի Արցախի հանձնումը։ Ընդ որում՝ նիկոլական ռեժիմը այս խնդիրը փորձում է լուծել հենց արցախցիների ձեռքերով, որպեսզի հետո ասի՝ ես ինչ անեմ, արցախցիներն իրենց ձեռքով իրենց գերեզմանաքարը դրին։ Սա բնականաբար բխում է Ադրբեջանի առաջնային շահից և սրան հասնելու համար Ադրբեջանը պատրաստ կլինի և՛ միջանցքը ժամանակավոր բացել, և՛ այլ կարճաժամկետ բնույթի «խրախուսանքներ» մատուցել։ Այնպես որ, Արցախը ևս մեկ լուրջ սպառնալիքի առաջ է կանգնում՝ մինչև այս պահը կուտակած ծանր ռիսկերը չհաղթահարած, սակայն սա կարող է լինել վերջին հնարավորությունը»,,- գրել է նա։ Հիշեցնենք, որ նախօրեին լրատվամիջոցներում տեղեկություններ էին շրջանառվում Ռուբեն Վարդանյանի հնարավոր պաշտոնանկության մասին, ինչը սակայն հերքեց անձամբ Վարդանյանը` հայտնելով, որ չի պատրաստվում հրաժարական տալ, միեւնույն ժամանակ անթույլատրելի համարելով նախագահի եւ ԱԺ նախագահի հրաժարականը ստեղծված իրավիճակում:

«Ճանապարհային դեպարտամենտ» հիմնադրամը տեղեկացնում է, որ հունվարի 15-ին՝ ժամը 10։00-ի դրությամբ, միջպետական և հանրապետական նշանակության բոլոր ավտոճանապարհները բաց են: Ավելի վաղ ՀՀ ԱԻՆ-ը հայտնել էր, որ ՀՀ տարածքում կան փակ ավտոճանապարհներ։ Փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և Քարի լիճ տանող ավտոճանապարհները։ Լարսի մասին Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ Վարորդներին խորհուրդ է տրվում երթևեկել բացառապես ձմեռային անվադողերով։

Նեպալում ինքնաթիռը կործանվել է թռիչքուղու վրա, հայտնում է The Kathmandu Post-ը։ Դա տեղի է ունեցել Պոխարայի միջազգային օդանավակայանում։ Ինքնաթիռը պատկանել է Yeti Airlines-ին։ Նրա ներկայացուցչի խոսքով՝ ինքնաթիռում եղել է 68 ուղևոր և անձնակազմի չորս անդամ։ Օդանավակայանը փակ է, կատարվում են փրկարարական աշխատանքներ։ Վթարի պատճառները հետաքննվում են։

Իտալիայի ֆուտբոլի առաջնության 18-րդ տուրում «Ինտեր»-ը մրցել է «Վերոնա»-ի հետ: «Արմենպրես»-ի հաղորդմամբ` «Ինտեր»-ին հաջողվել է հանդիպման հաշիվը բացել խաղի մեկնարկային 3-րդ րոպեին: Գոլի հեղինակ դարձել է Լաուտարո Մարտինեսը: Խաղի ամբողջ ընթացքում «Վերոնա»-ին այդպես էլ չի հաջողվել հետ բերել կորցրածը և «Ինտեր»-ը հաղթել է նվազագույն առավելությամբ: Հայաստանի ֆուտբոլի ազգային թիմի նախկին ավագ Հենրիխ Մխիթարյանը «Ինտեր»-ի մեկնարկային կազմում էր, սակայն փոխարինվել է 77-րդ րոպեին: «Ինտեր»-«Վերոնա»` 1:0: Այս հաղթանակից հետո «Ինտեր»-ը մրցաշարային աղյուսակում 3-րդն է: